08/01/2026
ਅੱਜ ਦਾ ਦਿਨ ਐਡੀਲੇਡ ਵਿੱਚ ਸਿੱਖ ਸੰਗਤ ਲਈ ਬਹੁਤ ਹੀ ਦੁਖਦਾਈ ਸੀ ਅਤੇ ਬੀਤੇ ਦਿਨੀਂ ਦਸ਼ਮੇਸ਼ ਦਰਬਾਰ, ਵਰਜੀਨੀਆ, ਐਡੀਲੇਡ, ਆਸਟਰੇਲੀਆ ਵਿੱਚ ਹੋਈ ਦਰਦਨਾਕ ਦੁਰਘਟਨਾ ਵਿਚ ਨੁਕਸਾਨੇ ਗਏ ਗੁਰੂ ਸਾਹਿਬ ਦੇ 4 ਸਰੂਪਾਂ, 12 ਪੋਥੀ ਸਾਹਿਬਾਨ, 70 ਦੇ ਕਰੀਬ ਗੁਟਕਾ ਸਾਹਿਬਾਨ ਅਤੇ ਹੋਰ ਧਾਰਮਿਕ ਸਮੱਗਰੀ ਅਤੇ ਸ਼ਸਤਰਾਂ ਦਾ ਅੱਜ ਅੰਗੀਠਾ ਤਿਆਰ ਕਰਕੇ ਅੰਤਿਮ ਸੰਸਕਾਰ ਕੀਤਾ ਗਿਆ। ਸੰਗਤ ਦੀ ਹਰ ਅੱਖ ਨਮ ਸੀ ਤੇ ਕੋਈ ਵੀ ਇਨਸਾਨ ਇਹੋ ਜਿਹਾ ਦਿਨ ਦੇਖਣਾ ਨਹੀਂ ਸੀ ਚਾਹੁੰਦਾ, ਜਦੋਂ ਸਾਨੂੰ ਦੁਨਿਆਵੀ ਜੀਆਂ ਨੂੰ ਅਜਿਹੇ ਅੰਗੀਠੇ ਦਾ ਹਿੱਸਾ ਬਣਨਾ ਪਿਆ ਹੋਵੇ ਉਹ ਵੀ ਇਹਨਾਂ ਦੇਸ਼ਾਂ ਵਿੱਚ ।
ਅਕਾਲ ਪੁਰਖ ਅੱਗੇ ਅਰਦਾਸ ਕਿ ਅੱਗੇ ਤੋਂ ਇਹੋ ਜਿਹੇ ਦਿਨ ਨਾ ਦਿਖਾਉਣਾ ।
ਸਾਰੇ ਈਵੈਟ ਨੂੰ ਸ੍ਰੀ ਅਕਾਲ ਤਖਤ ਸਾਹਿਬ ਵਲੋ ਸਥਾਪਿਤ ਕਮੇਟੀ ਵਲੋ ਦੇਖਿਆ ਗਿਆ ਅਤੇ ਮਰਿਆਦਾ ਅਨੁਸਾਰ ਸਾਰੀ ਕਾਰਵਾਈ ਕੀਤੀ ਗਈ । ਸ੍ਰੀ ਅਕਾਲ ਤਖਤ ਸਾਹਿਬ ਨੇ ਆਦੇਸ਼ ਕੀਤਾ ਕੇ ਇਹ ਸਪੈਸ਼ਲ ਪ੍ਰਵਾਨਗੀ ਸਿਰਫ ਇੱਕ ਵਾਰ ਲਈ ਸੀ ਅਤੇ ਕੋਈ ਵੀ ਦੁਹਰਾਉਣ ਦਾ ਯਤਨ ਨਹੀ ਕਰੇਗਾ ।
ਜਾਂਚ ਕਮੇਟੀ ਵਲੋ ਅੱਧੀ ਅੱਧੀ ਰਾਤ ਤੱਕ ਬੈਠ ਕੇ ਫਾਇਰ ਬਰੀਗੇਡ, ਪ੍ਰਬੰਧਕਾਂ, ਸੇਵਾਦਾਰਾਂ, ਸੰਗਤਾਂ ਦੇ ਬਿਆਨ ਦਰਜ ਕੀਤੇ ਅਤੇ ਘਟਨਾ ਸਥਾਨ ਦਾ ਕਈ ਵਾਰ ਜਾਇਜਾ ਲੈ ਕੇ ਜਾਂਚ ਰਿਪੋਰਟ ਤਿਆਰ ਕੀਤੀ ਗਈ ਹੈ ਜੋ ਅੱਜ ਸ੍ਰੀ ਅਕਾਲ ਤਖਤ ਸਾਹਿਬ ਨੂੰ ਭੇਜਣ ਉਪਰੰਤ ਐਤਵਾਰ ਨੂੰ ਭੋਗ ਉਪਰੰਤ ਸੰਗਤ ਲਈ ਵੀ ਜਾਰੀ ਕੀਤੀ ਜਾਵੇਗੀ । ਅਗਲੇਰੀ ਕਾਰਵਾਈ ਸ੍ਰੀ ਅਕਾਲ ਤਖਤ ਸਾਹਿਬ ਵਲੋ ਕੀਤੀ ਜਾਵੇਗੀ । ਅੱਗ ਦੀ ਘਟਨਾ ਵਿੱਚ ਕੋਈ ਬਾਹਰੀ ਦਖਲ ਨਹੀ ਪਾਇਆ ਗਿਆ ਅਤੇ ਅੱਗ ਦੇ ਸੰਭਾਵਿਤ ਕਾਰਨਾਂ ਦਾ ਰਿਪੋਰਟ ਵਿੱਚ ਜਾਂਚ ਮੁਤਾਬਿਕ ਦਰਜ ਕੀਤਾ ਗਿਆ ਹੈ । ਸੰਗਤ ਨੂੰ ਆਪਿਸੀ ਪਿਆਰ ਅਤੇ ਸਤਿਕਾਰਤ ਭਾਵਨਾ ਬਣਾਈ ਰੱਖਣ ਲਈ ਬੇਨਤੀ ਕੀਤੀ ਗਈ ਅਤੇ ਇਸ ਟਾਈਮ ਤੇ ਕਿਸੇ ਵੀ ਤਰਾਂ ਦੀ ਸਿਆਸਤ ਨਾ ਕਰਨ ਲਈ ਅਪੀਲ ਦਾ ਚੰਗਾ ਅਸਰ ਰਿਹਾ ।
ਜਾਂਚ ਕਮੇਟੀ ਐਤਵਾਰ ਭੋਗ ਉਪਰੰਤ ਜਾਂਚ ਰਿਪੋਰਟ ਜਾਰੀ ਕਰੇਗੀ ਅਤੇ ਨਿਊਜੀਲੈਡ ਤੋ ਸ਼ਾਮਿਲ ਦੋਨੋ ਮੈਬਰ ਸਸਕਾਰ ਦੀਆਂ ਰਸਮਾਂ ਉਪਰੰਤ ਵਾਪਿਸ ਜਾਣ ਕਾਰਨ ਬਾਕੀ ਦੇ ਮੈਬਰ ਐਤਵਾਰ ਨੂੰ ਪੜ ਕੇ ਸੁਣਾਉਣਗੇ । ਫੈਸਲਾ ਹੁਣ ਸ੍ਰੀ ਅਕਾਲ ਤਖਤ ਸਾਹਿਬ ਦੇ ਹੱਥ ਹੈ ।
ਜਾਂਚ ਕਮੇਟੀ
ਸ੍ਰੀ ਅਕਾਲ ਤਖਤ ਸਾਹਿਬ
ਦਲਜੀਤ ਸਿੰਘ ਨਿਊਜੀਲੈਡ
ਮਨਦੀਪ ਸਿੰਘ ਪਰਥ
ਰਵੀਇੰਦਰ ਸਿੰਘ ਮੈਲਬੌਰਨ
ਪ੍ਰੀਤਮ ਸਿੰਘ ਮੈਲਬੌਰਨ
ਕਰਮਜੀਤ ਸਿੰਘ ਨਿਊਜੀਲੈਡ
ਗੁਰਿੰਦਰਜੀਤ ਸਿੰਘ ਐਡੀਲੇਡ
ਜਗਦੀਪ ਸਿੰਘ ਮੈਲਬੌਰਨ
੩੧/੦੭/੨੦੨੬
