Mudersa Taleem,-ul.QuranMehtab Roshin.

26/09/2025

📖 7 دن کا رزق کا عمل
دن 1 – (پیر)
نماز فجر کے بعد 41 مرتبہ یا واسع یا رزاق پڑھیں۔
صدقہ کریں (چاہے ایک روٹی یا پانی ہی کیوں نہ ہو)۔
دن 2 – (منگل)
عشاء کے بعد سورۃ الواقعہ ایک مرتبہ پڑھیں۔
دعا کریں:
اللّٰهُمَّ اكْفِنِي بِحَلَالِكَ عَنْ حَرَامِكَ وَأَغْنِنِي بِفَضْلِكَ عَمَّنْ سِوَاكَ (11 مرتبہ)۔
دن 3 – (بدھ)
نماز فجر کے بعد 313 مرتبہ "یا فتاحُ" پڑھیں۔
دن میں کسی کو کھانا کھلائیں (چاہے ایک نوالہ ہی کیوں نہ ہو)۔
دن 4 – (جمعرات)
نماز عصر کے بعد 100 مرتبہ لَا إِلٰهَ إِلَّا أَنتَ سُبْحَانَكَ إِنِّي كُنتُ مِنَ الظَّالِمِينَ پڑھیں۔
سورۃ الاخلاص، سورۃ الفلق، سورۃ الناس (3-3 بار) پڑھ کر گھر پر دم کریں۔
دن 5 – (جمعہ)
سورۃ کہف (پورا) پڑھیں۔
100 مرتبہ درودِ ابراہیمی پڑھیں۔
کسی مستحق کو پوشیدہ صدقہ دیں۔
دن 6 – (ہفتہ)
نماز فجر کے بعد سورۃ یٰسین پڑھیں، اور خاص طور پر آیت:
"وَجَعَلْنَا مِن بَيْنِ أَيْدِيهِمْ سَدًّا..." (آیت 9) پڑھ کر اپنے کاروبار/گھر پر دم کریں۔
دن میں "بسم اللہ الرحمن الرحیم" ہر کام سے پہلے پڑھنے کی کوشش کریں۔
دن 7 – (اتوار)
نماز عشاء کے بعد 70 مرتبہ یا غنی یا مغنی پڑھیں۔
آخر میں اللہ سے خاص دعا کریں کہ رزق میں کشادگی، برکت اور سکون عطا کرے۔
📌 یہ عمل 7 دن پورا کرنے کے بعد آپ چاہیں تو مسلسل ایک دن کا کوئی عمل منتخب کرکے جاری رکھ سکتے ہیں
(مثلاً سورۃ الواقعہ یا "یا رزاق")۔
اجازت کے لیے درود شریف 11 بار پرھیں ۔

#عمل #عمل #عمل

25/09/2025

21/09/2025

ڈاکٹر مصطفی محمود لکھتے ہیں:
*"تم قبر میں ہزاروں سال تک کیا کرو گے؟"*

میں تمہیں ایک طریقہ بتاتا ہوں جو میرے ساتھ بہت کارآمد ثابت ہوا اور جس سے میں اپنے اللہ سے تعلق پر زیادہ توجہ مرکوز کرنے لگا ہوں۔

قبر خوفناک ہے، ظاہر ہے کہ نیک لوگوں کے علاوہ۔

میں نے اس کے بارے میں سوچا، اور اب میری عمر 54 سال ہے، اور میں دنیا سے اور اس کی چیزوں سے تنگ آ چکا ہوں۔
اچھا، تو جب میں قبر میں جا کر اکیلا رہوں گا، سینکڑوں ہزاروں سال تک، تو میں کیا کروں گا؟

کیا تم نے کبھی اس کا تصور کیا ہے؟

اس لیے میں نے مندرجہ ذیل طریقہ پر عمل کرنا شروع کیا:

*دیکھو میں مر جاؤں گا، اور میرے پاس ایک خالی، بالکل تاریک قبر ہوگی۔*

اس قبر کو سامان کی ضرورت ہوگی، لہٰذا میں ہر استغفار کو تصور کرنے لگا جیسے میں اسے اپنے قبر کی طرف بھیج رہا ہوں
تاکہ وہ وہاں میرا انتظار کرے اور میرے تنہائی کا ساتھی بنے۔

*اللہ کی قسم، میں مذاق نہیں کر رہا۔*

میں نے اپنی قبر کو مکمل ڈییکوریٹ کر دینے کا عمل شروع کر دیا۔
قبر کے ایک کونے کو میں ہزاروں تسبیحات سے بھر رہا ہوں۔

یہاں میرے سر کے قریب کم از کم *300 ختم قرآن* ہوں گے جو میرے لیے آرام دہ بستر کا سبب بنیں گے۔

ہر رکوع کو میں یہ تصور کر کے ادا کرتا ہوں کہ میں اسے قبر میں اپنا ذخیرہ بنا رہا ہوں۔

ہر کوئی مجھے چھوڑ کر اپنے گھروں کو چلا جائے گا، اور میں اکیلا رہ جاؤں گا شاید ہزاروں سالوں تک۔ میرے بچے چند سالوں میں مجھے بھول چکے ہوں گے۔

لہٰذا، مجھے قبر میں ساتھیوں، روشنیوں، اور جنت کے جیسے مناظر کی ضرورت ہوگی۔

میں تسبیحات، ذکر، قرآن، نماز اور صدقہ سب کو اپنے ساتھ تصور کرتا ہوں کہ وہ میرے دوست ہوں گے، میرے ساتھ وہاں ہنس رہے ہوں گے اور باتیں کر رہے ہوں گے۔

نبی کریم ﷺ پر درود پڑھنا میں نے اپنے معمولات کا ایک اہم عمل بنا لیا ہے، یہ وہاں ہماری محفوطوں میں بھی شامل ہوگا، ٹھنڈے پانی کی طرح، خوبصورت لباس کی طرح۔

میں یہ چاہتا ہوں کہ میری قبر کی زندگی اس دنیا کی زندگی سے بھی زیادہ خوبصورت زندگی ہو۔ ان شاء اللہ۔
کیا یہ بہتر نہیں ہے کہ میں وہاں جا کر غیبت، چغلی، حسد اور دیگر دنیوی گناہوں کے نتیجے میں بدبودار کپڑوں، دیوار لگے فریج اور سخت پتھریلے بستر کے بجائے اپنی قبر کو بہترین چیزوں سے آراستہ کروں۔

میں نے دنیا میں اپنا گھر بنانے کے لیے ساری زندگی جان توڑ محنت کی لیکن یہ گھر تو میرے ورثاء کا ہو جائے گا، اصل میں تو میری ساری محنت اپنے لیے ہی نہیں، سارے فائدے تو اور لوگ اٹھائیں گے۔ تو میں نے سوچا کہ بس بہت ہو گیا، مجھے اپنا گھر بنانا ہے جہاں صرف میں ہی ہوں گا اور ایک طویل عرصہ گزارنا ہے۔

اگر میرے تمام اعمال دنیا کی ضروریات کے لیے تھے اور اپنی قبر کے لیے کچھ بھی نہیں تھا، تو پھر تو میرے قبر والے گھر کے لیے سوائے عذاب کے فریزر، مستقل اندھیرا، اور سخت حساب کے کچھ بھی نہ ہوگا۔ اور میں ایسے گھر میں اکیلا کیسے رہوں گا!

*میری آپ کو بھی نصیحت یہ ہے کہ آج سے:*

اپنی قبر کو اپنا بینک اکاؤنٹ بناؤ۔ اس میں زیادہ سے زیادہ ڈپازٹ کرو اور لانگ ٹرم والی پالیسی لو۔

اپنی عبادات کا خوب خیال رکھو۔ اللہ کی قسم، جب تم قبر میں ہوگے، تو تم مجھے وہاں سے بھی شکریہ ادا کرو گے۔

اپنی قبر کے گھر کا اس دنیا کے گھر سے زیادہ خیال رکھو۔

ابھی تم اپنے گھروالوں کے درمیان ہو، پہن رہے ہو، کھا پی رہے ہو، آرام سے گھروں کے درمیان سو رہے ہو۔ اور تمہیں تمہاری تمام ضروریات میسر ہیں، پھر بھی تم اپنے حالت سے نالاں رہتے ہو۔
وقت گزرنے کا کوئی شکوہ شکایت کرتے رہتے ہو۔
تو سوچو جب تم زمین کے نیچے ہوگے اور سینکڑوں ہزاروں سالوں کے لیے ہوگے تو وہاں تمہارے ساتھ کون ہوگا؟

تمہارے پسندیدہ سیاستدان، کھلاڑی، اداکار، تاجر۔۔۔ یہ تو تمہیں یہاں بھی نہیں جانتے اور نہ ہی انہیں تمہاری اتنی فکر ہے، تم ہی ان سب کے پیچھے بیوقوفوں کی طرح اپنا وقت ضائع کرتے ہو۔

تمہارے وہ بچے جن کی شادیوں پر تم لاکھوں روپے فضولیات پر خرچ کر دیتے ہو، یقین کرو یہ خرچ تمہارے لیے وبال بن چکا ہوگا، اور بچے مکر جائیں گے کہ ہمارے باپ نے اور ہماری ماں نے خود ہمارے لیے بھی اور اپنے لیے بھی مصیبت کھڑی کی۔
اس لیے آج سے اپنی جان کی فکر کرو، اپنا خیال خود رکھو۔

*اے اللہ، ہمیں حسنِ خاتمہ عطا فرما۔*
*اے اللہ، ہماری آخرت کو بہتر بنا دے اور ہمیں قبر کے عذاب سے بچا۔*
*اے اللہ، ہمیں اپنا ذکر، شکر، اور حسنِ عبادت کی توفیق عطا فرما تاکہ تو ہم پر اپنی رضا اور جنت الفردوس میں نعمتیں نازل کرے، جہاں ہم تیرے نبی محمد ﷺ کی صحبت میں ہوں۔ جن پر بے شمار درود و سلام ہو۔*

*تو پھر اپنا گھر بنانا شروع کرو۔*
✅️✅️
Follow ➡️ دل کا مرہم

#تم #تم