Radio Voix de la Réconciliation

Radio Voix de la Réconciliation Contact information, map and directions, contact form, opening hours, services, ratings, photos, videos and announcements from Radio Voix de la Réconciliation, Radio Station, Muyinga.
(1)

🌲 🇧🇮
16/01/2026

🌲
🇧🇮

*_Ijambo ry’Umukama, indwi ya 1 yo mu gihe gisanzwe co mu mwaka, ku wa gatanu, années paires_**IGISOMWA CA MBERE*_Ivyo d...
15/01/2026

*_Ijambo ry’Umukama, indwi ya 1 yo mu gihe gisanzwe co mu mwaka, ku wa gatanu, années paires_*

*IGISOMWA CA MBERE*

_Ivyo dusoma mu gitabu ca mbere ca Samuweli (8, 4-7.10-22a)_

Muri irya misi, abakurambere b’Israyeli bose barakorana, baja i Rama kwa Samuweli, bamubarira bati: «Raba, uriko urasaza kandi abahungu bawe ntibigenza nkawe. N’utwimikire umwami, atugabe, nk’uko bigirwa mu ntara zindi.» Ariko Samuweli arababazwa n’aya majambo ngo: «N’utwimikire umwami atugabe», araheza asaba Umukama. Umukama abarira Samuweli ati: «Niwemerere abo bantu ico bakwatse cose, kuko atari wewe banse, ariko ni jewe banse ngo simbe umwami wabo.» Samuweli arashikiriza ayo majambo yose y’Umukama abari bamusavye umwami, ababarira ati: «Umve ingene umwami wanyu azobaganza: azotwara abahungu banyu abashinge gukora ivy’imikogote n’ivy’amafarasi, kandi bazokwiruka imbere y’umukogote wiwe. Abandi azobashinga kugaba ingabo, bamwe nk’intwazangabo igihumbi, abandi nk’intwazangabo mirongo itanu; abandi azobarungika kumurimira, kumwimburira n’ugucura ibirwanisho vyiwe n’ivyuma vy’imikogote yiwe. Abakobwa banyu azobatwara na bo nyene, abarungike gutegura imibavu, guteka n’ugucumba. Azotwara imirima yanyu, imizabibu yanyu be n’imirima yanyu myiza y’imizeti, ngo abigabire abantu biwe. Ic’icumi c’ivyo muzoba mwimbuye mu mirima yanyu no mu mizabibu yanyu, azogitoza ngo agabire ababwiriza biwe n’abasuku biwe. Abasuku banyu n’incoreke zanyu, inka n’indogobwe zibagirira akamaro, azobitwara ngo abikoreshe ibikorwa vyiwe. Azotwara ic’icumi c’ibitungwa vyanyu, namwe nyene abagire abaja biwe. Kuri urya musi, muzoboroga kubera uwo mwami mwitoreye, ariko uwo musi nyene nta co Umukama azobishura.» Ariko abantu baranka kwumva ayo Samuweli yababariye, baramuhakanira bati: «Ntaco bizoba! Tuzoronka umwami, ngo tumere natwe nk’izindi ntara zose; umwami wacu azoducira imanza, ni we azotuja imbere akaturwanira mu ntambara.» Ayo majambo y’ishengero amaze kuyumva yose, Samuweli arayashikiriza Umukama. Umukama aramwishura ati: «N’ubahe ico basavye, ubimikire umwami.»

```Iryo ni Ijambo ry’Umukama.```

*IZABURI 88 (89) 16-17, 18-19*

_Icit. Urukundo rwawe, Mukama, ndaruririmba ubudahengeshanya._

Barahiriwe abantu bazi gutera impundu Umukama, bazogendera imbere y’inyonga zawe zikayangana, Mukama; izina ryawe ribatera akanyamuneza igihe cose, ubuntungane bwawe bukarushiriza kubahimbara.

Ububasha bwabo burangiranwa kubera Wewe, ubutwari bwacu ubuserura mu kudutonesha; nkako, Umukama ni We nkinzo yacu, uwo mweranda w’Israyeli ni We Mwami wacu.

*INKURU NZIZA*

*_Aleluya, aleluya_*

_Imana ni yo yatumye abantu b’isi buzura na yo muri Kristu, yongera idushiramwo ijambo ry’ubwo bwuzure._

*_Aleluya_*

_Ivyo dusoma mu Nkuru nziza ya Yezu Kristu nk’uko yashikirijwe na Mariko (2, 1-12)_

*Haciye imisi, Yezu agaruka i Kafaranawumi. Abantu rero bumvise rero ko yari imuhira, bararundana gushika aho ikibanza gikeha, n’imbere y’umuryango haruzura. Na we rero arabashikiriza Ijambo. Haza rero abamuzaniye ikimuga kiteruwe n’abantu bane. Babuze ingene bomumushikiriza kubera ishengero, buburura igisenge, hejuru y’aho yari ari, bururukiriza muri ico kibanza inderuzo ca kimuga cari kiryamyeko. Yezu abonye ukwemera kwabo, abarira ca kimuga ati: «Mwananje, ibicumuro vyawe urabirekuriwe.» Hagasangwa harimwo abanditsi bicaye aho, bariyumvira mu mutima ngo: «Ni kuki uyo muntu avuga atyo? Aratuka Imana. Ni nde ashobora kurekura ibicumuro atari Imana yo nsa?» Buno nyene, Yezu amenye n’ubwenge bwiwe ivyo vyiyumviro vyabo, arababarira ati: «Ni kuki mwiyumvira ivyo mu mitima yanyu? Mbe icoroshe muri vyose ni iki: kubwira ico kimuga nti: ibicumuro vyawe urabirekuriwe, canke nti: haguruka wikorere inderuzo yawe, wigire? None, kugira mumenye ko Umwana w’umuntu ari n’ububasha bw’ukurekura ibicumuro kw’isi…», aca abwira ca kimuga ati: «Ndabikubwirije, va hasi, hitana inderuzo yawe, ugende imuhira.» Wa muntu ava hasi, aca ahitana ya nderuzo, arasohoka bose bamubona; mbere bose barajorerwa, bibatuma n’ugushemeza Imana, bavuga bati: «Nta bintu nk’ivyo twari bwigere tubona.»*

```Iryo ni Ijambo ry’Umukama.```

📽
15/01/2026

📽

*_Ijambo ry’Umukama, indwi ya 1 yo mu gihe gisanzwe co mu mwaka, ku wa kane, années paires_**IGISOMWA CA MBERE* _Ivyo du...
14/01/2026

*_Ijambo ry’Umukama, indwi ya 1 yo mu gihe gisanzwe co mu mwaka, ku wa kane, années paires_*

*IGISOMWA CA MBERE*

_Ivyo dusoma mu gitabu ca mbere ca Samuweli (4, 1-11)_

Muri irya misi, Abanyisrayeli bari bashinze insago zabo i Ebenezeri, Abafilisti na bo i Afeki; Abanyisrayeli rero barasohoka ngo batere Abafilisti, na bo baratonda urugamba ngo barwanye Abanyisrayeli. Bamaze gutana mu mitwe, Abanyisrayeli baratsindwa n’Abafilisti: abantu nk’ibihumbi bine baricwa muri urwo rugamba. Ingabo zish*tse mu nsago, abakuru b’Israyeli barabazanya bati: «Igituma Umukama yemeye ko dutsindwa uyu musi n’Abafilisti ni iki? Tugende kurondera Isandugu ry’Isezerano y’Imana yacu, turikure i Silo turizane ngaha, hagati yacu, kugira ngo ridukize ububasha bw’abansi bacu.» Ni uko rero ingabo zituma i Silo ngo zikureyo Isandugu ry’Isezerano ry’Umukama Nyeningabo avyagiye ku bakerubini; bene Heli bompi, Hofuni na Pinehasi, baraherekeza isandugu. Isandugu ry’Umukama rish*tse mu nsago, Abanyisrayeli bose baciye batera impundu, isi irāsīra. Abafilisti ngo bumve iyo mpundu, barabazanya bati: «Iyo mpundu batera mu nsago z’Abanyisrayeli ni iy’iki?» Barahava baramenya ko isandugu ry’Umukama ryari ryash*tse mu nsago zabo. Bica bibatera ubwoba, bavugana bati: «Imana yash*tse mu nsago zabo!» Bati: «Erega turapfuye! Ntaho twari bwabone ben’ivyo. Eka, turapfuye! Ni nde yodukiza mu kudukura mu maboko y’iyo Mana ihambaye? Ni Yo yazaniye Abanyamisiri ivyago bitari bike. Mwa Bafilisti, nimugumye umutima kandi murwane rugabo, kugira ngo ntimube abaja b’Abahebereyi nk’uko bahora ari abaja banyu: mugumye umutima rero kandi murwane rugabo.» Abafilisti baciye bavyukira rimwe ngo bagende gutera Abanyisrayeli, maze Abanyisrayeli baratsindwa, umwe wese agahungira mu nsago; habaye agatikizo gahambaye, no mu Banyisrayeli hapfa ingabo ibihumbi mirongo itatu. Isandugu ry’Imana rirafatwa mpiri, kandi abahungu bompi ha Heli, Hofuni na Pinehasi, baricwa na bo nyene.

```Iryo ni Ijambo ry’Umukama.```

*IZABURI 43 (44) 10-11,14-15,24-25*

_Icit. Turokore, Mukama, kubera urukundo rwawe._

Ubu waradutaye kandi uradutetereza: ntugiherekeza inteko zacu, utuma twirukanwa n’abansi bacu, nayo abatwanka bakatunyaga ata nkomanzi.

Utuma abo dusangiye imbibe badutuka, baturaba nk’agahabwa kandi badutwenga; utuma intara zitugira iciro ry’umugani, ibihugu bitubona bigakutsa agatugu.

Ikangure, ni kuki usinziriye ga Mukama? Ikangure ntuduhebe akagirire. Ni kuki utwihisha, ubwo wibagiye umukazo badutwaje n’ubworo turimwo?

*INKURU NZIZA*

*_Aleluya, aleluya_*

_Umutima wanje uriteze Umukama, ijambo ryiwe ni ryo niteze._

*_Aleluya_*

_Ivyo dusoma mu Nkuru nziza ya Yezu Kristu nk’uko yashikirijwe na Mariko (1, 40-45)_

*Umusi umwe, umunyamibembe yegereye Yezu aramutakambira, akubita ibipfukamiro hasi ati: «Mukama, ubishatse wonkiza.» Imbabazi zivyutse, Yezu araramvura ukuboko aramukorako ati: «Ndabishatse, kira.» Buno nyene, imibembe iranyika, aca arakira. Yezu yamara aca amera nk’uwumuhambarira, aca aramusohora, amubarira ati: «Umenye ntugire uwo ubibwira; genda riho wiyereke umuherezankuka, utange kandi, kuko wakize, ivyo Musa yashinze; ni co kizokwereka igihugu ko wakize.» We rero yapfuye gusohoka, aca aja mu vyo kubivugira hejuru, n’ugukwiza ivyabaye: kiba ari co mbere kibuza Yezu kuba akigira igisagara yinjiramwo icese. Yaguma ahiherereye mu gahinga, kandi bakava irya n’ino bakamusangayo.*

```Iryo ni Ijambo ry’Umukama.```

13/01/2026

🌲 Ivyamwa vy'igisabisho ca .

🎤

*_Ijambo ry’Umukama, indwi ya 1 yo mu gihe gisanzwe co mu mwaka, ku wa gatatu, années paires_**IGISOMWA CA MBERE* _Ivyo ...
13/01/2026

*_Ijambo ry’Umukama, indwi ya 1 yo mu gihe gisanzwe co mu mwaka, ku wa gatatu, années paires_*

*IGISOMWA CA MBERE*

_Ivyo dusoma mu gitabu ca mbere ca Samuweli (3, 1-10.19-20)_

Muri irya misi, Samuweli yakorera Umukama imbere y’umuherezankuka yitwa Heli. Muri ico gihe, Umukama yavuga na buhoro, kandi ukubonekerwa kwari imbonekarimwe. Mugabo, umusi umwe, Heli yari aryamye mu mukingo iwe; amaso yiwe yari atanguye guhuma, mbere ntiyari agishobora kubona neza. Itara ry’Imana ntiryari bwazime. Samuweli na we yari aryamye mu ngoro y’Umukama, ahari isandugu ryeranda. Umukama rero aramuhamagara ati: «Samuweli! Samuweli!»; na we yishura ati: «Ndarengutse.» Aca yiruka kwa Heli, ati: «Ndarengutse kuko umpamagaye.» Heli na we ati: «Sinaguhamagaye, subira kuryama.» Aragenda kuryama. Umukama arasubira kumuhamagara ati: «Samuweli! Samuweli!» Aragenda kwa Heli ati: «Ndarengutse kuko umpamagaye.» Heli na we ati: «Mwananje, sinaguhamagaye, niwisubirire kuryama.» Samuweli ntiyari bwamenye Umukama, n’ijambo ryiwe ntiryari bwamushikire. Umukama asubira guhamagara Samuweli ubwa gatatu, na we arava hasi agenda kwa Heli ati: «Ndarengutse kuko umpamagaye.» Heli rero aca arategera ko ari Umukama yahamagaye nya mwana. Ni ko kubarira Samuweli ati: «Genda wiryamire, nihagira uwuguhamagara uraheza uvuge uti: “Yaga, Mukama, umusavyi wawe ariko arumviriza”.» Samuweli rero asubira kuryama mu kibanza ciwe. Umukama araza, arahangama aho. Arahamagara nka mbere ati: «Samuweli! Samuweli!»; Samuweli na we yishura ati: «Yaga, Mukama, umusavyi wawe ariko arumviriza.» Samuweli arakura. Umukama bari kumwe, nta na kimwe yigeze ata mu vyo yari yamubwiye vyose. Israyeli yose, kuva i Dani gushika i Berisheba, imenya ko Samuweli yari yashimwe ngo abe umuhanuzi w’Umukama.

```Iryo ni Ijambo ry’Umukama.```

*IZABURI 39 (40) 2.5, 7-8a, 8b-9, 10*

_Icit. Ndi hano, ndaje, Mukama, ndaje gukora ivyo ushaka._

Nari nizigiye Umukama nshimitse, yaranyegereye, arumviriza ingene ntera akamo. Hahiriwe umuntu yizigiye Umukama, atagendana n’ababisha bazingamiye mu binyoma.

Inkuka n’imperezwa vyari ubusa kuri Wewe: warantabaye ndabimenya. Eka ivyo baguhereza vyose nta vyo wari ushimitsemwo; ni ho nitora nti: «Ndi hano ndaje.»

Ivyanditswe kuri jewe mu Gitabu bintegereza gukora ivyo ushaka; Mana mfise, amabwirizwa yawe aranezereza kandi ndayashize ku mutima.

Narataziriye inkuru nziza ishengero rikoranye. Raba sinobinuma, ni ico wiyiziye, Mukama.

*INKURU NZIZA*

*_Aleluya, aleluya_*

_Turabikuzamvye, yaga, Mukama, abasuku bawe bariko barumviriza: ni Wewe ufise amajambo y’ubuzima budahera._

*_Aleluya_*

_Ivyo dusoma mu Nkuru nziza ya Yezu Kristu nk’uko yashikirijwe na Mariko (1, 29-39)_

*Bavuye mw’isinagoga, Yezu ari kumwe na Yakobo na Yohani, barora kwa Simoni na Andreya. Inabukwe wa Simoni yari ku musego, arwaye inyonko. Buno nyene, baca baramuvugira. Na we aramwegera amufata ukuboko aramuvyura. Nya nyonko ica irakira, aja mbere mu vyo kubazimana. Ku mugoroba izuba rirenze, bamuzanira abarwaye bose n’abasazwa n’amashetani. Igisagara cose cari cakoraniye imbere y’inzu. Akiza abarwaye benshi bababaye kwinshi; amashetani na yo, akayirukana yose kandi ntiyayareka ngo avuge, kuko yari azi uwo ari we. Bukeye, Yezu ahengera umutwenzi utarakika, aravyuka arasohoka aja ahantu hiherereye aba ari ho asengera. Simoni n’abo bari kumwe bamuja mu nyuma. Bamushikiriye bati: «Bose bariko barakurondera.» Na we ati: «Hogi tuje mu bindi bigwati, ndahigishe na ho, kuko ari co canzanye.» Aragenda rero yigisha mu masinagoga y’Ubugalile bwose kandi yirukana amashetani.*

```Iryo ni Ijambo ry’Umukama.```

13/01/2026

Une de mes publications a obtenu plus de 2 000 réactions la semaine dernière. Merci à tout le monde pour votre soutien ! 🎉

*_Ijambo ry’Umukama, indwi ya 1 yo mu gihe gisanzwe co mu mwaka, ku wa kabiri, années paires_**IGISOMWA CA MBERE*_Ivyo d...
12/01/2026

*_Ijambo ry’Umukama, indwi ya 1 yo mu gihe gisanzwe co mu mwaka, ku wa kabiri, années paires_*

*IGISOMWA CA MBERE*

_Ivyo dusoma mu gitabu ca mbere ca Samuweli (1, 9-20)_

Muri irya misi, bamaze gufungura, Ana yaciye ahaguruka ngo agende imbere y’Umukama; umuherezankuka Heli ni ho yari ari, yicaye ku ntebe yiwe, hambavu y’igishimaryango c’ingoro y’Umukama. Umutima wuzuye intuntu, Ana yariko arasenga n’amarira menshi; arahava ashikiriza Imana indagano ati: «Ewe Mukama, Nyeningabo, niwaraba amaganya y’umusavyi wawe ukanyibuka, ntiwibagire umusavyi wawe, ukamuha riho umwana w’umuhungu, nzomuhebera Umukama abe rwiwe bwite gushika apfe kandi ntibazokwigera bamumwa imishatsi.» Aguma asenga atyo imbere y’Umukama, na we Heli yitegereza umunwa wiwe. Ana yariko avugira mu mutima wiwe akubita umunwa gusa ntibumve ijwi ryiwe; ni co gituma Heli yagira ngo araborewe. Aramubwira rero ati: «Uzoguma uborewe gushika ryari? Hogi, genda, kandi n’uhebe imvinyu!» Ana na we aramwishura ati: «Haba namba, Muhanyi, nta co ndimwo; ndi umuntu yuzuye amaganya gusa, nta mvinyu, nta n’icitwa ikiboreza nanyoye, ariko nariko ndagaragaza umutima wanje imbere y’Umukama. Nturabe incoreke yawe nk’umukobwa w’imburakimazi kuko amaganya menshi n’intuntu ari vyo vyatumye mvuga gushika ubu.» Heli aramwishura ati: «Genda n’amahoro, Imana y’Israyeli iguhe ico wayisavye.» Na we ati: «Ese incoreke yawe woyiraba ryiza!» Araheza aragenda. Ntiyari acanka gufungura kandi ntiyasubiye kwiraburanirwa. Bukeye, barazinduka kare bahejeje gupfukamira Umukama, baraheza barataha, basubira iwabo i Rama. Maze, Elikana yegereye umugore wiwe Ana, Umukama aramwibuka. Igihe kigeze, Ana arasama inda, araheza avyara umwana w’umuhungu, amwita Samuweli, ati: «Ni uko namusavye Umukama.»

```Iryo ni Ijambo ry’Umukama.```

*IZABURI: 1 Samuweli 2, 1, 4-5ab, 6-7, 8abcd*

_Icit. Imana iranezereza umutima wanje._

Umutima wanje uvugiriza impundu Umukama, amaso yanje ahanze Imana yanje; umunwa wanje uratwenga abansi banje; kuko nezerewe n’urukiza rwawe.

Icumu ry’ubutwari riravunika, mugabo abo ububasha buke bīkenyeje ubukomezi; abama bahimvye ni bo basigaye baca ingero, abahora bashonje ntibagicumukura.

Umukama ni we yica, kandi akaba ari we akiza, ni we amanura mu kuzimu, akongera akaba ari we akurayo; Umukama ni we akenesha kandi ni we atungisha, ni we asubiza hasi, kandi ni we atonesha.

Umuntu w’amagara make amukura mu mukungugu, agashira hejuru umukene amukuye mu mwavu; akamwicarika hamwe n’abakuru, akamuha intebe y’ubuninahazwa.

*INKURU NZIZA*

*_Aleluya, aleluya_*

_Umukiza wacu Yezu Kristu yaratsinze urupfu, yaduhaye ubuzima bwakakamwo umuco, mu kudushikiriza Inkuru Nziza._

*_Aleluya_*

_Ivyo dusoma mu Nkuru nziza ya Yezu Kristu nk’uko yashikirijwe na Mariko (1, 21-28)_

*Yezu ari kumwe n’abigishwa biwe baja i Kafaranawumi. Kw’isabato nyene yo muri iyo ndwi, Yezu yinjiye mw’isinagoga atangura kwigisha. Abantu rero batangazwa butangare n’ivyo yigisha, kuko yigisha nk’uwubikwiye, atari bimwe vy’abigisha b’Abayuda. Hagasangwa mw’isinagoga hari umuntu yasazwa n’igishetani. Kirahogora giti: «Mbega dupfa iki, ga Yezu w’i Nazareti?» Ubwo wazanywe n’ukutumara? Erega ndakuzi, uri Umweranda w’Imana.» Yezu aragikankamira ati: «Numa kandi va muri uyo muntu!» Nya gishetani kiramujegeza, gica kimuvamwo kiboroga. Bose rero bahinda agash*tsi, bituma mbere babazanya bati: «Mbega ivyo ni ibiki? Ng’iyo rero inyigisho nshasha, ihagaze ku bukuru! N’amashetani ari amashetani aramugamburukira!» Ubwo nyene, aca aba rurangiranwa hirya no hino mu micungararo yose y’Ubugalile.*

```Iryo ni Ijambo ry’Umukama.```

🎤 «Chers jeunes, que votre engagement dans la société et dans la politique, dans la famille, à l'école et dans l'Église ...
11/01/2026

🎤 «Chers jeunes, que votre engagement dans la société et dans la politique, dans la famille, à l'école et dans l'Église vienne du cœur et porte du fruit. Qu'il vienne de Dieu et soit saint», a lancé le Pape Léon XIV aux jeunes du diocèse Rome.

*_Ijambo ry’Umukama, indwi ya 1 yo mu gihe gisanzwe co mu mwaka, ku wa mbere, années paires_**IGISOMWA CA MBERE* _Ivyo d...
11/01/2026

*_Ijambo ry’Umukama, indwi ya 1 yo mu gihe gisanzwe co mu mwaka, ku wa mbere, années paires_*

*IGISOMWA CA MBERE*

_Ivyo dusoma mu gitabu ca mbere ca Samuweli (1, 1-8)_

Hari umuntu w’i Ramatayimu Tsofimu, wo mu muryango wa Efurayimu, yitwa Elikana. Yari afise abagore babiri: umwe yitwa Ana, uwundi akitwa Penina. Penina yari n’abana, ariko Ana nta kana yari afise. Uko umwaka utashe, uwo mugabo yahora ava mu gisagara ciwe akaduga i Silo gusenga no gushimira Umukama Nyeningabo. Kandi abahungu bompi ba Heli, Hofuni na Pinehasi, ni ho bari ari abaherezankuka b’Umukama. Aho hose yahereza inkuka, Elikana yahora ahako imitagi umugore wiwe Penina, be n’abahungu n’abakobwa biwe bose; ariko Ana akamuha umutagi umwe gusa, n’aho ari we yakunda ugusumba. Umukama yari yaramuzivye inda. Kandi mukeba we yama amushinyaguriza amutera imirarwe, kuko Umukama yamuzivye inda. Uko ni ko vyagenda uko umwaka utashe, iyo baduganye mu ngoro y’Umukama: mukeba we ntiyasiba kumushinyaguriza. Ni co gituma Ana yahora arira, akanka n’ugufungura. Na we Elikana, umugabo wiwe, yahora amuhoza, ati: «Mbega, Ana, urizwa n’iki? Igituma wanka gufungura ni iki? Ni kuki wiraburaniwe? Jewe ko ndi umukunzi wawe, sindakurutira abana icumi?»

```Iryo ni Ijambo ry’Umukama.```

*IZABURI 115 (116B) 12-13, 16, 17-18*

_Icit. Mana yanje, nzogushikanira imbagwa yo kugukengurukira._

None jeho nzosubiza iki Umukama, ku vyiza vyose yangiriye? Nzomuhereza ikalisi y’ubukiriro, kandi ntabaze izina ry’Umukama.

Ewe, Mukama, jewe umusuku wawe, umwana w’incoreke yawe, warankuye mu mvuto.

Nzogushikanira imbagwa yo kugukengurukira, kandi ntabaze izina ryawe, Mukama: Ivyo nemereye Umukama nzobikora vyose, mu maso y’abiwe bose bakoranye.

*INKURU NZIZA*

*_Aleluya, aleluya_*

_Nimwazigama ijambo ry’ubuzima, muzoba isôko ry’umuco wakaka kw’isi._

*_Aleluya_*

_Ivyo dusoma mu Nkuru nziza ya Yezu Kristu nk’uko yashikirijwe na Mariko (1, 14-20)_

*Yohani Batista amaze gufatwa, Yezu aza i Bugalile yigisha Inkuru nziza y’Imana, ati: «Umusi wash*tse kandi Ubwami bw’Imana buri hafi; igarure kandi mwemere Inkuru nziza.» Umusi umwe, Yezu ajanye inkengera y’ikiyaga c’i Bugalile, abona Simoni na Andreya mwenewabo, batera urusenga mu kiyaga: nkako rero bari abarovyi. Yezu rero arababarira ati: «Nkurikire, nzobahindura abarovyi b’abantu.» Buno nyene bata hano insenga, baramukurikira. Ateye imbere gatoyi, abona Yakobo mwene Zebede na Yohani mwenewabo; na bo nyene bari mu bwato bariko barasana insenga. Buno nyene arabahamagara. Basiga se wabo Zebede mu bwato, we n’abamukorera, bamuja mu nyuma.*

```Iryo ni Ijambo ry’Umukama.```

EL CLASSICO NA BuBET⚽🔥BuBET ni iyambere itanga uburusho bwinshi kandi Utsinze Uraronka 💰 📱Tigira uciye Kuri bubet.bi ,ut...
10/01/2026

EL CLASSICO NA BuBET⚽🔥

BuBET ni iyambere itanga uburusho bwinshi kandi Utsinze Uraronka 💰

📱Tigira uciye Kuri bubet.bi ,utsinde kandi wibuke ko ryahiganwa rigutuma utsindira i Moto 🏍️ itanwa igitoro rirabandanya.

👉Raba ngaha uko uza kuronka 👕 y'umugwi ukunda :
https://www.facebook.com/100075671065550/posts/897500482782312/
🤝www.bubet.bi hama ukoreshe code parrainage:NIGABE

Address

Muyinga
DS123BUJUMBURA

Opening Hours

Monday 05:00 - 22:00
Tuesday 05:00 - 22:00
Wednesday 05:00 - 22:00
Thursday 05:00 - 22:00
Friday 05:00 - 22:00
Saturday 05:00 - 22:00
Sunday 05:00 - 22:00

Telephone

+25722306333

Website

Alerts

Be the first to know and let us send you an email when Radio Voix de la Réconciliation posts news and promotions. Your email address will not be used for any other purpose, and you can unsubscribe at any time.

Shortcuts

Share

Category