Dieu nous pardonne le péché

  • Home
  • Dieu nous pardonne le péché

Dieu nous pardonne le péché Ikigongwe c'IMANA.
+umwungere areka intama 99agenda kurondera intama imwe yari yazimiye,ayitoye arahimbarwa caaaane goooose.

UMUCUMUZI YIGAYE MWIJURU NO KWISI HABA AKANYAMUNEZA KESHI CAAANE..

*_IJAMBO RY'IMANA_**🗓️ indwi ya 19 yo mu gihe gisanzwe co mu mwaka, ku wa mbere, années impaires_**📖IGISOMWA CA MBERE* _...
10/08/2025

*_IJAMBO RY'IMANA_*

*🗓️ indwi ya 19 yo mu gihe gisanzwe co mu mwaka, ku wa mbere, années impaires_*

*📖IGISOMWA CA MBERE*

_📜Ivyo dusoma mu gitabu c’Ukwibutsa Amategeko (10, 12-22)_

Muri irya misi, Musa yabariye ishengero ry’Israyeli ati: «None rero, Israyeli we, ico Umukama Imana yawe akugombako ni igiki, atari uko wubaha Umukama Imana yawe, ukagendera mu nzira ziwe zose, ukamukunda, ugakorera Umukama Imana yawe n’umushaha wawe wose, n’umutima wawe wose, ukongera ukazigama amabwirizwa y’Umukama n’aya mategeko nguhaye uyu musi kugira ngo uhimbarwe? Nka ko na none, Umukama Imana yawe ni we Nyenijuru na rya juru risumba ayandi, akaba ari we Nyenisi n’ibirimwo vyose. Ariko rero, Umukama yarihambiriye ku basokuru bawe kubera urukundo abafitiye, araheza yitorera mu bindi bihugu vyose uruvyaro rwabo ari mwebwe nyene, nk’uko muvyibonera uyu musi. Ni uko rero, nimwigenyere ku mushaha kandi nimureke kuba intagondwa, kuko Umukama Imana yanyu ari Imana isumba izindi n’Umukama asumba abandi, akaba ari we Imana yanyu ari Imana nkuru, Mushoboravyose kandi ateye ubwoba, kuko atagira nkunzi kandi kuko adasobanura umwe mu bandi kubera ibiturire. Ni we aburanira impfuvyi n’umupfakazi, akaba ari we akunda akavantara akamuha utwo arya n’utwo yambara. Namwe rero, ni mukunde akavantara, kuko mwari ba kavantara mu gibugu ca Misiri. Umukama Imana yawe azoba ari we mwubaha mukamukorera; ni we muzokwihambirirako, mukarahira kw’izina ryiwe nyene. Ni we utegerezwa gushemeza, kuko ari we Imana yawe; yarakugiriye noneho vya bindi bihambaye vy’agacavutu wiboneye n’amaso yawe; abasokuru bawe bari bamanutse mu Misiri bari mirongo indwi gusa, Umukama Imana yawe yarakugwijije, ubu aguha ubwinshi bungana ubw’inyenyeri zo kw’ijuru.»

*📖IZABURI*

*📜IZABURI 147 (147B) 12-13, 14-15, 19-20*

_📜Icit. Yeruzalemu, igine Umukama._

Yeruzalemu, igine Umukama, nawe Siyoni, shemeza Imana yawe! Ni we yashimangiye ibikingi vy’ibirimba vyawe, akaguhezagirira abana bawe.

Ni we atekanya imbibe zawe, akaguhimbisha akanovera k’ingano. Ni we arungika ijambo ryiwe kw’isi, rigaheza rikagenda riranyaruka.

Ni we yamenyesheje Yakobo ijambo ryiwe, agashiikiriza Israyeli amabwirizwa yiwe n’ingingo ziwe. Nta kindi gihugu na kimwe yagiriye ben’uko, nta kindi gihugu na kimwe camenye ingingo ziwe.

*📖INKURU NZIZA*

*_🎼Aleluya, aleluya_*

_📖Umukama ni imvugakuri mu majambo yiwe, Umukama ni mweranda mu bikorwa vyiwe vyose._

*_🎼Aleluya_*

_📖Ivyo dusoma mu Nkuru nziza ya Yezu Kristu nk’uko yashikirijwe na Matayo (17, 22-27)_

*Muri irya misi, aho abigishwa bari kumwe na we mu Bugalile, Yezu yababwiye ati: «Umwana w’umuntu azogwa mu minwe y’abantu, bazomwica, no ku musi ugira gatatu azozuka.» Abigishwa birabababaza cane. Bahindukiye i Kafaranawumi, abatozakori baza kubwira Petero bati: «Mbe shobuja ntatanga ikori?» Ati: «Araritanga.» Petero asubiye i muhira, Yezu amusanganiza kumubaza ati: «Simoni, uvyiyumvirako iki? Abami bo kw’isi batoza ba nde ikori canke urmperezwa? Abana babo canke ba kavantara?» Simoni yishura ati: «Ba kavantara.» Yezu aramwishura ati: «Noneho ga, abana bakabaye bararekuriwe. Mugabo, kugira ngo ntidutirimutse abo bantu, genda kuraba ku kiyaga; ifi ya mbere ufata, yugurure umunwa, uza kuyisangamwo igiceri c’isitateri. Uheze ukijane kuntangira ikori kandi nawe uryitangire.»*

10/08/2025

KRISTU NIMUZIMA.AMEN.

10/08/2025

UMUSI W'IMANA MWIZA MWESE .NDABAKUNDA CAAAAN GOOOSE💖💖💖💖

MWESE NDABIPFURIJE IJIRO RYIIIIZAAA💗💗💗💗💗💗
09/08/2025

MWESE NDABIPFURIJE IJIRO RYIIIIZAAA💗💗💗💗💗💗

*_IJAMBO RY'IMANA_**🗓️ idominika ya 19 yo mu gihe gisanzwe co mu mwaka C_**📖IGISOMWA CA MBERE*_📜Ivyo dusoma mu gitabu c’...
09/08/2025

*_IJAMBO RY'IMANA_*

*🗓️ idominika ya 19 yo mu gihe gisanzwe co mu mwaka C_*

*📖IGISOMWA CA MBERE*

_📜Ivyo dusoma mu gitabu c’Ubwitonzi (18, 6-9)_

*_Imana izanwa n’ugukiza igihugu cayo._*

Iryo joro ryari ryaburiwe basokuruza, ni ko kugumya umutima kuko bari bazi indagano bemerewe ni ho igihugu cawe citega ko intungane zorokoka, abansi bagatikira. Mu gihe wanena abansi bacu, ni ho natwe wadutera iteka mu kutwitorera. Ni co gituma abana b’intungane bagiye ahiherereye Bakaguhereza inkuka, bakarahirira icarimwe bivuye inyuma ko aberanda bazosangira akabisi n’agahiye; muri kino kiringo nyene, batera indirimbo z’abasokuru.

*📖IZABURI 32 (33), 1.12, 18-19, 20.22*

_📜Icit. Hahiriwe intara Umukama yironkeyeko iragi!_

Tera impundu Umukama, mwa bantu b’intungane: abantu b’intungane barabereye gutera impundu! Hahiriwe intara yamwironkeyeko Imana! Hahiriwe intara We nyene yitoreyeko iragi!

Ijisho ry’Umukama rihora ku bamwubaha, ku bizeye urukundo abafitiye; kugira ngo abasimbishe icobo, abakize amapfa.

Umutima wacu witeze Umukama, ni We mahungiro yacu, ni We nkinzo yacu. Mukama, tworonse urukundo rwawe, kuko ari Wewe twama twizigiye.

*📖IGISOMWA CA KABIRI*

_📜Ivyo dusoma mw’Ikete ryandikiwe Abahebereyi (11, 1-2. 8-19)_

```Igisomwa kigufi : 11, 1-2. 8-12```

*_📜Ukwemera kwa Aburahamu ni agashusho k’ukwemera kwacu._*

Ncuti zanje, Ukwemera ni ryo shimikiro ry’ivyo twizigiye, ni co kimenyamenya c’ivyo tutarabona; ukwemera ni kwo kwashingiye intahe abasokuru. Ukwemera ni kwo kwatumye Aburahamu agamburuka mu gihe yahamagarwa, akagenda mu gihugu yari yagenewe kuzotorana kandi yagenda atazi iyo aja; ukwemera ni kwo kwamutumye aja kugerera mu gihugu yasezeraniwe nk’uko coba ari ico mu mahanga, akabana mw’ihema na Izahaki na Yakobo, ba samuragwa nka we b’iryo sezerano, kuko yari arorereye igisagara kiri n’iremezo rikomeye, Imana yatavye ikubaka. Ukwemera ni kwo kwatumye na Sara nyene ashobora gusama inda n’aho yari ashaje, kuko yiyumviriye yuko uwabimwemereye akwiye kwemerwa. Ni co catumye umuntu umwe rudende, -kandi uwo yari akaheze, – arondoka isinzi nk’inyenyeri zo mw’ijuru, nk’umusenyi udaharurwa wo ku nkombe z’ikiyaga.

```Igisomwa kigufi giherera aha```

Abo bose barapfanye ukwo kwemera batarashikira ivyo bari bemerewe, ariko babibona bikiri kure bakabisasirira, bakemera yuko bari akavantara n’ingenzi kuri iyi si. Na bo abavuga bartyo baba berekana yuko bariko bararondera igihugu cabo bwite. Vyongeye, iyo bakumbura igihugu bavuyemwo, bari kuronka uburyo bwo gusubirayo. Ariko noneho bipfuza igihugu gisumbirije, ari co juru. Ni co gituma Imana itamaramazwa n’ukwitwa Imana yabo; nkako na none, yarabateguriye igisagara. Ukwemera ni kwo kwatumye Aburahamu ahereza Izahaki mu gihe yageragezwa, kandi uwakiranye igishika isezerano agahereza umwana wiwe w’ikinege, umwe yari yabwiwe ngo: «Muri Izahaki, ni ho uruvyaro rwawe ruzokwitirirwa»; yari yiyumviriye ko Imana ishobora n’ukuzura abapfuye: ni co gituma yarokoye umwana wiwe, ivyo na vyo bitubera ikimenyetso.

*📖INKURU NZIZA*

*🎼_Aleluya, aleluya_*

_Nimwame mugavye kandi mwiteguye, kuko mutazi umusi Umwana w’umuntu azozirako._

*_Aleluya_*

_📖Ivyo dusoma mu Nkuru Nziza ya Yezu Kristu nk’uko yashikirijwe na Luka (12, 32-48)_

```Igisomwa kigufi : 12, 35-40```

*_📖Nimwame mwiteze Umukama._*

*Umusi umwe, Yezu yabariye abigishwa biwe ati: «Ntimugire ubwoba, mwebwe dutungwa twanje; kuko So wanyu yashatse kubaha Ubwami. Gurisha ivyo mutunze, mubihe aboro. Nimwironderere indaha zidashira be n’itunga ritazobatetereza mw’ijuru, aho umusuma adashobora kwegera, nayo umuswa nturuhe ukozako iryinyo; kuko aho itunga ryawe riri, ariho agatima kawe kazoba.*

```Igisomwa kigufi gitangurira aha.```

*Nimukenyere zigume kandi amatara yanyu yame yaka. Nimube nka barya barindiriye shebuja ku munsi w’ubugeni, kugira ngo bamusanganire arengutse akuguruza. Ewe barahiriwe abasuku shebuja aazosanga bagiteramye! Ni ivy’ukuri ndabibabwiye: azozikenyera, abavyagize ku ndava, abaheture mu kubagaburira. Aje mu gicugu canke mu nkokó, bazoba bahiriwe asanze bakimwiteze! Bitegere neza: iyo nyen’urugo aba yari azi ikiringo igisuma kizirako, yoraririye ntiyoretse ngo kimumenereko inzu. Nimwame mwiteguye na mwebwe nyene, kuko Umwana w’umuntu azoza mu gihe mutari mumwiteze.»*

```Igisomwa kigufi giherera aha.```

*Hanyuma Petero amubwira ati: «Mukama, ni twe gusa uciriye uyu mugani, canke uwuciriye bose?» Umukama aramwishura ati: «Ku bwanyu, ni nde wa mubwiriza ari n’ibanga kandi yitonda, shebuja yashinze abasuku biwe ngo abagerere ingano igihe kigeze? Arahiriwe uwo mubwiriza shebuja azosanga agira nk’uko yabimushinze! Ni ivy’ukuri ndabibabwiye: azomushinga ivyiwe vyose. Ariko uyo mubwiriza niyibwira ati: Databuja yatevye, agasindira abasuku n’incoreke, akaja mu vyo kwirira no kwinywera akaborerwa, shebuja azoza umunsi atamwiteze, kw’isaha atazi: azomwirukana, amusuke mu mugwi w’ibigaba. Umusuku azi amategeko ya shebuja ntiyitegure, ntakore ivyo yashâtse, urya azokubitwa nyinshi. Uwuzoba atazi ivyo shebuja yashâtse, ariko akwiriye igihano, urya azokubitwa nkeya. Uwuzoba yaronse vyinshi azobazwa vyinshi; na we uwuzoba yabikijwe vyinshi, bazorushirizaho kumwaka vyinshi.»*

09/08/2025

NAMAHORO CAAAANE GOOOOSE BAVUKANYI.NDIHO AHABWE ICUBAHIRO🙏🏻🙏🏻🙏🏻🙏🏻🙏🏻🙏🏻🙏🏻🙏🏻🙏🏻

Isengero ya Paruwase Mugera yagizwe "bazirika" na Papa Leo wa XIVBihejeje gushikirizwa na Cardinal Michael Sczerny arong...
04/08/2025

Isengero ya Paruwase Mugera yagizwe "bazirika" na Papa Leo wa XIV

Bihejeje gushikirizwa na Cardinal Michael Sczerny arongoye igisata ca Vatikano kijejwe iterambere ry'umuntu mu mpande zose z'ubuzima - développement intégral humain.

Ni mu mubano wamuhuje na Prezida Evariste Ndayishimiye mu gitondo co kuri uno wa mbere.

Iyo sengero yabaye na Katedrali ya mbere mu Burundi, niyo ya mbere ihawe iteka ryo kwitwa 'Basilique' mu Burundi, izina rihabwa amasengero katorika manini manini kandi afise uburemere bw'izina muri kahise k'ukwemera.

Paruwase Mugera iri muri komine Bugendana, intara ya Gitega, ikagira imisiyoni igira kabiri muri kahise ka Ekleziya mu Burundi. Yashinzwe mu 1899.

Cc: IRIS NEWS

*_Ijambo ry’Imana, indwi ya 18 yo mu gihe gisanzwe co mu mwaka, ku wa kabiri, années impaires_**📖IGISOMWA CA MBERE*_📜Ivy...
04/08/2025

*_Ijambo ry’Imana, indwi ya 18 yo mu gihe gisanzwe co mu mwaka, ku wa kabiri, années impaires_*

*📖IGISOMWA CA MBERE*

_📜Ivyo dusoma mu gitabu c’Ihárūra (12, 1-13)_

Musa yari yabiriye umwigeme yava muri Etiyopiya; ni co catumye Miriyamu na mwenewabo Aroni bamunebagura, bati: «Mbega, Umukama aganira na Musa gusa? Ntiyoganira natwe?» Umukama aravyumva. Erega, Musa yari umuntu yitonda cane, nta n’umwe yagize ubwitonzi bwinshi nka we hano kw’isi. Muri ako kanya rero, Umukama abwira Musa, Aroni na Miriyamu ati: «Nimurenguke mwese uko muri batatu, muze kw’Ihema ry’ibonaniro.» Bararenguka bose rero uko ari batatu; Umukama aramanuka muri ya nkingi y’igicu, ahagarara ku muryango w’iryo Hema. Araheza ahamagara Aroni na Miriyamu, bompi baratera imbere, na we arababwira ati: «Nimwumve amajambo yanje: uwoba ari umuhanuzi muri mwebwe, ndamwimenyesha mu kumubonekera, nyaga na we mu ndoto. Ariko, si uko bimeze ku musavyi wanje Musa, kuko ari we musavyi wanje w’intatirimuka nashinze umuryango wanje wose. Uwo twama tuyaga amaso mu yandi, mu majambo afoboye atari mu migani, kandi ishusho y’Umukama akayibona. None rero, igituma mwubahuka kunebagura umusavyi wanje Musa, ni iki?» Maze, ishavu ry’Umukama rirabagwako. Umukama arigira, na ca gicu kiragenda na co nyene. Miriyamu aca afatwa n’imibembe yera nk’urubura. Abibonye, Aroni abwira Musa ati: «Ndagusavye, Muhanyi, ntuduhore ico caha twakoze kubera ubujuju bwacu kandi dukwiye kubazwa. Ndagusavye, uyo ntamere nk’ikivutse cahwereye, kivuye mu nda ya nyina kiriko kirabora.» Musa atakambira Umukama ati: «Mana, ndabikuzamvye, n’umukize!»

*📖IZABURI 50 (51) 3-4, 5-6, 6b, 6c-7,12-13*

_📜Icit. Tugirire ikigongwe, Mukama, kuko twacumuye._

Ngirira ikigongwe, se Mana yanje, kubera ubuntu bwawe, ku bw’ikigongwe cawe kidakama nzimanganiriza akabi nakoze. Nyuhagira umwanda wose mfise, uheze uhanagure ibicumuro vyanje vyose.

Ego cane ikibi nakoze ndakizi, icaha nakoze kindaza ishinga. Ni Wewe musa nacumuyeko, akabi wanka ni ko nakoze.

Ni co gituma uri intungane mu ntahe ushinga, ntuca urwa ngondagonde. Erega, navukiye mu gicumuro, na mawe yarakinsamanye.

Mukama, nshiramwo umushaha w’indanga, ugushaka kwanje na kwo ukuremeshe kwame kukwihambiriyeko. Ntunshibure ngo nkuve mu maso, ntera iteka riho ungumizemwo ubwiza bwawe.

*📖INKURU NZIZA*

*_🎼Aleluya, aleluya_*

_📖Nyigisha gutegera ico ushaka, Mukama, nzoheza nzirikane ibitangaza wakoze._

*_🎼Aleluya_*

_📖Ivyo dusoma mu Nkuru nziza ya Yezu Kristu nk’uko yashikirijwe na Matayo (14, 22-36)_

*Amaze kugwiza imikate ngo agaburire abantu, buno nyene ,Yezu aca ategeka abigishwa biwe ngo baje mu bwato bamutange ku nkombe yo kahurya, na we asigare arasezera abantu. Ahejeje kubasezera, yidugira ku musozi ahiherereye ngo asenge, bugorobeza ari yo akiri wenyene. Ubwato bwari bumaze gushika hagati mu kiyaga buzungagizwa n’ibisebuzi; umuyaga waturuka imbere yabo. Buri muu guca, aza iyo bari, agendera ku mazi. Abigishwa babonye agendera ku mazi, barakangwa bavuga bati: «Ni umuzimu!»; ubwoba burabatekera, bakoma induru. Buno nyene Yezu ababwira ati: «Humure, ni jewe, ntimugire ubwoba.» Petero iramwishura ati: «Niyaba ari wewe, mbwiriza ngusange hiyo ngendera ku mazi.» Yezu ati: «Ingo.» Petero ava mu bwato, agendera ku mazi aja iyo Yezu ari. Abonye umuyaga uhuhuta cane, agira ubwoba. Ngo yumve atanguye kunyika, avuza induru, ati: «Ntabara Mukama!» Buno nyene, Yezu aca aramyura ukuboko, aramufata amubwira ati: «Muntu utagira ukwemera, icatumye ukeka ni iki?» Bamaze gushika mu bwato, umuyaga uca urahera. Abari mu bwato baca baramusenga bavuga bati: «Ni ukuri, uri Umwana w’Imana!» Bajabutse ikiyaga, bashika mu gihugu ca Genezareti. Abantu baho bamumenye barungika intumwa mu mihingo yose, bamuzanira abarwaye. Bamusaba ngo bapfe gukora ku buyonga bw’impuzu yiwe; ababukoze bose bagaca bakira.*

04/08/2025

NDABIPFURIJE INDWI NZIZA BAVUKANYI BANJE 💝🙏🏻🙏🏻🙏🏻🙏🏻

Dieu nous pardonne le péché

04/08/2025

Amen

Address


Telephone

+25761472066

Website

Alerts

Be the first to know and let us send you an email when Dieu nous pardonne le péché posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Dieu nous pardonne le péché:

Shortcuts

  • Address
  • Telephone
  • Alerts
  • Contact The Business
  • Claim ownership or report listing

  • Want your business to be the top-listed Media Company?

Share