03/17/2024
??????????????????????????????????????????
🌻ඉතින් ප්‍රශ්න කියන්නෙ මොනවද? ප්‍රශ්න තියෙන්නේ කාටද? ප්‍රශ්න තියෙන්නේ කොහෙද?
🌻ඉතින් ප්‍රශ්න කියන්නේ අපිව බැඳලා තියන අපේ නිදහස අහිමි කරන නැත්තන් අපිට ඇහැට කඳුළක් ගේන අපේ ගමනක් නවත්තන්න අපිට මානසික පීඩනයක් දෙන, මේ වගේ දෙයක් තමයි අපි සාමාන්‍යයෙන් ප්‍රශ්නයක් කියලා කියන්නේ.
🌻මිනිස්සු වෙච්ච අපිට විතරක් නෙමෙයි සතා සිවුපාවා හැමෝටම මේ ප්‍රශ්න තියෙන්න පුළුවන්. ඉතිං එදිනෙදා ජීවිතේ හැම තැනම අපිට තියෙන්නේ ප්‍රශ්න..
🌻ඉතින් ජීවිතේ කියන්නේ ප්‍රශ්නවලට මුහුණ දෙමින් ප්‍රශ්න මගහරිමින් සමහර වෙලාවට ප්‍රශ්න තදින් වැළඳගෙන යන ගමනක්. මේ ප්‍රශ්න වලට එකිනෙකා මුහුණ දෙන්නේ එක එක විදියට. මූණ දෙන විදිය වෙනස් වෙන්නේ අපි එක එක්කෙනා ප්‍රශ්න එක්ක ගනුදෙනු කරන විදිය එක්ක.
🌻ඉතින් අද සමාජය අපිට දකින්න ලැබෙනව ගොඩක් තරුණ ළමයි මේ ප්‍රශ්න නිරාකරණය කරගන්න බැරුව සියදිවි හානි කරගන්නවා.. තමන්ගේ ජීවිතය,තමන්ගේ පවුල් අවුල් කරගන්නවා.. තමන්ගේ ළමයින්ගේ ජීවිත අවුල් කරනවා..ගොඩක් අය මේ දේවල් නිසා ජීවත් වෙන්නෙ මිහිපිට අපායක. බොහොමයක් සියදිවි හානිකර ගන්නේ කිසිම ඉගෙනීමක් නැති ළමයි නෙමෙයි හොඳට ඉගෙන ගෙන විශ්ව විද්‍යාල වල ගිහිල්ලා ලොකු තනතුරුවල ඉන්න තරුණ ජීවිත.
🌻ඉතින් ඇයි එහෙම වෙන්නේ එහෙම වෙන්නේ ළමයෙක් පොඩි කාලේ ඉඳලම ප්‍රශ්නවලට මුහුණ දෙන්නෙ කොහොමද කියලා දෙමව්පියන් හරි අවබෝධයක් ළමයින්ට දෙන්නැත එක.ගොඩක් වෙලාවට අද කාලේ අම්මල තාත්තල ළමයින්ට ප්‍රශ්නයක් වෙන දෙන්නේ නැහැ. ළමයට ප්‍රශ්නෙට මුහුණ දීලා නිරාකරණය කරන්න නෙමෙයි කියලා දෙන්නේ තමන් ඊට කලින් ප්‍රශ්නය නිරාකරණය කරලා ඔක්කොම ළමයට කරලා දෙනවා.
🌻ඉතින් ප්‍රශ්ණයක් වුණහම දෙමව්පියෝ ළඟ නැති දාට ළමයි අසරණ වෙනවා. ඒ නිසා ජීවිතයේ පොඩි පොඩි ප්‍රශ්න එන්නේ කොහොමද ඒවා නිරකරණය කරගන්නේ කොහොමද කියලා පොඩි වයසේ ඔවුන්ගේ මට්ටමෙන් පොඩි කාලෙ ඉඳලම කියලා දෙන්න ඕනේ. පොඩි ළමයින්ට මොන ප්‍රශ්නද කියලා නිකන් ඉන්න හොඳ නැහැ. වැඩිහිටිය උණු අපිට පොඩියට පේන ප්‍රශ්න පොඩි අයගේ හිත් වලින් බැලුවහම ඒ හිත් වලට පේන්නේ ලොකු ප්‍රශ්න විදියට. ඉතිං අපි ඒවට විසඳුම් හොයලා දෙන්න උදව් කරන්න ඕනේ එතකොට තමයි ජීවිතේ ඒගොල්ලෝ ලොකු උනහම ඒගොල්ලොන්ට ප්‍රශ්න ආවහම ඒගොල්ලෝ ඒවා බය නැතුව නිරාකරණය කරගන්න උත්සාහ කරන්නේ..
🌻සමහර විට යාළුවෙක් තරහ වෙච්ච එකක් එයාගේ බඩුවක් නැති වෙච්ච එකක් හරි බැනපු එකක් තමන්ට තියෙන මොකක් හරි විභාගයක් තමන්ගෙ මොකක් හරි අඩුපාඩුවක් මේ වගේ පොඩි පොඩි ඕනම දෙයක් වෙන්න පුළුවන් ඒ ගැන අපි නිතරම ළමයිත් එක්ක කතා කරන්න ඕනේ. ඒක ගණන් ගන්න එපා කියලා ඉන්න එක නෙමෙයි අපි කරන්න ඕන ඇයි ඔයාගේ යාළුව තරහ උනේ..දුක් වෙන්න එපා. ඔයාට එයාව යාළු කරගන්න ඕනෙද? යාළු කරගන්න ඕනි නම් මම උදව් කරන්නම්.. අපි මොකක්ද එකට කරන්න ඕනේ හැම දෙයක්ම ළමයත් එක්ක දෙමව්පියෝ විදියට අපිට කතා කරන්න පුළුවන්.
🌻ඒක අපි ලොකු දෙයක් කියල නොහිතුවට ඒක ඒ පුංචි හිත් වලට ලොකු හයියක් පුංචි හිතට තියෙන පුංචි ප්‍රශ්න නිරාකරණය කරගන්න එක ලොකු ශක්තියක්.එහෙම දේවල් කරාම ළමයා පොඩි කාලේ ඉඳලම සම්බන්ධකම් බිඳුනහම මොකක්ද වෙන්නේ.. අපි මොකක්ද කරන්න .. අපි ඒ වගේ අවස්ථාවල උදවු ගන්න ඕනේ කාගෙන්ද ? අපි දුක බෙදාගන්න ඕනේ කාත් කාගෙන්ද? අපි ඒ අවස්ථාවන්වලට මුහුණ දීලා එදිනෙදා වැඩ කරගන්නේ කොහොමද කියන එක හරි ලස්සනට ඉගෙන ගන්නවා.
🌻දෙමව්පියෝ විදියට එදිනෙදා ජීවිතේ පරිසරය උපයෝගී කරගෙන සතා සිව්පාවට තියෙන ප්‍රශ්න මොනවද ඔවුන් කන්න හොයාගන්නේ කොහොමද ඔවුන් එක එක කාලවලදී කාලගුණ විපර්යාස අනුව ඔවුන් ඒවට මුහුණ දීලා ජීවත් වෙන්නේ කොහොමද සත්තු ඒවට පාවිච්චි කරන උපක්‍රම මොනවාද මේ වගේ දේවල් අපි හැමතිස්සෙම ළමයි එක කතා කරන්න ඕනේ. එහෙම කියලා මං අදහස් කරන්නේ නෑ මේ ප්‍රශ්න මොනවද කියලා ළමයිත් එක්ක "ප්‍රශ්න ප්‍රශ්න" කියලා කතා කරල මේ හැමදේම කියලා දෙන්න ඕනේ කියලා. ඒක එදිනෙදා ජීවිතයේ සිදුවීම් එක්ක ගලපල ඔවුන්ට තේරුම් කරන්න කියන එක තමයි මගේ අදහස.
🌻ඔවුන්ට කියලා දෙන්න ඕනේ සමහර වෙලාවට ප්‍රශ්න අපිව පසුබෑමකට ලක් කරත් අපිට අභියෝගයක් වුණත් ඒ පසුබෑමම ඒ අභියෝගයම අපිට තවත් අලුත් අවස්ථා උදා කරලා දෙන්න පුළුවන් කියන එක.ඒ නිසා
ප්‍රශ්න නිසා නිසා ජීවිතය මඟ හැරගන්න ඕනේ නෑ කියන එක ප්‍රශ්නම ශීර්වාදයක් කරගෙන ඉස්සරහට යන්නේ කොහොමද කියන එක.
🌻ඉතින් පුංචි අයගේ ප්‍රශ්න නොසලකා හරින්නේ නැතුව ඇයි පුතේ ඇයි දුවේ ඔයාට කොහොමද කියලා අහන්න.. ඒ චූටි හිත්වලට එන ප්‍රශ්නවලදී ඒගොල්ලෝ තදින් වැළඳ ගන්න.එතකොට එයාලා ප්‍රශ්නේ කියන්නේ ජීවිතේ කොටසක් කියලාතේරුම් අරගෙන හරි ලස්සනට ඉස්සරහට යාවි.
🌻ඉතින් ඔයාලගේත් අදහස් තියෙනවා නම් කමෙන්ට් කරලා බෙදා ගන්න. මගේ අඩුපාඩුවක් තියෙනවා නම් ඒකත් කමෙන්ට් එකකින් නිවැරදි කරන්න.
Abhi’s Toy World
