Газета "Звязда"

Home
Газета "Звязда"

Пра гісторыю, культуру, эканоміку, бягучыя падзеі.

23/07/2025

Сквер ратавальнікаў адкрыюць у Гомелі. У праграме — МНС-лэнд з інтэрактывам і відэаспінерам

Першы ў краіне сквер у гонар прадстаўнікоў гэтай высакароднай прафесіі адкрыюць 25 ліпеня ў Гомелі на перасячэнні праспекта Рэчыцкага і вуліцы Сасновай.

👨‍🚒 Цэнтральнай фігурай у скверы стане скульптура ратавальніка-пажарнага з дзіцем на руках, выратаваным з агню.

У праграме — афіцыйная цырымонія адкрыцця «Сквера ратавальнiкаў», пасля якой на лакацыі разгорнецца МНС-лэнд.

«Гэта 26 унікальных навучальных інтэрактыўных пляцовак, дзе кожны жадаючы зможа не толькі з карысцю і пазітывам правесці час, але і атрымаць веды аб правілах бяспекі і дзеяннях у экстраных сітуацыях.

Тут і пажарны боўлінг, і баскетбол, і лабірынт, і інтэрактыўныя пляцоўкі, і гульнявыя зоны, і відэаспінэр.

Пляцоўкі будуць арганізаваны такім чынам, каб удзел у іх быў даступны і для дзяцей, і для дарослых», — праанансавалі ў абласным упраўленні.

🎤 Для ўсіх удзельнікаў арганізаваны святочны канцэрт і выстава пажарнай аварыйна-выратавальнай тэхнікі.

⏰ Старт мерапрыемстваў у 11.00.

03/07/2025

🇧🇾 Беларусь сёння адзначае Дзень Незалежнасці

У жыцці кожнага народа ёсць лёсавызначальныя дні і падзеі, якія становяцца кропкай адліку новага этапу ў гісторыі дзяржавы і садзейнічаюць яднанню ўсіх грамадзян. Для Беларусі такой вяхой з’яўляецца дзень вызвалення Беларусі ад нямецка-фашысцкіх захопнікаў.

Менавіта гэта гістарычная дата па волі беларусаў стала Днём Незалежнасці, звязаўшы ў адно святыя словы — Свабода і Незалежнасць.

Рашэнне аб святкаванні Дня Незалежнасці 3 ліпеня было прынята ў 1996 годзе — так прагаласавалі беларусы на рэспубліканскім рэферэндуме 24 лістапада.

За адабрэнне гэтага пытання прагаласавалі 88,18 працэнта ўдзельнікаў галасавання на рэферэндуме.

У снежні таго ж года дэкрэтам Прэзідэнта Аляксандра Лукашэнкі ўстаноўлена дзяржаўнае свята — Дзень Незалежнасці Рэспублікі Беларусь (Дзень Рэспублікі). Ён з’яўляецца афіцыйным выхадным днём.

20/06/2025

22 чэрвеня ў 12.00 памяць загінуўшых у гады Вялікай Айчыннай вайны Беларусь ушануе агульнанацыянальнай хвілінай маўчання.🕯

У эфіры ТБ і радыё, у воінскіх калектывах, на вуліцах, плошчах і іншых грамадскіх месцах краіны журботным рэхам прагучаць удары метранома і мелодыя рэквіема.

У гэты ж час ва ўсіх храмах будзе дадзены звонавы набат, а на транспарце прагучаць сігнальныя гудкі. У некаторых месцах — прыпыніцца рух

🕯🇧🇾Беларусь памятае! Памятае кожнага! Спынімся на хвіліну — успомнім усіх, хто пайшоў у бясмерцце і завяшчаў нам жыць!

17/06/2025

Як праходзіць міжнародная выстава Digital Expo-2025❓

У Мінску стартавала адна з галоўных тэхналагічных выставак міжнароднага ўзроўню Digital Expo-2025. У выставе бяруць удзел больш за 90 кампаній і арганізацый, у тым ліку і лідары IT-рынку Беларусі, Расіі і Кітая. Уражвае і насычаная дзелавая праграма.

📍Так, на працягу чатырох выставачных дзён пройдзе больш за 20 мерапрыемстваў, на якіх эксперты абмяркуюць актуальныя выклікі лічбавай эпохі.

zviazda.by

15/06/2025

Да Дня медработніка Белстат падрыхтаваў тэматычны агляд

▫️У Беларусі 56 200 урачоў, з іх 49 100 — практыкуючых. Таксама налічваецца 123 900 чалавек сярэдняга медыцынскага персаналу.

▫️Сярод урачоў і сярэдніх медыцынскіх работнікаў больш за ўсё жанчын — 72,8% і 94,7% адпаведна.

▫️Сярэдні ўзрост беларускага доктара — 42,5 гады. Ён часцей мае першую кваліфікацыйную катэгорыю і выбірае напрамкам тэрапію (17 600 спецыялістаў).

🔝Беларусь займае лідзіруючую пазіцыю ў СНД па забяспечанасці насельніцтва медыцынскімі работнікамі. У нас прыпадае 54 урача на 10 000 насельніцтва. Для параўнання ў Нарвегіі гэты паказчык 49,1, у Германіі — 45,5, а ў Швейцарыі — 44,8.

zviazda.by

13/06/2025

Выпускныя вечары для вучняў 11-х класаў пройдуць сёння ў Беларусі 🎊

Навучэнцам уручаць узнагароды разам з атэстатамі і сертыфікатамі цэнтралізаваных экзаменаў.

Урачыстасці пачнуцца ў 20:00. Прагучаць віншаванні ў адрас маладых людзей ад ганаровых гасцей — дэпутатаў, прадстаўнікоў органаў улады, дзеячаў культуры, спартсменаў і іншых. Потым адбудзецца канцэртна-забаўляльная праграма.

⏰ Выпускныя завершацца ў 05:00.

12/06/2025

📍На Паўднёвую Афрыку абрынуўся снегапад — 7 чалавек загінулі, больш за сотню засталіся без святла

Паўднёва-Афрыканская Рэспубліка сутыкнулася з рэдкай прыроднай з’явай — снегападам.

Снег пайшоў нават у тых месцах, дзе яго не бачылі гадамі. Сотні хатніх гаспадарак засталіся без святла — лініі не вытрымалі абледзянення і парываў ветру.

➡️ Дарэчы, такі маштаб зімовага шторму — вялікая рэдкасць для ПАР. Нягледзячы на тое, што зіма тут афіцыйна пачынаецца ў чэрвені, снег ідзе далёка не кожны год.

08/06/2025

Дзеці і вокны: як пазбегнуць трагедыі?

✔️ не пакідайце дзяцей без нагляду, нават на хвіліну;
✔️ устанавіце блакатары;
✔️ адсуньце ад вокнаў усю мэблю;
✔️ не дазваляйце дзіцяці самастойна падыходзіць да адчыненага акна без суправаджэння дарослых.

МУС нагадвае: будзьце пільныя і памятайце, што ў вашых маленькіх анёлаў няма крылаў! Зрабіце ўсё для таго, каб дзеці былі ў бяспецы

zviazda.by

04/06/2025

У вёсцы Мінскага раёна лавілі параненага бусла 🙏🏻

3 чэрвеня ў вёсцы Каханоўшчына Сеніцкага сельсавета ратавалі бусла. З просьбай дапамагчы да ратавальнікаў звярнуліся прадстаўнікі інспекцыі прыродных рэсурсаў і аховы навакольнага асяроддзя.

У інспекцыі папрасілі злавіць бусла з пашкоджаным крылом. Аперацыя па злове птушкі прайшла паспяхова.

ℹ️ Бусла часова размясцілі ў гаспадарчай пабудове, дзе ён у бяспецы чакаў ветэрынараў.

zviazda.by

03/06/2025

У Брэсцкім універсітэце імя Пушкіна адкрылі дзве новыя спецыяльнасці 🔝

Сёлета на факультэце прыродазнаўства адкрылі дзве новыя спецыяльнасці:

1️⃣ Мікрабіялогія. Навучанне будзе доўжыцца чатыры гады. Для паступлення абітурыентам трэба здаць беларускую або рускую мову, біялогію і хімію. Выпускнікі атрымаюць кваліфікацыю «мікрабіёлаг».

2️⃣ Краіназнаўства і перакладчыцкая дзейнасць. Тэрмін навучання — чатыры з паловай гады. Для паступлення трэба здаць беларускую ці рускую мовы, геаграфію і матэматыку. Выпускнікам прысвояць трайную кваліфікацыю — географ, выкладчык, перакладчык.

Таксама ў ВНУ павялічылі колькасць месцаў для навучання на бюджэце, у тым ліку на ўмовах мэтавай падрыхтоўкі.

zviazda.by

01/06/2025

Сёння адзначаецца Міжнародны дзень аховы дзяцей

☝🏻Міжнародны дзень абароны дзяцей — не толькі радаснае свята для дзетвары, але і напамін дарослым аб тым, што менавіта яны адказваюць за бяспеку і дабрабыт падрастаючага пакалення.

Гэты дзень падкрэслівае неабходнасць павагі і захавання правоў дзіцяці як найважнейшай ўмовы фарміравання гуманнага і справядлівага грамадства.

🗓Свята было заснавана ў 1949 годзе ў Парыжы рашэннем кангрэса Міжнароднай дэмакратычнай федэрацыі жанчын. Упершыню яго адзначылі ў 1950 годзе.

А праз 40 гадоў у Нью-Йорку прадстаўнікі 59 краін, у тым ліку СССР, падпісалі Канвенцыю аб правах дзіцяці, у якой указваецца, што дзеці, у сілу сваёй уразлівасці, маюць патрэбу ў асаблівым клопаце і ахове. Гэтым дакументам пацвярджаецца неабходнасць прававой і іншай абароны дзіцяці да і пасля яго нараджэння.

zviazda.by

30/05/2025

Ці можна жартаваць і ўсміхацца пры праходжанні пашпартнага кантролю?

«Радасць і гумар — гэта нармальна. Гумар, натуральна, у разумных рамках. — расказаў начальнік Галоўнай управы памежнага кантролю Дзяржпамежкамітэта Беларусі, палкоўнік Руслан Мікуліч. — Наогул, трэба паводзіць сябе натуральна і, калі задаюць нейкія пытанні, спакойна на іх адказваць».

zviazda.by

Address

Opening Hours

Monday	09:00 - 17:00
Tuesday	09:00 - 17:00
Wednesday	09:00 - 17:00
Thursday	09:00 - 17:00
Friday	08:00 - 17:00

Telephone

80172871919

Website

https://zviazda.taplink.ws/

Alerts

Be the first to know and let us send you an email when Газета "Звязда" posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Газета "Звязда":

Shortcuts

Address
Telephone
Opening Hours
Alerts
Contact The Business
Claim ownership or report listing
Want your business to be the top-listed Media Company?

Country:

City: