Hangool

Hangool Arag-Maqal-Oog

09/23/2025

Ilmo ku dhashay meher la'aan oo hadana ah ilmo sharci ah ama aan ahayn ilmo garac ah ama wacal iyo sababta uu ilmo sharci ah ku noqday.
Sh umal.

09/17/2025

Waa Maxay Hanti Maskaxeedku?

09/16/2025

Sideed shey oo ay khasab tahay in la sameeyo xiliga hurdada ka hor si loo helo hurdo caafimaad qab ah.

Halkan waxaan kugula wadaagayaa talooyin kooban oo noloshaada ku saabsan lagana yaabo inay ku anfacaan idamka rabi.1. Is...
09/13/2025

Halkan waxaan kugula wadaagayaa talooyin kooban oo noloshaada ku saabsan lagana yaabo inay ku anfacaan idamka rabi.

1. Iska daa welwelka aan micnaha lahayn: Nolosha mararka qaar way adag tahay, laakiin waa muhiim inaad xoogga saarto waxa aad xakameyn karto oo aad ka tagto waxa aadan xakameyn karin.

2. Hadaf cad sameyso: Waa muhiim inaad leedahay hadafyo gaar ah oo noloshaada hoggaaminaya. Ku shaqee qorshe joogto ah oo ku saabsan sidii aad u gaari lahayd.

3. Naftaada daryeel: Caafimaadkaaga maskaxeed iyo jireed waa hantidaada ugu weyn. Cunto caafimaad leh cun, jimicsi samee, hurdana ku filan hel.

4. Baro inaad diidid waxyaabaha aan muhiimka ahayn: Dad badan ayaa kugu mashquulin kara arrimo aan faa'iido kuu lahayn. Baro inaad si wanaagsan uga cudurdaarto marka loo baahdo.

5. Ku tiirsanow Ilaahay: Haddii aad diintaada ku dhaqanto, ku kalsoonow inuu Alle kuu fududayn doono dhammaan arrimaha adag, kuna dedaal inaad la xiriirto oo ku camalfasho.

6. La xiriir dadka kugu dhiirrigeliya: Saaxiibada iyo dadka kuu horseedi kara guusha waa inay noqdaan kuwa kuu dhow. Ka fogow dadka kugu soo kordhiya tamar xun ama kaa mashquuliya hadafkaaga.

7. Baro inaad waqtigaaga si fiican u maamusho: Waqtiga waa kheyraad qaali ah. Samee jadwal aad ku kala hormariso shaqooyinka muhiimka ah, si aanad ugu lumin hawlo aan wax badan kuu tarayn.

9. Horumarinta aqoontaada: Baro xirfado cusub ama aqoon kuu horseedi karta fursado badan. Akhriso, iska diiwaangeli tababarro, oo ha ka caajisin inaad naftaada kobciso.

10. U dabbaaldeg guulaha yaryar: Noloshu waa safar, ee mar kasta ku mahadnaq waxa aad gaartay, xitaa guulaha yaryar. Tani waxay kaa caawinaysaa inaad dhiirran tahay oo aad u socoto dhinaca riyadaada.

Aayadaha suuratu an-naxl waxaa ka mid ahaa in hilibka xooluhu (cunno) noo yahay. Laakiin shaqo u baahanyahay. Adduunka i...
09/12/2025

Aayadaha suuratu an-naxl waxaa ka mid ahaa in hilibka xooluhu (cunno) noo yahay. Laakiin shaqo u baahanyahay. Adduunka iyo aakhirada labaduba (shaqo iyo tacab) ayey rabaan. Taas ayeyna muslimiintu 14 qarni adduunka ku hoggaaminayeen. Laakiin sebenkan la joogo labada daaroodba tacabkoodii in badan ayaan gabnay.

Hilibka waxaa adduunku soo saaraa marka aan doofaarka ka reebno: 248 milyan oo ton. Sanadkii (2023) FAO. Geelu kuma jiro. Soomaalida oo adduunka dadka ugu xoolo badan ka mid ah, hilib ma dhoofiso laakiin xoogaa yar oo xoolo nool ah ayey dhoofisaa, markey ugu badnayd $300 milyan ayaa sannad laga helay qiyaastii.

Brazil keligeed: hilibka Lo’da (beef) wexey dhoofisaa 2.3 milyan ton, kana hesho: US$ 13.1 bilyan. Digaagga wexey dhoofisaa 4.8 milyan ton, ka hesho: US$ 9.7 bilyan, adhi badan ma laha, geelna iskaba daa. Australia ku xigta ilaa US$ 14 bilyan dhoofisa Lo’da iyo idaha.

Hargaha iyo dhogorta ha sheegin, suuqa hargaha keliya adduunka waa $550-600 bilyan. Uur ku jirta oo laga sameeyo alaabooyin badan, saabuun iyo cunnooyin xoolaha iwm.

Soomaalidu sidee uga faa’iidaysan karaan? Tusaale: Gobollada soomaalida ee kenya: sida wajir, garissa iyo mandhera, mexey fursado haystaan? Hal gobol oo dawlad dhexe ka tirsan iskiis ma uga shaqaysan karaa xoolaha sida puntland, ama galmudug ama jubbaland? Mase ka miisaaniyad badnaan karaa dawladda dhexe oo dhan? Oo haddii federaalku (mashruuc WB keliya) risiqiisa ku xiray, gobolka ma shaqaysan karaa? Dad hammi leh, oo qorshe leh, oo aragti leh cidina adduunka ma joojin kartaa?

09/10/2025

Joogtayntu waa guusha nolosha. Wana shayda kaliya ee aad kaga fiicnanayso qofka ugu fiican.

Guusha waa wax la is barbardhigi karo (Relative) qofwalba siduu u dareemo ayuu u arkaa macnaha guusha amase haddaan sika...
09/10/2025

Guusha waa wax la is barbardhigi karo (Relative) qofwalba siduu u dareemo ayuu u arkaa macnaha guusha amase haddaan sikale kuugu dhigo guusha way macno badantahay mana lahan qeexitaan u gooni ah oo la isku raacay. Waxaan shaki kujirin inaan la isku raacsaneen waxa guul loo yaqaano balse adiga iskuday inaad ka jawaabto su’aashaan: Maxaad guul u taqaanaa maxaase ku cabirtaa guusha?

Waxaa jirta su’aal aheed waa maxay guusha? Oo la weydiiyey aqristayaasha Wargeyska “The Dreamer’s Guide Motivation newsletter” Bal aan kusoo gudbiyo jawaabaha ay kasoo kala bixiyeen:

Isaac Alex Phiri:

“Aniga ma sheegi karo macnaha dhabta ah ee guusha lakiin waxaan kusoo koobi lahaa hab fudud oo ah:

1. Inaad gaarto barta riyadaada kuu tilmaamayso
2. Markaad hesho waxa aad u baahantahay
3. Markaad ka talaabsato daruufaha iyo caqabadaha nolosha

Geoffrey Nkhoma:

“Aniga guusha waxaan ku cabiri lahaa farxada; farxadaas oo ka imaanaysa markii aan aragno dadka aan jecelnahay oo faraxsan masii jirayso farxada haddii anaga oo kalliya aan faraxsanahay.”

Janett Kalale:

“Guusha macnaheedu waa inaad gaarto natiijada ugu sareyso ugunna macquulsan.”

Mary Masumbuko:

“Guusha waa inaad isku dhiibto Allah: Waa bixiyaha nabadda dhabta ah ee addanuhu raadiyo. Guusha waa xakameenta noloshaada, Inaad qaabbayso qorshaha noloshaada oo aad xaqiijiso [Sidii aad ku gaari laheed]…Taas ayaan guul u arkaa.”

Suurta gal waaye inaad nolosha ku guulaysato adigoo aadan hanti badan tacbanin.

Sikastaba, Waxaan layaabbay waxa adiga guul kuu ah dadka kale guul umma ahan!

Haddaba, Bal aan isla eegno waxa ay ka yiraahdeen iyo qeexitaanada ay ka kala bixiyeen aqoonyahanada guusha odorosta iyo Qaamusyada kala duwan.

1. Jim Rohn:

“Guusha waa inaad samayso shey iska caadi ah adigoo u samaynaayo hab aan caadi aheen.”

Humphrey:

“Waxaan guul u garannayaa sida soo socota:
1. Farxadda qoyska
2. Xiriirka aad la leedahay Allah
3. ku kalsoonaanta nolosha

Af-Soomaaliga:

1. Dagaalka ama tartanka oo lagu adkaado; lib; libin; liibaan.
2. Cid haddadid ama Xoolo aroor oo wabax ah meel ceelka u dhow habeen u hoyasho.

Webster’s:

1. Inaad hesho ama aad gaarto Hoddantinimo, Caannimo.
2. Inaad saxdo ama aad gaarto iskuday aad jamatay.

Oxford:

1. Inaad gaarto himilo ama ujeedo.
2. Inaad hesho Caannimo, Hodantinimo ama aqoonsi bulsho.

09/10/2025

"Ha isku shuqlin raadinta macneha guusha balse u yeel noloshaada macne iyo hiigsi”

Nolosha qofka ibna adamka ah waxay ku salaysan tahay waxyaalo aad u badan. Sidaasi oo ay tahay qof walba oo ku dul nool ...
09/09/2025

Nolosha qofka ibna adamka ah waxay ku salaysan tahay waxyaalo aad u badan. Sidaasi oo ay tahay qof walba oo ku dul nool gagida aynu ku dul uumanahay wuxuu ku taamaa oo uu jecelyahay in uu helo nolol aad u macaan isla markaana leh dhud iyo dhadhanba.

ruux kastaa si uu ugaadho nolosha guusheeda wuxuu kafaraa si uu u hanan lahaa wax kasta oo uu ku gaadhi karo nolosha sareedadeeda. Hadaba waxaan shaki ku jirin qof kasta inuu dhinac ka eego ama uu ka baadi goobo guusha uu ku taamayo.

Marka aynu ka hadlayno umadda somaliyeed meelkastay ku noolyihiin waxay ka raadiyaan badhaadhaha nolosha in ay cagaha saraan dhulal shisheeye sida Europe, America iyo Australia.

Haddaba suaasha u baahan in si qoto dheer oo waayo arragnimo leh looga jawaabo waxay tahay Qofku siduu ku hanan karaa nolol sareedo barwaaqo iyo badhaadhe leh labadaba?

Waxaynu isku dayi doonaa suaasha inaynu dhinacyo badan ka eegno isla markaana umadda u ibo furno siyaabo kala duwan oo lagu gaadhi karo hadafka nolosha ee loo loolamayo yar iyo waynba.

Dadka badankoodu markay damcaan inay nolosha guul ka gaadhaan waxa markiiba maskaxdiisa kusoo dhaca in uu helo *** Lacag, Guri, Gaadhi iyo Gabadh*** taas oo sababtay in ay ka baadi goobaan dhulal shisheeye oo lagu tuhmayo nolol ka sareedo badan tan lagu uumay.

Haddaba xaqiiqada dhabta ahi waxay tahay qofku inuu yeesho hami aad u fog sido kale inuu yeesho IL wax ka aragta meel ka baddan dhulka iyo samadu intay isu jiraaan. Hamigaaga iyo aragtidaada oo dheeraataa waxay sabab u tahay in waayo aragnimadaadu badato isla markaana aad abuuri karto fakar aad ku horu marin karto deegaankaaga kana dhigi karto meel ka nolol macaan kana raynrayn badan dhulalka shisheeye ee hamigaagu ku maqanyahay.

Jim Rohns: waa aqoonyahan maraykan ah, waxa uu leeyahay saddex siyaabood ayaad ku hanan kartaa guusha nolosha.sido kalena marka aad u bahantahay inaad nolosha guul ka gaadho waa inaad ku guulaystaa saddex dan qodob.

_ In aad ku guulaysatid kobcinta iyo kor u qaadida mugga aqoontaada. Markasta oo aad aqoontaada kobcisid waxaad k**ii siqaysaa inaad u dhawaato guusha noloshaada.

_ In aad noqoto dhaqaale ahaan qof ku tiirsan shaqaale oo kaliya balse aad noqotaa qof ku tiirsan maxsuulka ay soo saarayso aqoonta maskaxdaada ku kaydsani. Taasina waxay sababaysaa ama ay keenaysa in aad noloshaada guusheeda hantido.

_ In noloshaadu ay ahaato mar walba mid leh yool isla markaana subax walba aad kuso toostid saaka intee inleeg ayaad yoolkaagi k**i dari kartaa ama k**ii biirin kartaa.

Maddaama oo aynu nahay umadd muslim ah waxaynu isku dayaynaa in aynu sidoo kale dul istaagno diinteena suuban waxay ka qabto kana tidhi guusha iyo sareedada nolosha.

Diinteena suubani waxay ina faraysaa Nolosha aduunyadu idil ahaanteedba inay tahay imtixaan islamarkaana EEBBE S.W.T uu ku imtaxaamayo addoomadiisa. Imtixankaasi oo la eegayo qofka jawaabta uu ku jawaabo iyo fal-celintiisa. Hadaba qofka ku guulaystay adunyada waa qofka imtixaankaa EEBE sidisa ugasoo baxa sido kalena qofka aakhiro ku guulaystay uu EEBE S.W.T inoogu shegay Quranka kariimka ah. (فمن سحسح عل نار ودخل لجنة فقد فاس)

Oo micnaheedu yahay qofkii laga dhufto naarta oo la galiyo jannada wuu guulaytay. Halkaas waxa inoogu cad dhamaanba ujeedada uu ilahay ka leeyahay adduunyada korkeeda sido kalena qofka aduunyada ku guulaysta iyo qofka aakhiro ku guulaysta uu qaalisanyahay qofka aakhiro ku guulaysta sababtuna ay tahay in adduunyadu ay tahay mid loogu talagalat in addoomada lagu imtixaamo ayna tahay mid aad u kooban.

Haddaba guusha noloshu maaha in aad ka baadi goobto ama aad ka raadiso meel aan kaa fogayn balse waa in aad marka u horaysa niyadaada siisaa kalsooni ay ku garwaaqsato guushu inay tahay mid aad u fudud isla markaana ay tahay mid ku xidhan waxyaabo kooban oo ay awoodo inay naftaadu si buuxda u samayn karto.

Waxan odhan karaa guusha qof waliba wuu kasban karaa haduu la yimaado dhawrkan qoddob:

Samir badnaan: samirku waa waxa kaliya ee hoga tusaaleya qofku in uu gaadhi karo guul wakhti aan fogayn hadii uu la yimaado asbaabaha samirka. Isla markaana waa sir uu ilaahay inoogu sheegay Quraankisa kariim ka ah taas oo la taxaluqda ama ku lug leh guusha uu aadamuhu kuu taamo. Samirka waxa kale oo nafta lagu baraa daganaansho iyo karti badnaan uu qofku ku xamilo nolosha adaygeeda.

Daacadnimo: qoddonkani waa lagama maarmaan hadii aad u golongoshay ama aad in badan baadi goobaysay inaad noloshaada guul ka gaadhid. Waa wax dadbadani ku hungoobeen, buuxina waayeen. Waa wax lagu qiimayn karo in aad guulaysanayso noloshaada hadii aad la timaado isla markaana aad arki doonto shay aad maskaxda ku haysay aadna kuugu waynaa oo gondahaaga ama agtaada yimaada.

Dhiiranaan: qoddobkani waa mid aad xasaasi u ah isla markaana u baahan feejignaan dheeraad ah. Waxa xaqiiqo ah in qof waliba uu naftiisa la jecelyahay waxa wanaagsan. Sidaasi oo ay tahay waxa dadku ku kala duwanyihiin dhiranaanta iyo hal adayga gaar ahaan marka qofku guul raadinayo. Waayo waa in aad maqashaa durbaanka kaa dhex baxaya sanqadhiisa, sidoo kalena aad rumaysaa riyooyinka joogtada ah ee ku xidhiidhsan waayahaaga nololeed. Waa shay u baahan daganaansho dheeraada iyo talooyin ama xoggo kala duwan oo aad ku jaan goyso, maxaa yeelay mararka qaar wuxuu khatar galin karaa noloshaada bini aadan tinimo si aad guul ugaadho awgeed. Waa waxa dadka qaar ay ugu hodmaan isla markaana ay guul awgeed xak**ayn kari waayaan naftoda melo aan ku habonayna ku hodda.

Alle ka cabsi: Alle ka cabsigu waa hidaayo iyo hanuun uu EEBE S.W.T uu ku galado adoomihiisa uu jecelyahay. Waa akhlaaqiyaad wanagsan oo EEBE S.W.T uu ugu deeqo adoomihiisa uu ku sugayo dariiqa toosan. Waa siyaasad uu aadamuhu ku kala dheeraayo isla markaana uu ku kala gaadho sumcad wanaag iyo jacayl badnaan dha kastaba ah.

Afartaa qodob waxay qofka u suurto galin karaan in uu noqdo qof ka midho dhaliya isla markaana rumeeya aragtidiisa ku aadan inuu nolosha guul ka gaadho.

Wakhti aan sidaa usii durugsanayn bay ahayd markii aan dareemay wax yaabo badan oo noloshayda ah in badan ku taami jiray kuna riyoon jiray aan gaadhay waana guule mahadii, furaha ama sirta aan u adeegsadayna waxay ahaayeen qodobadaas aan kor ku xusay. Waxaanan rajaynayaa in badan oo idinka mid ah in ay guushay ku taamayaan hanan karaan hadi ay isticmalan qodobadan.

Maahmaah English ah baa waxay tidhahdaa: “success is not once a shock” oo macnaheedu yahay guushu maaha wax hal mar soo baxa ama lagu naxo.

Soomaaliya iyo Rwanda dagaal sokeeye ayaa labadaba ka holcay bilawgii sagaashameeyada (1991) iyo (1994), Rwanada ayaa da...
09/09/2025

Soomaaliya iyo Rwanda dagaal sokeeye ayaa labadaba ka holcay bilawgii sagaashameeyada (1991) iyo (1994), Rwanada ayaa darnayd oo xasuuq 800 kun oo qof ayaa ka dhacay 6 bil gudohood.

Maanta 2025 Rwanda waa ka soo kabatay, heshiisey, dawlad midaysan oo awood leh wada dhisatay, horumar bulsho iyo dhaqaale ku dhaqaaqday, kigali noqotay caasimadda Africa ugu amni iyo nadaafad badan, ugu musuq yar. Halka soomaaliya intaasba weli la dhutineyso.

mxay adiga kula tahay sababaha ugu weyni?

Dal kasta ama dad kasta oo daacad ka ah in ay hormaraan ama wax qabsadaan, dhul yaraane ma celin karto, khayraad la’aani...
09/09/2025

Dal kasta ama dad kasta oo daacad ka ah in ay hormaraan ama wax qabsadaan, dhul yaraane ma celin karto, khayraad la’aani ma xannibi karto, isticmaar ma joojin karo, UN inaanu ka mid ahaynna ma caqabad kuma noqon karto, calan inaanu u taagnaynna ma reebi karto.

Waxaa Shardi ah sifooyin aan suuqyada adduunka meelna lagu iibin: Daacadnimo, hawlkarnimo, Hufnaan, dawlad wanaag, musuq la’aan, aqoon iyo garaad qiimayn. Intaa hadduu dad helo wax celin karaa ma jiraan.

Sawirkaa iftiimaya ili qabatay, waa xaruumaha wax lagu beero dalka Netherland 12 bilood. Maraykan wuxuu ka weyn yahay Holland 270 jibbaar. Halkii acre wuxuu baradho ka goostaa:5-7 ton. Holland wexey isla halkii acre ka goosataa: 25 ton. China tamaandhada ugu dhul weyn wexey ka goosataa 3868 ton / sq.mile - Netherland wexey ka goosataa: 144,352 ton/sq.mil. Allaha caqliga iyo aqoonta dadka u qaybshey ayaa mahad leh, jahligu inta oo qofka ka gooyo cadow kale k**a gooyo, Mahadsanidin, akhriska iyo fidintaba. Ilaahow aqoon darraan kaa magan galnay, caqligana hannaga qaadin.

“Recep Tayyip Erdoğan, wuxuu ka soo baxay xilka Duqa Magaalada Istanbul wuxuu u dallacay Ra’iisul Wasaare, ka dibna Mada...
09/09/2025

“Recep Tayyip Erdoğan, wuxuu ka soo baxay xilka Duqa Magaalada Istanbul wuxuu u dallacay Ra’iisul Wasaare, ka dibna Madaxweyne. Doorasho kasta waxay sii adkaysay xidhiidhka kalsoonida: wuxuu ku guulaystay dhammaan 15-kii cod bixin heer qaran ee uu tartamayay tan iyo 2003dii. Wuxuu jeclaaday dadkiisa; iyana wey aamineen. Wuu u adeegay; iyana mar walba wey doorteen. Calankoodii ayuu kor u qaaday; Iyana wey taageereen”. Hadalkan waxaan ku qoray buuggayga “Tartanka Ummadaha” Carabi & Ingiriisi.

Taariikhdu in ay meel fiican kugu qorto, hadal iyo dicaayad laguma helo. Mana la laaluushi karo.

Address

19 Bergamot Avenue
Toronto, ON
M9W1W1

Telephone

+252637546195

Website

Alerts

Be the first to know and let us send you an email when Hangool posts news and promotions. Your email address will not be used for any other purpose, and you can unsubscribe at any time.

Shortcuts

Share

Category