Eps Nepalese In Korea, 12720 113A Avenue, Surrey, BC (2026)

09/03/2026

E-7-4 भिसा थप सम्बन्धी महत्वपूर्ण जानकारी ।

2024 नोभेम्बर 27 पछि TOPIK 2 वा KIIP 3 Level बिना E-7-4 भिसामा परिवर्तन गरेका व्यक्तिहरूले 2026/12/31 भित्र भिसा थप (연장) गर्दा कोरियन भाषा प्रमाणपत्र अनिवार्य रूपमा आवश्यक पर्नेछ ।

तर, विशेष कारणले कोरियन भाषा अध्ययन गर्न नसकेको अवस्थामा ६ महिनासम्म मात्र भिसा थप गर्न सकिने व्यवस्था रहेको छ।

👉 त्यसैले सम्बन्धित व्यक्तिहरूले समयमै TOPIK 2 वा KIIP 3 Level को तयारी गर्नुहोला ।

08/31/2026

अत्यन्त जरूरी सूचना!!!

08/27/2026

विनम्र अनुरोध :

देश शोकमा छ ! मान्छे छटपटिमा छ ।
👉️नाचगान, खाना, भोज भतेर, पाटी जेजे गर्नुस् खानुस्, लड्नुस्, पल्टनुस् तर फुरुकफुरुक गर्दै फेसबुक लगायतका सामाजिक सञ्जालमा नराख्नुस् ।
👉️ बौद्धिक हुनुहुन्छ, जान्ने हुनुहुन्छ । कार्यक्रम, कार्यक्रमका विज्ञापन अहिले नगर्नुस् !
👉️ सक्नुहुन्छ मद्दत गर्नुस् ! सक्नुहुन्न चुप लाग्नुस् ! अर्काको आलोचना, कुनै पनि प्रकारको द्वेश फैलाउने गरि नबोल्नुस् !
👉️ आफ्नो विज्ञता नभएको बिषय थाहा पाउनुस् । अनि ती बिषयमा विज्ञलाई बोल्न दिनुस् । आफू बोल्दै नहिँड्नुस् ।
👉️ मन आतंकित पार्ने फोटो, भिडियो सार्वजनिक नगर्नुस् ।
👉️ व्यक्तिगत क्यूआरमा कसैले पैसा मागिरहेको छ
भने पैसा नपठाउनुस् । बरू नेपाल प्रहरीलाई खबर गर्नुस् । कसले मागिरहेको छ भन्ने देखिने गरी स्क्रिनसट लिएर सामाजिक सञ्जालबाटै सार्वजनिक गरिदिनुस् !

जिम्मेवार नागरिक बनौँ !

08/27/2026

लाखौ नेपालीको कर्मभुमी कोरिया बाट कोरियाली उद्दार टोली नेपाल तर्फ🇰🇷🇳🇵🇰🇷
नेपालमा आएको भीषण बाढीपहिरोमा ९ जना दक्षिण कोरियाली नागरिक सम्पर्कविहीन भएपछि दक्षिण कोरियाले खोज तथा उद्धारका लागि ११ सदस्यीय सरकारी टोली नेपाल पठाएको छ।
विदेश मन्त्रालयका अनुसार बिहीबार इन्चोन अन्तर्राष्ट्रिय विमानस्थलबाट प्रस्थान गरेको टोलीमा ४ जना विदेश मन्त्रालयका अधिकारी, ५ जना अग्निनियन्त्रक र २ जना प्रहरी रहेका छन्। टोलीको नेतृत्व विदेश मन्त्रालयका कन्सुलर मामिला तथा विदेशमा रहेका कोरियाली नागरिक संरक्षणसम्बन्धी राजदूत लिम साङ–वूले गरेका छन्।
सम्पर्कविहीन ९ जना Doosan Enerbility र Korea South-East Powerसँग सम्बन्धित कर्मचारी हुन्, जो रसुवास्थित Upper Trishuli-1 जलविद्युत् आयोजनामा कार्यरत थिए। सोही आयोजनामा रहेका थप १० जना कोरियाली नागरिक भने सुरक्षित रहेको पुष्टि भएको छ।
नेपालमा बाढीपहिरोका कारण कम्तीमा १५७ जनाको मृत्यु भएको र सयौँ मानिस अझै सम्पर्कविहीन रहेको विवरण सार्वजनिक भएको छ। दक्षिण कोरियाली टोलीले नेपाल पुगेपछि नेपाली सुरक्षा निकायसँग समन्वय गरी आफ्ना नागरिकको खोज तथा उद्धारमा सहयोग गर्नेछ।

08/27/2026

कोरिया जाने धेरै नेपालीलाई तालिम दिने प्रशिक्षक गोविन्द राई रसुवाको बाढीपछि सम्पर्कविहीन 😥🇰🇷

रसुवामा आएको भीषण बाढीपछि २१६ मेगावाट क्षमताको अपर त्रिशूली-१ जलविद्युत् आयोजनामा कार्यरत गोविन्द राई सम्पर्कविहीन भएका छन्। बाढीबाट प्रभावित जलविद्युत् आयोजनामा कार्यरत कर्मचारी तथा कामदारहरूको खोजी तथा उद्धार जारी रहेको अवस्थामा राईको अवस्थाबारे हालसम्म कुनै जानकारी प्राप्त हुन सकेको छैन।

गोविन्द राई धेरै नेपालीका लागि अपरिचित नाम भने होइनन्। दक्षिण कोरिया रोजगारीका लागि जाने नेपालीहरूलाई तालिम केन्द्रमा प्रशिक्षण दिने प्रशिक्षकका रूपमा उनले लामो समयदेखि धेरैलाई सहयोग गर्दै आएका थिए। कोरिया जाने तयारीमा रहेका थुप्रै नेपालीलाई तालिम, अनुशासन र कामसम्बन्धी ज्ञान दिने क्रममा उनीसँग जोडिएका विद्यार्थीहरू आज उहाँको सुरक्षित खबरको प्रतीक्षामा छन्।

करिब १० वर्षअघि उहाँबाट तालिम लिएका एक नेपालीले सम्झिँदै भनेका छन्, “जनावरमा राम्रो गाई, मान्छेमा राम्रो गोविन्द राई, तेरीमा गोर्खे” भन्दै प्रशिक्षणका क्रममा हौसला दिने उहाँको शैली आज पनि सम्झनामा ताजै छ।

राईकी श्रीमतीले सामाजिक सञ्जालमार्फत उहाँको अवस्था र हाल उहाँ कहाँ हुनुहुन्छ भन्नेबारे अहिलेसम्म कुनै जानकारी प्राप्त हुन नसकेको बताएकी छन्। उहाँसँगै कार्यरत कर्मचारी, साथीभाइ वा घट`नास्थल आसपास रहेका कसैलाई गोविन्द राईबारे कुनै जानकारी भएमा परिवार वा सम्बन्धित व्यक्तिलाई खबर गरिदिन अनुरोध गरिएको छ।

🙏 “जहाँ हुनुहुन्छ, सुरक्षित रहनुहोस् सर। सकुशल फर्किनुहोस्।”

गोविन्द राईको सुरक्षित उद्धारका लागि परिवार, आफन्त, साथीभाइ तथा उहाँबाट तालिम लिएका धेरै नेपालीले प्रार्थना गरिरहेका छन्।

📞 सम्पर्क नम्बर:
9849272154
9851121602

🏗️ Administrative Officer
🏢 Doosan Hydropower
⚡ 216 MW Upper Trishuli Hydropower Project

कृपया यो सूचना धेरैभन्दा धेरै नेपालीसम्म पुर्‍याउन शेयर गरिदिनुहोस्। तपाईंको एउटा शेयरले उहाँको अवस्थाबारे महत्वपूर्ण सूचना प्राप्त हुन सक्छ। 🙏

Eps Nepal Family

08/22/2026

🇰🇷🇱🇰 दक्षिण कोरियाले दुई श्रीलंकाली कामदारलाई E-7-4 भिसा प्रदान

दक्षिण कोरियाले दुई जना श्रीलंकाली कामदारलाई उनीहरूको साहस र मानवीय योगदानको सम्मान गर्दै E-7-4 दक्ष कामदारको हैसियत प्रदान गरेको छ। 😍

उनीहरू सन् २०२२ अप्रिलमा EPS कार्यक्रमअन्तर्गत E-9 भिसामा दक्षिण कोरिया पुगेका थिए।

📅 १२ अगस्ट २०२२ मा ग्यङ्गी प्रदेशको ह्वासङ नजिक समुद्रमा काम गरिरहेका बेला उनीहरूले इन्जिनमा आगलागी भएपछि कोरियन एयर फोर्सको लडाकु विमान समुद्रमा दुर्घटनाग्रस्त भएको देखे।

विमानमा रहेका दुई जना पाइलट बाहिर निस्कन सफल भएका थिए। त्यसपछि ती श्रीलंकाली कामदारहरूले आफ्नो जहाजका कप्तानसँग मिलेर जोखिम मोलेर पाइलटहरूको उद्धारमा सहयोग गरेका थिए।

उद्धार कार्यमा Dileep, Jathuranga र Ruwan गरी तीन श्रीलंकाली कामदार सहभागी थिए। तीमध्ये एक जनाले यसअघि नै दीर्घकालीन बसोबासको अनुमति प्राप्त गरिसकेका थिए भने बाँकी दुई जनालाई विशेष योगदानको आधारमा २१ अगस्ट २०२६ मा E-7-4 स्टाटस प्रदान गरिएको हो।

उनीहरूको साहस र योगदानको सम्मानस्वरूप दक्षिण कोरियाली वायुसेनाका चिफ अफ स्टाफबाट प्रशंसापत्रसमेत प्राप्त भएको थियो।

दक्षिण कोरियाको न्याय मन्त्रालयका अनुसार, पाइलटहरूको जीवन बचाउन उनीहरूले गरेको कार्य विशेष योगदान भएको र त्यसलाई सम्मान गर्दै उनीहरूलाई E-7-4 दक्ष कामदारको रूपमा कोरियामा बस्न तथा काम गर्न अनुमति दिइएको हो।

❤️ E-9 कामदारबाट E-7-4 दक्ष कामदारसम्मको यो यात्रा साहस, मानवता र योगदानको सम्मानको एउटा प्रेरणादायी उदाहरण हो।

08/21/2026

हाम्रो कम्पनीमा जम्मा २ जना नेपाली छौँ। म भन्दा ५ वर्ष अगाडि आउनुभएको दाइ र म गरेर जम्मा दुईजना e7 हौं बाँकी कोटा छैन। Technical काम केहीपनि नभएकोले काम सिक्न समय लाग्दैन र विशेष सीपपनि केही छैन। ६ महिना अगाडि आएका अन्य देशका भाइहरुले हामीले भन्दा छिटो र राम्रोसगँ काम गर्छन्। कम तलब र सुविधा लिने भाइहरु बढि काम गर्छन्।
आजकल साहुले दाइलाई अलिक धेरै नै रुखो ब्यवहार गर्ने , बेलाबेलामा गाली गर्ने गर्छ। कम्पनीमा काम गरेर १३ वर्ष भइसकेको मान्छेलाई सिधै जा भन्न नसकेर विभिन्न तरिकाले दुखी बनाउन खोजेको कुरा मैले बुझिरहेको छु। यो कुरा दाइले पनि बुझ्नुभएको छ होला भन्ने लागेरै आज काम सकेर एकछिन उहाँसगँ गफ गर्ने सोच बनाए। दैनिक भेटिरहने भएपनि हामी बीचमा भावनात्मक र घरायसी कुराहरु खास्सै हुन्न थियो तर आज मैले सिधै घरतिर सबै आरामै होला नि है दाइ अनि नेपालतिर फर्किने विचारहरु छ कि दाइ भने...कुरैकुरामा उहाँले नेपाल जाने मन त धेरै छ भाइ , आजकल कम्पनीले पनि म गए हुन्थ्यो भनेझै गरेको ब्यवहारहरु महसुस गरिरहेको छु तर परिस्थिति अहिले तत्कालै फर्किन सक्ने छैन। फेरि १३/१४ वर्ष काम गरेको ठाउँ छोडेर अरु कम्पनी जान पनि मन लाग्दैन। भाषा पनि केही आउदैन भिसा थप्नकै लागि भनेर २ पटकमा ३ लेभल सकाएको छु।
उहाँ बोल्दै गर्दा बिचमै मैले अनि परिवार सबै पोखरा जस्तो शहरमा हुनुहुन्छ । कोरियामा कमाउन थाल्नुभएको पनि १४ वर्ष भैसक्यो। फर्किनै नसक्ने त होइन होला नि दाइ ।लगत्तै उहाँले , पहिला हामी सबै गाउँमा बस्थे म कोरिया आएर परिवार पोखरा झरेका हुन्। पैसा नकमाएको होइन भाइ ,पोखरा जस्तो शहर घुम्न पनि जान नसक्ने हाम्रो परिवार अहिले आफ्नै घर बनाएर बसिरहेका छन्। छोरा र छोरी पोखरा कै राम्रो स्कुल पढ्छन्। अहिले हाम्रो घर खर्च लाखमा हुन्छ आउने बाटो यही कम्पनीको काम हो। अब परिवारलाई गाउँ लगेर जान पनि सकिन्न, जोडेको सम्पत्ति बेच्न पनि भनेजस्तो सजिलो छैन,, १४ वर्षसम्म काममा गयो आयो केही फरक सोच्न र गर्न पनि सकिएन। म कोरियाबाट गएकै दिनबाट समस्या पर्ने कुरा हामी सम्पूर्णलाई थाहा भएरै घरकाले आउ भन्दैनन् मैले पनि आउँछु भन्न सकेको छैन भाइ । छोरा मान्छे कहिल्यै रुदैनन् भन्ने सुनेको थिए तर दाइको आँखाबाट आशु खसिसकेछ।
मलाई पनि धेरै गाह्रो महसुस भइसकेको थियो। मेरो मनको एउटा कुनाबाट अबको २/४ वर्षमा तेरो हलत पनि ठ्यक्कै यस्तै हुनेछ भन्दै थियो फेरि मनको अर्को कुनाबाट दाइले त कम्तीमा पनि सम्पत्ति जोड्नुभएको रहेछ त मुलाको दाइको भन्दा हजार गुणा पीडादायी हुन्छ पुर्ने भन्दै चिच्याउन थाल्यो।
सोचौ, समयको सदुपयोग गरौ।😢🇰🇷🇳🇵🙏
Maila ✍️

08/20/2026

कोरियामा भोगेको यौन दुव्र्यवहारको तितो अनुभव,

2012 को अप्रीलमा पहिलो पटक कोरिया आएको थिएँ मेरो दुर्भाग्य आएको 2 महिनामै अप्रेसन गर्नुपर्ने भयो।
आएको कम्पनिमा नेपाली थिएनन, पहिल्यै 4 जना रहेछन उनिहरुले कम्पनी छोडेर अन्तै काम गरिरहेका थिए।
एकजना भिएतनामी दिदी थिइन उनले धेरै कुराहरुमा सहयोग गर्थिन्। उनैले कम्पनी छोडेर गएका नेपाली दाइहरुसँग सम्पर्क गराइन्। संयोगवश ती मध्ये एकजना दाइले कोरियामै कानको अप्रेसन गरेका रहेछन्। प्लेन ल्यान्डिङ हुनेबेला टम्म भरिएको मेरो कानबाट पानी आउन थालेपछी हस्पिटल गएको थिएँ डक्टरले अप्रेसन गर्नुपर्छ भनिदिए।

नेपालमा भाषा पढाउने सरका भाइ कोरियामै स्वर्गवास भएका थिए। उनको पनि कान पाक्दा पाक्दै हड्डि कुहिएर मस्तिष्कमा असर गरेको र मृत्यु भएको भन्थे, सम्झिएर डर लाग्यो। म अप्रेसन गर्ने भएँ तिनै दाइले अप्रेसन गरेकै हस्पिटलमा।

दाइहरुले खुब माया गर्थे, सम्झाउथे, सिकाउथे। मेरा असाध्यै मिल्ने भिम कोरियामै थिए तर म किम्हे उनि टाढा छनान थिए। उनैले एउटा फोन किनेर ल्याइदिएका थिए। त्यहि फोनबाट केही साथिहरुसँग सम्पर्क गर्थें। पुराना दाइहरु बस्न बोलाइरहन्थे, उनिहरु सानो अपार्टको एउटै कोठामा 3 जना भुइँमा लाइन लगाएर सुत्ने रहेछन।(कोरियामा प्राय भुइँमै सुत्ने गर्छन।)

मलाइ अप्रेसनको बारेमा बुझ्न मन थियो,
एकदिन night काम भएको बेला म दाइहरुको कोठामा बस्न गएँ खाना खाइसकेर लस्करै सुतियो।
पल्टिएको लगभग 1 घन्टापछी मेरो शरिरमा केही सल्बलाइरहे जस्तो महसुस भयो। बारम्बार त्यस्तो भैरपछी म ब्युँझिए। ब्युझिँदा कसैले मेरो शरिर सुम्सुम्याइरहेको थियो। मैले निद्रामा हो कि जस्तो लागेर उनको नाम बोलाएर दाइ के गर्नुभएको भनेंर ब्युझाएँ। उनी उतापट्टि फर्किएर सुते। केही समयपछी फेरि त्यस्तै व्यवहार दोहोरियो यो पटकती दाइले मेरो पाइन्टको बटन खोल्न खोजिरहेका थिए। म फेर्ने लुगा नभएकोले जिन्स पाइन्ट नै लगाएर सुतेको थिएँ। उनले यो नियतबश नै गरिरहेका छन भन्ने बुझें, मलाइ झनक्क रिस उठ्यो मैले उनको हात च्याप्प समातेर मर्काइदिएँ एकछिन शान्त भए। म आँखा लगाएछु फेरि उनले त्यही व्यवहार दोहोर्‍याए त्यसपछी म रातभर जाग्राम बसें। सबैको भोलिपल्ट काम थियो डिस्ट्रब होला भनेर मैले कसैलाइ केही भनिन। फेरि केटामान्छेले केटालाइ नै त्यस्तो गरेपछी कसैलाइ भनियो भने पनि बिश्वास नगर्ने संभावना थियो। आउँदा दिनमा म ती ब्यक्तिबाट टाढा भए भैगो नि भनेर यसै चुपचाप बस्ने निर्णय गरें तर त्यो कुराले लामोसम्म नराम्रो लागिरह्यो। त्यो रात कति लामो भएको थियो मलाइ अझै सम्झना छ।
Keshab Raj Baral दाइ तपाइहरुलाइ ती साथिबाट कहिल्यै त्यस्तो व्यबहारको महसुस भएन?

त्यो दिनदेखी म कहिल्यै दाइहरुकोमा गइन। दुव्र्यवहार गर्नेहरु त बिर्सिन्छन होला तर दुव्र्यवहार भोग्नेहरुले कहिल्यै बिर्सिन नसकिने रहेछ।
म महसुस गर्न सक्छु, महिलाहरुले जिवनमा यस्ता दुव्र्यवहार कती पटक भोग्छन होला र त्यसले उनिहरुको मस्तिस्कमा कति चोट पुग्छ होला? कहिलेकाही सोच्दा पनि हैरानी लाग्छ।

कस्तुप गैरेको सत्य घटनामाआधारित भोगाई

08/13/2026

🇰🇷🇳🇵 दक्षिण कोरियामा E-7 भिसाअन्तर्गत दक्ष नेपाली कामदार पठाउने प्रक्रिया सुरु

दक्षिण कोरियास्थित नेपाली राजदूतावास, सिओलले E-7 भिसाअन्तर्गत दक्ष कामदार पठाउने प्रक्रियाअनुसार डिमान्ड लेटर प्रमाणीकरण (Attestation) सुरु गरेको छ। राजदूतावासले जारी गरेको सूचनाअनुसार यो प्रक्रिया १२ अगस्ट २०२६ देखि लागू भएको हो।

दक्षिण कोरियाका इच्छुक रोजगारदाताले नेपाली दक्ष कामदारका लागि डिमान्ड लेटर प्रमाणीकरण गर्न राजदूतावासको अनलाइन प्रणालीमार्फत आवेदन दिन सक्नेछन्। रोजगारदाताले आफैं, आधिकारिक प्रतिनिधिमार्फत वा विधिवत् अनुमति प्राप्त नेपाली रिक्रुटिङ एजेन्सीमार्फत आवेदन पेश गर्न सक्ने व्यवस्था गरिएको छ।

📌 आवश्यक प्रमुख कागजातहरू:

1. कोरियाली परराष्ट्र मन्त्रालयबाट Apostille गरिएको Demand Letter
2. Power of Attorney वा दुई पक्षबीचको सम्झौता — Apostille सहित
3. Embassy लाई सम्बोधन गरिएको Guarantee तथा Undertaking Letter
4. Job Contract
5. Job Description
6. Recruiting Agency सम्बन्धी Power of Attorney वा सम्झौता — Apostille सहित
7. भाषा तथा सीप परीक्षणसम्बन्धी प्रतिबद्धता पत्र
8. रोजगारदाता कम्पनीको Business Registration Certificate, CEO ID, Company Profile तथा Operation License
9. कोरियन Recruiting Agency को Business Registration Certificate, CEO ID तथा Company Profile
10. नेपाली Recruiting Agency को Department of Foreign Employment बाट जारी License Certificate
11. सम्बन्धित सरकारी निकायले E-7 भिसाअन्तर्गत विदेशी कामदार आवश्यक रहेको पुष्टि गरेको आधिकारिक कागजात

राजदूतावासले आवेदनका क्रममा सबै आवश्यक कागजात पूर्ण, सही र तोकिएको ढाँचामा पेश गर्न रोजगारदाताहरूलाई आग्रह गरेको छ।

यो व्यवस्थाले दक्षिण कोरियामा आवश्यक दक्ष जनशक्ति नेपाली कामदारमार्फत पूर्ति गर्ने र E-7 भिसामार्फत नेपाली दक्ष कामदारको रोजगारीको अवसर विस्तार गर्ने अपेक्षा गरिएको छ।

📍 नेपाली राजदूतावास, सिओल
📅 सूचना जारी मिति: १२ अगस्ट २०२६
#सूचनासहायक #सूचनार्थ

08/08/2026

दक्षिण कोरियामा एक जना नेपाली र भियतनामी कामदारको मृत्यु ।

उदय राई 🇰🇷
छेजुको एक सुँगुर फार्मको सेप्टिक ट्याङ्कीमा खसेर दुई प्रवासि श्रमिकको मृत्यु ( एक नेपालि अर्को भियतनामि) भएकोछ।

दक्षिण कोरियाको छेजु स्थित एक सुँगुर फार्मको फोहोर प्रशोधन ट्याङ्की (सेप्टिक ट्याङ्की) भित्र खसेका दुई प्रवासि श्रमिकलाई मुटुको धड्कन बन्द भएको अवस्थामा अस्पताल लगिएको थियो। तर, दुवै जनाको मृत्यु भएको छ।

बिहान ७ बजेर ५६ मिनेट जाँदा 제주시 한경면स्थित एक सुँगुर फार्मको फोहोर प्रशोधन ट्याङ्कीमा मानिस खसेको भन्ने सूचना अग्नि नियन्त्रण निकायमा प्राप्त भएको थियो।

दुर्घटना भएको ट्याङ्कीको लम्बाइ, चौडाइ र गहिराइ प्रत्येक करिब ५ मिटर रहेको र त्यसभित्र फोहोर पदार्थ करिब आधासम्म भरिएको अवस्थामा रहेको बताइएको छ।

सूचना प्राप्त भएपछि अग्नि नियन्त्रण अधिकारीहरूले प्रहरीसँग संयुक्त रूपमा उद्धार कार्य सुरु गरेका थिए। उनीहरू बिहान ८ बजेर ७ मिनेटमा घटनास्थल पुगे पनि ट्याङ्कीभित्र रहेका श्रमिकहरू तत्काल देखिएका थिएनन्।

उद्धार टोलीले खोज तथा उद्धार कार्य जारी राख्दै बिहान ८ बजेर ४७ मिनेटमा एक जनालाई ट्याङ्कीबाट बाहिर निकाल्यो। त्यसपछि ८ बजेर ५४ मिनेटमा अर्को श्रमिकलाई पनि उद्धार गरिएको थियो।

उद्धार गरिएका दुवै जना ३० वर्ष आसपासका प्रवासि श्रमिक थिए। एक जना भियतनामी र अर्का नेपाली नागरिक रहेको बताइएको छ। दुवै जनालाई मुटुको धड्कन बन्द भएको अवस्थामा फेला पारिएको थियो। तत्काल अस्पताल लगिए पनि दुवै को मृत्यु भएको छ । यो क्रम रोकिनु पर्छ।

Eps Nepalese In Korea

09/03/2026

08/31/2026

08/27/2026

08/27/2026

08/27/2026

08/22/2026

08/21/2026

08/20/2026

08/13/2026

08/08/2026

Address

Website

Alerts

Shortcuts

Share

Category

Listing takedown request