Indreni Times

Indreni Times ताजा, विश्वसनीय र सबै समाचारको लागि
www.indrenitimes.com
(2)

नेपाली कांग्रेस केन्द्रीय कार्यसम्पादन समितिको बैठक पार्टी केन्द्रीय कार्यालय सानेपामा बसिरहेको छ। भोटेकोशी बाढीले निम्त...
09/06/2026

नेपाली कांग्रेस केन्द्रीय कार्यसम्पादन समितिको बैठक पार्टी केन्द्रीय कार्यालय सानेपामा बसिरहेको छ। भोटेकोशी बाढीले निम्त्याएको सङ्कट, उद्धार तथा राहत कार्य र आसन्न १५ औँ महाधिवेशनका विषयमा छलफल गर्न यो बैठक बोलाइएको हो। बैठकमा हाल नेताहरूले आफ्नो धारणा राख्ने क्रम जारी छ।

यसअघि सभापति गगनकुमार थापाले पार्टीभित्रको आन्तरिक विवाद समाधानका लागि निवर्तमान कार्यबाहक सभापति पूर्णबहादुर खड्का र नेता डा. शेखर कोइरालासँग छुट्टाछुट्टै भेटवार्ता गरेका थिए। भेटमा सभापति थापाले १५ औँ महाधिवेशनमा सहभागी हुन र पार्टीका सबै असमझदारी महाधिवेशनको मञ्चबाटै समाधान गर्न आग्रह गरेका थिए।

पृथ्वी राजमार्गको कृष्णभिरमा पहिरो गएर बाटो अवरुद्ध भए पनि काठमाडौं उपत्यकामा खाना पकाउने एलपी ग्यासको आपूर्ति निरन्तर ज...
09/06/2026

पृथ्वी राजमार्गको कृष्णभिरमा पहिरो गएर बाटो अवरुद्ध भए पनि काठमाडौं उपत्यकामा खाना पकाउने एलपी ग्यासको आपूर्ति निरन्तर जारी छ। नेपाल आयल निगमका अनुसार भदौ १८ देखि २० गतेसम्ममा कुलेखानी-भीमफेदी वैकल्पिक मार्ग हुँदै कुल ८७ हजार ८७७ सिलिन्डर ग्यास काठमाडौं भित्र्याइएको छ।

राजमार्ग थुनिएपछि निगमले बारा, पर्सा, मकवानपुर, चितवन, नवलपरासीलगायतका जिल्लास्थित उद्योगहरूबाट ग्यास रिफिल गराई वैकल्पिक बाटोबाट उपत्यका भित्र्याउने विशेष व्यवस्था मिलाएको छ। भदौ १८ मा २४,४९४, १९ मा ३४,१३४ र २० गते २९,२४९ सिलिन्डर ग्यास काठमाडौं भित्रिएको निगमले जनाएको छ।

09/06/2026

अन्नपूर्णविरुद्ध उत्कृष्ट खेलेका कर्णालीका लिबेरो विनोद चन्दले आज कस्तो प्रदर्शन गर्लान?

जेनजी आन्दोलनका क्रममा ज्यान गुमाएका सहिदहरूको स्मृति र योगदानलाई चिरस्थायी बनाउन संसद् भवन परिसरमा ‘जेनजी मेमोरियल पार्...
09/06/2026

जेनजी आन्दोलनका क्रममा ज्यान गुमाएका सहिदहरूको स्मृति र योगदानलाई चिरस्थायी बनाउन संसद् भवन परिसरमा ‘जेनजी मेमोरियल पार्क’को शिलान्यास गरिएको छ। सरकार र जेनजी सहिद परिवारका प्रतिनिधिहरूद्वारा संयुक्त रूपमा सो पार्कको शिलान्यास गरिएको हो।

कार्यक्रममा गृहमन्त्री सुधन गुरुङले देशका लागि बलिदान दिने सहिदहरूको सपना र जनताको अपेक्षा पूरा गर्न सरकार दृढताका साथ अघि बढ्ने प्रतिबद्धता जनाए। त्यस्तै, पूर्वाधार विकासमन्त्री सुनिल लम्सालले विगतका आन्दोलनबाट प्राप्त उपलब्धिलाई संस्थागत गर्दै जनताको जीवनमा प्रत्यक्ष परिवर्तन ल्याउनु अहिलेको मुख्य आवश्यकता रहेको बताए।

09/06/2026

ग्रिन आर्मी’ विवादमाथि उठ्यो गम्भीर प्रश्न

रसुवाको भोटेकोशी तथा त्रिशूली करिडोरमा आएको विनाशकारी बाढीपछि फेला परेका क्षतविक्षत शवहरूको पहिचानका लागि बाँकेका १६ जना...
09/06/2026

रसुवाको भोटेकोशी तथा त्रिशूली करिडोरमा आएको विनाशकारी बाढीपछि फेला परेका क्षतविक्षत शवहरूको पहिचानका लागि बाँकेका १६ जना आफन्तको डिएएनए (DNA) नमुना सङ्कलन गरिएको छ। जिल्ला प्रहरी कार्यालय बाँकेका डिएसपी प्रतित सिंह राठौरका अनुसार भेरी अस्पतालमा प्रथम तहका नातेदार (बाबु, आमा, छोरा वा छोरी) को रगतको नमुना सङ्कलन गरी परीक्षणका लागि केन्द्रीय विधि विज्ञान प्रयोगशाला पठाइएको छ।

भोटेकोशी बाढीमा बाँकेका २३ जना अझै बेपत्ता छन् भने हालसम्म ३ जनाको शव सनाखत भएको र ३२ जनाको सकुशल उद्धार गरिएको प्रमुख जिल्ला अधिकारी दिलकुमार तामाङले जानकारी दिए। यसैबिच, बाढी प्रभावितको राहत तथा पुनःस्थापनाका लागि बाँकेका २१ सङ्घसंस्था, विद्यालय तथा व्यवसायीहरूबाट प्रधानमन्त्री दैवी प्रकोप उद्धार कोषमा २४ लाख ३७ हजार २७४ रुपैयाँ सहयोग जम्मा भएको छ, जसमा सबैभन्दा बढी नेपालगञ्ज उद्योग वाणिज्य सङ्घले ६ लाख १ हजार रुपैयाँ योगदान गरेको छ।

उत्तरी गोरखाको चुमनुब्री गाउँपालिका–४ नाम्रुङस्थित बूढीगण्डकी र थेराङ खोलामा आएको पहिरोसहितको बाढीले व्यापक क्षति पुर्‍य...
09/06/2026

उत्तरी गोरखाको चुमनुब्री गाउँपालिका–४ नाम्रुङस्थित बूढीगण्डकी र थेराङ खोलामा आएको पहिरोसहितको बाढीले व्यापक क्षति पुर्‍याएको छ। बाढीले मनास्लु पदमार्गका दुईवटा पुल र स्थानीयले उपभोग गर्दै आएका दुईवटा लघुजलविद्युत् आयोजना पूर्ण रूपमा बगाएको छ। स्थानीय लाक्पा डुण्डुप लामाका अनुसार बाढीले नुर्वु ओङ्ग्याल, ओर्गेन छयोदेन, लाक्पा भुटी र मिङ्मार लामाको घरसमेत बगाएको छ।

जलविद्युत् आयोजनामा क्षति पुगेपछि सो क्षेत्रमा बत्ती र सञ्चार सेवा ठप्प भएको छ। साथै, पुल भत्किएपछि लार्केपासका लागि गएका सयौँ पर्यटकहरू बाटोमै अलपत्र परेका छन् भने भर्खरै सुरु हुन लागेको मनास्लु क्षेत्रको पर्यटन पूर्ण रूपमा प्रभावित बनेको छ।

09/06/2026

China ले पठाएको ड्रोनमार्फत राहत सामग्री रसुवाको विकट थुलो हाकु गाउँतर्फ पठाइँदै ।

रसुवास्थित चिलिमे जलविद्युत आयोजनाको सुरुङभित्र ६ जना कामदार फसेको खबर प्राप्त भएपछि राष्ट्रिय स्वतन्त्र पार्टी (रास्वपा...
09/06/2026

रसुवास्थित चिलिमे जलविद्युत आयोजनाको सुरुङभित्र ६ जना कामदार फसेको खबर प्राप्त भएपछि राष्ट्रिय स्वतन्त्र पार्टी (रास्वपा) का सांसद तथा इन्जिनियर श्रीराम न्यौपाने उद्धारका लागि आफैं खटिएका छन्। आफ्नो प्राविधिक ज्ञान र अनुभवको प्रयोग गरी उद्धार कार्यलाई सहजीकरण गर्ने, प्राविधिक सुझाव दिने र आवश्यक परे प्रत्यक्ष रूपमा सुरुङभित्रै खटिने उद्देश्यले उनी घटनास्थलतर्फ लागेका हुन्। सुरुङभित्र पानी र लेदो भरिएर उद्धार जटिल बनिरहेका बेला सांसद न्यौपानेको प्राविधिक उपस्थितिबाट उद्धार कार्यले थप गति लिने अपेक्षा गरिएको छ।

बझाङमा हिजो भएको अटो दुर्घटनामा परी घाइते हुनुभएका सिगास–६, लेकमस्थित गणेश माविमा अध्ययनरत विद्यार्थीहरू लोकेश साउद, लक्...
09/06/2026

बझाङमा हिजो भएको अटो दुर्घटनामा परी घाइते हुनुभएका सिगास–६, लेकमस्थित गणेश माविमा अध्ययनरत विद्यार्थीहरू लोकेश साउद, लक्ष्मण साउद, गङ्गा साउद र अस्मिता साउदको शीघ्र स्वास्थ्य लाभको कामना गर्दछौँ। घाइते विद्यार्थीहरूको उचित तथा प्रभावकारी उपचारका लागि यथाशीघ्र आवश्यक पहल र सहयोग गरिदिनुहुन सम्बन्धित निकाय, स्थानीय प्रशासन र सरोकारवालाहरूको गम्भीर ध्यानाकर्षण गराइन्छ।

Address

13350 Central Avenue
Surrey, BC
V3T4B8

Telephone

+9779851102654

Website

Alerts

Be the first to know and let us send you an email when Indreni Times posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Indreni Times:

Shortcuts

Share

Category