Канал «Культура» Беларускага радыё

  • Home
  • Belarus
  • Minsk
  • Канал «Культура» Беларускага радыё

Канал «Культура» Беларускага радыё Радыёканал, які выбірае вечныя каштоўнасці

Канал «Культура» Беларускага радыё пачаў вяшчанне 1 студзеня 2002 года і адразу вылучыўся са шматгалосся эфірнай прасторы як радыё для інтэлектуалаў. Канал «Культура» пастаянна развіваецца і ўдасканальваецца ў адпаведнасці з місіяй – ідэнтыфікацыя нацыянальнай культуры ў кантэксце сусветнай.

Супрацоўнікі радыёстанцыі стараюцца ахапіць усе бакі шматграннага паняцця «культура», таму кожны новы сезо

н тэматычная палітра становіцца больш насычанай. Слухачы канала «Культура» знаёмяцца з лепшымі ўзорамі літаратуры, народнай, класічнай і сучаснай музыкі. Журналісты рыхтуюць рэпартажы з вернісажаў, тэатральных прэм’ер, навуковых лабараторый і аўдыторый ВНУ. У эфіры канала выступаюць культуролагі, гісторыкі і мастацтвазнаўцы.

Запісы канцэртаў з Вялікай студыі Дома радыё, Белдзяржфілармоніі, Вялікага тэатра Беларусі, радыёверсіі тэатральных спектакляў, радыёспектаклі - таксама ў нашай эфірнай сетцы.
Радыёканал адзіны ў Беларусі рыхтуе штодзённы эфір для дзяцей.

Канал «Культура» гучыць кругласутачна на частотах УКВ, у інтэрнэце і ў FM-дыяпазоне:
Мінск - 102,9 FM
Брэст - 88,5 FM
Віцебск - 99,3 FM
Гомель - 91,5 FM
Гродна - 95,0 FM
Магілёў - 99,1 FM

Дырэктар – Уладзімір Анатольевіч Трапянок

У пятніцу 1 жніўня заставайцеся з каналам «Культура»! Мы прапануем: - у 00:04 – «Для паўночнікаў»: кампазіцыі ў выкананн...
31/07/2025

У пятніцу 1 жніўня заставайцеся з каналам «Культура»!
Мы прапануем:

- у 00:04 – «Для паўночнікаў»: кампазіцыі ў выкананні аркестраў Клода Каравэлі і Поля Марыа;
- у 02:00 – «Музыка ночы»: кантата Карла Орфа «Carmina Burana»;
- у 06:10 – у праграме «Музычны світанак» пачуем голас Эдзіт Піяф;
- у 07:05, 22:15 – «Музычны мэйнстрым»: запісы французскага піяніста і кампазітара Арманда Баўэра;
- у 07:20 і 13:15 – праект «Галасы эпохі» раскажа пра героя Савецкага Саюза Васіля Мічурына;
- у 07:35 і 14:05 – «Любімыя мелодыі» прысвечаны песням Валерыя Лявонцьева;
- у 08:05 і 13:05 – «Музыка тэатра і кіно» нагадае мелодыі Ніна Роты;
- у 08:45 і 18:45 – «Радыёсерыял»: раман Аляксандра Бяляева «Чалавек, які знайшоў свой твар»;
- у 09:00 – «Класіка раніцай»: музыка французскага кампазітара Клода Дэбюсі;
- у 11:00 і 20:30 – «Радыёбібліятэка»: аповесць Васіля Быкава «Трэцяя ракета» чытае заслужаны артыст Беларусі Уладзімір Рагаўцоў;
- у 11:30 і 18:15 – «У свеце музыкі»: фрагмент Фартэпіяннага канцэрта фа мажор Джорджа Гершвіна;
- у 12:10 і 21:10 – «Час на джаз»: запісы Монці Уотэрса 1975 года;
- у 12:30 і 21:30 – «Дыялогі пра культуру» з Настассяй Ермалюк. Госць студыі – галоўны рэдактар «Беларускага гістарычнага часопіса» Аляксандр Карзюк;
- у 13:30 – «З музычнай калекцыі канала “Культура”»: запісы Тота Кутуньё;
- у 14:30 і 22:30 – «Літаратурная анталогія»: аповесць Валянціна Распуціна «Жыві і памятай» гучыць у выкананні артысткі Лікі Пташук;
- у 15:00 – «Музыка беларускіх кампазітараў»: Фартэпіянны канцэрт Ларысы Мурашкі;
- у 16:05 – Дзіцячы праект «Дасціпныя. Нястомныя. Кемлівыя»;
у 17:00 – «Амфітэатр»: запісы аргенцінскай віяланчэлісткі Соль Габеты;
- у 19:00 – «Канцэртная зала» запрашае паслухаць канцэрт Сімфанічнага аркестра Белтэлерадыкампаніі «Для вас, любимые!» Запіс зроблены 8 сакавіка гэтага года ў сталічнай канцэртнай зале «Верхні горад»;
- у 21:00 – «Вячэрняя казка»;
- у 23:00 – «Музычны вечар»: фрагменты з балета Пятра Чайкоўскага «Спячая прыгажуня».
У праграме магчымы змены.
Наш сайт – www.radiokultura.by.

31/07/2025

Сакрэты катоў

Госць радыё «Культура» — старшы навуковы супрацоўнік лабараторыі папуляцыйнай экалогіі наземных пазваночных і кіравання біярэсурсамі Навукова-практычнага цэнтра НАН Беларусі па біярэсурсах Павел Велігураў.
• Распявёў пра звычкі рысі — адзінага прадстаўніка каціных у нашых лясах;
• Растлумачыў, якую шкоду наносяць дзікай прыродзе дамашнія кошкі.

Далучайцеся да радыё «Культура» ў сацыяльных сетках:

https://t.me/radiokultura
https://www.instagram.com/radiokultura
https://vk.com/radiokultura
https://www.facebook.com/radiokulturaby

#Чырвоная4 #КаналКультура #ДыялогіПраКультуру

31/07/2025

Госць радыё "Культура" - мастак, іканапісец Ядвіга Сянько

У чацвер 31 ліпеня заставайцеся з каналам «Культура»! Мы прапануем: - у 00:04 – «Для паўночнікаў»: запісы групы «Electri...
30/07/2025

У чацвер 31 ліпеня заставайцеся з каналам «Культура»!
Мы прапануем:

- у 00:04 – «Для паўночнікаў»: запісы групы «Electric Light Orchestra»;
- у 02:00 – «Музыка ночы»: творы французскага кампазітара канца XIX стагоддзя Эмануэля Шабрые;
- у 06:10 – «Музычны світанак»: кампазіцыі з рэпертуару джазавых аркестраў Аляксандра Варламава і Алега Лундстрэма;
- у 07:05, 22:15 – «Музычны мэйнстрым» пазнаёміць з творчасцю нямецкага кампазітара Нікласа Пашбурга;
- у 07:20, 13:15 – праект «Нам засталася спадчына» прысвечаны жыццёваму шляху Максіма Гарэцкага;
- у 07:35 і 14:05 – герой праграмы «Любімыя мелодыі» – канадскі спявак і кампазітар Гордан Лайфут;
- у 08:05 і 13:05 – «Музыка тэатра і кіно» звяртаецца да кінатрылогіі Кшытафа Кясьлёўскага «Тры колеры: Сіні. Белы. Чырвоны». Вы пачуеце музыку Збігнева Прайснера;
- у 08:45 і 18:45 – «Радыёсерыял»: раман Аляксандра Бяляева «Чалавек, які знайшоў свой твар»;
- у 09:00 – «Класіка раніцай»: пачуем голас амерыканскага спевака Поля Робсана;
- у 11:00 і 20:30 – «Радыёбібліятэка»: аповесць Васіля Быкава «Трэцяя ракета» гучыць у выкананні заслужанага артыста Беларусі Уладзіміра Рагаўцова;
- у 11:30 і 18:15 – «У свеце музыкі»: творы Ніна Роты;
- у 12:10 і 21:10 – «Час на джаз»: запісы Роя Элдрыджа 1970 года;
- у 12:30 і 21:30 – госць праграмы «Дыялогі пра культуру» – старшы навуковы супрацоўнік Навукова-практычнага цэнтра НАН Беларусі па біярэсурсах Павел Велігураў – раскажа аб прадстаўніках сямейства каціных, што жывуць у беларускіх лясах;
- у 13:30 – «З музычнай калекцыі канала “Культура”»: танга Аскара Строка;
- у 14:30 і 22:30 – «Літаратурная анталогія»: аповесць Валянціна Распуціна «Жыві і памятай». Чытае артыстка Ліка Пташук;
- у 15:00 – «Музыка беларускіх кампазітараў»: песні і рамансы ў выкананні народнага артыста Беларусі Ісідара Балоціна;
- у 16:05 – Дзіцячы праект «Дасціпныя. Нястомныя. Кемлівыя»;
у 17:00 – «Амфітэатр»: матэты французскага кампазітара эпохі барока Андрэ Кампра;
- у 19:00 – «Канцэртная зала»: запісы ансамбляў старадаўняй музыкі «La Reverdie» і «The Harp Consort»;
- у 21:00 – «Вячэрняя казка»;
- у 23:00 – «Музычны вечар»: фрагменты Літургіі Іаана Златавуста балгарскага кампазітара Добры Хрыстава ў выкананні акадэмічнага хору Белтэлерадыёкампаніі пад кіраўніцтвам народнага артыста СССР, прафесара Віктара Роўды.
У праграме магчымы змены.
Наш сайт – www.radiokultura.by.

30/07/2025

Праз творчасць да веры

Госць радыё «Культура» — мастак, іканапісец Ядвіга Сянько. Тэма размовы – вера, духоўная сіла мастацтва.

Тэмы дыялогу:
• шлях да жанру царкоўнага жывапісу;
• таінства напісання спісаў з абразоў;
• вера як прынцып дзеяння і сілы;
• роля мастака ў перадачы духоўнай спадчыны

Далучайцеся да радыё «Культура» ў сацыяльных сетках:

https://t.me/radiokultura
https://www.instagram.com/radiokultura
https://vk.com/radiokultura
https://www.facebook.com/radiokulturaby

#Чырвоная4 #КаналКультура #ДыялогіПраКультуру

У сераду 30 ліпеня заставайцеся з каналам «Культура»! Мы прапануем: - у 00:04 – «Для паўночнікаў»: запісы Джудзі Гарланд...
29/07/2025

У сераду 30 ліпеня заставайцеся з каналам «Культура»!
Мы прапануем:

- у 00:04 – «Для паўночнікаў»: запісы Джудзі Гарланд;
- у 02:00 – «Музыка ночы»: творы Арама Хачатурана;
- у 06:10 – «Музычны світанак»: песні ў выкананні сенегальскага спевака Васіса Дыёпа;
- у 07:05, 22:15 – «Музычны мэйнстрым» пазнаёміць з творчасцю кітайскага кампазітара і піяніста Ю-Пэн Чэня;
- у 07:20, 13:15 – праграма «Беларуская спадчына» запрашае ў вёску Белая Дуброва Касцюковіцкага раёна;
- у 07:35 і 14:05– «Любімыя мелодыі»: гучаць кампазіцыі Led Zeppelin;
- у 08:05 і 13:05 – «Музыка тэатра і кіно»: музыка з фільма «Грэк Зорба» рэжысёра Міхаліса Какаяніса. Кампазітар Мікіс Тэадаракіс;
- у 08:45 і 18:45 – праект «Радыёсерыял»: працяг рамана Аляксандра Бяляева «Чалавек, які знайшоў свой твар»;
- у 09:00 – «Класіка раніцай»: творчасць Іаганеса Брамса;
- у 11:00 і 20:30 – «Радыёбібліятэка»: Васіль Быкаў «Трэцяя ракета», выканаўца – заслужаны артыст Беларусі Уладзімір Рагаўцоў;
- у 11:30 і 18:15 – «У свеце музыкі»: урыўкі з опер у выкананні вядомага італьянскага тэнара Беньяміна Джыльі;
- у 12:10 і 21:10 – «Час на джаз»: музыка Білі Экстайна і яго аркестра 1960 года;
- у 12:30 і 21:30 – «Дыялогі пра культуру» з Аляксеем Гулевічам. Госця студыі – мастачка Ядвіга Сянько;
- у 13:30 – «З музычнай калекцыі канала “Культура”»: запісы Івіцы Шэрфезі і Вані Стойкавіч;
- у 14:30 і 22:30 – «Літаратурная анталогія»: чарговыя старонкі аповесці Валянціна Распуціна «Жыві і памятай» чытае артыстка Ліка Пташук;
- у 15:00 – «Музыка беларускіх кампазітараў»: творы Яна Давіда Голанда ў выкананні ансамбля салістаў «Класік-Авангард» пад кіраўніцтвам Уладзіміра Байдава;
- у 16:05 – Дзіцячы праект «Дасціпныя. Нястомныя. Кемлівыя»;
- у 17:00 – «Амфітэатр»: музыка брытанскага кампазітара Эрнэста Джона Морана;
- у 19:00 – «Канцэртная зала»: запіс канцэрта партугальскай выканаўцы песень фаду Аны Моўра;
- у 21:00 – «Вячэрняя казка»: твор Сяргея Палікарпава «Самы смелы»;
- у 23:00 – «Музычны вечар»: запісы чэшскага піяніста Івана Мораўца.

У праграме магчымы змены.
Наш сайт – www.radiokultura.by.

29/07/2025

У творчасці галоўнае – не спыняцца!

Госці радыё «Культура» – мастакі і выкладчыкі, члены Беларускага саюза мастакоў, сямейны і творчы дуэт Вольга і Юрый Крупянковы.

Тэмы размовы:
• сумесныя праекты і выставы;
• агульная майстэрня і асабістая прастора;
• калекцыя экслібрысаў Вольгі;
• партрэты дзеячаў культуры Юрыя;
• падтрымка і творчыя сумненні.

Далучайцеся да радыё «Культура» ў сацыяльных сетках:
https://t.me/radiokultura
https://www.instagram.com/radiokultura
https://vk.com/radiokultura
https://www.facebook.com/radiokulturaby
#Чырвоная4 #КаналКультура #ДыялогіПраКультуру

У аўторак 29 ліпеня заставайцеся з каналам «Культура»! Мы прапануем: - у 00:04 – «Для паўночнікаў»: запісы амерыканскай ...
28/07/2025

У аўторак 29 ліпеня заставайцеся з каналам «Культура»!
Мы прапануем:

- у 00:04 – «Для паўночнікаў»: запісы амерыканскай рытм-энд-блюзавай спявачкі Эстэр Філіпс;
- у 02:00 – «Музыка ночы»: творы амерыканскага кампазітара Лероя Андэрсана;
- у 06:10 – «Музычны світанак»: кампазіцыі рок-групы «Брава»;
- у 07:05, 22:15 – «Музычны мэйнстрым»: запісы праекта Orquestra Nova;
- у 07:20, 13:15 – праграма «Месца прыцягнення» запрашае наведаць Свіслач;
- у 07:35 і 14:05 – праект «Любімыя мелодыі» прапануе ўспомніць песні легендарнага амерыканскага рок-гурта Eagles;
- у 08:05 і 13.05 – «Музыка тэатра і кіно»: запісы салістаў беларускай оперы 1930-1940-ых гадоў;
- у 08:45 і 18:45 – праект «Радыёсерыял»: раман Аляксандра Бяляева «Чалавек, які знайшоў свой твар»;
- у 09:00 – «Класіка раніцай»: запісы народнага артыста Беларусі Зіновія Бабія;
- у 11:00 і 20:30 – «Радыёбібліятэка»: Васіль Быкаў «Знак бяды»;
- у 11:30 і 18:15 – праграма «У свеце музыкі» прапануе ўрыўкі з оперы Руджэра Леанкавала «Паяцы», творы Леа Дэліба і Эдуара Лало;
- у 12:10 і 21:10 – «Час на джаз»: запісы Кіда Оры і яго групы;
- у 12:30 і 21:30 – праграма «Дыялогі пра культуру» з Таццянай Гулевіч. Госці студыі – сямейны і творчы дуэт Вольга і Юрый Крупянковы;
- у 13:30 – «З музычнай калекцыі канала ''Культура''»: тры сімфанічныя «Накцюрны» Клода Дэбюсі;
- у 14:30 і 22:30 – «Літаратурная анталогія»: Валянцін Распуцін «Жыві і памятай». Чытае артыстка Ліка Пташук;
- у 15:00 – «Музыка беларускіх кампазітараў»: інструментальныя мелодыі Мацея Радзівіла;
- у 16:05 – Дзіцячы праект «Дасціпныя. Нястомныя. Кемлівыя»;
- у 17:00 – «Амфітэатр»: фартэпіянныя творы Ферэнца Ліста;
- у 19:00 – «Канцэртная зала»: музыка старадаўніх французскіх кампазітараў Андрэ Эрнэста Мадэста Грэтры, Жана-Батыста Люлі і Жана-Філіпа Рамо;
- у 21:00 – «Вячэрняя казка»;
- у 23:00 – «Музычны вечар»: альбом амерыканскага кампазітара і піяніста Чэда Лоўсана «Варыяцыі Шапэна».

У праграме магчымы змены.
Наш сайт – www.radiokultura.by.

28/07/2025

Пісьменнік – прафесія і прызванне!

Госць радыё «Культура» – публіцыст, празаік, перакладчык, дзіцячы пісьменнік, першы намеснік старшыні Саюза пісьменнікаў Беларусі Алена Стэльмах.

Тэмы размовы:
• творчы пісьменніцкі тандэм з дочкамі і ўнучкамі;
• што з’яўляецца крыніцай натхнення;
• работа ў Саюзе пісьменнікаў Беларусі;
• супрацоўніцтва з аўтарамі іншых краін;
• новыя казкі і кнігі.

Далучайцеся да радыё «Культура» ў сацыяльных сетках:
https://t.me/radiokultura
https://www.instagram.com/radiokultura
https://vk.com/radiokultura
https://www.facebook.com/radiokulturaby
#Чырвоная4 #КаналКультура #ДыялогіПраКультуру

У панядзелак 28 ліпеня заставайцеся з каналам “Культура”! Мы прапануем: – у 00:04 – «Для паўночнікаў»: запісы цыганскіх ...
27/07/2025

У панядзелак 28 ліпеня заставайцеся з каналам “Культура”!
Мы прапануем:

– у 00:04 – «Для паўночнікаў»: запісы цыганскіх выканаўцаў;
– у 06:10 – «Музычны світанак»: саўндтрэкі з культавых лірычных фільмаў;
– у 07:05, 22:15 – «Музычны мэйнстрым» пазнаёміць з творчасцю кампазітара Ніла Сіуры;
– у 07:20 і 13:15 – у праекце «Con Tempo» пачуеце творы беларускіх кампазітараў 1990-х гадоў;
– у 07:35 і 14:05 – «Любімыя мелодыі». Герой праграмы – акцёр Юрый Нікулін;
– у 08:05 і 13:05 – «Музыка тэатра і кіно». Узгадаем кінатрылогію «Уладар пярсцёнкаў» Пітэра Джэксана;
– у 08:45 і 18:45 – «Радыёсерыял»: прагучаць чарговыя старонкі рамана Аляксандра Бяляева «Чалавек, які знайшоў свой твар» у выкананні артысткі Лікі Пташук;
– у 09:00 – «Класіка раніцай»: камерныя творы нямецкага кампазітара Георга Філіпа Тэлемана;
– у 11:00 і 20:30 – «Радыёбібліятэка»: Васіль Быкаў, «Знак бяды»;
– у 11:30 і 18:15 – «У свеце музыкі»: Першая сюіта Бенджаміна Брытэна для віяланчэлі сола;
– у 12:10 і 21:10 – «Час на джаз»: вашай увазе запісы Стафана Грапелі 1961 года;
– у 12:30 і 21:30 – «Дыялогі пра культуру» з Алай Івановай. Праграма прысвечана юбілею публіцыста, празаіка, перакладчыка, дзіцячага пісьменніка, першага намесніка старшыні Саюза пісьменнікаў Беларусі Алены Стэльмах;
– у 13:30 – «З музычнай калекцыі канала ”Культура”»: творы Іагана Себасцьяна Баха ў выкананні трыа Жака Лусье;
– у 14:30 і 22:30 – «Літаратурная анталогія»: аповесць Валянціна Распуціна «Жыві і памятай»;
– у 15:00 – «Музыка беларускіх кампазітараў»: слухаем творы Васіля Кандрасюка і Фёдара Пыталева;
– у 16:05 – дзіцячы праект «Дасціпныя. Нястомныя. Кемлівыя»;
– у 17:00 – «Амфітэатр»: запісы французскага саксафаніста XX стагоддзя Марсэля Мюля;
– у 19:00 – у праграме «Канцэртная зала» – музыка шведскага дуэта Simbia і швейцарскага ансамбля Husischtein Musik;
– у 21:00 – «Вячэрняя казка»;
– у 23:00 – «Музычны вечар»: прагучыць Чацвёртая сімфонія Антона Брукнэра.

У праграме магчымы змены.
Наш сайт – www.radiokultura.by.

У нядзелю 27 ліпеня заставайцеся з намі! Канал «Культура» прапануе: – у 00:04 – «Для паўночнікаў»: запісы грузінскай гру...
26/07/2025

У нядзелю 27 ліпеня заставайцеся з намі!
Канал «Культура» прапануе:

– у 00:04 – «Для паўночнікаў»: запісы грузінскай групы Bani hill band, а таксама ізраільскага і амерыканскага трубача Ітамара Борахава;
– у 06:10 – «Музыка на канале “Культура”»: творы Пятра Чайкоўскага і Мікалая Рымскага-Корсакава – з рэпертуару Дзяржаўнага акадэмічнага сімфанічнага аркестра Беларусі;
– у 7:30 – праграма «Духоўнае слова»;
– у 8:05, 12:05 і 23:00 – у праграме «Прачулым радком» працягнем знаёмства з паэзіяй Міколы Маляўкі;
– у 8:15 – «Музыка на канале “Культура”»: слухаем запісы Ганны Герман;
– у 9:10 і 16:00 – праект «Памяць сэрца», створаны спецыяльна да 80-годдзя Вялікай Перамогі, раскажа пра канцлагер Дулаг-152 для ваеннапалонных;
– у 10:05 – «Любімыя мелодыі»: запісы французскай спявачкі Ізабэль Абрэ;
– у 10:30 – «Віртуозы»: размова з Марыяй Разумко, чыя выстава «Загадкавы свет космасу» працуе ў Мінскім планетарыі;
– у 11:00 – «Выхадныя з класікай»: арганныя творы Іагана Себасцьяна Баха і Дзітрыха Букстэхудэ;
– у 11:30 – «На паліцах фанатэкі»: запіс гутаркі з доктарам філалагічных навук, тэатральным крытыкам і тэатразнаўцай Таццянай Арловай з фондаў Беларускага радыё;
– у 12:20 – «Чытацкі дзённік» – аўтарская праграма Навума Гальпяровіча;
– у 12:30 – у перадачы «Натхнёныя музыкай» пачуеце народную артыстку Беларусі Наталлю Гайду;
– у 13:00 – «Рэтра-хіт»: праграма, у якой гучыць музыка мінулых гадоў;
– у 14:05 – «Арт-пікнік»: рубрыка «Еўропа музычная» прапануе паслухаць оперу «Эўрыдыка» Джуліа Качыні ў выкананні ансамбля Scherzi Musicali, у «Джазавых краявідах» чакайце запісы Джэрмэйна Джэксана 1970-х гадоў;
– у 16:15 – у праграме «Гасцінец» – узгадаем палотныя і пятроўскія песні;
– у 17:00 – «Класічны рэпертуар»: прагучыць «Сага» Яна Сібеліуса;
– у 18:10 – у праекце «Вечары на канапе» пачуеце запісы джаз-аркестра Мікалая Мінха;
– у 19:00 – «Музычны радыётэатр»: працягваем слухаць оперу Джузэпэ Вердзі «Луіза Мілер» паводле драмы Фрыдрыха Шылера «Каварства і каханне»;
– у 20:30 – праект «Рок-альбом»: падборка кампазіцый Озі Осбарна;
– у 21:00 – «Вячэрняя казка»: твор Ірыны Цуканавай «Бацькоўская любоў»;
– у 21:10 – «Час на джаз»: запісы Сліма Гаярда 1959 года;
– у 21:30 – «Радыётэатр плюс»: радыёспектакль «Шчаглы» па аднайменным рамане Леаніда Левановіча. Ролі выконваюць артысты мінскіх тэатраў. Год запісу – 1966. Таксама пачуеце Санату для скрыпкі і фартэпіяна Марыса Равэля;
– у 23:10 – «Акадэмія гуку»: творы кампазітараў XX стагоддзя ў выкананні брытанскага Arditti Quartet.

У праграме магчымы змены.
Наш сайт – www.radiokultura.by

Address

Чырвоная, 4
Minsk
220114

Website

Alerts

Be the first to know and let us send you an email when Канал «Культура» Беларускага радыё posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Канал «Культура» Беларускага радыё:

Shortcuts

Share

Category

Гісторыя канала “Культура” Беларускага радыё

Канал «Культура» Беларускага радыё пачаў вяшчанне 1 студзеня 2002 года і адразу вылучыўся са шматгалосся эфірнай прасторы як радыё для інтэлектуалаў. Канал «Культура» пастаянна развіваецца і ўдасканальваецца ў адпаведнасці з місіяй – ідэнтыфікацыя нацыянальнай культуры ў кантэксце сусветнай. Супрацоўнікі радыёстанцыі стараюцца ахапіць усе бакі шматграннага паняцця «культура», таму кожны новы сезон тэматычная палітра становіцца больш насычанай. Слухачы канала «Культура» знаёмяцца з лепшымі ўзорамі літаратуры і драматургіі, народнай, класічнай і сучаснай музыкі. Журналісты рыхтуюць рэпартажы з вернісажаў, тэатральных прэм’ер, навуковых лабараторый і аўдыторый ВНУ. У эфіры канала выступаюць культуролагі, гісторыкі і мастацтвазнаўцы. Запісы канцэртаў з Вялікай студыі Дома радыё, Белдзяржфілармоніі, Вялікага тэатра Беларусі канал «Культура» рэгулярна накіроўвае ў сусветны абменны канцэртны фонд, арганізаваны Еўрапейскім вяшчальным саюзам. Лепшыя беларускія канцэрты становяцца даступнымі меламанам з 73 краін свету, якія, як і Белтэлерадыёкампанія, з’яўляюцца членамі ЕВС. У сваю чаргу, канал «Культура» знаёміць беларускіх аматараў музыкі з апошнімі замежнымі музычнымі падзеямі.

З 2018 года канал пачаў уласную вытворчасць радыёспектакляў. Прэм’ерным стала “Падарожжа ў краіну мурашоў”, разлічанае на дзіцячую аўдыторыю. Дарэчы, на нашай хвалі рыхтуецца штодзённы (з панядзелка да пятніцы) праект “Дасціпныя. Нястомныя. Кемлівыя”, які за дзесяцігоддзе вяшчання ператварыўся ў клуб для дзяцей і падлеткаў. Пад канец 2018 года адбылася прэм’ера радыёспектакля “Танец з рапірай” па п’есе Ягора Конева. Аўтар стаў пераможцам конкурсу п’ес для сучаснага радыётэатра. Творчае спаборніцтва ініцыяваў і правёў канал “Культура”.

Канал «Культура» гучыць на частотах УКХ (з 06:00 да 24:00), кругласутачна ў інтэрнэце і ў FM-дыяпазоне: Мінск - 102,9 FM Брэст - 88,5 FM Віцебск - 99,3 FM Гомель - 91,5 FM Гродна - 95,0 FM Магілёў - 99,1 FM Дырэктар – Уладзімір Анатольевіч Трапянок