06/28/2026
ਕੌਮਾਂ ਨੂੰ ਆਪਣੇ ਇਤਿਹਾਸਿਕ ਤੱਥਾਂ ਨੂੰ ਕਿਸੇ ਵੀ ਹਲਕੀਆਂ ਰਾਜਨੀਤਕ ਬਿਆਨਬਾਜ਼ੀਆਂ ਤੋਂ ਬਹੁਤ ਉੱਪਰ ਦੇਖਣ ਦੀ ਲੋੜ ਹੁੰਦੀ...ਅਤੇ ਇਤਿਹਾਸ ਤੇ ਸਵਾਲ ਉਠਾਉਣ ਤੋਂ ਪਹਿਲਾ ਡੂੰਘੀ ਖ਼ੋਜ, ਤੱਥਾਂ ਦੀ ਪੜਤਾਲ ਅਤੇ ਗੰਭੀਰ ਅਧਿਐਨ ਪਹਿਲੀ ਸ਼ਰਤ ਹੁੰਦੀ... ਏਸ ਤੋਂ ਬਿਨਾ ਇਤਿਹਾਸ ਨੂੰ ਛੇੜਨਾ ਅਤੇ ਹਲਕੀਆਂ ਬਿਆਨ-ਬਾਜ਼ੀਆਂ ਦੇ ਅਧਾਰ ਤੇ ਸੱਚ ਮੰਨ ਲੈਣਾ ਕੌਮਾਂ ਲਈ ਬਹੁਤ ਘਾਤਿਕ ਸਾਬਤ ਹੁੰਦਾ । ਇਤਿਹਾਸ ਦੇ ਕਿਸੇ ਤੱਥ ਨੂੰ ਜੇਕਰ ਕਾਊਂਟਰ ਵੀ ਕਰਨਾ... ਇਹ ਕਿਸੇ ਟੁੱਚੀਆਂ ਸਟੇਟਮੈਂਟਾਂ ਨਾਲ ਨਹੀਂ ਕੀਤਾ ਜਾਣਾ ਚਾਹੀਦਾ, ਜਿਵੇਂ ਅੱਜ ਪੰਜਾਬ ਅੰਦਰ ਹੋ ਰਿਹਾ । ਇਹ ਇੱਕ ਡੂੰਘੇ ਸੰਵਾਦ ਦੀ ਮੰਗ ਕਰਦਾ ਹੁੰਦਾ ਅਤੇ ਉਸ ਲਈ ਤੁਹਾਨੂੰ ਉਸ ਪੱਧਰ ਦਾ ਹੋਣਾ ਵੀ ਜਰੂਰੀ ਹੁੰਦਾ ।
ਚੜ੍ਹਦੇ ਪੰਜਾਬ ਦੀ ਰਾਜਨੀਤੀ ਬਾਰੇ ਅਸੀਂ ਕੋਈ ਭਵਿੱਖਬਾਣੀ ਨਹੀਂ ਕਰਦੇ ਕਿ 2027 ਦੀਆਂ ਚੋਣਾਂ ਵਿੱਚ ਕੌਣ ਜਿੱਤਦਾ/ਹਾਰਦਾ.... ਪਰ ਸਿੱਖ ਇਤਿਹਾਸ ਬਾਰੇ ਜਿੰਨੀ ਕੁ ਗੁਰੂ ਮਹਾਰਾਜ ਨੇ ਬੱਲ/ਬੁੱਧ ਬਖਸ਼ੀ ਹੈ ਲਗਾਤਾਰ ਖ਼ੋਜ ਦਾ ਕੰਮ ਕਰਦੇ ਆ ਰਹੇ 'ਤੇ ਤਰੋੜ ਮਰੋੜਕੇ ਪੇਸ਼ ਕੀਤੀਆਂ ਜਾਂ ਅੱਤਕਥਨੀਆਂ ਬਾਰੇ ਅਸਲ ਖੋਜਣਾ ਸਾਡੇ ਲਈ ਕਈ ਵਾਰ ਜਿੰਮੇਵਾਰੀ ਬਣ ਜਾਂਦੀ... ਪਰ ਉਸ ਲਈ ਸਾਨੂੰ ਕਈ ਵਾਰ ਸਮਰੱਥਾ ਤੋਂ ਵੀ ਉੱਪਰ ਜਾਕੇ ਡੂੰਘੀ ਖ਼ੋਜ ਰਾਹੀਂ ਗੁਜਰਨਾ ਪੈਂਦਾ,, ਤੱਥਾਂ ਦੀ ਪੜਤਾਲ ਤੋਂ ਬਾਅਦ ਜੇਕਰ ਕੁਝ ਠੋਸ ਹੱਥ ਆਉਂਦਾ, ਫ਼ੇਰ ਅਸੀਂ ਓਸਤੇ ਗੱਲਬਾਤ ਕਰਨ ਬਾਰੇ ਸੋਚਦੇ ਹਾਂ ।
ਭਾਈ ਸੁਖਦੀਪ ਸਿੰਘ ਬਰਨਾਲਾ ਵਲੋਂ The Panjab Forum ਚੈਨਲ ਤੇ ਕੀਤੀ ਗੱਲਬਾਤ ਦੇ ਕਿਸੇ ਨੁਕਤੇ 'ਤੇ ਪੰਥ ਅੰਦਰ ਵਿਚਰਦੇ ਕਿਸੇ ਵੀਰ/ਭੈਣ ਦੀ ਸਹਿਮਤੀ/ਅਸਹਿਮਤੀ ਹੋ ਸਕਦੀ,, ਕਿਉਂਕਿ ਕਈ ਨੁਕਤਿਆਂ ਤੇ ਅਸੀਂ ਆਪ ਵੀ ਸਮੇਂ ਸਮੇਂ ਨਾਲ ਵਿਚਾਰ-ਮੰਥਨ ਕਰਦੇ ਰਹਿੰਦੇ ਮਿਲੇ ਸਬੂਤਾਂ ਦੇ ਅਧਾਰ ਤੇ..... ਉਹ ਇੱਕ ਡੂੰਘੇ ਸੰਵਾਦ ਦਾ ਵਿਸ਼ਾ ਹੋ ਸਕਦਾ । ਪਰ ਜਿਸ ਤਰਾਂ ਭਗਵੰਤ ਮਾਨ ਸਾਬ ਵਲੋਂ ਸਿੱਖ ਕੌਮ ਦੀਆਂ ਨਾਮਵਰ ਸਿੱਖ ਹਸਤੀਆਂ ਬਾਰੇ ਝੂਠ ਫੈਲਾਇਆ ਗਿਆ....ਅਸੀਂ ਡਾਕੂਮੈਂਟਰੀ 'ਕਾਇਦੇ ਦੇ ਨਾਮ ਥੱਲੇ' ਲਈ ਜਦੋਂ ਇਤਹਾਸਿਕ ਫਾਈਲਾਂ ਫ਼ਰੋਲ ਰਹੇ ਸੀ ਕੁਝ ਅਹਿਮ ਤੱਥਾਂ ਦੇ ਅਧਾਰ ਤੇ ਓਹਨਾ ਦਾ ਚੈਲੰਜ ਕਬੂਲਿਆ ਸੀ ਤੇ ਠੋਸ ਤੱਥ ਸੰਗਤ ਸਾਹਮਣੇ ਰੱਖੇ ਸਨ,, ਜਾਂ ਮਾਨ ਸਾਬ ਨੂੰ ਕੋਈ ਸਬੂਤ ਪੇਸ਼ ਕਰਨ ਲਈ ਬੇਨਤੀ ਵੀ ਕੀਤੀ ਸੀ । ਕੁਝ ਹੱਦ ਤੱਕ ਹੁਣ ਉਹ ਥੰਮਿਆ ਜਰੂਰ ਪਰ ਅਵਾਮ ਤੱਕ ਸੱਚ ਅਜੇ ਵੀ ਨਹੀਂ ਪਹੁੰਚ ਰਿਹਾ,, ਜਿਸ ਤਰਾਂ ਦੇ CM-ਮਾਨ ਜਾਂ ਗੁਰਨਾਮ ਸਿੰਘ ਮੁਕਤਸਰ ਵਰਗਿਆਂ ਬੇ ਬੁਨਿਆਦ ਝੂਠੇ ਦਾਅਵੇ ਸਟੇਜਾਂ ਤੋਂ ਕਰ ਦਿੱਤੇ ਹਨ.... ਓਹਨਾ ਨੂੰ ਤੋੜਨ ਨੂੰ ਸਮਾਂ ਲੱਗ ਜਾਵੇਗਾ, ਖਾਸ ਕਰਕੇ ਜਦੋਂ ਮੂਹਰਲਾ ਬੰਦਾ ਹਲਕੀਆਂ ਬਿਆਨਬਾਜ਼ੀਆਂ ਕਰਕੇ ਬੱਸ ਛੱਡ ਦੇਵੇ ਪਰ ਉਸ ਕੋਲ ਸਟੇਜ ਬਹੁਤ ਵੱਡੀ ਹੋਵੇ ।
ਇਹ ਗੱਲਬਾਤ ਇਹੋ ਜਿਹੇ ਬਹੁਤ ਸਾਰੇ ਖ਼ਾਸ ਨੁਕਤਿਆਂ ਬਾਰੇ ਜੋ 'Rising Panjab' ਚੈਨਲ ਤੇ ਪੇਸ਼ ਕੀਤੀਆਂ ਡਾਕੂਮੈਂਟਰੀਆਂ ਵਿੱਚੋਂ-The Other Side Of Freedom (ਆਜ਼ਾਦੀ ਦੇ ਓਹਲੇ), Jallianwala The Inside Story ਅਤੇ In The Name OF Order (ਕਾਇਦੇ ਦੇ ਨਾਮ ਤੇ) ਵਿੱਚ ਸਾਂਝੇ ਕੀਤੇ ਗਏ... ਓਹਨਾ ਦੁਆਲੇ ਘੁੰਮਦੀ ਹੈ ।
ਸਮਾਂ ਕੱਢਕੇ ਜਰੂਰ ਸੁਣਿਓ... 🙏🏼
ਅਕਾਲ ਸਹਾਇ 🙏🏼
The Jallianwala Bagh Massacre remains one of the darkest chapters i...
