Radio Alsabaseb راديو السباسب

09/21/2025

09/20/2025

راكب في كرهبتو , حال الفن و يشرب في كعبات البيرة 🤮طاحلو التاليفون طبس باش يهزو ، يقابلو كميون 🚚 طافففففف !!! دخل فيه ..
اللحظة اللي تحس فيها باش تموت 💔 من أكثر اللحظات رعبًا في حياتك ، كل شئ يحبس حولك لإنك مشغول برؤية شئ آخر 🥺 حياتك تتعرض عليك في فيلم طويل مدته بضع ثواني 🤏 و كيف يكمل العرض , تهبط الستائر وتبدأ تشوف على جنابك وتتحسس اللي داير بيك , تهز النفس بالقوي و تقرر إنك ماكش باش تموت ⚰️ماهياش باش تأثر فيك الضربة و الدم السايل منك ماهوش باش يقتلك 🩸مدامك تتنفس ماكش باش تموت , تبدأ تسمع في عباد تعيط البرة و يكثر هرجهم 🔥في وسط الهرج تسمع كلمة " لا إله إلا الله " مخك يحبس لحظة و يعاود ''يخدم'' الله ؟صحيح " الله " يا حليلي باش نقابل ربي ✨️
تهز راسك بالشوية وسط الكرهبة المغفصة وتقول في قلبك باش نغلب الموت , الناس اللي ماتت الكل إستسلمولوا نا لا! تحاول بكل عزم و بكل جهدك تطرد الوهن من بدنك ماتنجمش وقتها تعرف إنها نهايتك🥺يخرجوك من الكرهبة و يحطوك على الأرض تشوف من زاوية وحدة بالمقلوب رجلين عباد دايرة بيك 👣شجرة 🥀 تراب 🌪 نملة🐜 تدبي بالشوي.حاجات مازالت تعيش و انت باش تموت 😭و تجاهد باش تطلع راسك باش تشوف وجوه لعباد اللي مليانة شفقة عليك 😭و تبدأ الأفكار و التساؤلات تدخل بسرعة الضو لعقلك ✨️ عمري موشو كبير باش نموت؟ باش نقابل ربي ؟ ماصليتش؟ خطيبتي باش تبقى متفكرتني ولا من غدوة تصوحب واحد آخر ؟؟ غدوة مانيش باش نقابل صحابي في القهوة ؟؟ 'صحابي' !! يبقو يتفكروني زعمة؟ وحدي في قبر ؟؟؟ ربي يحبني ..زعمة ندخل لجنة ؟ أمي آش باش تقول كيف يقولولها ولدك مات سكران؟ ياش نموت سايي ؟! باش يلبسوني كفن ؟! باش يهزوني لجامع يصليو عليا ! ''الجامع'' ؟ علاه منعرفوش نا الجامع 🕌 لا نعرفو كل يوم نتعدا قدامو بالعشرة مرات👌 علاه منعرفش شفيه من داخل علاه مصليتش فيه؟علاه كنت نفطر في رمضان؟ علاه و نا نفدلك مع صحابي نسب ربي ؟؟ علاه نسب فييه؟يا رب زيدني ساعة أخرى نمشي نعمل غسل و نصلي 🙏يا ربي نحب نقابلك طاهر 🥰مانقابلكش و نا في الحالي هاذي يارب منعنيمانحبش نموت هكا 🥺 قول لا إله إلا الله ☝️قول لا إله إلا الله ☝️ واحد يعيط في وذني 👂نا مانيش منجم نحل فمي 🤐 شبيها صعيبة 💔 شبيه فمي ما حبش ينطقها نا وين تو ؟؟ شبيها الدنيا ضلامت قدامي 💔 الله أكبر فلان مات سكران 💔 اللهم حسن الخاتمة يارب 🤲

09/20/2025

هاك السنين نعدّي في السيزيام وجابونا من ڨطرانة لليسي تكنيك باش نعدّوا. ورغم أنّي عدّيت لحساب بالباهي لكن تكعبرتلي في الديكتي. مروّح خايف لا ندوبل .ونا بوزيد ما نفهم منها حتى سمقا. مانيش عارف الڨبلة من الظهرة.
الثنية مڨمّرها بكالاتوسات لندا وباتيسيري البوزيدي. دخلت هاك الباتيسوري وشريت كعبة ميلفاي وكاس سيترون برّدت بيهم. ونا نخمم عندك لا ندوبل. وتفكرت سيدي بوزيد وبديت نطلب فيه. آسيدي بوزيد حنّي هاني في ترابك نجحني. وڨلت لازم نمشي نطل على مقامو نقرا عليه الفاتحة. ونا ما نعرفش الجامع متاعو وين يجي. وأكيد راهو في وسط البلاد مادام المدينة متسمّية بإسمو. كي وصلت لڨمرق ياسين لڨيتو مدوّر ومدهون بالجير. أبيض يلمع وزيد شبّاكو أزرڨ فيبالي هذاكا هو ڨبر سيدي بوزيد.
حطيت إيديّا الزوز على الحيط وبديت نطلب فيه. ها سيدي بوزيد حنّي راني اتخذت في الديكتي حنّي نجحني. والناس متعدّيا تخزرلي. سمعني ياسين الله يذكرو بالخير وخرجلي. ڨالي آش تعمل؟ ڨتلو آش نعمل هاني نطلب في سيدي بوزيد باش ينجحني. ڨالي لالا وليدي راك غالط هنا رانا نبيعوا في الجرايد تحبش الصباح البيان الاعلان الانوار موجود تنبري موجود. آما باش نولّوا وليا خاطينا وليدي. لڨاني صغير عطاني ميتين وڨالي برّا طول لڨدّام ودور على اليمين تو تلڨى الجامع. ڨدّمت مليح ودرت على اليمين وكي وصلت محطة الكيران بكري. وين قهوة الاقواس والتجاري بنك تو. لڨيت هاك البنية بكلها أقواس وڨبب. نحّيت شلاكي في أطرف الشارع وطلعت فوڨ التروتوار وقابلت القوس الوسطاني وبديت نطلب في سيدي بوزيد. ها سيدي بوزيد حنّي راني صحيح عدّيت الحساب ودراسة النص بلباهي آما راني هردتها في الديكتي زعمة ننجح. آسيدي بوزيد أوخي نجّحني.
وجت مرا متعدّيا سمعتني ندعي ڨالتلي وليدي انت تقريب مضيّع البلاصة. زاوية سيدي بوزيد راهي مازالت الڨدّام برّا ڨدّم شوي. وأول دورة على اليمين ڨدّم معاها وزيد دور على اليسار تو تلڨاها. وفعلا خذيت رايها ووصلت لجامع سيدي بوزيد. ودخلت وتصدّقت بالميتين الّي عطاهملي ياسين وبديت نطلب فيه آسيدي بوزيد حنّي راني صحيح وحدت المقامات الكل ومساحة المعين جبتها صحيحة وحتى المحيط جبتو صحيح ونحّيت منو ثلاثة ميترو متاع الباب آما راني في الديكتي ماجبت حتى كلمة صحيحة كان كلمة آلور أوخي نجحني. ولڨيت راجل غادي تقريب عم حبيب عدلاني الله يرحمو. سألتو على سيدي بوزيد. ڨالي هذا راهو ضريح موش الڨبر هذا صندوق برك آما سيدي بوزيد الراجل الطيب راهو مدفون في الجزاير وألّا هو في المغرب جملة وحدة. ڨتلو عليك بالله. ڨالي والله. ڨتلو مالا نا ليّا نص ساعة ونا نطلب في خشبة؟ لوحة خضراء تو تنجحني؟ ڨالي لالا مايسالش هذا مقامو اطلبو واعقد النيّة رجل طيب وفاضل يمكن ربي يستجيبلك وتنجح.
ڨتلو لالا نا تو مروّح النقل فاتني. والله حتى الميتين لا كتبتلو. وهزيتهم وشڨّيت على المرشي. لڨيت واحد يبيع في الجيلاط شريت من عندو كعبة بخمسين فرنك. وبقيت نلحس فيها حتى وصلت للمحطة. لقيت سي مصطفى ولد حمة الشافعي الله يرحمو عندو كات كات باشي. ڨالي برّا أسبڨ كي توصل وين قهوة قرطاج والكيوسك تو تلڨى الجماعة يستنوا غادي تو نخلط عليكم باش ما يشدناش الحاكم. وما بطاش الحق دوب ما وصلت خلط عليّا. وركبنا كي البركس في هاك الكات كات ووصلنا لڨطرانة وهو كل مرّة يزڨلط واحد. وبعد عشرين يوم خرجت النتايج ونجحت. والله ما نعرف نجحت بذارعي وإلا ببركة سيدي بوزيد وإلا ببركة ڨمرڨ ياسين المهم سلكتها من غير ديكتي..

صغيرحجلاوي ✍️

09/20/2025

مركز التكوين المهني بسبيطلة : 65 متكوّناً مهدّدون بسبب النقص في الإطارات و المجلس المحلي بسبيطلة يدق ناقوس الخطر حول وضعيته

وجّه رئيس المجلس المحلي بسبيطلة، سمير الغيلاني، مراسلة إلى والي القصرين عن طريق معتمد سبيطلة، طالب فيها بالتدخل العاجل لمساعدة مركز التكوين المهني الفلاحي بالجهة، الذي يعاني من نقص كبير في الموارد البشرية.

وأوضح الغيلاني أنّ هذا النقص أثّر سلباً على مردودية المركز، ما اضطرّه إلى إرسال عدد من التلاميذ إلى مراكز أخرى في سيدي بوزيد، وهو ما يضاعف معاناة المتكوّنين ويثقل كاهلهم مادياً ومعنوياً.

كما حذّر من أنّ استمرار هذا الوضع يهدد حسن سير المؤسسة، التي تستعد لاستقبال 65 متكوّناً جديداً بداية من غرة سبتمبر 2025، مشدداً على ضرورة توفير الإطار الكفيل بضمان تكوين مهني فعّال في ظروف تربوية وأخلاقية مناسبة.

وختم الغيلاني المراسلة بالدعوة إلى تدخّل عاجل من السلطات الجهوية لتوفير الموارد اللازمة وتمكين أبناء المنطقة من حقهم في التكوين والتأهيل المهني.

09/20/2025

لكلّ من فهم بالغالط: المغرب فرضت ''الفيزا'' على هؤلاء التوانسة فقط
يوم 20 - 09 - 2025

أعلنت القنصلية العامة للمملكة المغربية بتونس عن اعتماد تأشيرة إلكترونية AEVMلفائدة المواطنين التونسيين، وذلك بصفة استثنائية ومؤقتة، ابتداءً من 25 سبتمبر 2025 إلى غاية 25 جانفي 2026.
وأوضحت القنصلية أن هذا القرار يندرج حصريا في إطار التحضيرات لتنظيم الدورة 35 من بطولة كأس الأمم الإفريقية "كان المغرب 2025"، المقررة من 21 ديسمبر 2025 إلى 18 جانفي 2026.
وبالتالي، فإن هذا الإجراء لا يعني فرض تأشيرة عامة أو دائمة على التونسيين، بل يقتصر فقط على الفترة التي تسبق وتواكب البطولة الإفريقية.
-️بالنسبة للتونسيين الراغبين في حضور مباريات البطولة، يمكنهم تقديم طلب الحصول على التأشيرة الإلكترونية عبر تطبيق Yalla.
-️أما بخصوص بقية الرحلات إلى المغرب (سياحة، أعمال، زيارات عائلية...) خلال الفترة المعنية، فيتعيّن إيداع الطلبات 96 ساعة قبل موعد السفر عبر المنصة الإلكترونية المخصصة.
وشددت القنصلية على أن هذا الإجراء ظرفي واستثنائي، وينتهي بانتهاء كأس الأمم الإفريقية.

09/20/2025

أردوغان - ترامب : البزنس هو الكل في الكل ، المبادئ الإنسانية موش هاربة

09/20/2025

حب بلا حدود

09/20/2025

عليك بالحركة والله يجيب البركة