10/02/2026
चन्द्र सूर्य कम्युनिटी कप आइतबार सन्नीब्रुक पार्कमा, चार टोली सहभागी हुने
टोरन्टो । चन्द्र सूर्य कम्युनिटी कप फुटबल प्रतियोगिता आगामी आइतबार सन्नीब्रुक पार्कमा आयोजना हुने भएको छ। प्रतियोगितामा सीएसएफसी ग्रीन, सीएसएफसी ह्वाइट, बारी एफसी र मेपल एफसी गरी चार टोलीले प्रतिस्पर्धा गर्नेछन्।
आउटडोर फुटबल सिजनको समापनका अवसरमा आयोजना हुने प्रतियोगिताले खेलाडी, परिवार तथा समर्थकलाई एकै ठाउँमा भेला भएर सिजनको उत्सव मनाउने अवसर प्रदान गर्नेछ।
प्रतियोगितामा प्रतिस्पर्धात्मक खेलसँगै खेलभावना र सामुदायिक एकतालाई प्राथमिकता दिइने आयोजकले जनाएको छ। आयोजकले फुटबलप्रेमी तथा समुदायका सदस्यलाई उपस्थित भई टोलीहरूको हौसला बढाउन र सिजनको अन्तिम प्रतियोगितालाई स्मरणीय बनाउन आग्रह गरेको छ।
