Amla Media, Oakville, ON (2025)

11/07/2025

Gjyshja që e therrasin "NANUSH" pritet të futet në Big Brother VIP Kosova por ka një kërkesë të veçant për produksionin...

06 Nëntor 2025

Sezoni i ri i reality shoë-t të shumëpërfolur “Big Brother” pritet të sjellë më shumë diversitet se kurrë më parë, duke përfshirë një përzierje të gjerë të karaktereve, profesionistëve dhe personaliteteve publike që do të bëjnë bashkëjetesën brenda shtëpisë më të famshme në vend edhe më interesante.

Sipas informacioneve të publikuara nga “Kosovarja”, organizatorët e këtij edicioni kanë përgatitur një format të pasur me përmbajtje, ku secili banor do të sjellë një histori, një mënyrë jetese dhe një perspektivë unike, duke premtuar kështu shumë dinamika të reja për publikun.

Një nga emrat që përflitet të jetë pjesë e kastit të ri është Igballe Huduti, një figurë që tashmë ka tërhequr vëmendjen e opinionit publik për personalitetin e saj dhe qëndrimet e qarta që ka shprehur në rrjete sociale dhe media.Burime të afërta me produksionin bëjnë të ditur se Huduti ka paraqitur një kërkesë të veçantë përpara hyrjes së mundshme në shtëpi.

Ajo raportohet se ka kërkuar të ketë një dhomë të ndarë nga banorët e tjerë, për shkak të bindjeve dhe praktikave të saj fetare, pasi mban mbulesë dhe dëshiron të ruajë privatësinë dhe respektin për vlerat personale që e karakterizojnë.

Kërkesa e saj, sipas burimeve të njëjta, është marrë seriozisht nga produksioni i “Big Brother”, i cili po shqyrton mundësinë e krijimit të një hapësire të përshtatshme që do t’i mundësonte asaj të ndihet rehat dhe e respektuar gjatë qëndrimit në shtëpi.

Ky veprim shihet si një hap i rëndësishëm drejt përfshirjes dhe respektimit të diversitetit kulturor e fetar brenda formatit, i cili gjithmonë ka synuar të përfaqësojë pjesë të ndryshme të shoqërisë në një ambient të përbashkët.

Nëse kjo kërkesë pranohet dhe Huduti bëhet pjesë e zyrtarizuar e “Big Brother”-it, ajo do të jetë një ndër konkurrentet më të veçanta të këtij edicioni, duke sjellë një dimension të ri në mënyrën si perceptohet bashkëjetesa dhe respekti për dallimet individuale.Një pjesë e publikut e ka përshëndetur këtë nismë, duke e cilësuar si një shembull pozitiv të bashkëjetesës harmonike, ndërsa të tjerë janë kuriozë të shohin se si do të realizohet kjo në praktikë brenda shtëpisë, që dihet për natyrën e saj të hapur dhe sfidat që vendos mes banorëve.

Produksioni i “Big Brother” ka treguar ndër vite se është i gatshëm të përshtatet me rrethana të ndryshme dhe të ruajë balancën mes spektaklit dhe respektit për identitetet personale të pjesëmarrësve.

Kështu, nëse informacionet rezultojnë të sakta, hyrja e Igballe Hudutit do të shënonte një hap të ri për emisionin, duke e bërë këtë sezon jo vetëm më të larmishëm në aspekte sociale dhe kulturore, por edhe më të ndjeshëm ndaj përfshirjes dhe tolerancës.

Ndërkohë, publiku tashmë po pret me padurim zbulimin e plotë të listës së konkurrentëve, ndërsa rrjetet sociale janë mbushur me diskutime, hamendësime dhe komente për personazhet që mund të bëhen pjesë e këtij formati.

Pavarësisht se ende nuk ka një konfirmim zyrtar nga produksioni, fakti që emri i Igballe Hudutit përmendet në këtë kontekst ka ngjallur interes të madh dhe ka shtuar pritshmëritë për një sezon që duket se do të jetë më ndryshe dhe më përfaqësues se kurrë më parë.

11/07/2025

“Jemi të lumtur për Ismajlin dhe Tucin, janë të rëndësishëm”/ Sylvinho për listën: Manajn nuk e donin, por më pas u kthye në hero...

07 Nentor 2025

Trajneri i Kombëtares Sylvinho, publikoi listën e lojtarëve të grumbulluar për këto dy takime, ku risia e vetme ishte Indrit Tuci.

Në konferencën përpara mediave, braziliani shpjegoi përzgjedhjet e tij dhe objektivat e Kombëtares.

“Sa më shumë të luajë Medon Berisha, aq më mirë për ne. Më pëlqen shumë si lojtar. E kemi marrë në Europian për të fituar eksperiencën dhe të ndihmojë Kombëtaren. Ka disa limite me ndryshimet gjatë ndeshjeve, madje edhe në miqësore. Është në një moment të mirë me klubin e tij. Gripshi më pëlqeu me Jordaninë. Është inteligjent dhe ka mundësi për të shënuar. Ai ka 15 ditë që është me pushime. Ne na duhen lojtarë që momentalisht po stërviten. Nuk kam kohë të mendojmë për grumbullimet e tjera, por vetëm për ndeshjet me Andorrën e Anglinë.

Rikthimi i Ismajlit, jam tepër i lumtur. Kishte një dëmtim, por tashmë e ka lënë pas. Sa i përket Tucit, është një lojtar që ka luajtur dy ndeshje në Nations League. Pati një transferim, por humbi kohë sepse ishte i dëmtuar. Është një lojtar që natyralisht është në rolin e trekuartistit, por transformohet në një sulmues qendre. Është një opsion ekstra sepse të jep mundësi të shënojë gol.

Kriteri ka qenë gjithmonë i tillë. Nuk grumbullojmë një lojtar që mund të luajë 10 ndeshje me Realin. Dua të bëj një paralelizëm me Rey Manajn. Ai humbi një penallti kundër Serbisë dhe të gjithë thanë që nuk duhej grumbulluar më. Pas 97 ditësh u kthye në hero. Ai është një lojtar shumë i mirë. Bajrami nuk luan por është golashënuesi më i mirë që kemi. Duhet të fusim lojtarë që e përfaqësojnë më së miri fanellën e Shqipërisë. Këta lojtarë na japin besim. Ky ka qenë kriteri. Kemi bërë disa ndryshime gjatë këtyre tre vite.

Ne na duhen lojtarë të cilët shënojnë gol dhe kanë kapacitet për të provuar në fazën ofensive. Broja për shembull që e ka bërë këtë. Asani gjithashtu. Muja ka më shumë karakteristika të një mesfushori. Ne na duhen lojtarë që shënojnë gol dhe ka karakteristika sulmuese. Broja dhe Uzuni i kanë këto karakteristika”, u shpreh Sylvinho.

Shqipëria do të udhëtojë në Andorra më 13 nëntor dhe pas tre ditësh do të presë Anglinë në Tiranë.

11/04/2025

Ngërçi politik në Kosovë, presidentja Osmani mandaton Glauk Konjufcën për formimin e qeverisë së re...

04 Nëntor, 2025

Presidentja e Kosovës, Vjosa Osmani, i ka dhënë mandatin për formimin e Qeverisë së re kandidatit të propozuar nga Lëvizja Vetëvendosje, Glauk Konjufca.

Në një deklaratë për media, Osmani theksoi se Kushtetuta e Kosovës e detyron presidentin të emërojë mandatarin e dytë në rast se përpjekja e parë dështon.

“Kushtetuta nuk thotë ‘mund të emëroj’, por thotë ‘emëron kandidatin tjetër’ në rast se dështon i pari. Gjuha e përdorur në Kushtetutë është obligative, pra e detyron presidenten e vendit ta emërojë mandatarin e dytë,” tha Osmani.

Ajo shtoi se vendimi i saj është në përputhje me tri aktgjykime të Gjykatës Kushtetuese dhe neni 95.4 të Kushtetutës:

“Sot, në përputhje me Kushtetutën, kam mandatuar zotin Glauk Konjufca për kryeministër, ashtu siç qartë e përcakton Kushtetuta dhe praktika e Gjykatës Kushtetuese,” tha Osmani.

Ndërsa, kryeministri në detyrë, Albin Kurti, ka deklaruar se kandidati i propozuar nga LVV-ja, Glauk Konjufca, disponon të gjitha votat që Kurti i kishte marrë vetë më 26 tetor në Kuvend, pra 56 vota.

“Konjufca i ka të gjitha votat që i kam pasur unë. Ju e dini që më 26 tetor në Kuvend unë mora 56 vota. Ato i ka sigurt edhe Glauku, ndoshta ka edhe më shumë, por më pak nuk mund të marrë. Maksimumi im është minimum i Glaukut, prandaj le të përpiqemi maksimalisht,” tha Kurti.

11/04/2025

Vuçiç i dorëzuar përballë protestave masive, njofton zgjedhje të parakohshme në Serbi...

04 Nëntor, 2025

Presidenti serb Aleksandar Vuçiç ka thënë se do të shpallë zgjedhje të parakohshme parlamentare për shkak të protestave të vazhdueshme antiqeveritare.

Trazirat filluan në nëntor 2024, pas shembjes së çatisë në një stacion hekurudhor në Novi Sad, i cili vrau 16 persona. Pas tragjedisë, aktivistët akuzuan qeverinë për korrupsion dhe kërkuan zgjedhje të parakohshme parlamentare dhe dorëheqjen e Vuçiçit.

Vuçiç dhe mbështetësit e tij pretendojnë se protestat janë përpjekje të nxitura nga jashtë për ndryshim regjimi dhe janë pjesë e një “revolucioni me ngjyra” të koordinuar të mbështetur nga qeveritë perëndimore përmes përdorimit të OJQ-ve. Ai ka akuzuar forcat e opozitës se bashkëpunojnë me agjencitë e inteligjencës perëndimore, kroate dhe shqiptare për të rrëzuar qeverinë e tij.

Vuçiç u tha gazetarëve të dielën se zgjedhjet parlamentare “do të mbahen para përfundimit të mandatit” të Asamblesë Kombëtare aktuale, e cila skadon në dhjetor 2027.

“Institucionet kompetente në vendin tonë do të marrin vendime në përputhje me Kushtetutën dhe ligjin, por, në lidhje me kërkesat e protestuesve për të mbajtur zgjedhjet e parakohshme… ato do të mbahen përpara afatit”, tha ai, duke shtuar se data e saktë do të vendoset më vonë.

Në komentet e mëvonshme, Vuçiç përmendi një “mandat gjashtëmujor”, të cilin disa media serbe e interpretuan si një aludim se zgjedhjet e parakohshme mund të zhvillohen që vitin e ardhshëm.

Njoftimi i Vuçiçit pasoi disa ditë demonstratash të ripërtërira që shënuan përvjetorin e parë të tragjedisë së Novi Sadit. Mbështetësit dhe kundërshtarët e partisë në pushtet SNS të Vuçiçit u përleshën në Beograd të dielën, pavarësisht përpjekjeve të policisë për t’i ndarë ata. Mediat serbe raportuan se u hodhën shishe dhe fishekzjarre, me dhjetëra të arrestuar.

Nën presionin e publikut, qeveria më parë u ofroi lëshime protestuesve, duke përfshirë disa dorëheqje ministrore dhe publikimin e dokumenteve që lidhen me shembjen e Novi Sadit.

11/04/2025

Nëse doni ta shijoni bukën dhe të mos shëndosheni, duhet të dini këtë sekret...

03 Nëntor, 2025

Buka është ushqim bazë në çdo shtëpi, por shpesh lind pyetja: a të shëndosh apo jo?

Sipas mjekut Alexandre Olmos Torrex, gjithçka varet nga mënyra e konsumimit. Ai shpjegon se nëse buka ngrihet dhe më pas shkrin, një pjesë e niseshtesë kthehet në niseshte rezistente, e cila nuk tretet plotësisht dhe vepron si prebiotik, duke ushqyer bakteret e mira në zorrë.

Kjo e bën bukën më të shëndetshme: ul rritjen e glukozës, jep më pak kalori dhe ngop më shumë. Pra, ngrirja e bukës para konsumimit mund të jetë çelësi për ta shijuar pa u shqetësuar për peshën apo sheqerin në gjak.

10/29/2025

Siria njeh pavarësinë e Kosovës, Osmani: Mirënjohje për vendimin, dy popujt kanë vuajtur e sakrifikuar shumë për lirinë...

29 Tetor, 2025

Presidentja e Kosovës, Vjosa Osmani, ka bërë të ditur se Republika Arabe e Sirisë ka njohur pavarësinë e Kosovës. Lajmi është konfirmuar nga vetë Osmani përmes një postimi në rrjete sociale, ku njoftoi se marrëveshja është arritur sot në Riad.

Ajo tha se njohja u bë e mundur me mbështetjen e Princit të Kurorës së Arabisë Saudite, Muhammed bin Salman Al Saud.

“Sot në Riad arritëm marrëveshjen nëpërmjet së cilës Republika Arabe e Sirisë njeh Republikën e Kosovës. Falënderoj Presidentin Al Sharaa për vendimin për njohje të Kosovës si dhe për mbështetjen e tij për popullin tonë,” shkroi Osmani.

Presidentja shtoi se kjo njohje është më shumë se një akt formal diplomatik, duke e quajtur “njohje të sakrificës së shumë brezave për liri”.

“Populli i Kosovës dhe ai i Sirisë kanë vuajtur e sakrifikuar shumë për ta arritur lirinë. Prandaj kjo njohje e ndërsjellë sot nuk është vetëm e sovranitetit shtetëror, por edhe njohje e sakrificës së shumë brezave për të jetuar të lirë,” theksoi ajo.

10/29/2025

Gjykata Supreme refuzon padinë për mbulesën islame në shkollat e Kosovës, konfirmon rregulloren e ministrisë për uniformën...

29 Tetor, 2025

Kolegji i Gjykatës Supreme e ka refuzuar si të pabazuar kërkesë-padinë e rrjetit të Femrave për Zhvillim Profesional “Arrita”, e paraqitur kundër ministrisë së Arsimit, Shkencës, Teknologjisë dhe Inovacionit (MASHTI), me të cilën ka kërkuar që të shpallet i paligjshëm dhe të shfuqizohet neni 3 paragraf 1, nën paragraf 1.13 i Udhëzimit Administrativ Nr.06/2014 (MASHT) Kodi i Mirësjelljes dhe Masat Disiplinore për Nxënës të Shkollave të Mesme të Larta.

Paditësja pretendon se me Udhëzimin Administrativ nr.06/2014, që është një akt administrativ i përgjithshëm, nuk mund të ndalohet ushtrimi i të drejtave dhe lirive kushtetuese të vajzave që mbajnë shaminë e kokës (mbulesën islame).

“E njëjta ka theksuar se me neni 55.1 të Kushtetutës, saktësohet qartë se “të drejtat dhe liritë themelore të garantuara me këtë Kushtetutë, mund të kufizohen vetëm me ligj”, duke shtuar se në katër vitet e fundit kanë pranuar ankesa të shumta nga vajzat që janë përjashtuar nga shkollat publike ose të cilave u është pezulluar vijimi i rregullt i procesit mësimor për shkak të bartjes së shamisë në kokë”, thuhet në njoftimin e Supremes.

Gjykata Supreme e Kosovës, ka shqyrtuar me kujdes bazën ligjore të aktit nënligjor normativ të kontestuar, përkatësisht Udhëzimit Administrativ Nr.06/2014, dhe ka vlerësuar se dispozita nga neni 3 paragraf 1, nën paragraf 1.13, gjen mbështetje në Ligjin nr. 04/L-032 për Arsimin Parauniversitar në Republikën e Kosovës dhe në Ligjin nr. 04/L-138 për Arsimin dhe Aftësimin Profesional.

“Nga këto dispozita rezulton se Ministria e Arsimit, Shkencës dhe Teknologjisë, ka autorizim të qartë ligjor për të përcaktuar rregulla për sjelljen e nxënësve, përfshirë edhe rregullat për veshjen – uniformën. Rrjedhimisht, akti nënligjor është në përputhje me autorizimin e shprehur ligjor të dhënë nga ligjvënësi. Përcaktimi sikurse në aktin e kontestuar, me të cilin ndalohet bartja e uniformës fetare në shkolla, gjen mbështetje në një akt më të lartë ligjor për nga fuqia hierarkike, andaj si i tillë nuk mund të shfuqizohet”, vijon njoftimi.

Gjykata është kufizuar në arsyetimin e pretendimeve, përkitazi me nenin 55 paragraf 1 të Kushtetutës së Republikës së Kosovës, përkatësisht për kufizimin e lirisë së besimit dhe fesë, si një ndër të drejtat dhe liritë themelore të njeriut të garantuara me Kushtetutën e Republikës së Kosovës.

10/26/2025

Vetëm 56 vota pro/ Kurti nuk siguron dot numrat e nevojshëm, dështon krijimi i qeverisë së re në Kosovë...

26 Tetor, 2025

Propozimi i mandatarit Albin Kurti për një mandat të ri katërvjecar nuk mori përkrahjen e nevojshme prej 61 votash në Kuvendin e Kosovës.

Kështu, me 56 vota pro, 52 kundër dhe 4 absentime, Kuvendi nuk e zgjodhi Qeverinë e re të Republikës së Kosovës.

Kryetari i Kuvendit, Dimal Basha, tha se tani përgjegjësia kalon sërish te presidentja Vjosa Osmani dhe mbylli punimet e seancës së sotshme.

10/24/2025

A do të ketë qeveri të dielën? Osmani: Në qoftë se jo, do t’i ftoj të gjitha partitë. Nëse s’ka shumicë, zgjedhjet janë e vetmja alternativë...

24 Tetor, 2025

Presidentja e vendit, Vjosa Osmani, ka thënë se ende nuk dihet se a do të ketë seancë të dielën për krijimin e qeverisë ashtu siç u raportua gjatë ditës së sotme. Presidentja, theksoi se kjo seancë ftohet vetëm nëse krijohen nga Albin Kurti, 61 votat e nevojshme për qeveri.

Osmani u deklarua edhe për çështjen e marrëveshjeve politike, duke thënë se një gjë e tillë mund të arrihet ‘’në momentet e fundit’’, dhe se, ‘’rrjedhat politike në Kosovë nganjëherë janë të paparashikueshme’’.

‘’Tani nuk dihet në qoftë se të dielën do të ketë seancë të kuvendit apo jo, sepse seanca e Kuvendit ftohet vetëm në qoftë se krijohen 61 votat e nevojshme nga i mandatuari për kryeministër zoti Kurti, në qoftë se kjo do të ndodh apo jo është tërësisht në duart e partive politike dhe për momentin nuk mund të parashikoj edhe pse e diela është shumë afër, por siç e dini rrjedhat politike në Kosovë nganjëherë janë të paparashikueshme pra brenda orës mund të ketë zhvillime, mund të ketë marrëveshje në momentet e fundit.

Tutje, Osmani në intervistën dhënë për DW, ka theksuar se ajo do të ftojë të gjitha partitë politike për të parë nëse e kanë shumicën për të krijuar qeverinë, nëse kjo e fundit s’votohet të dielën. Ajo po ashtu ka deklaruar se zgjedhjet janë alternativa e vetme në rast të mos formimit të qeverisë.

‘‘Në qoftë se ka marrëveshje mund të mbahet seanca, mund të ketë qeveri. Në qoftë se se s’ka marrëveshje, atëherë si presidente e vendit do t’i ftoj të gjitha partitë politike në qoftë se ka mundësi se dikush ta krijojë shumicën, sepse mendoj se është përsëri herët të flasim për zgjedhje të jashtëzakonshme, por ajo është një alternativë në qoftë se nuk krijohet shumica, në fakt mbetet e vetmja alternativë sipas Kushtetutës.’’, ka deklaruar ajo.

10/24/2025

Tensionet me Venezuelën, Trump paralajmëron ndërhyrje tokësore në vendin latin...

24 Tetor, 2025

Presidenti Donald Trump ka sinjalizuar se SHBA-të mund të zgjerojnë veprimet e tyre ushtarake kundër grupeve të kontrabandës së drogës që i lidh me Venezuelën, nga operacionet detare në ato tokësore.

Duke folur në një konferencë për shtyp të enjten, Trump vlerësoi atë që e përshkroi si sukses të madh në kapjen e “anijeve të drogës” të dyshuara si të lidhura me shtetin venezuelian. “Drogat që vijnë nga deti janë rreth 5% të asaj që ishin një vit më parë”, tha ai.

“Toka do të jetë e radhës”, shtoi ai, pa dhënë hollësi se ku dhe kur mund të ndodhin sulme të mundshme.

Trump gjithashtu kundërshtoi idenë se i duhet një deklaratë lufte nga Kongresi për sulmet ndaj trafikantëve të dyshuar të drogës. “Mund të shkojmë në Senat; mund të shkojmë në Kongres dhe t’u tregojmë atyre për këtë, por nuk mund ta imagjinoj që ata do të kenë ndonjë problem me këtë”, tha ai.

Në javët e fundit, operacionet detare dhe ajrore të SHBA-së kanë goditur ato që Uashingtoni i quan anije droge të lidhura me Venezuelën në Karaibe dhe Paqësor, duke vrarë dhjetëra njerëz. Karakasi mohon të ketë ndonjë rol në trafikun e narkotikëve dhe e ka akuzuar Uashingtonin se kërkon “ndryshim regjimi”.

Tensionet u rritën më tej pasi Trump tha javën e kaluar se kishte autorizuar aktivitetin e fshehtë të CIA-s brenda Venezuelës. Presidenti Nicolas Maduro e përshkroi pranimin publik si të pashembullt dhe “të dëshpëruar”, ndërsa e vuri ushtrinë në gatishmëri të lartë. Ai paralajmëroi gjithashtu se Venezuela mban një arsenal të madh sistemesh mbrojtëse ajrore Igla-S të epokës sovjetike.

10/24/2025

“Thaçi person politik pa përvojë ushtarake, UÇK pa strukturë”, përshtypjet e ish-komandantit të NATO-s Wesly Clark në Hagë...

24 Tetor, 2025

Mbrojtja e ish-presidentit Hashim Thaçi, në dokumentin e publikuar në faqen e Dhomave të Specializuara flet pak edhe rreth dëshmisë së Wesley Clark.

Në këtë dokument thuhet se Clark përshkruan ndërveprimet që ka pasur me UÇK-në, delegacionin e Rambujesë dhe konkretisht Hashim Thaçin.

Siç shkruan mbrojtja, Clark do të japë përshtypjet e tij për mungesën e strukturës dhe organizimit të UÇK-së dhe për mungesën e kontrollit të Hashim Thaçit mbi UÇK-në dhe se ish-presidenti ishte person politik, pa përvojë ushtarake.

“ Së fundmi, 1DW-007 përshkruan ndërveprimet e ndryshme që ai pati me UÇK-në, delegacionin e shqiptarëve të Kosovës në Rambuje dhe konkretisht me Thaçin.

Ai jep vëzhgimet dhe përshtypjet e tij në lidhje me mungesën e strukturës dhe organizimit të UÇK-së, dhe mungesën e çdo komande ose kontrolli funksional.

Clark gjithashtu vëzhgoi mungesën e kontrollit që Thaçi kishte mbi UÇK-në, dhe se ai ishte vetëm një person politik pa përvojë ushtarake. Gjithashtu ai përshkruan se do të ishte e padrejtë t’i atribuohej sjelljes së keqe të të tjerëve, zotit Thaçi.”, thuhet në dokumentin e mbrojtjes.

10/24/2025

Reforma Territoriale/ Zbardhet projektvendimi për ngritjen e Komisionit të Posaçëm, ja si ndahen vendet mes PS dhe PD. Karrige edhe për PL-në...

24 Tetor, 2025

Zbardhet projektvendimi për ngritjen e Komisionit të Posaçëm për Reformën Territoriale.

Mësohet se Komisioni i Posaçëm do të ketë 16 anëtarë, nga të cilët PS ka 8 anëtarë, ndërsa 7 do të jenë nga PD-ja, 1 përfaqësues i Grupit Parlamentar Aleanca për Ndryshim dhe 1 përfaqësues i Grupit Parlamentar të Partisë së Lirisë.

PR/VENDIMI
REPUBLIKA E SHQIPËRISË KUVENDI PROJEKTVENDIM PËR NGRITJEN E KOMISIONIT TË POSAÇËM PËR REFORMËN ADMINISTRATIVO-TERRITORIALE NË REPUBLIKËN E SHQIPËRISË
Në mbështetje të neneve 77, pika 1, dhe 78, pika 1, të Kushtetutës dhe të neneve 24 dhe 55, pika 1, të Rregullores së Kuvendit, me propozimin e një grupi deputetësh,
KUVENDI I REPUBLIKËS SË SHQIPËRISË
VENDOSI:
Ngritjen e Komisionit të Posaçëm Parlamentar për Reformën Administrativo- Territoriale në Republikën e Shqipërisë.
II. Komisioni i Posaçëm ka për objekt të veprimtarisë së tij:
a) shqyrtimin e kuadrit ligjor dhe institucional të qeverisjes vendore;
b) analizimin dhe propozimin e opsioneve për ridizenjimin territorial dhe forcimin e kapaciteteve administrative të njësive të qeverisjes vendore;
c) analizimin e sistemit aktual të financave vendore dhe rekomandimin e masave për shëndoshjen financiare dhe rritjen e qëndrueshmërisë së njësive të vetëqeverisjes vendore, duke përfshirë forcimin e decentralizimit fiskal, rritjen e të ardhurave vendore, optimizimin e shpenzimeve dhe përmirësimin e menaxhimit financiar;
ç) shqyrtimin e cilësisë dhe aksesit të shërbimeve publike vendore;
d) sigurimin e përputhshmërisë së propozimeve me acquis të Bashkimit Europian dhe politikat e kohezionit rajonal;
dh) zhvillimin e një procesi konsultimi tërësor, gjithëpërfshirë dhe transparent me njësitë e qeverisjes vendore, shoqatat e tyre, shoqërinë civile dhe partnerët ndërkombëtarë;
e) paraqitjen përpara Kuvendit të dokumentit analitik me rekomandime për hapat e mëtejshëm dhe projektpropozime ligjore.
III. Komisioni i Posaçëm përbëhet nga 16 anëtarë, nga të cilët 8 janë përfaqësues të Grupit Parlamentar të Partisë Socialiste, 6 përfaqësues të Grupit Parlamentar të Partisë Demokratike, 1 përfaqësues i Grupit Parlamentar Aleanca për Ndryshim dhe 1 përfaqësues i Grupit Parlamentar të Partisë së Lirisë. Emrat e anëtarëve të Komisionit do të përcaktohen me vendim të Kuvendit.
IV. Kryetari i Komisionit është përfaqësues i shumicës parlamentare dhe zëvendëskryetari është përfaqësues i pakicës parlamentare.
2 V. Komisioni i Posaçëm do të zhvillojë veprimtarinë e tij në një afat kohor 9-mujor nga data e miratimit të këtij vendimi. Në rast nevoje, me kërkesë të arsyetuar të kryetarit të tij, Kuvendi vendos zgjatjen e afatit të ushtrimit të veprimtarisë së Komisionit.
VI.Pranë Komisionit të Posaçëm ngrihet dhe funksionon grupi i ekspertëve vendas dhe ndërkombëtarë me përfaqësues të propozuar nga institucionet e qeverisjes qendrore dhe vetëqeverisjes vendore, shoqatat e vetëqeverisjes vendore, institucionet e pavarura dhe agjencitë ekzekutive ligjzbatuese, administrata publike, bota akademike, universitetet publike dhe jopublike, institute e organizata të shoqërisë civile dhe medies, si edhe organizata të sipërmarrjes, etj., që do të mbështeten nga Sekretariati Teknik. Numri, afatet e punës dhe detyrat specifike të grupit të ekspertëve përcaktohen me vendim të Komisionit. VII. Komisioni i Posaçëm në veprimtarinë e tij do të zhvillojë konsultime dhe seanca diskutimi me ministrin e Shtetit për Çështjet Vendore, ministrin e Financave, ministrin e Shtetit për Marrëdhëniet me Parlamentin dhe ministrin e Shtetit Kryenegociator, si dhe me përfaqësues të qeverisjes vendore dhe të shoqatave të zgjedhura vendore.
VIII. Çdo parti tjetër parlamentare, e cila nuk është e përfshirë në këtë komision, ka të drejtë të bëjë propozime.
IX.Komisioni i Posaçëm, për realizimin e objektit të tij të përcaktuar në pikën II të këtij vendimi, në bashkëpunim edhe me grupin e ekspertëve, do të organizojë:
• Seanca dëgjimore me qëllim konsultimi, tryeza pune dhe diskutime publike lidhur me temat objekt pune të këtij komisioni me:
i) institucionet e qeverisjes qendrore dhe vetëqeverisjes vendore sipas fushave përkatëse të përgjegjësisë; ii)institucionet e sistemit të drejtësisë;
iii) institucionet kushtetuese të pavarura dhe institucionet publike të krijuara nga Kuvendi.
iv) agjencitë ekzekutive ligjzbatuese, që kanë objekt të veprimtarisë së tyre çështje që prekin interesat e pushtetit vendor, në përputhje me legjislacionin përkatës;
v) ekspertë të mirënjohur të fushave përkatëse;
vi) përfaqësues të organizatave të shoqërisë civile dhe grupeve të interesit;
vii) pedagogë e studentë;
viii) përfaqësues të organizatave të specializuara brenda e jashtë vendit, etj.;
• Mbledhjen dhe përpunimin e informacioneve dhe të dhënave të nevojshme nga struktura të ndryshme shtetërore në funksion të përmbushjes së objektit të tij;
• Përfshirjen në këtë proces të opinionit publik dhe veçanërisht të pakicave kombëtare dhe përfaqësuesve të tyre.
X. Prezenca e Bashkimit Europian, Kongresi i Autoriteteve Lokale dhe Rajonale të Këshillit të Europës, Prezenca e OSBE-së në Shqipëri, si dhe organizatat e tjera ndërkombëtare, me përvojë në çështjet e qeverisjes vendore, ftohen të ndjekin, të japin asistencë dhe ekspertizë teknike në punimet e Komisionit dhe grupit të ekspertëve të ngritur pranë tij.
XI. Mbledhjet e Komisionit janë të vlefshme kur në to marrin pjesë më shumë se gjysma e anëtarëve të tij. Komisioni synon që vendimmarrja të arrihet me konsensus për të gjitha çështjet që shqyrton. Për çështje të veçanta për të cilat nuk kanë gjetur konsensus do të vlerësohet dhe mund të kërkohet ekspertiza e Komisionit të Venecias dhe Kongresit të Autoriteteve Lokale dhe Rajonale të Këshillit të Europës.
3 XII. Ngarkohet Sekretari i Përgjithshëm për krijimin e kushteve të punës, mbështetjen financiare e logjistike të veprimtarisë së këtij Komisioni të Posaçëm, grupit të ekspertëve dhe sekretariatit teknik.
XIII. Ky vendim hyn në fuqi menjëherë.
KRYETARI Niko Peleshi.

Amla Media

11/07/2025

11/07/2025

11/04/2025

11/04/2025

11/04/2025

10/29/2025

10/29/2025

10/26/2025

10/24/2025

10/24/2025

10/24/2025

10/24/2025

Address

Website

Alerts

Contact The Business

Shortcuts

Share

Category