Uzbek TV

05/15/2026

تخارنینگ اېنگ چیته‌ده‌گی قیشلاغیده آغیر حیات - قره‌بلاق قیشلاغی‌گه سفر

سوو آرزوگه ایلنگن افغانستان‌نینگ اېنگ محروم قیشلاغیده اچّیق حیات.
قره‌بلاق قیشلاغی شهردن اوزاقده، تخار ولایتی‌ده جایلشگن.
قیشلاق یۉللری بوزیق، امکاناتلری کم بۉلیب، اېنگ کۉپ محروم قالگن قیشلاقلردن بیری حسابله‌نه‌دی.

قیشلاق اهالیسی اساسا مالدارلیک و دهقانچیلیک بیلن شغللنه‌دیلر.

اوشبو قیشلاق یشاوچیسی عبدالرحمن آته‌خان:
«۸۰ یاشگه کیردیم، اوی ایشلری و باشقه ایشلرنینگ همه‌سینی اۉزیم بجره‌من. باله‌لریم‌نینگ برچه‌سی ایشلش اوچون ایران‌گه کېتگن.
حیات‌ده بوتون امکاناتلردن محروم قالگنمیز ایچیملیک سوو، حتی حیوان‌لریمیز اوچون هم سوو تاپیلمه‌یدی دېب ایتدی بو آته‌خان.

Taxarning eng chetdagi qishlog‘ida og‘ir hayot-Qorabuloq qishlog‘iga safar

تخارنینگ اېنگ چیته‌ده‌گی قیشلاغیده آغیر حیات - قره‌بلاق قیشلاغی‌گه سفرسوو آرزوگه ایلنگن افغانستان‌نینگ اېنگ محروم قیشلاغیده اچّیق حیات.قره‌بلاق قیشلاغی شهردن....

05/15/2026

بیز غربت حکایه‌لری کۉرسه‌تووی آرقه‌لی غربتده‌گی خلق‌میز احوالینی سۉره‌یمیز و اولرنینگ حیاتی‌دن حکایه قیله‌میز.
اۉزبېک تی‌وی نینگ بو دستورینی هر شنبه آقشمی ساعت ۵:۳۰ ده آمو تلویزیونی آرقه‌لی تماشا قیلینگ.

05/15/2026

اېل آوازی دستوری؛ بو کؤرسه‌تووده بیز آلیس و چیککه حدودلرده جایله‌شگن قیشلاقلرگه باریب، خلق‌میز احوالینی صورتگه چیقاره‌میز.
اۉزبېک‌ تی‌وی نینگ اېل آوازی کۉرسه‌تووینی هر شنبه آقشمی ساعت ۵:۳۰ ده آمو تلویزیونی آرقه‌لی کۉریشینگیز ممکن.

05/15/2026

غربت حکایه‌لری
#ایکّینچی_بۉلیم

05/14/2026

هرات ولایتی امنیه قوماندانلیگی سۉزلاوچیسی سید مسعود حسینی‌نینگ ایتیشیچه، اوشبو ولایت‌نینگ تورلی منطقه‌لریده اۉغیرلیک قیلگن حرفه‌ای اۉغریلر گروهی اعضالری قۉلگه آلینگن.

اونینگ تاکیدلشیچه، بو گروه اعضالری صرافلرنی نقد پوللرینی اۉغیرلش، تاجرلر و شهر یشاوچیلرینی تجارتی ساحه‌لرده نشانگه آلیش جنایتلریگه قۉلی بۉلگن‌لیککه عیبلنگنلر.

حسینی‌گه کۉره، بو گروه اۉغریلر پوللرنی اۉغیرلش نېچه قضیه‌لریگه قۉلی بۉلگن و استخبارات کوچلری تامانیدن تېکشیریلگنیدن سۉنگ، یۉلگه قۉییلگن عملیاتلر نتیجه‌سیده شهر ایریم حدودلریدن قۉلگه آلینگنلر.

سۉنگّی آیلرده مملکت کۉپلب ولایتلریده قورالی اۉغیرلیک، جنایی جرملر، قتل و باشقه ایریم جنایتلر میزانی آشگن. بو وضعیتلر دوامی خلق‌نینگ خواطرلرینی آشیرگن.

05/14/2026

ایرته جمعه (۲۵- ثور و ۱۵- می) ایریم ولایتلر هوا وضعیتی

05/14/2026

بوگون پنجشنبه (۲۴- ثور و ۱۴- می) کون‌نینگ معادلات‌ده‌گی پول نرخلری.

05/14/2026

پاکستان‌ده روسیه اېلچیسی‌نینگ ایتیشیچه، طالبلر و پاکستان اۉرته‌سیده قرمه – قرشیلیکلر منطقه‌ده‌گی تجارتگه زیان یېتکزگن و اۉرته آسیا و جنوب ساحه‌لریده انرژی و یېر آستی بویوک لایحه‌لر اجرا اېتیلیشینی کېچیکتیرگن.

روسیه‌نینگ پاکستانده‌گی اېلچیسی البرت خوریف‌نینگ تاکیدلشیچه، بو قرشیلیکلر ییریک لایحه‌لر جمله‌دن تاپی و کاسا1000 لایحه‌لری وضعیتینی نامعلوم حالتلرده قۉیگن.

روسیه‌لیک اوشبو دیپلومات عامه‌وی اخبارات واسطه‌لری بیلن قیلگن صحبتلریده ایتیشیچه، پاکستان، روسیه و اۉرته آسیا آره‌سیده‌گی تجارت علاقه‌لری سلبی تاثیر آستیده قالگن.

پاکستان و طالبان اۉرته‌سیده‌گی علاقه‌لر سۉنگّی آیلریده چېگره و دیپلماتیک قرشیلیکلر بیلن یوزمه – یوز بۉلگن و بو وضعیت تجارتی باریش - کېلیش و منطقه‌ده‌گی باغلنتیلرگه سایه یېتکزگن.

05/14/2026

بوگون پنجشنبه (۲۴- ثور و ۱۴- می) دوامی‌ده یوز بېرگن مهم خبرلرنینگ قیسقه تفصیلاتی.

05/14/2026

محلی منبع‌لر، کابل شهری یېتّینچی ناحیه‌سی‌گه تېگیشلی منطقه‌دن ایکّی عیال‌نینگ جسدی تاپیلگنیدن خبر بېردی.

منبع‌نینگ ایتیشیچه، اوشبو جسدلر بوگون پنج‌شنبه، 24 ثور محل یشاووچیلری آرقه‌لی مارشال فهیم سرکیده‌گی تاغ اېته‌گیدن تاپیلگن. یېتکیرمه‌لرده ترقه تیلگن رسمگه کۉره، جسدلر آق کییمگه اۉره‌لگن و اونده قان ایزلری کۉرینه‌دی.

گزارشلرگه کۉره، قربان بۉلگن لر 19 و 35 یاشلریده بۉلگن؛ بیراق حاضرگچه اولرنینگ کیملیگی و نیمه سبب قتل اېتیلگنی خصوصیده انیق گزارشلر ترقه‌تیلمه‌گن.

ایتیلیشیچه، سۉنگی کونلرده مملکت ایریم حدودلریده قورالی اۉغیرلیک، آدم اۉلدیریشلر و باشقه ایریم جنایی جرملر میزانی آشگن، یشاوچیلر بو وضعیت دوام تاپیشیدن خواطر بیلدیریب، طالبان‌نینگ بو خصوصده جدی توجه قره‌تیشینی سۉره‌گنلر.

05/14/2026

طالب‌لرنینگ مهاجرلر ایشلری بۉییچه وزیرلیگی بیر گزارش آرقه‌لی ایتیشیچه، بیر هفته آقیمیده پاکستان قماقخانه‌لریده قملگن افغانستانلیک مهاجرلردن 561 کیشی آزاد اېتیلیب مملکت‌گه قیتگن.

اوشبو وزیرلیک تامانیدن ترقه‌تیلگن گزارشلرگه کۉره، بو جمله‌دن 481 کیشی تۉرخم بندری و 80 کیشی ایسه اسپین بولدک یۉللری آرقه‌لی اولکه‌گه کېلگنلر.

بو کېشیلر قانونی حجتلری بۉلمه‌گنی سبب پاکستان حربی کوچلری آرقه‌لی حبس‌گه آلینگنلر.

ایتیلیشیچه، سۉنگّی کونلرده پاکستان تامانیدن افغانستان مهاجرلری حبس‌گه آلینیش میزانی آشگن، بو کۉپه‌ییش طالبان و پاکستان اۉرته‌سیده‌گی توقنه‌شوولردن سۉنگ باشلنگن.

عین حالده، بیرلشگن ملتلر تشکیلاتی‌نینگ مهاجرلر ایشلری بۉییچه عالی کمیساری (UNHCR) نینگ اعلان قیلیشیچه، 3 دن 9 می 11 مینگدن آرتیق افغانستان وطنداشی پاکستان، ایران و تاجیکستان و باشقه قطار اولکه‌لردن قیتیب افغانستان‌گه کېلگنلر.