05/09/2026
၁၉နှစ်အရွယ် ကောင်မလေး သူ့အလှည့်ရောက်တော့ ဆေးခန်းထဲကိုဝင်လာတယ်။
သူ့အမျိုးသားဆိုတဲ့ကောင်လေးလည်းပါလာတယ်။
ကိုယ်က သမီး" သွားက ဘာဖြစ်လို့လဲ "ဆိုပြီးမေးတော့
သူ့ကောင်လေးကိုမော့ကြည့်တယ်။
သူ့ကောင်လေးကဝင်ပြီးတော့ဖြေတယ်။
"သွားနာတာဆရာမ"တဲ့
"ဟုတ်လား ဘယ်လိုနာတာလဲ ရေသောက်ရင်ရောနာတာလား အစားစားရင်ရောနာတာလား။
သွား သွားခြင်းထိမိရင်ရောနာနေတာလား။ "
သွားတဲ့အခြေအနေကတော့သွားနုတ်ရင်တော့ဒီလိုဒီလိုနောက်ဆက်တွဲအကြောင်းအရာတွေရှိတယ်။
သွားကို အကြောနှုတ်ပြီးပြန်ဖာမယ်ဆိုရင်တော့ ဒီလိုဒီလိုလေးတွေလုပ်ရမယ်။
ဘယ်လိုဖြစ်နိုင်တယ်။ဒါလေးတွေရှင်းပြတာပေါ့။
အားလုံးရှင်းပြလို့လဲပြီးရော "သမီး ဘယ်လိုလေးလုပ်ပေးရမလဲ"ဆိုတော့
သူ့ကောင်လေးကိုထပ်မော့ကြည့်တယ်။
သူကဘာတစ်ခွန်းမှမဖြေ ဘူး။
သူ့ကောင်လေးကပြောတယ်"မနုတ်ပါနဲ့ဆရာမဆေးထည့်တာမျိုးဖာတာမျိုးပဲလုပ်ချင်တာ"ဆိုတော့
"ကဲသမီးပါးစပ် လေးဟပါဦး" လို့ဆိုတော့ မဟ ဘူး။ သူ့ကောင်လေးကိုပြန်မောကြည့်တယ်😀
သူ့ကောင်လေးကဘယ်လောက်ပဲချော့ပြီးပြောပြောသူကပါးစပ်ကိုလုံးဝမဟဘူး ပိတ်ထားတယ်။
ဘာမှလဲပြန်မပြောဘူး။
ကိုယ်မေးတာကိုလည်းပြန်မဖြေဘူး။
အဲဒါနဲ့ပဲဘာလုပ်ရမှန်းမသိဘဲနဲ့ပြန်သွားကြလေသတည်းပေါ့။😅
ကြောက်တာကလည်းကြောက်တာပေါ့နော်။
ကြောက်တယ်ဆိုရုံနဲ့လည်းကိစ္စတော်တော်များများ က ဘာမှမလုပ်ဘဲနဲ့ ပြီးမသွားဘူးလေ။
ကုသလို့ရတဲ့အချိန်မှာကြောက်နေခဲ့ရင် ကုသလို့မရတော့တဲ့အခြေအနေရောက်သွားတဲ့အခါ သွားကိုပါဆုံးရှုံးရမှာပေါ့။
အပိုဆုအနေနဲ့ရောဂါပိုးဝင်ပြီးတော့ ပါးတွေရောင် ပါးစပ်တွေဟမရ အဲ့လိုအဆိုးဆုံးအခြေအနေတွေထိဖြစ်သွားရင်ကိုယ့်ရဲ့အသက်အန္တရာယ်ကိုရော အလုပ်ကိုရော အများကြီးထိခိုက်နိုင်တာပေါ့နော်။
ဆိုတော့သွားကိုဆုံးရှုံးမှာကြောက်လား။သွားကိုကုသရမှာကြောက်လား။
ကိုယ့်ကိုယ်ကိုယ်ပြန်မေးကြည့်ကြည့်ပါ။🥰
