Radio Magara Times FM

10/06/2026

Kuba Uburundi bwarizewe bukarongora ubumwe bwa afrika nikimwe mu bimenyetso c'icizere Bufitiwe.

Vyashikirijwe na Edouard Bizimana Umushikiranganji w'Imigenderanire y'Uburundi n'Ayandi Makungu i Bujumbura mu nama yo kuri uyu wa 9.Ruheshi 2026 yarigamije guhanahana ivyiyumviro ku burongozi bw'Uburundi mu muryango w'African Union.

Iyo nama yahuje abaserukira inzego za Reta, amashirahamwe mpuzamakungu, abafatanyabikorwa mw'iterambere n'abikorera utwabo kugira baganire ku mahirwe n'ibibazo bifitaniye isano n'ubwo burongozi.

Umushikiranganji w'Imigenderanire y'Uburundi n'Ayandi Makungu, Edouard Bizimana, yavuze ko kuba Uburundi burongoye Ubumwe bwa Afrika ari ikimenyetso c'icizere bwagiriwe n'ibihugu bigize uwo muryango. Yashimangiye ko ari akaryo ko gukomeza ijwi ry'Uburundi ku rwego mpuzamakungu no gutanga intererano mu gushira mu ngiro imigambi ya Afrika 2063 hamwe n'imbonakazoza y'Uburundi yo kuba igihugu cifashe mu 2040 kandi giteye imbere mu 2060.

Abafasha mw'iterambere barongowe n'uwuserukira United Nations mu Burundi, Violet Kakyomya, baremeje ko bazobandanya gushigikira Uburundi muri uwo murimo. Na we uwuserukira Ubumwe bwa Afrika mu karere k'Ibiyaga Binini, Sghair M'Bareck Said, yashimye uruhara rw'Uburundi mu guteza imbere amahoro, ugushira hamwe kw'ibihugu vya Afrika n'iterambere ry'umugabane.

Abitavye iyo nama baraganiriye ku bibazo nyamukuru vya Afrika birimwo umutekano, ubutunzi, ubudandaji hagati y'ibihugu vya Afrika, uruhara rw'abikorera utwabo n'ifashwa ry'impunzi. Barashimikiye kandi ku mahirwe atangwa n'amasezerano y'isoko rusangi rya Afrika, African Continental Free Trade Area, mu guteza imbere ubudandaji n'iterambere rirama.

Iyo nama yasozerewe n'uguhamagarira bose gukorera hamwe kugira hashigikirwe imigambi ya Afrika 2063 n'imbonakazoza y'Uburundi 2040-2060.

09/06/2026

ACC MUYINGA RENFORCE SON LEADERSHIP POUR ACCÉLÉRER LE DÉVELOPPEMENT DU CRICKET DANS LA COMMUNE DE MUYINGA

MUYINGA, 9 juin 2026 – Une nouvelle étape importante vient d’être franchie dans le développement du cricket à Muyinga. L’Association Communale de Cricket de Muyinga (ACC Muyinga), également connue sous le nom de Cricket Muyinga, a officiellement mis en place son Comité Exécutif pour un mandat de cinq ans, conformément aux statuts régissant les Associations Communales de Cricket affiliées à la Fédération de Cricket du Burundi (FCB) à travers leurs Associations Provinciales de Cricket (APC)....

08/06/2026

🔴 Musaga: Inzego z’umutekano zahagurukiye ikibazo c’ubugizi bwa nabi bwari bumaze imisi bwibonekeza muri zone Musaga.

Kuri uyu wa 6 Ruheshi 2026, muri karitiye Kamesa yo muri zone Musaga habereye inama y’umutekano yari yitabwe n’inzego z’umutekano zirimo igisoda n’igiporisi, hamwe n’abajejwe intwaro muri iyo zone.

Iyo nama yari iyobowe na Chef de Zone Musaga, Magnus Niyokindi, mu ntumbero yo kurimbura hamwe ingingo zokongera gukomeza umutekano w’abanyagihugu.

Mu majambo yiwe, Chef de Zone Musaga yamenyesheje ko muri iyi minsi iheze hari hamaze kwibonekeza ibikorwa vy’ubugizi bwa nabi, cane cane muri karitiye Gasekebuye, aho abagizi ba nabi bitwaje imipanga basahura abantu babanje kubatera ubwoba. Yashimye ariko ko kubera ubufatanye bw’inzego z’umutekano n’abajejwe intwaro, umutekano uriko urasubira kugaruka muri ako karere.
Yarashimiye kandi karitiye Kamesa kubera uruhara rwayo mu gukingira umutekano, avuga ko abagizi ba nabi bahora bategera abantu ku kiraro co muri iyo karitiye bamaze guhagarikwa no gutuzwa bivuye ku bufatanye bw’uwutwara karitiye hamwe n’inzego z’umutekano.

Ku ruhande rw’igisoda, Capitaine Prosper Nkurunziza, yari yaserukiye Umugaba w’Ikambi ya Muha, yavuze ko naho igisoda gifise amabanga yo kurinda imbibe z’igihugu, ciyemeje kandi gufasha abajejwe intwaro n’izindi nzego mu kurwanya imigwi y’abagizi ba nabi n’amarigara akunze guhungabanya umutekano w’abanyagihugu muri zone Musaga.

Mu gusozera iyo nama, icegera c’uwutwara umugambwe CNDD-FDD muri Komine Mugere, Lewis Niyongabo, yahamagariye abavyeyi kwitwararika cane indero y’abana babo. Yavuze ko ingeso mbi zimwezimwe zigaragara mu rwaruka ziterwa ahanini n’ukubura uburere n’ukurikirana abana uko bikwiye mu miryango yabo.

Abari bitavye iyo nama bose basavye ko ubufatanye hagati y’abanyagihugu, inzego z’umutekano n’abajejwe intwaro bwobandanya kugira umutekano usagambe muri zone Musaga no mu micungararo yayo.

08/06/2026

🔴🇧🇮 Burundi: Hibutswe imyaka 6 iheze umuhisi Perezida Petero Nkurunziza yitavye Imana.

Kuri uyu wa mbere, igenekerezo rya 8 Ruheshi 2026, mu Burundi hibutswe ku ncuro igira gatandatu imyaka itandatu iheze umuhisi Perezida w'Uburundi, Pierre Nkurunziza, yitavye Imana.

Ibirori vyo kumwibuka vyabereye ku ntatemwa yiwe iri mu gisagara ca Gitega, ku murwa mukuru wa politike w'Uburundi. Vyari vyitabwe na Nyenicubahiro Perezida wa Repubulika y'Uburundi, Évariste Ndayishimiye, ari kumwe n'umutambukanyi wiwe Angeline Ndayishimiye, hamwe n'izindi ndongozi zo mu nzego zitandukanye z'igihugu.

Muri uwo mugirwa, hatanzwe ubutumwa bw'inyigisho n'ukwibutsa Abarundi n'indongozi ko ubuzima bwo kw'isi ari ubw'igihe gito, bityo ko bakwiye kwamana umutima wo gukorera igihugu n'abanyagihugu ibikorwa vyiza bizosiga iragi ryiza mu mateka.

Abitavye uwo muhango bararonse kandi incamake y'ubuzima n'ibikorwa vyaranze umuhisi Perezida Pierre Nkurunziza, harimwo uruhara rwiwe mu guteza imbere amahoro, umutekano n'iterambere ry'igihugu.
Ibirori vyasozerejwe no gushira urugori rw'amashurwe ku ntatemwa ya nyakwigendera.

Ico gikorwa caranguwe na Perezida Évariste Ndayishimiye n'umutambukanyi wiwe, hanyuma gikurikirwa n'ugushira amashurwe kw'umuryango wa nyakwigendera hamwe n'abaserukira ibihugu vyabo mu Burundi, mu kimenyetso co kumuha icubahiro no kwibuka ivyo yakoreye igihugu.

07/06/2026

Muyinga DCA Set to Launch Historic U19 Division 4 T10 Cricket Leagues for Boys and Girls

June 7, 2026 | Muyinga, Burundi: Cricket development in Muyinga District is reaching an exciting new milestone as the Muyinga District Cricket Association (Muyinga DCA), popularly known as Cricket Muyinga, prepares to launch its maiden U19 Division 4 T10 Cricket Leagues for both boys and girls in the coming months. The groundbreaking initiative marks a significant step forward in the continued expansion of grassroots cricket across Muyinga District and reinforces the commitment of local cricket leaders to building a strong and sustainable youth cricket pathway for future generations....

June 7, 2026 | Muyinga, Burundi: Cricket development in Muyinga District is reaching an exciting new milestone as the Muyinga District Cricket Association (Muyinga DCA), popularly known as Cricket …

06/06/2026

Imitumba 2 yo muri zone Magara igiye kuronswa umuyagankuba.
==================
Ivyo vyavugiwe mu bikorwa rusangi vyabaye kuri uyu wa gandatu kuwa 06 Ruheshi 2026 vyo gusibura ibarabara rihuza imitumba ya Magara, Mugendo na Kazigo yo muri zone Magara Komine Muhuta.

Ivyo bikorwa vyitabiriwe n'abatwara imitumba yose igize zone Magara, Umukuru wa zone Magara hamwe n'abenegihugu na basanzwe barongoye umugambwe uri Ku butegetsi -FDD muri zone Magara.

Mw'ijambo ryiwe umunyamabanga w'umugambwe CNDD-FDD muri zone Magara yamenyesheje ko ivyo bikorwa vyatunganijwe mu kwitegurira no gutegura aho imodokari zizotwara ama poto y' umuyagankuba Ku mitumba ya na kugira zizohace vyoroshe. Uwo munyamabanga akaba yarangije yibutsa Abagumyabanga bo muri zone Magara kwitegurira amatora yimirije y' Umukuru w'igihugu yo 2027.

Umukuru wa zone Magara mw'ijambo ryiwe nawe yasavye Abengihugu kwirinda kuzindukira kunzoga ahubwo bazindukire mu bikorwa vy'iterambere. Uwo aramutswa zone Magara yibukije kandi Abengihugu ko kizira kudandadaza no kwihereza inzoga z'ibibangara ko uwuzofatwa azohanywa yongere yerekane aho yazikuye bahanywe bose.

06/06/2026

EBEN-EZER CC Girls domine HOSANNA CC Girls et confirme ses ambitions dans la BCF Junior Cricket Kayanza U19 Division 4 League

KAYANZA, Burundi – 11 avril 2026 – Le terrain de Gatwaro Field a vibré ce samedi au rythme du cricket féminin à l'occasion du sixième match de la BCF Junior Cricket | Cricket Kayanza U19 Girls Division 4 T10 League. Opposant EBEN-EZER CC Girls à HOSANNA CC Girls, cette rencontre a offert un spectacle prometteur pour l'avenir du cricket féminin burundais....

KAYANZA, Burundi – 11 avril 2026 – Le terrain de Gatwaro Field a vibré ce samedi au rythme du cricket féminin à l’occasion du sixième match de la BCF Junior Cricket | Cricket Kayanza U19 Girl…

06/06/2026

Imitumba 7 yo mu ma zone ya Muhuta na Gitaza niyo yaraye ironkejwe amazi meza n’inyuma y’imyaka myinshi Abenegihugu barindiranye igishika amazi meza.

Umugende w’amazi wa wubatswe n’ikigo kijejwe isuku n’amazi meza hagati mu gihugu (AHAMR) ushobora gusesa iritiro 6,85 kw’isegonda, ugizwe na kilometero 31 709 ku ngo 2103 zaronkejwe amazi niwo waraye ushikirijwe kuri uyu wa gatanu kuwa 05 Ruheshi 2026 ku mugwa mukuru wa komine Muhuta ku Muhuta mu birori vyari vyatewe iteka n’ Umunyamabanganga ntanyeganyezwa mu Bushikiranganji mu vyo Umushikiranganji muvyo bujejwe harimwo ubutare, amasoko ntanga nguvu,amahinguriro, ubudandaji n'ingezi n’abandi Banyecubahiro batandukanye.

Ibirori bikaba vyatangujwe n’urugendo aho abahinga berekanye uburyo ayo mazi akozwe n’ubuhinga burimwo bongera barasigura ingene ibikorwa vyagenze mu gihe bari ku mirimo.

Mw’ijambo ryiwe musitanteri wa komine Muhuta iyo ngabire yongera arashimira ba musitanteri bamubanjirije ku ngumvu bagiye barashiramwo kugira uwo mugende w’amazi uboneke yongera arashimira n’umuvuka komine yitanze mu murico gikorwa co kuzana amazi meza.

Musitanteri wa komine Muhuta akaba yasavye Abenegiguhu kwitwararika bikomeye ayo mazi na cane cane ahaca amatiyo. Yongera amenyesha uwaserukije Umushikiranganji ko muri komine Muhuta hakiri imitumba n’ibigwati bikibangamiwe n’ikena ry’amazi meza.

Uwaserukiye umushikiranganji akaba yasavye Abenegigu kuzitwararika gukingira uwo mugende wamazi wa yongera amenyesha abenegihugu ko uwo mugambi uzokwiragizwa mu gihugu cose. Rero Abenegihugu borema kuko mu mugambi w’igihugu ujanye n’amazi meza ntahazosigara hataronkejwe amazi meza.

Umwe mu benegihugu ati : Imana ikora ivyayo, Imana yararavye umuruho n’imyaka maze igihe c’amazi meza iravuga iti reka tubaronse amazi meza ya Mavugwe.
bavugako None ibombo bararizanye n’imbere y’inzu yanje baterekaho. Ntawutoshira Reta y’Uburundi.

Abenegihugu bo muri zone Muhuta na Gitaza baronkejwe ayo mazi bavugako mu ntwaro bakoranye na baduhaye inyigisho zikwiye z’ingene bazobungabunga ayo mazi meza baronse.
Imitumba 7 yaronkejwe amazi akaba ari Ruyobera, Buyenzi, Buringa, Muhuta, Kirombwe, Gitaza na Gasange.

05/06/2026

APC BUHUMUZA : UNE NOUVELLE ÉQUIPE DIRIGEANTE POUR ACCÉLÉRER LE DÉVELOPPEMENT DU CRICKET DANS L’EST DU BURUNDI

MUYINGA, 4 juin 2026 – Une nouvelle page de l’histoire du cricket burundais vient de s’ouvrir dans la province de Buhumuza. Réunis en ville de Muyinga, les responsables du cricket provincial ont officiellement mis en place le Comité Exécutif de l’Association Provinciale de Cricket de Buhumuza (APC Buhumuza) pour un mandat de cinq ans, conformément aux statuts régissant les Associations Provinciales de Cricket affiliées à la Fédération de Cricket du Burundi....

MUYINGA, 4 juin 2026 – Une nouvelle page de l’histoire du cricket burundais vient de s’ouvrir dans la province de Buhumuza. Réunis en ville de Muyinga, les responsables du cricket provincial ont of…

04/06/2026

Indirimbo z'Inkato ziriko zirazimangana ni uruhombo runini ku muco n'akaranga k'Uburundi.

Umwigisha muri Kaminuza, Sadiki Eliya, yamenyesheje ko ugutakara kw'indirimbo z'Inkato ari uruhombo runini ku Burundi, kuko ari kimwe mu bigize umuco n'akaranga vyaranze Abarundi kuva kera.

Ibi yabishikirije kuri uyu wa 03 Ruheshi 2026, mu kiganiro yahaye abanyamakuru cari gifise intumbero yo kwibutsa Abarundi ak**aro ko kuzigama no guteza imbere imigenzo n'imico vya kera.

mwigisha Yashimikiye ku vy'uko igihugu cose iyo gitakaza bimwe mu biranga umwimerere waco iyo imico k**a itanguye kwibagirwa canke kuzimangana Burundu ruba uruhombo .

Sadiki Eliya akabandanya avuga ko mu bihe vya kera habaho ibikorwa bitandukanye vyahurizako abantu benshi, harimwo n'ivyo gutarura ibiraro, aho usanga haririmbwa kandi hakavyinwa indirimbo zitandukanye zirimwo n'iz'Inkato nimugihe Ubu hasigaye haririmbwa indirimbo zimana. Ivyo bikorwa vyafasha mu gutsimbataza umuco, gukomeza imigenderanire myiza no guhuza abanyagihugu.

Yagaragaje ko muri iki gihe vyifashe ukundi, kuko usanga umuntu ashobora gutera urukato canke gutegura ibirori biranga umuco, ariko hakabura abitabira ku rugero rwahora ruboneka. Kuri we, ivyo ni ikimenyetso cerekana ko hari imico imweimwe iriko iratituka buhoro buhoro.
Yongeye kuvuga ku co hambere citwa imikomo, asigura ko cari igikorwa cahuza abantu benshi bakagenderanira, bagakomana kandi bagasabikanya. Ivyo vyafashaga mu gutsimbataza ubumwe, urukundo n'ubufatanye hagati y'abanyagihugu.

Uwo muhinga akaba asaba Abarundi, cane cane urwaruka, kugira uruhara mu kubungabunga no guteza imbere imico k**a y'Uburundi kugira ngo ntizizimangane, ahubwo zigume zifasha mu kwubaka igihugu gifise akaranga n'umwimerere wabwo akaba yaribukije abarundi ko ari abarundi atari abahindi canke abashinwa ari naco cotuma tuguma kugash*tsi ka kera.


na karanga