Quel est le site Web ?

DREAM

Informations de contact, plan et itinéraire, formulaire de contact, heures d'ouverture, services, évaluations, photos, vidéos et annonces de DREAM, Créateur de vidéos, Democratic Republic of the.

17/07/2025

❝ တရားမျှတမှုဆိုတာ နတ်ဆေးတစ်လဒ်အလား ❞ ⚖

ဥပဒေဆိုတာ လူ့အဖွဲ့အစည်းတည်တံ့ရေးအတွက် ထိန်းသိမ်းပေးတာဖြစ်ပြီး တရားမျှတမှုအတွက် လက်စွဲတစ်ခုလည်း ဖြစ်ပါတယ်။ တရားမျှတမှုဆိုတာကတော့ လူတိုင်းကို မျှတတဲ့ အခွင့်အရေးတွေ ပေးပြီး ဝတ္တရားအလိုက် မျှမျှတတ ဆက်ဆံခံရတာ၊ အကျိုးခံစားရတာ နဲ့ တန်ပြန်အပြစ်ပေးတာတို့ သတ်မှတ်လို့ရပါတယ်။

နောက်တစ်မျိုးအနေနဲ့ Aristotle ရဲ့ တရားမျှတမှု‌ပေါ် ပတ်သက်ပြီး ယူဆချက်ကတော့ "တူညီတဲ့အမှုတွေကို တူညီတဲ့နည်းတဲ့ တန်ပြန်ဆက်ဆံရမယ်" ဆိုတာပါပဲ။ ဒီယူဆချက်ကတော့ ပြစ်မှုပြစ်ဒဏ်တရားမျှတမှုကို ထင်ထင်ရှားရှား ဦးတည်နေပါတယ်။ 🌟

ဒါဆို နောက်ထပ် တရားမျှတမှုပုံစံတွေ ရှိသေးလား။ 🔍

ယေဘုယျအားဖြင့် တရားမျှတမှုကို နှစ်မျိုးနှစ်စား ခွဲခြားလို့ရပါတယ်။ ဖြန့်ဝေတရားမျှတမှုလို့ ခေါ်တဲ့ Distributive Justice နဲ့ ပြစ်ဒဏ်တရားမျှတမှုလို့ ခေါ်တဲ့ Retributive Justice တို့ပဲ ဖြစ်ပါတယ်။

ဖြန့်ဝေတရားမျှတမှု (Distributive Justice) ✍
ဒီလိုတရားမျှတမှုကတော့ လူ့အဖွဲ့အစည်းတွင်းမှာ ရှိတဲ့ အခွင့်အရေးတွေ၊ တာဝန်တွေ၊ ဝန်ဆောင်မှု‌တွေ၊ အကျိုးခံစားခွင့်တွေကို မျှမျှတတ ရရှိခံစားရတာ ဖြစ်ပါတယ်။

ဥပမာ ကျန်းမာရေးဝန်ဆောင်မှုနဲ့ စဉ်းစားကြည့်မယ် ဆိုပါစို့။ ဒေသ ၁ မှာက ဆေးရုံ၊ဆေးခန်းများပြီး ဆရာဝန်အင်အားလည်း အတောင့်နဲ့ လူချမ်းသာတွေချည်း ရှိတယ်။ ဒေသ ၂ မှာတော့ ဆေးရုံဆို လက်ချိုးရေလို့ရပြီး လူတွေကလည်း ဆေးဝယ်ဖို့တောင် ခက်ခဲကြတယ်။ 💭

ဒီလို ဒေသနှစ်ခုထဲက ဒေသ ၂ ကို ပိုပြီး ဆေးဝါးအထောက်အပံ့တွေ အစိုးရက အခမဲ့ ပေးတာမျိုးဆို ‌ဖြန့်ဝေတရားမျှတမှုလို့ ခေါ်နိုင်ပါတယ်။ ဘာလို့လဲဆိုတော့ ဒေသ ၂ က ဒေသ ၁ လိုမျိုး တူညီပြီးမျှတတဲ့ ဆေးကုသခံယူနိုင်မှု ရရှိဖို့ တစ်ချို့လူတွေကို ပိုပေးရမှာ ဖြစ်လို့ပါပဲ။

ပြစ်ဒဏ်တရားမျှတမှု (Retributive Justice) ✊
ဒါကတော့ အခေါ်အဝေါ်နဲ့တင် တန်းသဘောပေါက်နိုင်လောက်ပါမယ်။ ပြစ်မှုကျူးလွန်ထားတဲ့ တရားခံကို သူ့ရဲ့ အပြစ်ပမာဏပေါ်မူတည်ပြီး အပြစ်ပြန်ပေးတာကို ဆိုလိုတာ ဖြစ်ပါတယ်။

ဥပမာ ခိုးမှုနဲ့ပတ်သက်ပြီး အပြစ်ပေးရမယ်ဆိုရင် သူခိုးက တန်ဖိုးကြီးကြီးမားမားပစ္စည်းတစ်ခု ခိုးခဲ့တာကို ရဲက ဖမ်းမိပြီး တရားရုံးမှာ ဒဏ်ချမှတ်ကြပါတယ်။ ဥပဒေအရ ခိုးမှုအတွက် ထောင်ဒဏ်နှစ်နှစ်ပေးလိုက်တဲ့အတွက် အပြစ်နဲ့ ဒဏ်နဲ့ ကိုက်ညီတာမလို့ ပြစ်ဒဏ်တရားမျှတမှုလို့ ဆိုနိုင်ပါတယ်။ ✅

နောက်ထပ် လူသတ်မှု၊ ရိုက်နှက်မှု၊ တိုက်ခိုက်မှု၊ အကြမ်းဖက်မှုတွေလိုမျိုး ရာဇဝတ်မှုကြီးကြီးမားမားတွေကိုလည်း အမှုပေါ်လိုက်ပြီး တရားရုံးက ဥပဒေအရ ထောင်ဒဏ်ဖြစ်စေ သေဒဏ်‌ဖြစ်စေ ကိုက်ညီတဲ့ ပြစ်ဒဏ်ချမှတ်ခြင်းကလည်း ပြစ်ဒဏ်တရားမျှတမှုပါပဲ။

ဒီလိုမျိုး ရာဇဝတ်မှုတွေကြောင့်ပဲ 𝗪𝗼𝗿𝗹𝗱 𝗝𝘂𝘀𝘁𝗶𝗰𝗲 𝗗𝗮𝘆 ပေါ်ပေါက်လာခဲ့တယ်ဆိုတာ စာဖတ်သူလေးတို့ သိပြီးကြပြီလား။ 🌐🔊

၁၉၉၈ ခုနှစ်မှာ နယူးယောက်မြို့မှာ ရှိတဲ့ Rome Statue ကို လတ်မှတ်ရေးထိုးပြီး နိုင်ငံတကာရာဇဝတ်မှုတရားရုံး (ICC) တည်ထောင်ရေးသဘောတူစာချုပ်နဲ့ ချမှတ်ခဲ့တဲ့ နေ့ပဲ ဖြစ်ပါတယ်။ နှစ်စဉ်နှစ်တိုင်း ဇူလိုင်လ ၁၇ ရက်နေ့ရောက်တိုင်း နိုင်ငံတကာတရားမျှတမှုနေ့ (World Day for International Justice) ကျင်းပဖို့ သတ်မှတ်လိုက်ကြပါတယ်။

၂၀၀၃ ခုနှစ်မှာ ပထမဆုံး ကျင်းပခဲ့ကြပြီး အဲ့ဒီအချိန်ကစပြီး ICC ရဲ့ လုပ်ငန်းများမြှင့်တင်ဖော်ပြမှုနဲ့ နိုင်ငံတကာတရားမှုတမှုရဲ့အရေးပါမှုကို ထောက်ပြပေးနိုင်ခဲ့မှုတွေကြောင့် အရေးကြီးတဲ့ နေ့ထူးနေ့မြတ်တစ်ရက်အဖြစ် တရားဝင် သတ်မှတ်လိုက်ကြပြတ်ပါတယ်။

ကျင်းပရခြင်း ရည်ရွယ်ချက်
တရားမျှတမှုနေ့တစ်နေ့အနေနဲ့ ကျင်းပပြုလုပ်ရတာကတော့ အဓိက ရည်ရွယ်ချက်ကတော့ သုံးချက်ပဲ ရှိပါတယ်။
🔹အမြဲတည်ရှိနေရမယ့် နိုင်ငံတကာတရားရုံးတစ်ရုံးရှိဖို့ အရေးကြီးကြောင်း
🔹ရှင်သန်ကျန်ရစ်ပြီး နစ်နာသူတွေအတွက် တရားမျှတမှုပေးစေလိုကြောင်း
🔹ပြစ်မှုကျူးလွန်ထားသူတွေကလည်း တရားဝင် ပြစ်ဒဏ်တာဝန်ယူစေသင့်ကြောင်း တို့ပဲ ဖြစ်ပါတယ်။

✨ အမှန်တရားဆိုတာ ဖော်ထုတ်နိုင်မှ တော်ကာကျတဲ့ခေတ်ကြီးမှာ တရားမျှတမှုဆိုတာလည်း အမှန်တရားပေါ်လာရင်ပေါ်လာသလို၊ အမှုလိုက်နိုင်ရင် လိုက်နိုင်သလို ရရှိနိုင်တာမလို့ လူသားချင်းစာနာစိတ်လေးတွေ၊ မုဒိတာလေးတွေ ပွားနိုင်ဖို့ပဲ လိုအပ်ပါတယ်။ ဒီနေ့လိုမျိုး World Day of International Justice နေ့မျိုးမှာ တရားမျှတမှုအတွက် ကြိုးပမ်းနေကြသူတွေကို အမြန်ဆုံး တရားသောအမှုနဲ့ နိုင်ပြီး အမှန်တရားကို ဖော်ထုတ်နိုင်ကြပါစေလို့ IC ကနေ ဆုတောင်းပေးလိုက်ပါတယ်ရှင်။ 🔊

အခုလိုမျိုး အကျိုးရှိတဲ့ အကြောင်းအရာတွေကို ဖတ်ရှုချင်တယ်ဆိုရင်တော့ IC ရဲ့ Social Media Channels တွေ အားလုံးကို subscribe လုပ်ထားလိုက်တော့နော်။ 💓🙋‍♀

🔹 Facebook - https://www.facebook.com/InfinityCreationOfficial
🔹 YouTube - https://www.youtube.com/
🔹 Tiktok - https://www.tiktok.com/.0fficial
🔹 Infinity Library - https://t.me/infinity_library1

12/07/2025

အမျိူသမီးတွေအတွက် အသက်ကိုတောင် ပဓာနမထားပဲစွမ်းစွမ်းတမံ ဆောင်ရွှက်ခဲ့တဲ့မိန်းကလေးတစ်ယောက်အကြောင်းကိုသိပြီးပြီလာ။👧

📆 ဂျူလိုင်လ (၁၂)ရက်နေ့ဟာဆိုရင် Malala Day ဖြစ်ပါတယ်။ Malala Day ဆိုတာကတော့ ပါကစ္စတန် နိုင်ငံမှ အမျိုးသမီးရေး တက်ကြွလှုပ်ရှားသူ တစ်ဦးဖြစ်တဲ့ ကမ္ဘာအသက်ငယ်ဆုံး ငြိမ်းချမ်းရေးနိုဘယ်ဆုရှင် မာလာလာ ယူဆာဖဇိုင်(Malala yousafzai) ကိုဂုဏ်ပြုတဲ့နေ့လေးတစ်နေ့ပဲ ဖြစ်ပါတယ်။ ဒါကြောင့် ကျွန်တော်တို့ Infinity Creaction ကနေပြီးတော့ ဂုဏ်ပြုတဲ့အနေနဲ့ မာလာလာ ဟူဆာဖဇိုင် ရဲ့အကြောင်းလေးကို စာဖတ်သူတို့ထံ မျှဝေပေးလိုက်ပါတယ်။📢

🧕မာလာလာ ဟူဆာဖဇိုင် ၏အစပြုရာ

မာလာလာကို ၁၉၉၇ ဂျူလိုင်လ ၁၂ရက်နေ့မှာ ပါကစ္စတန်နိုင်ငံ မင်ဂိုမြို့လေးမှာ မွေးဖွားခဲ့ပါတယ်။ မောင်နှမ
သုံးယောက်ထဲမှာမှ တစ်ဦးတည်းသော မိန်းကလေးပဲ ဖြစ်ပြီးတော့ ဉာဏ်အင်မတန်မှ ကောင်းသူတစ်ဦးဖြစ်ပါတယ်။ မာလာလာ ဉာဏ်ရည်ကောင်းမွန်မှုနဲ့ အတူ သူအဖေကျောင်းဆရာကြီး ရဲ့သင်ကြားပြသမှုကြောင့် မာလာလာ ဟာငယ်စဉ်ကနေ အင်္ဂလိပ်စာကို ရေးတတ်ဖတ်တတ်ခဲ့ပါတယ်။ မာလာလာဟာ စာသင်ကြားရတာကို ကြိုက်နှစ်သက်ပြီး ကျောင်းဆရာမဖြစ်ချင်တယ်ဆိုတဲ့ အိမ်မက်ကို လက်ကိုင်ထားခဲ့တဲ့သူတစ်ယောက်ပါ။🧕

⚔️တာလီဘန်ဆိုတာ

မာလာလာအကြောင်းလို့အစချီလိုက်ရင် တာလီဘန်ကမပါမဖြစ်ပါရမဲ့အကြောင်းအရာပါ။

-တာလီဘန်ဆိုတာ ၁၉၉၄ ခုနှစ်နောက်ပိုင်းမှာ ဖွဲစည်းခဲ့တဲ့ ဘာသာရေး အစွန်းရောက်အဖွဲ့အစည်းတစ်ခုပါ။ 🕋

-လူငယ်အများအပြားကို ဘာသာရေးခေါင်းစဉ်အောက်ကိုဆွဲသွင်းပြီး တာလီဘန်ခေါင်းဆောင်များက အကြမ်းဖက်မှုမျိုးစုံကို ပြုလုပ်ဖို့ အသုံးချခဲ့ကြပါတယ်။ 🔥 💣

-နောက်ပိုင်းမှာ တာလီဘန်တို့ စတင်ဖွဲ့စည်းရာဒေသ အာဖဂန်နစ္စတန် ကိုအာဏာသိမ်းယူခဲ့ကြပါတယ်။ 🇦🇫

-၂၀၀၁ခုနှစ် ၉လပိုင်း ၁၁ရက်နေ့မှာဖြစ်ပွားခဲ့တဲ့ 9/11 အကြမ်းဖက်မှုဖြစ်စဉ်ကို (Al-Qaeda) အဖွဲ့အစည်းကပြုလုပ်ခဲ့ပြီး အဲဒီအဖွဲ့အစည်းကို တာလီဘန်အစိုးရက ခိုလှုံခွင့်ပေးထားတာကြောင့် အမေရိကန်တွေဟာ အဖဂန်နစ္စတန်နိုင်ငံကို အင်အားအလုံးအရင်းနဲ့ ဝင်ရောက်ကာတာလီဘန် အဖွဲ့ နဲ့ Al-Quaeda အဖွဲ့ကို ရှင်းလင်းသုတ်သင်ခဲ့ပါတယ်။ 💣 ✈️

-ဒါကြောင့် တာလီဘန်အများအပြားဟာ ပါကစ္စတန်နိုင်ငံနယ်စပ်ကို ဝင်ရောက်ခိုလှုံလာကြပါတယ်။ အကျိုးဆက်အနေနဲ့ တာလီဘန်တွေရဲ့ အခွင့်အာဏာဟာ ပါကစ္စတန်နိုင်ငံမှာ တဖြည်းဖြည်းကြီးထွားလာပြီး မာလာလာလိုပညာသင်ကြားရတာနှစ်သက်တဲ့ ပညာရေးအရေးတော်ပုံသမားတွေဟာ တာလီဘန်တွေရဲ့ ပစ်မှတ်ဖြစ်လာခဲ့တာပါဘဲ။ 🎯

🧕မာလာလာနဲ့တာလီဘန်⚔️

တာလီဘန်တွေဟာ ၂၀၀၈ ခုနှစ်လောက်ကနေစပြီး မာလာလာနေထိုင်တဲ့ မင်ဂိုရာမြို့လေးကို စတင်ဝင်ရောက်လာပါတယ်။ မာလာလာတို့လိုမိန်းကလေးတွေကိုစာသင်ကြားစရာမလိုဘူးဆိုတဲ့ အကြောင်းပြချက်နဲ့ မိန်းကလေးတွေကို စာသင်ကြားခွင့် ပိတ်ပင်လိုက်ပါတယ်။ကျောင်းတက်ဖို့ကြိုးစားတဲ့ အမျိုးသမီးငယ်လေးတွေကို သတ်ပစ်မယ်လို့ ခြိမ်းခြောက် ပြောဆိုကြပါသေးတယ်။

အဲဒီအချိန်မှာ မာလာလာဟာ အသက်၁၁ နှစ်အရွှယ်သာရှိပါသေးတယ်။ အဲလို အနိုင်ကျင့်ဖိနှိပ် ခံရမှုတွေကို မခံနိုင်တဲ့ မာလာလာဟာ BBC ရဲ့သတင်း ဝက်ဘ်ဆိုက်စ် မှာတာလီဘန်တွေရဲ့ အကြောင်းကို ရေးသားခဲ့ပါတယ်။ တာလီဘန်တွေရဲ့ ရက်စက်ကြမ်းကြုတ်မှုတွေ၊ အမျိုးသမီးတွေကိုစာသင်ကြားခွင့်ပိတ်ပင်တာတွေ စတဲ့အရာတွေကို Gul Makai အမည်နဲ့ ရေးသားထုတ်ဖော်ခဲ့ပါတယ်။ Gul Makai ဆိုတဲ့အမည်ကတော့ ဖြူဖွေးနုနယ်သော ပန်းငယ်လေးလို့ အဓိပ္ပယ်ရပါတယ်။နောက်ပိုင်းမှာ မာလာလာဟာ Gul Makaiနာမည်အစား သူရဲ့အမည်ရင်းကို အသုံးပြုပြီး တာလီဘန်တွေရဲ့ ရက်စက်မှုကိုထုတ်ဖော်ခဲ့ပါတယ်။

🧕မာလာလာရဲ့ ရဲရင့်ပြတ်သားမှု

၂၀၀၈ ခုနှစ်လောက်ကနေ BBC ဝက်ဘ်ဆိုက်စ်မှာ တာလီဘန်တွေအကြောင်းကို သတင်းရေးသားခဲ့တဲ့ မာလာလာကို BBC သတင်းဌာနက သတိထားမိသွားပါတယ်။ ဒါကြောင့် ၂၀၀၉ ခုနှစ် အစောလောက်မှာပဲ မာလာလာကို မင်ဂိုမြို့အထိ့လာရောက် ရှာဖွေခဲ့ပါတယ်။မာလာလာ ရဲ့ အဖေကိုအရင်ဆုံး ရှာဖွေတွေ့ရှိခဲ့ပြီး အဲဒီကနေတစ်ဆင့် သတင်းထောက်ဟာ မာလာလာ ကိုသိခွင့်ရခဲ့ပါတယ်။ မာလာလာဟာ တာလီဘန်တွေရဲ့ အုပ်ချုပ်မှုအောက်‌ကနေ မကြောက်မရွှံဘဲ BBC သတင်းထောက်ရဲ့အင်တာဗျူး ကိုဖြေဆိုခဲ့ပါတယ်။

သတင်းထောက်ဟာ အင်္ဂလန်ကိုပြန်ရောက်တဲ့အခါ မာလာလာကို အင်တာဗျူး ခဲ့တာကို New York Time သတင်းစာမှာ ရေးသားလိုက်ပါတယ်။ဒါအပြင် အင်တာဗျူးရုပ်သံကို BBC ကနေထုတ်လွှင့်လိုက်တဲ့အခါ တာလီဘန်တွေရဲ့ ရက်စက်ယုတ်မာမှုတွေကို ကမ္ဘာတစ်ဝန်းက သိရှိသွားခဲ့ပါတယ်။

တောင်အဖရိကနိုင်ငံကဆို မာလာလာကို International Children Peace Award ဆုကိုချီးမြှင့်ခဲ့ပါတယ်။တစ်ဖက်ကနာမည်ကောင်းရနေတဲ့မာလာလာ၊နောက်တစ်ဖက်မှာ တာလီဘန်တွေဟာ မာလာလာ နာမည်ကောင်းရသလောက် နာမည်ဆိုးတွေ တိုးရနေပါတော့တယ်။ဒါကြောင့် ဒေါသထွက်နေတဲ့ တာလီဘန်တွေဟာ မာလာလာကို စာတွေဆက်မရေးဖို့၊ စာဆက်ရေးမယ်ဆို သတ်ပစ်မယ်ဟု ခြိမ်းခြောက်လာခဲ့ပါတယ်။ဒါပေမဲ့ မာလာလာဟာ သူရဲ့စာရေးခြင်းကို လုံးဝမရပ်ခဲ့ပါဘူး။ဒါကြောင့် တာလီဘန်တွေဟာ ရက်စက်ယုတ်မာတဲ့အစီအစဉ်ကို အကောင်အထည်ဖော်ပါတော့တယ်။

⚔️တာလီဘန်တွေရဲ့ ရက်စက်ယုတ်မာမှု

တာလီဘန်တွေရဲ့ ရက်စက်ယုတ်မာတဲ့အကြံအစည်ဟာ ၂၀၀၉ ခုနှစ် အောက်တိုဘာလ ၉ရက်နေ့မှာ မာလာလာဆီကို ကျရောက်လာပါတော့တယ်။

အဲဒီနေ့ မာလာလာတို့သူငယ်ချင်းတစ်စု ကျောင်းကနေ Bus ကားနဲ့ပြန်လာတဲ့အချိန် တာလီဘန်တစ်ယောက်ဟာ ကားအရှေ့ကို ပိတ်ရပ်ပြီး ကားကိုတားလိုက်ပါတယ်။ ပြီးတော့ ကားပေါ်တက်လာပြီး သေနတ်ထောင်ပြကာ မာလာလာဆိုတာ ဘယ်သူလဲလို့မေးလိုက်တယ်။ အဲဒီအချိန်သူငယ်ချင်းတွေက မာလာလာကို လှမ်းကြည့်လိုက်တာကို မြင်ပြီး မာလာလာဆီကို တစ်လှမ်းချင်း လျှောက်သွားကာ မာလာလာရဲ့ ဦးခေါင်းကို အနီးကပ် သေနတ်နဲ့ သုံးချက်ပစ်ချလိုက်ပါတယ်။

ပထမကျည်ဆန်ဟာ မာလာလာရဲ့ ဘယ်ဘက် နားထင်ကို စိုက်ဝင်သွားပြီး ဦးခေါင်း ညာဘက်အခြမ်းကနေထွက်ကာ ညာဘက်ပခုံးအထဲကို စိုက်ဝင်သွားတယ်။ မာလာလာဟာ သေနတ်ဒဏ်ရာကြောင့် ဦးခေါင်းက ရှေ့ကို ငိုက်ကျသွားတယ်။ အဲဒါကြောင့်ပဲ နောက်ပစ်တဲ့နှစ်ချက်ဟာ မာလာလာကို မထိ့ဘဲ မာလာလာရဲ့‌ ဘေးကသူငယ်ချင်းနှစ်ယောက်ကို ထိ့သွားတယ်။

ဦးခေါင်းဒဏ်ရာ အပြင်းအထန်ရနေတဲ့မာလာလာကို ပါကစ္စတန်နိုင်ငံ ပက်ရှဝါမြို့ကဆေးရုံကြီးထံ ခေါ်‌ဆောင်သွားကြပါတယ်။ ဆေးဝါးမစုံလင်မှုကြောင့် ဦးခေါင်းဒဏ်ရာအနည်းငယ်ကိုသာကုသပေးနိုင်ပြီး အသက်ရှင်ဖို့ အင်္ဂလန်နိုင်ငံ ဘာမင်ဂန်မြို့က Queen Elizabeth ဆေးရုံကို‌ လေယာဉ်ဖြင့်လွှဲပြောင်းပို့ဆောင်ပေးလိုက်ကျတယ်။ ✈️

မာလာလာဟာ ခွဲစိတ်မှုပေါင်း များစွာကိုပြုလုပ်ခဲ့ရပြီး ပြန်လည်သက်သာလာခဲ့ပါတယ်။ လအတော်အတန်ကြာအောင် ဆေးရုံမှာ ဆေးကုသမှုခံယူခဲ့ရပြီး ၂၀၁၃ မတ်လရောက်မှဘဲ ဆေးရုံကနေ ဆင်းခွင့်ရရှိခဲ့ပါတယ်။ သူမရဲ့အသက်အန္တရာယ် စိုးရိမ်ရတဲ့အတွက် ပါကစ္စတန်ကို မပြန်ဘဲ ဘာမင်ဂန်မှာဘဲ ကျောင်းဆက်တက်ဖို့ ရွှေးချယ်ခဲ့ပါတယ်။

မာလာလာရဲ့ ငြိမ်းချမ်းရေးဆိုင်ရာလှုပ်ရှားမှုများ🕊

မာလာလာဟာ အင်္ဂလန်မှာ ကျောင်းဆက်တက်ရင်း တစ်ကမ္ဘာလုံးမှာရှိ့တဲ့ ကလေးသူငယ်များ ကျောင်းတက်ခွင့်ရဖို့ လှုပ်ရှားဆောင်ရွက်ခဲ့ပါတယ်။ မာလာလာရဲ့ သေနတ်ပစ်ခံရတဲ့သတင်းနဲ့ သူရဲ့ကလေးတိုင်း ပညာသင်ကြားခွင့် လှုပ်ရှားမှုတွေကြောင့် မာလာလာဟာ လူသိများလာခဲ့ပါတယ်။ ဆင်းရဲတဲ့နိုင်ငံတွေမှာလဲ ကလေးတိုင်း ပညာသင်ကြားခွင့်ရရှိရေး ဆန္ဒပြတောင်းဆို လာခဲ့ကြပါတယ်။

နောက်ဆုံးမှာ ကုလသမဂ္ဂအဖွဲ့အစည်းကြီးက ကမ္ဘာလုံးဆိုင်ရာ ကလေးသူငယ်ပညာသင်ကြားရေး ဥပဒေတစ်ရပ်ကို ပြဌာန်းလိုက်ပါတယ်။ မာလာလာရဲ့ လုပ်ဆောင်မှုတွေကို Time Magazine နဲ့တခြား သတင်းဌာနတွေကနေ အသိ့အမှတ်ပြုပြီး မာလာရဲ့ပုံကို ဖော်ပြခဲ့ကြပါတယ်။

မာလာလာရဲ့ ငြိမ်းချမ်းရေးလှုပ်ဆောင်မှုတွေကြောင့် ၂၀၁၄ အောက်တိုဘာမှာ အိန္ဒိယနိုင်ငံသား Kailash Satayarthi နဲ့အတူ နိုဘယ်ဆုကို ပူးတွဲချီးမြှင့်လိုက်ပါတော့တယ်။ နိုဘယ်ဆုရရှိ့တဲ့အချိန်မှာ မာလာလာဟာ အသက် ၁၇ နှစ်အရွှယ်သာ ရှိ့ပါသေးတယ်။ မာလာလာဟာ သူမရရှိတဲ့ နိုဘယ်ဆုကြေးရဲ့တစ်ဝက် ဒေါ်လာ ၇ သိန်းကို တစ်ပြားတစ်ချပ်မှမသုံးဘဲ သူမတည်ထောင်ထားတဲ့ Malala Foundation မှာထည့်ဝင်လှူဒါန်းခဲ့ပါတယ်။ အခု့ဆိုရင် မာလာလာ ဖောင်ဒေးရှင်းကနေ ကမ္ဘာတစ်ဝန်းက ကလေးသူငယ်တွေ ပညာသင်ကြားရေး လှုပ်ရှား‌နေကြပါတယ်။ ဒါအပြင် မာလာလာရဲ့ ဖောင်ဒေးရှင်းကနေ ဆေးရုံ ဆေးခန်းနည်းပါးတဲ့ ဒေသတွေကိုလည်း ဆေးရုံဆေးခန်းတွေ ဆောက်လုပ်လှူဒါန်းထားပါသေးတယ်။

သူမနဲ့ တခြားစာရေးဆရာတစ်‌ယောက်ရေးသားထားတဲ့ မာလာလာရဲ့ ဘဝမှတ်တမ်း "I Am Malala" ဆိုတဲ့စာအုပ်ဟာ အခု့ဆိုရင် ကမ္ဘာပေါ်မှာ ရောင်းအားအကောင်းဆုံးစာအုပ်တစ်အုပ်ပါ။ မာလာလာရဲ့ဘဝဇာတ်ကြောင်းကို "Gul Makai"ဆိုတဲ့ဇာတ်ကားအဖြင့် ပုံဖော်ရိုက်ကူးခဲ့ပါသေးတယ်။ အခု့ဆို မာလာလာဟာ သူမရဲ့ Foundation နဲ့အတူငြိမ်းချမ်းရေးလုပ်ငန်းတွေကို ဆောင်ရွက်လျက်ရှိပါတယ်။

မာလာလာလို မိန်းကလေးငယ် တစ်ယောက်က မကြောက်မရွံ့ဘဲ ကမ္ဘာကြီးကိုပြောင်းလဲဖို့ကြိုးစားခဲ့ပါတယ်။ အခု့စာဖတ်သူတွေကလည်း ကမ္ဘာကြီး တစ်ခုလုံးကိုမပြောင်းလဲနိုင်ရင်တောင် မိမိ့ ပတ်ဝန်းကျင် ကိုတော့ပြောင်းလဲပေးနိုင်ပါတယ်။ ဒါကြောင့် ဘယ်အရာကိုမဆို မကြောက်မရွံ့ဘဲ မာလာလာလိုရင်ဆိုနိုင်ပါစေလို့ ကျွန်တော်တို့ Infinity Creaction ကနေဆုမွန်ကောင်းတောင်းပေးလိုက်ပါတယ်။✨

Reference -သူတို့ဘာကြောင့်ကမ္ဘာကျော်ကြတာလဲ(ဗန်းမော်သိန်းဖေ)

✨Facebook - https://www.facebook.com/InfinityCreationOfficial

✨YouTube - https://www.youtube.com/

✨Tiktok - https://www.tiktok.com/.0fficial

✨Infinity Library - https://t.me/infinity_library1

07/07/2025

Happy World Chocolate Day🍫

📌 ဒီကနေ့ ဇူလိုင်လ ၇ ရက်နေ့ဟာဆိုရင် ကမ္ဘာပေါ်မှာ လူကြိုက်အများဆုံး အစားအစာတွေထဲက တစ်ခုဖြစ်တဲ့ Chocolate အတွက် ရည်စူးထားတဲ့နေ့တစ်နေ့ ဖြစ်ပါတယ်။ ရှေးယခင်ကတည်းက စတင်ခဲ့တဲ့ မူလဇစ်မြစ်တစ်ခုကနေ ဒီကနေ့ခေတ်မှာ ကျွန်မတို့ အရသာခံစားနေရတဲ့ မယုံနိုင်စရာ ကောင်းလောက်အောင် ကွဲပြားတဲ့ ချောကလက်အမျိုးအစားတွေအထိ Chocolate ဟာ ကျွန်မတို့ရဲ့ နှလုံးသား နဲ့ လျှာဖျားမှာ အထူးနေရာယူထားတာပဲဖြစ်ပါတယ်။

ကျွန်မတို့က ဘာကြောင့် ချောကလက်ကို ဒီလောက်သ‌ေဘာကျရသလဲဆိုတာကိုစဉ်းစားကြည့်ကြမယ်ဆိုရင်

အရမ်းအရသာရှိတဲ့ ချောကလက်အရသာကြောင့်လား❓

ပါးစပ်ထဲမှာ အရည်ပျော်ကျသွားတဲ့ ပုံစံကြောင့်လား❓

စိတ်ကို ကြည်နူးသက်တောင့်သက်သာဖြစ်စေတဲ့ ခံစားမှုကြောင့်လား❓

ပြင်းရှတဲ့ Dark Chocolate ကနေ ခရင်မ်အပြည့်နို့ချောကလက်၊ အခွံမာသီး၊ သစ်သီး ဒါမှမဟုတ် အစပ်အရသာတွေအထိ အဆုံးမရှိတဲ့ ရွေးချယ်စရာတွေကြောင့်လား❓

📌ကျွန်မတို့ဟာ ဘယ်လိုပဲ ချောကလက်ကို နှစ်သက်ပါစေ၊ ဒီကနေ့ဟာ World Chocolate Day ဆိုတာကိုတော့ မေ့ထားတတ်ကြပါတယ်။

ဒါ‌ေကြာင့် World Chocolate Day ကို အကောင်းဆုံးဖြစ်အောင် ဘယ်လိုလုပ်မလဲဆိုတဲ့ အကြံဉာဏ်အချို့ကို ဖော်ပြလိုက်‌ေပးလိုက်ပါတယ်။

1️⃣ Indulge Guilt-free! ကိုယ်အကြိုက်ဆုံး ချောကလက်တောင့် ဒါမှမဟုတ်ချောကလက်ပူပူလေးကို အရသာရှိတဲ့ အချိုပွဲတစ်ခုခုနဲ့ မြည်းစမ်းခြင်းမျိုးပဲဖြစ်ပါတယ်။

2️⃣ "Get creative in the kitchen!" ချစ်ရတဲ့သူတွေနဲ့ Chocolate chip cookies၊ brownies ဒါမှမဟုတ် ချောကလက်ကိတ်လေးဖုတ်တာမျိုးဖြစ်ပါတယ်။

3️⃣ "Explore new flavors!" ကိုယ်တစ်ခါမှ မစားဖူးတဲ့ ချောကလက်အမျိုးအစားကို စမ်းကြည့်တာမျိုးပါ။ ဥပမာ- Single-origin Dark Chocolate၊ ထူးခြားတဲ့ အရသာရှိတဲ့ ချောကလက်တောင့် ဒါမှမဟုတ် Gourmet Truffle စတာတွေပဲဖြစ်ပါတယ်။

4️⃣"Share the love!" သူငယ်ချင်း၊ မိသားစုဝင် ဒါမှမဟုတ် လုပ်ဖော်ကိုင်ဖက်တစ်ဦးဦးကို ချောကလက်လက်ဆောင်ပေးတာမျိုးဖြစ်ပါတယ်။

📌 Chocolate နဲ့ပတ်သတ်ပြီးသိသင့်တာလေးတစ်ချို့ကိုလည်းမျှဝေပေးချင်ပါတယ်

❗ Chocolate ကို နှစ်ထောင်ပေါင်းများစွာကတည်းက စားသုံးခဲ့ကြတာဖြစ်ပြီး ရှေးခေတ် Mesoamerican ယဉ်ကျေးမှုတွေဆီကနေ စတင်ခဲ့တာပဲဖြစ်ပါတယ်။

❗ Chocolate ပြုလုပ်တဲ့ ကိုကိုးပင်ကနေ ကိုကိုးစေ့တွေပါတဲ့ အသီးတောင့်တွေ ထွက်ပါတယ်။
❗ အထူးသဖြင့် Dark Chocolate ဟာ ဓာတ်တိုးဆန့်ကျင်ပစ္စည်း (antioxidant) ဂုဏ်သတ္တိတွေအတွက် လူသိများပါတယ်။

🍫ဒါကတော့ Chocolate ကြိုက်တဲ့ကျွန်မတို့လိုလူတွေအတွက် Knowledge လေးတစ်ချို့ကို Sharing လုပ်ပေးတာပဲဖြစ်ပါတယ်။ တကယ်လို့ ဒီစာကိုဖတ်နေတဲ့သူဟာ Chocolate ကြိုက်တဲ့သူတစ်ယောက်ဆိုရင် World Chocolate Day မှာပါဝင်ဖို့ တိုက်တွန်းလိုက်ပါတယ်ရှင့်။ 🍫

👉Facebook - https://www.facebook.com/InfinityCreationOfficial
👉YouTube - https://www.youtube.com/
👉Tiktok - https://www.tiktok.com/.0fficial
👉Infinity Library - https://t.me/infinity_library1

03/07/2025

ဘိုလို ဝတ္ထုဖတ်ပြီး စောင်ကိုက်နိုင်ဖို့ ဒါလေးတွေသိဖို့လိုမယ် 😉

ရသဝတ္ထုတွေဖတ်ဖူးကြလား။ ❓

ဖတ်ရင်ရော ကိုယ့်မိခင်စကား နဲ့ ဖတ်ကြလား။

ဒါမှမဟုတ် ဘိုလို ဖတ်ကြလား။

ပြီးတော့ဘယ်ဟာပို ဖတ်လို့ကောင်းလဲ။ 💭

📖 များသောအားဖြင့် ကျွန်တော်တို့ ကိုယ့်မိခင်ဘာသာစကားကို အသုံးပြုထားတဲ့ ရသစာအုပ်တွေကို ဖတ်ကြပြီး မိခင်သုံးရသစာအုပ်တွေကို ပိုပြီး မြိန်ရေရှက်ရေ ရှိကြပါတယ်။

ဒုတိယဘာသာစကားဖြစ်တဲ့ English လို ဖတ်ရင်တော့ အခက်တွေ့တတ်ကြပါတယ်။ 🤯

🪶 English လို အလင်္ကာဆန်ဆန် နဲ့ ရိုမန်တစ်ဆန်နေတာကို ကိုယ်တွေက ဖတ်နေရရင်တောင် စောင်ကိုက်ရမယ့်အစား ဘာတွေဖတ်နေလို့ ဖတ်နေရမှန်းမသိ ဖြစ်ဖူးကြမှာပါ။

ဒီနေ့မှာတော့ Fiction ဆိုတဲ့ ရသစာအုပ်တွေကိုဖတ်တဲ့အခါ ကိုယ်ဘာဖတ်နေလို့ဖတ်နေမှန်းသိရအောင် တွေ့ရတတ်တဲ့ Literary Devices အချို့အကြောင်းကို လေ့လာကြရအောင်။

1. Simile ( ဥပမာအလင်္ကာ)

▪️အားလုံးရင်းနှီးမယ့် Literary Device လေးပါ။ like ၊ as စတဲ့ အသုံးလေးတွေပါလာရင် ဥပမာ ပြ သုံးနေပြီဆိုတာသိနိုင်ပါတယ်။

💫 Her eyes were like shining stars

(ခင့်မျက်ဝန်းစုံ လင်းလက်ကြယ်တို့ သဖွယ်) ဆိုတဲ့ စာသားလေးကို သာဓက ကြည့်ရင် မြင်သာပါတယ်။

2. Metaphor ( ရူပက အလင်္ကာ)

▪️ဒီအသုံးအနှုန်းက ဥပမာ ပြပြီး သုံးတာမျိုးနဲ့ဆင်ပါတယ်။ ဒါပေမယ့် like ၊ as စတာတွေမသုံးဘဲ ဂုဏ်ရည်တူနှစ်ခုကို နှိုင်းယှဥ်ပြလိုက်တာမျိုးပါ။

သာဓက အနေနဲ့ -
⛰ Life is a journey
(ဘဝဆိုတာ ခရီးတစ်ခု) ဆိုတဲ့ စာကြောင်းလေးမှာဆို Life is like a journey (ဘဝဆိုတာ ခရီးစဥ်တစ်ခုနှယ်) လို့ မသုံးဘဲ ဂုဏ်ရည်တူတဲ့ အသုံးနှစ်ခုကို ထပ်တူပြုပြီး သုံးနှုန်းဖွဲ့နွဲ့လိုက်တာမျိုးပါ။

3. Personification ( လူပုဂ္ဂိုလ်အနေနဲ့ခိုင်းနှိုင်းတင်စားမှု)

▪️ကျွန်တော်တို့ မြန်မာတွေ နဲ့ နည်းနည်းစိမ်းလောက်မယ့် device လို့ထင်ရပေမယ့် ရသစာပေတွေ ၊ ကဗျာတွေ၊ သီချင်းတွေမှာ တွေ့ရတတ်ပါတယ်။

သာဓက အနေနဲ့

🌬Breeze whispers me softly....
" your lover's mind absent of you"

(လေညှင်းလေး က တိုးတိုးလေးပြောသွားတယ်။ မင်းချစ်သူ မင်းကို မေ့ပြီတဲ့ ) ဆိုတဲ့စာကြောင်းလေးကို ကြည့်ကြရအောင်။

အားလုံးသိတဲ့အတိုင်း လေ ဆိုတာ လူလို စကားမပြောတတ်ပါဘူး။ ဒါပေမယ့် လူလို ပြောနိုင်ဆိုနိုင်တယ်ဆိုတဲ့ ဂုဏ်ရည်ကို ထည့်လိုက်တဲ့အခါ စာသားဟာ ပိုပြီး ရုပ်လုံးပေါ် 'ဟက်ထိ' လာပါတယ်။ ဒါကို Personification လို့ခေါ်ပါတယ်။

4. Onomatopoeia ( မြည်သံစွဲ အလင်္ကာ)

▪️သဘာဝအသံတွေဖြစ်တဲ့ ခွေးသံ ၊ ကြောင်သံ၊ လေတိုက်သံစတာတွေကို ဖော်ပြတဲ့အခါ မြင်သာဖို့ meow ၊ woof ၊ moo စတဲ့ ဝေါဟာရတွေကိုအသုံးပြုကြပါတယ်။ ဒါကို Onomatopoeia လို့ ခေါ်ဝေါ်ကြပါတယ်။ မြန်မာစာပေမှာလည်း မြည်သံစွဲ အလင်္ကာအနေနဲ့ နေ့စဥ်သုံးတွေမှာကြားဖူးကြမှာပါ။

5. Symbolism ( အမှတ်သင်္ကေတ)

" ပုလဲလေးတွေဆိုတာ.... 🎶
ကမာကောင်လေးတွေရဲ့ မျက်ရည်ပဲ ခင်...🎶 "

ခင်မောင်တိုး fan ဆိုရင်တော့ ဒီသီချင်းလေးကြားဖူးကြမယ်ထင်ပါတယ်။ ဒီနေရာမှာ ပုလဲလုံးလေးတွေကို ကမာကောင်တွေရဲ့ မျက်ရည် ၊ ဝမ်းနည်းခြင်း သင်္ကေတတစ်ခုအနေနဲ့ ခိုင်းနှိုင်းပြီးသုံးထားတာကိုတွေ့ရမှာပါ။ ဒါကို Symbolism လို့ခေါ်ပါတယ်။

အင်္ဂလိပ် သာဓက အနေနဲ့ အောက်ပါ စာကြောင်းလေးဟာ Symbolism ရဲ့ အနက်ကို ပိုမြင်သာစေပါတယ်။

🕊 A dove as a symbol of peace ( ခိုငှက်လေးဟာ ငြိမ်းချမ်းခြင်းရဲ့ အမှတ်သညာ)

ကဲ ဒီလောက်ဆိုရင်တော့ စာဖတ်သူတို့အနေနဲ့ English စာပေမှာ အသုံးများတဲ့ Literary Device တွေကို တီးမိခေါက်မိကြလောက်ပြီ ထင်ပါတယ်။
ကိုယ်ရဲ့ သိမြင်မှုတွေကို ပြန်ဆန်းစစ်ဖို့ quiz လေးဖြေကြည့်ကြရအောင်။ အောက်က စာကြောင်းလေးကို ဖတ်ပြီး ဘာ Literary Device လည်းခန့်မှန်းခဲ့ကြပါဦး။

Evening of a hot day started the little wind to moving among the leaves.
The shade climbed up the hills toward the top. On the sand banks the
rabbits sat as quietly as little gray, sculptured stones. And then from
the direction of the state highway came the sound of footsteps on crisp
sycamore leaves. The rabbits hurried noiselessly for cover. A stilted
heron labored up into the air and pounded down river.

( Of mice and men by John Steinback)

ဒီလို ဗဟုသုတရစရာ အကြောင်းအရာတွေကို အဆက်မပြတ် ဖတ်ရှုဖို့ Infinity Creation ကို follow လုပ်ထားဖို့ မမေ့ပါနဲ့နော်။

▪️ Facebook - https://www.facebook.com/InfinityCreationOfficial
YouTube - https://www.youtube.com/
▪️ Tiktok - https://www.tiktok.com/.0fficial
▪️ Infinity Library - https://t.me/infinity_library1

02/07/2025

ငယ်ငယ်က ပြောတဲ့ ပန်းကန်ပြားပျံကြီး 🛸

ကျွန်မတို့ငယ်ငယ်က ပန်းကန်ပြားပျံကြီးဆိုပြီး animation တွေကနေတစ်ဆင့် ကလေးတွေရဲ့ ပါးစပ်ဖျားမှာပါ ဘာမသိညာမသိနဲ့ ကြားဖူးလာခဲ့ကြမှာပါ။ နောက်ပိုင်း ကစားကွင်းမှာလည်း UFO လို့ခေါ်တဲ့ ပန်းကန်ပြားပျံပုံစံတွေ ထည့်ထွင်လာကြပါတယ်။ ဒါပေမယ့် UFO လို့ စပြီးလူသိများလာတာတော့ ဟုတ်ပါပြီ။ ဘာကြောင့် စသိလာကြတာလဲ၊ UFO ဆိုတာကကော ဘယ်က စတွေ့ရှိလာကြလဲရော စဉ်းစားဖူးမိကြလား။ ✨

Milestone of UFO 🔍

UFOရဲ့ အရှည်ကောက်က "Unidentified Flying Object" ပါ။ မြန်မာလိုဆို "ပန်းကန်ပြားပျံ" ပေါ့။

ဒုတိယကမ္ဘာစစ်ပြီးတဲ့နောက်မှာ ၁၉၄၇ က စလို့ UFO era ပေါ်ပေါက်လာခဲ့ပါတယ်။
၁၉၄၇ ခုနှစ်၊ ဇူလိုင်လ ၂ ရက်နေ့မှာတော့ New Mexico က Roswell အနီးတစ်ဝိုက်မှာ UFO တစ်စင်း ပျက်ကျခဲ့ပါတယ်။ အဲ့ဒီမတိုင်ခင် ဇွန်လ ၂၄ ရက်နေ့မှာတော့ Kenneth Arnold ဆိုတဲ့ လေယာဉ်မှူးတစ်ဦးက Washington မြို့၊ Mount Rainier နားမှာ လုံးဝမြန်တဲ့ အမြန်နှုန်းနဲ့ ပျံသန်းနေတဲ့ UFOပုံစံယာဉ်တစ်မျိုးကို မှတ်တမ်းတင်ဓာတ်ပုံရိုက်ယူထားနိုင်ခဲ့ပါတယ်။

UFO နဲ့ ပတ်သတ်တဲ့ Projects များ ⚜️

Kenneth Arnold ရဲ့ မှတ်တမ်းကြောင့် ၁၉၄၈ ခုနှစ်ကနေပြီးတော့ ၁၉၆၉ ခုနှစ် အတွင်း UFO နဲ့ ပတ်သတ်ပြီး Info တွေ၊ ပုံရိပ်တွေ လေ့လာစုံစမ်းတဲ့ Projects တွေ ပေါ်ထွက်လာပါတယ်။

U.S Air Force ကနေပြီးတော့ Project Sign၊ Project Grudge နဲ့ Prject Blue Book လို့ခေါ်တဲ့ ဒီ Project သုံးခုမှာ တော်တော်များများ လေ့လာမှတ်တမ်းတင်နိုင်ခဲ့ကြပါတယ်။ Blue Book ကတော့ မှတ်တမ်းအများဆုံးတင်နိုင်ခဲ့တဲ့ Project ပါပဲ။ 💭

🔹 Project Sign

ဒီ Project ကိုတော့ ၁၉၄၈ မှာ ပထမဆုံး တရားဝင် UFO စုံစမ်းခဲ့မှုဖြစ်ပေါ်လာတာကတော့ Kenneth Arnold ရဲ့ မှတ်တမ်းကြောင့်နဲ့ Roswell မှာလိုမျိုး incident ဖြစ်ခဲ့ရတဲ့ တခြား မှတ်တမ်းတွေကြောင့်လည်း ပါပါတယ်။

ကနေဦးလေ့လာသုံးသပ်ခဲ့ကြတဲ့လူတွေကတော့ UFO တွေက extraterrestrial ဖြစ်တယ်၊ ကမ္ဘာပေါ်မှာ မရှိဘဲ တခြားကမ္ဘာဂြိုလ်က လာတဲ့ ယာဉ်ပဲဆိုပြီး သတ်မှတ်ခဲ့ကြပါတယ်။

🔹 Project Grudge

၁၉၄၉ နဲ့ ၁၉၅၁ ခုနှစ်ကြားကာလတွေမှာ လေ့လာ စုံစမ်းမှုတွေအရမှာတော့ UFO တွေဟာ လူတွေက လုပ်ထားတဲ့အရာတွေပဲ ဖြစ်ရမယ်၊ သဘာဝလွန်တော့ မဖြစ်နိုင်ဘူးဆိုပြီး ကောက်ချက်ချကြပြန်ပါတယ်။ Extraterrestrial ဖြစ်တာကို လက်မခံခဲ့ကြပါဘူး။

အဓိကကတော့ နိုင်ငံသား‌တွေ မကြောက်ရလေအောင် UFO တွေက ဂြိုလ်သားတွေဆီက မဟုတ်ကြဘူးဆိုတာကို ဖော်ထုတ်ခဲ့ကြတာပါ။

🔹 Project Blue Book

Blue Book ကတော့ လူသိအများဆုံးနဲ့ အကြာဆုံး Project ပါပဲ။ အဲ့ဒီထဲမှာဆိုရင် UFO မှတ်တမ်းပေါင်း သောင်းနှစ်ထောင်လောက် ရှိပါတယ်။ ၁၉၅၂ ခုနှစ်မှာ စတင်ခဲ့ပြီး ၁၉၆၉ ခုနှစ်မှာတော့ UFO တွေက safe ဖြစ်တယ်၊ နိုင်ငံရဲ့ လုံခြုံစိတ်ချရမှုကိုတော့ မထိခိုက်စေတဲ့အတွက်ကြောင့် Project ကို တရားဝင် ရပ်တန့်လိုက်ပါတယ်။

Case ပေါင်း ၇၀၁ ခုလောက်က အဖြေရှာလို့မရပေမယ့် ဘာအန္တရာယ်မှတော့ မရှိခဲ့ပါဘူး။ နောက်ပြီး တခြားဂြိုလ်က လာတယ်ဆိုတဲ့ အထောက်ထားသက်သေလည်း ရှာမတွေ့တာမို့ extraterrestrial ဖြစ်တယ်လို့လည်း သတ်မှတ်လို့ မရခဲ့ပါဘူး။

ဒါကြောင့် Blue Book Project မှာပဲ UFO နဲ့ပတ်သတ်ပြီး စုံစမ်းရှာဖွေတာ ပိတ်သိမ်းခဲ့လိုက်ကြပါတော့တယ်။ 🚫

World UFO Day 🌐🛸

ဒီလိုမျိုး UFO နဲ့ပတ်သတ်ပြီး နည်းပညာသမိုင်းကြောင်းလည်း ရှိခဲ့ပြီးတော့ Projects တွေ၊ သက်‌သေ
အထောက်အထားတွေ အခိုင်အလုံရှိခဲ့တာကြောင့် "World UFO Day" ဆိုတာဟာလည်း ဖြစ်ပေါ်လာပါတယ်။

UFO နေ့ကို သတ်မှတ်စဉ်ကာလက ဇူလိုင်လ ၂ ရက်နေ့လား၊ ဇွန်လ ၂၄ ရက်နေ့လားဆိုတာကတော့ နည်းနည်း conflict ဖြစ်ခဲ့ပါတယ်။Rosewell မှာ ဖြစ်ပွားခဲ့တဲ့ UFO တစ်စင်းပျက်ကျတဲ့နေ့ နဲ့ ဝါရှင်တန်မြို့၊ Mount Rainier မှာ UFO တစ်စင်းပျံသန်းခဲ့တဲ့နေ့ပါ။

အခုထိ ဇွန်လ ၂၄ ရက်နေ့မှာ UFO Day လို့ သတ်မှတ်ကြတာလဲရှိသေးသလို ဇူလိုက်လ ၂ ရက်နေ့ကိုဘဲ သတ်မှတ်ကြတဲ့သူတွေလည်း ရှိပါတယ်။ အထူးသဖြင့် Official World UFO Organisation ‌ပါ။

ဒါကြောင့် ဇူလိုင်လ ၂ ရက်နေ့ကို တရားဝင် UFO နေ့အဖြစ် သတ်မှတ်ခဲ့ကြပါတယ်။ အခုဆိုရင်တော့ UFO အကြောင်းနဲ့ပတ်သတ်ပြီး သဘောပေါက်သွားလောက်ပြီ ထင်ပါတယ်။ ✨

ဒီလို ဗဟုသုတရပြီး အကျိုးရှိစေမယ့် အကြောင်းအရာတွေကိုဖတ်ချင်ရင်တော့ IC ရဲ့ Social Media channels တွေ အားလုံးကို subscribe လုပ်ထားလိုက်တော့နော်။

🔹 Facebook - https://www.facebook.com/InfinityCreationOfficial
🔹 YouTube - https://www.youtube.com/
🔹 Tiktok - https://www.tiktok.com/.0fficial
🔹 Infinity Library - https://t.me/infinity_library1

25/06/2025

သင်က တကယ် အလုပ်လုပ်နေတာလား 💭

တချို့တွေ အလုပ်တွေ အများကြီးလုပ်နေပေမ‌ယ့် တကယ့်အလုပ် လုပ်နေတာ မဟုတ်တာတွေ ရှိပါတယ်။ "အလုပ်မဟုတ်တာကို လုပ်နေတယ်" ဆိုတဲ့ ဒီစကားကို ကြားဖူးကြမှာပါ။

တော်တော်များများက မသိလိုက်ဘဲနဲ့
ကိုယ်က တကယ် အလုပ်လုပ်နေတာလား၊ မလုပ်နေတာလားဆိုတာကိုတောင် မခွဲခြားတတ်ကြတော့ပါဘူး။ ဒါတွေက စပြီး အလုပ်လုပ်ကတည်းက နည်းလမ်းချတာ မှားခဲ့တာလည်း ရှိသလို ကိုယ့်ကိုယ်ကိုယ် ကိုယ်လုပ်နေတာ‌တွေ မှန်လား၊ မှားလားဆိုတာလည်း ပြန်သုံးသပ်ဖို့ အားနည်းတာတွေလည်း ပါပါတယ်။

Fake Work လား၊ Real Work လား 🫴🧠

မျက်လုံးထဲ မြင်သာအောင် အဟုတ်ကြက်ဖနဲ့ အရုပ်ကြက်ဖကိုဘဲ ပုံပမာပြု ပြောကြည့်ရအောင်။ အရုပ်ကြက်ဖကတော့ ကြက်ဖအသွင်ဘဲ ဆောင်ပြီး ကြက်ဖလို တွန်လေ့ရှိတဲ့ အလုပ်ကိုတော့ မလုပ်တတ်ပါဘူး။ သူလုပ်နိုင်တာက ကြက်အသွင်ဆောင်မယ်၊ တစ်နေရာကနေတစ်နေရာ ရွေ့လျားနိုင်မယ်။ ဒါ Fake Workပါ။
အဟုတ်ကြက်ဖကတော့ ကြက်ဖအသွင်လည်းဆောင်နိုင်၊ အရုဏ်တက်လာပြီဆို တာနဲ့ တွန်နိုင်ဟစ်နိုင်တဲ့ အစွမ်း ရှိပါတယ်။ ဒါက Real Work ပါ။

ကိုယ့်အတွက်ကော၊ အများအတွက်ကော အကျိုးရှိတဲ့အလုပ်‌တွေကို လုပ်နေတယ်ဆို Real Workလို့ သတ်မှတ်လို့ရပြီး အဲ့ဒီရဲ့ ဆန့်ကျင်ဘက်၊ ဟိုယောင်ယောင်ဒီယောင်ယောင် လုပ်နေတာမျိုးဆိုရင်တော့ Fake Work ပါဘဲ။
ကိုယ်လုပ်နေတာတွေနဲ့ ပြန်သုံးသပ်ကြည့်ဖို့ လိုပြီလား? 👀

သင့်မှာ Goals တွေ ရှိတယ်။ ဒါ‌ပေမယ့် နှောင့်နှေးတာ၊ ကြန့်ကြာတာ၊ improve ဖြစ်မနေတာမျိုးတွေ ခံစားနေရတယ်ဆိုရင် ပြန်စဉ်းစားသင့်နေပါပြီ။ ကိုယ်လုပ်နေတာတွေက အလုပ်လား၊ မလိုအပ်တာတွေလားဆိုတာ ပြန်စဉ်းစားရမယ့်အလှည့်ပါ။ ကိုယ့်ကိုယ်ကိုယ် မညာဖို့တော့ လိုအပ်ပါတယ်။

Fake work မှန်း တန်းသိနိုင်မယ့် အလုပ်သုံးခု 🔎

1. မလိုအပ်တဲ့ အလုပ်တွေကို အချိန်ဆွဲလုပ်နေခြင်း
🔹 သင်က တကယ်လုပ်ရမယ့်အလုပ် မလုပ်ခင်မှာ တခြားအရာတွေကို လုပ်ရင်း အချိန်ကုန်ဆုံးနေပြီဆို Fake Workပါပဲ။ တကယ်လုပ်ရမယ့် အရာကို မရောက်တော့ဘဲ ဝေ့လည်ကြောင်ပတ်ဖြစ်နေတာမျိုးပါ။

2. စာအုပ်တွေ အများကြီး ဖတ်ခြင်း
🔹 စာဖတ်တာ ကောင်းပါတယ်။ နည်းနည်းပဲ ဖတ်သည်ဖြစ်စေ၊ များများပဲ ဖတ်သည်ဖြစ်စေ ကိုယ်မှတ်နိုင်ရင် မှတ်နိုင်သလောက် ဖတ်တာ အကျိုးရှိပါတယ်။ ဒါပေမယ့် ကိုယ်က တိုးတက်လာတယ်လို့ ခံစားရစေဖို့တစ်ခုတည်းအတွက်နဲ့တော့ စာအုပ်တွေ အများကြီး ဖတ်ပါစရာမလိုပါဘူး။ အချိန်ကုန်ခံပြီး အများကြီးဖတ်ပြီးမှ ထွေထွေထူးထူး ဘာမှ ရမလာရင် ကိုယ်တိုင်လည်း အကျိုးမရှိပြီး Fake Work လည်း ဖြစ်သွားတတ်ပါတယ်။

3. တစ်နေကုန် Plan ချနေတတ်ခြင်း
🔹 အလုပ်တွေ စနစ်တကျ ပြီးမြောက်ဖို့ဆို ပလန်ချရမှာမှန်ပေမယ့် အမြဲချနေဖို့တော့ မလိုပါဘူး။ ပလန်အတိုင်း တကယ်လုပ်ဖို့ထက် ပလန်ချရတာက ပိုလွယ်နေတော့ အမြဲတမ်း Planချည်း ချနေတာမျိုးတော့ မဖြစ်သင့်ပါဘူး။ တကယ်အလုပ်မလုပ်ဘဲ Planမချပါနဲ့။ သင်က အလုပ်တွေရဲ့ တစ်ဝက်တောင် ဟုတ်တိပတ်တိမပြီးသေးဘူး၊ နောက်ထပ် Planအသစ်ကို စချနေပြီဆို ဒါကလည်း Fake Work လို့ သိထားသင့်ပါပြီ။

ဒါဆို Real Work က ဘယ်လိုမျိုးလဲ ⚜

1. အချိန်မဆွဲဘဲ ချက်ချင်းလုပ်ခြင်း ⏰

တကယ်အလုပ်လုပ်ကြသူတွေအများစုက ချက်ချင်းလက်ငင်းကို ထလုပ်ကြပါတယ်။ မလိုအပ်တာ လုပ်ရင်း အချိန်ကုန်ဆုံးလေ့ မရှိပါဘူး။ လိုအပ်မှသာ ငါးမိနစ်ဖြစ်စေ၊ ဆယ်မိနစ်ဖြစ်စေ break timeအနေနဲ့ နားကြပါတယ်။ ချက်ချင်းလုပ်တဲ့အကျိုးအားကြောင့် အလုပ်တွင်တာမို့ Real Work လို့ သတ်မှတ်လို့ရပါတယ်။

ဥပမာ ကျွန်မတို့ study methodတွေမှာဆို စာကို 25မိနစ်လောက် လုပ်လိုက် ငါးမိနစ်လောက် ဦးနှောက်အနားပေးလိုက်နဲ့ လုပ်သမျိုးတွေ ရှိပါတယ်။

2. နည်းနည်းဖတ် များများမှတ် 📚

အပေါ်မှာ ပြောခဲ့သလိုမျိုး စာအုပ်များများဖတ်မှ တိုးတက်လာတာမျိုး မဟုတ်လို့ နည်းနည်းဖတ်လည်း အကျိုးရှိပါတယ်။ နည်းနည်းဖတ်၊ များများမှတ်၊ များများတွေးပါပဲ။ စာအုပ်နည်းနည်းပဲဖြစ်စေ၊ စာအုပ်တစ်အုပ်ထဲကမှ စာနည်းနည်းပဲဖြစ်စေ အဲ့ဒီထဲက အဓိက Message‌ တွေနဲ့ တခြားအကြောင်းအရာတွေကို ချိတ်ဆက်တွေးတောနိုင်ရင် တကယ့် Real Work ပါပဲ။ ‌

3. Plan အမြန်ချပြီး စလုပ်ပါ 🗓

ကိုယ်လုပ်မယ့်အလုပ်တွေကို တစ်ခါထဲ တစ်စုတစ်စည်းထဲ ချမှတ်ထားလိုက်တာ အကောင်းဆုံးပါပဲ။ ပြီးရင် တွေဝေမနေဘဲ အလုပ်သာ စလုပ်ပါ။ ဒီလိုလုပ်ချင်းက သင့်စိတ်ကို ဒွိဟလည်း မဖြစ်စေတော့သလို အလုပ်မလုပ်ဘဲ planတွေပဲ ချနေခြင်းက‌နေလည်း တားဆီးနိုင်ပါတယ်။ Agent အနေနဲ့ ပလန်တစ်ခါသာချပြီး အလုပ်စလုပ်လိုက်တာက ပိုအကျိုးရှိတာမို့ ဒါလည်း Real Work ပါပဲ။

🎊 ဒါဆိုရင်တော့ ကိုယ်က တကယ်ဘဲ အလုပ်လုပ်နေလား၊ မလုပ်နေလား၊ ကိုယ်လုပ်နေတာတွေကကော မှန်ကန်တဲ့လမ်းတွေလားဆို‌တာကိုတော့ ပြန်သုံးသပ်သွားနိုင်ပြီထင်ပါတယ်။

ကိုယ်တိုင်က နည်းလမ်းမှားတွေထဲမှာ နွံလို နစ်နေပြီး ကိုယ့်တိုးတက်မှုလမ်းတွေကို ပြန်ဖွင့်ချင်လာတယ်ဆိုရင်‌တော့ Real Workက Method သုံးခုအတိုင်း လုပ်နိုင်ကြစေဖို့ IC ကနေ sharingပေးလိုက်ပါတယ်။ ကိုယ်တိုင်က လုပ်ဖို့ဘဲ လိုတော့တာမို့ အဆင်ပြေကြပါစေရှင်။ 📣

နောက်လည်း ဒီလိုမျိုး အကျိုးရှိတဲ့ အကြောင်းအရာတွေကို ဖတ်ရှုချင်တယ်ဆိုရင်တော့ IC ရဲ့ Social Media Channels တွေ အားလုံးကို subscribe လုပ်ထားလိုက်တော့နော်။

🔹 Facebook - https://www.facebook.com/InfinityCreationOfficial
🔹 YouTube - https://www.youtube.com/
🔹 Tiktok - https://www.tiktok.com/.0fficial
🔹 Infinity Library - https://t.me/infinity_library1

24/06/2025

📢 ကျွန်မတို့ရဲ့ ဘဝဟာ စိန်ခေါ်မှုတွေနဲ့ အမြဲပြည့်နှက်နေတာပဲဖြစ်ပါတယ်။ ဆိုတော့ စိန်ခေါ်မှုတွေကို ရင်ဆိုင်ဖို့အတွက် နည်းလမ်းကောင်းလေးတစ်ခုနဲ့ မိတ်ဆက်ပေးပါရစေ။

✨နည်းလမ်းကောင်းလေးက ဘာလေးလဲဆိုတော့ Matty Piazzi ဖန်တီးထားသည့် "ABCDE of Resilience: How to Bounce Back Stronger" ဟု အမည်ပေးထားသည့် infographic ပဲဖြစ်ပါတယ်။ ABCDE of Resilience ဆိုတာက ခက်ခဲတဲ့ အခြေအနေ‌ေတွမှာ မိမိကိုယ်ကို သံသယနည်းစေပြီးတော့ အခက်အခဲတွေကို နားလည်ပြီး ရှေ့ဆကိနိုင်ဖို့ကူညီပေးတဲ့ Method တစ်ခုပဲဖြစ်ပါတယ်။ ABCDE of Resilience မှာ ခံနိုင်ရည်အားတည်ဆောက်ရန်နဲ့ စိန်ခေါ်မှု‌ေတွကို ကျော်လွှားရန်အတွက် အဆင့်ငါးဆင့်ကို ဖော်ပြထားပါတယ်။ ဆိုတော့ အဲ့ဒိီအဆင့်(5)ဆင့်က ဘာတွေဖြစ်မလဲဆိုတာ ကြည့်ကြရအောင်။✨

✨ပထမဆုံးအနေနဲ့ A ဆိုတာက Adversity ဖြစ်ပါတယ်။
ခံနိုင်ရည်ရှိဖို့အတွက် ဘဝလမ်းခရီးရဲ့ စိန်ခေါ်မှု‌ေတွကို ကိုယ်တိုင်အသိအမှတ်ပြုခြင်းဖြင့် စတင်တာပဲဖြစ်ပါတယ်။ ပုံမှာပါတဲ့ ဥပမာလိုမျိုး "အလုပ်အသစ်မှာ ရာထူးနဲ့လိုက်လျောညီထွေမဖြစ်မှာကို စိုးရိမ်မိတာ"မျိုးပေါ့ ကိုယ့်မှာရှိ‌ေနတဲ့ Adversity ကို ရှင်းရှင်းလင်းလင်း ခွဲခြားသိမြင်ခြင်းဟာ ပြဿနာဖြေရှင်းရာမှာ ပထမဆုံး အရေးကြီးသော အဆင့်ဖြစ်ပါတယ်။

✨B ဆိုတာက (Beliefs) ယုံကြည်ချက်ပဲဖြစ်ပါတယ်။ Adversity ကိုသိရှိပြီးတဲ့‌ေနာက်မှာ ပြဿနာနဲ့ပတ်သတ်ပြီး ကိုယ့်ရဲ့အတွေးတွေကို ချိန်ညှိရမှာဖြစ်ပါတယ်။ အဆိုးမြင်ခြင်း သို့မဟုတ် မိမိကိုယ်ကို သံသယဝင်နေတာတွေဖြစ်လာမယ်ဆိုရင် ဥပမာအားဖြင့်၊ ယေဘူယျယုံကြည်ချက်တစ်ခုကတော့ "ဒီအလုပ်အတွက် ငါမှာလုံလောက်တဲ့...မရှိဘူး" စတဲ့ယုံကြည်ချက်တွေဟာ မကြာခဏ မသိစိတ်က‌ေနပြီး စိန်ခေါ်မှုများဟာ ကကျွန်မတို့ရဲ့တုံ့ပြန်မှု‌ေတွကို သိသိသာသာ သက်ရောက်မှုရှိနိုင်ပါတယ်။

✨ C ဆိုတာကတော့ (Consequences )ပဲဖြစ်ပါတယ်။
ကိုယ့်ယုံကြည်ချက်‌ေတွရဲ့ တုန်လှုပ်ခြင်းအကျိုးသက်ရောက်မှုတွေကို သုံးသပ်ကြည့်မယ်ဆိုရင် သူတို့က ကိုယ့်ကို ဘယ်လို ထိခိုက်စေသလဲ။ ကိုယ်က စိုးရိမ်စိတ်၊ စိတ်ဓာတ်ကျမှု‌ေတွဖြစ်နေသလား။ ဒီအတွေးတွေက ကိုယ့်ရဲ့စိတ်ခံစားမှုနဲ့ ကိုယ့်ရဲ့လုပ်ရပ်တွေကို ဘယ်လိုအကျိုးသက်ရောက်စေတယ်ဆိုတာကို ရေးမှတ်ထားဖို့ အရေးကြီးပါတယ်။ အကျိုးဆက်‌ေတွကို နားလည်ခြင်းဟာ ကိုယ့်ယုံကြည်ချက်နဲ့ ကိုယ့်ကျန်းမာ‌ေရးကို တိုက်ရိုက်ဆက်စပ်‌ေနတယ်ဆိုတာကို မြင်တွေ့ရမှာဖြစ်ပါတယ်။

✨D ကတော့ (Disputations)ပဲဖြစ်ပါတယ်။ ဒီနေရာမှာ ကိုယ့်ရဲ့စိတ်နေစိတ်ထားကို ပြုပြင်ပြောင်းလဲဖို့ တကယ့်အလုပ်စတာပဲဖြစ်ပါတယ်။ ငြင်းခုံခြင်းမှာ အပျက်သဘောဆောင်တဲ့ ယုံကြည်ချက်တွေကို စိန်ခေါ်ခြင်း‌ေတွ ပါဝင်ပါတယ်။ ကိုယ့်ကိုယ်ကို ဝေဖန်တဲ့မေးခွန်းတွေကို မေးပါ- "ဒီစိန်ခေါ်မှုကို ငါကိုင်တွယ်နိုင်တဲ့ အထောက်အထားရှိသလား" ဒါမှမဟုတ် "ငါ့ကို အောင်မြင်အောင် ကူညီပေးမယ့် ငါ့ရဲ့ အားသာချက်တွေက ဘာတွေလဲ။" ဒီအဆင့်ဟာ တန်ပြန်အထောက်အထား‌ေတွကို တက်ကြွစွာရှာဖွေခြင်းနှင့် ကိုယ့်ရဲ့အတွင်းပိုင်းဇာတ်ကြောင်းကို ပြန်လည်ပုံဖော်ခြင်းအကြောင်းဖြစ်ပါတယ်။

✨ နောက်ဆုံး‌အ‌ေနနဲ့ E ကတော့ (Energization) ပဲဖြစ်ပါတယ်။
အပျက်သဘောဆောင်တဲ့ယုံကြည်ချက်တွေကို ငြင်းဆန်ပြီးတော့ ကိုယ့်ရဲ့အားသာချက်တွေကို အာရုံစိုက်မယ်ဆိုရင် ခွန်အားတွေရရှိလာမှာပါ။ ဒါဟာ ကိုယ့်ရဲ့အမြင်ကို ပြောင်းလဲခြင်းကနေ ကိုယ်ခံစားရတဲ့ အပြုသဘောဆောင်တဲ့ တွန်းအားတစ်ခုဖြစ်ပါတယ်။ ကိုယ့်ရဲ့အားသာချက်တွေကို အာရုံစိုက်ခြင်းက ကိုယ့်ရဲ့ယုံကြည်မှုကို မြှင့်တင်ပေးနိုင်ပါတယ်။ ယုံကြည်မှု ခိုင်မာစေဖို့အတွက်ကိုယ့်ရဲ့ စိန်ခေါ်မှု‌ေတဤကို ကိုင်တွယ်ဖြေရှင်းဖို့ ကိုယ်လုပ်ဆောင်နိုင်တဲ့ ခိုင်မာသောလုပ်ဆောင်မှုတစ်ခုကို ချရေးပါ။ ဒီလုပ်ဆောင်ချက်ကို ဦးတည်တဲ့ခြေလှမ်းဟာ ကိုယ့်ရဲ့အသစ်တွေ့ရှိတဲ့ ယုံကြည်မှုကို အားဖြည့်ပေးပြီးကိုယ့်ကို ရှေ့သို့တွန်းပို့ပေးမှာပဲဖြစ်ပါတယ်။

❗ ABCDE of Resilience ဟာ တစ်ကြိမ်တည်း ပြုပြင်မှုမဟုတ်ပေမယ့်လည်း အားကောင်းတဲ့ ကွင်းဆက်တစ်ခုဖြစ်ပါတယ်။ ဒီအဆင့်များ‌ေတွကို တစိုက်မတ်မတ် ကျင့်သုံးမယ်ဆိုရင် ကျွန်မတို့ဟာ ခွဲခြားသတ်မှတ်ရန်၊ စိန်ခေါ်မှုနှင့် အထောက်အကူမပြုသော တွေးခေါ်မှုပုံစံများကို ပြောင်းလဲရန် သင်ယူနိုင်ပြီး၊ နောက်ဆုံးတွင် ကိုယ့်ဘဝလမ်းစဉ်ကို မကောင်းဘက်သို့တွန်းပို့နေသည့် ဘယ်အရာကိုမဆို ပြန်လည်တွန်းလှန်နိုင်မှာပဲဖြစ်ပါတယ်။ ဆိုတော့ အခုကစပြီး အပေါ်မှာပြောသွားနဲ့နည်းလမ်းတွေကိုအသုံးပြုပြီး ကိုယ့်ကိုယ်ကိုဒီထက်ပိုတော်ပြီး ပိုထက်မြက်တဲ့လူတစ်ယောက်ဖြစ်အောင် ကြိုးစားကြပါစို့လို့ တိုက်တွန်းလိုက်ပါရစေရှင့်။

👉Facebook - https://www.facebook.com/InfinityCreationOfficial
👉YouTube - https://www.youtube.com/
👉Tiktok - https://www.tiktok.com/.0fficial
👉Infinity Library - https://t.me/infinity_library1

22/06/2025

"လွယ်လွယ်နဲ့ခက် ခြင်းကြားမျက်ခွက်" မဖြစ်ရလေအောင် ဒီMethodကို သုံးပါ။👇

Academic studentဖြစ်တဲ့ကျောင်းသားတွေကော ဖြစ်ချင်တဲ့ ကျောင်းသားတွေကော စာလုပ်ဖို့ဆိုရင် အဓိက လိုအပ်တာ မှန်ကန်တဲ့ နည်းလမ်း(method)ပါဘဲ။

ထိထိရောက်ရောက် စာလုပ်နည်း

သင်က ကိုယ့်အကြောင်းကိုယ်လည်း ဂဃနဏသိပြီ၊ စာလည်း တစိုက်မတ်မတ်လုပ်ပြီဆိုရင် နည်းစနစ်မရှိဘဲ ကြိုးစားနေမယ်ဆို အလဟဿ ဖြစ်ဖို့ကလည်း များပါမယ်။

ဒါကြောင့် စာလုပ်မယ်ဆိုရင် Eisenhower Matrix နဲ့ လျှောက်လှမ်းလိုက်ပါ။

Eisenhower Matrix 🔱

ဒီMethodမှာဆိုရင် အရေးကြီးတာနဲ့ အရေးမကြီးတာ ဆိုပြီး နှစ်ပိုင်းခွဲပြီး Plan တွေ ချနိုင်ပါတယ်။ ဒီနှစ်ပိုင်းကိုမှ Urgent ဖြစ်တာနဲ့ Urgent မဖြစ်တာဆိုပြီး ထပ်ခွဲပါသေးတယ်။

---> အရေးကြီးပြီး Urgent ဖြစ်တာလည်း ရှိသလို Urgent မဖြစ်တာလည်း ရှိပါတယ်။
---> အရေးမကြီးဘဲ Urgent ဖြစ်တာလည်း ရှိသလို Urgent မဖြစ်တာလည်း ရှိပါတယ်။

🔹 Important

1.ချက်ချင်း လုပ်ပါ (DO immediately)
----> Urgent

∆ သင်ကိုယ်တိုင်က ကြိုးစားရတော့မှာဖြစ်တဲ့အတွက် အချိန်မဆွဲပါနဲ့။

∆ ကောက်ခါငင်ကာ ထလုပ်ပါ။

∆ မဟုတ်ရင် ငါဒီလိုမှန်းသိ စောလုပ်ခဲ့ပါတယ်၊ ငါသာ အဲ့အချိန်ကတည်းက လုပ်ခဲ့ရင် အခုdeadlineအမီ ထပ်နိုင်မှာပဲ ဆိုပြီး ဒီလိုမျိုးတွေ နောင်တရပါလိမ့်မယ်။

2. Plan ချပါ၊ ဦးစားပေးပါ။ (Plan and Prioritize)
----> Not Urgent

∆ စာမလုပ်ခင် အရေးကြီးဆုံးလုပ်ရမယ့်ဟာက စပြီး ပေါ့ပေါ့ပါးပါးလုပ်လို့ရမယ့်ဟာအထိ အစဉ်လိုက် Planဆွဲပါ။ ပြီးရင် အဲ့အတိုင်းသာ တန်းစီလုပ်သွားပါ။

∆ ပလန်မရှိဘဲ လုပ်မိရင်တော့ ‌ပဲ့တက်မပါတဲ့ လှေလိုပဲ ရောက်ချင်တဲ့နေရာရောက်ပြီး ဦးတည်ချက်လည်း မရှိ ဖြစ်နေပါလိမ့်မယ်။ ဘာဆက်လုပ်ရမလဲ တွေဝေနေရပြီး အချိန်လည်း လေပါတယ်။

∆ ဒါကြောင့် မဖြစ်မနေ Planဆွဲပါ။

🔹Not Important

1. အရေးမကြီးရင် .... ၊ အရေးကြီးရရင်....(Delegate for completion)
----> Urgent

∆ အဓိက နဲ့ သာမည ကိုခွဲတတ်ပြီး လုပ်မယ်ဆိုရင် အလုပ်ကပြီးမြောက်လွယ်ပါတယ်။
∆ အရေးကြီးတာကို ကြီးတာလို လုပ်ပါ။ အရေးမကြီးတာဆို ဘေးဖယ်ထားပါ။

ဥပမာ - သင်က presentation အတွက် အပြောလေ့ကျင့်နေရမယ့်အချိန်မှာ deadline အဝေးကြီးလိုသေးတဲ့ အိမ်စာတွေကို ထိုင်လုပ်နေတာမျိုးတွေ ရှိပါလိမ့်မယ်။

2. ဒီအလုပ်တွေ ဖြတ်ပါ၊ လျှော့ပါ။ (Delete these tasks)
----> Not Urgent

∆ အရေးတကြီးလုပ်ဆောင်ရမယ့် အလုပ်တွေ လုပ်နေတုန်းမှာ တခြားဘယ်အာရုံမှ မလွင့်ပါစေနဲ့။
∆ စာလုပ်နေတုန်း အကုန်muteလုပ်ထားပါ။ သူများတွေကိုရော၊ ကိုယ့်ကိုယ်ကိုယ်ရောပါ။

ဥပမာ - စာမေးပွဲကနီးလာပြီ။ စာတွေက နွှေးရအုံးမယ်။ ဒါမှမဟုတ် Projectအတွက် Deadline အမီကလည်း ထပ်ချင်သေးတယ်၊ အကောင်းဆုံးကလည်း ရေးချင်သေးတယ်။

ဒီလိုမျိုးဆို ကိုယ့်စိတ်ကိုယ် ထိန်းချုပ်နိုင်ပြီး စာလုပ်နေတုန်း ဖုန်းမသုံးမိအောင်၊ သူငယ်ချင်းတွေနဲ့ chatမလုပ်မိအောင်၊ ရည်းစားနဲ့ ဖုန်းမပြောဖြစ်အောင်၊ အိမ်ကလူတွေနဲ့ ရောနှောပြီး အတင်းတုတ်စကားမပြောဖြစ်အောင် အစရှိသဖြင့် ဒီလိုအလုပ်မျိုးတွေကို ရှောင်ပါ၊ ဖြတ်ပါ။

ဒါတွေက သင့်ရဲ့ အောင်မြင်မှုပန်းတိုင်ကို နှောင့်နှေးကြန့်ကြာစေတဲ့ အဖြတ်သဘောတွေပါဘဲ။

Effects...👀

ဒီ Method သုံးပြီးသာ စာပုံမှန်လုပ်ဖြစ်သွားမယ်ဆိုရင် တကယ်လည်း အလုပ်ပြီးသလို အလုပ်တကယ်လုပ်ရာလည်း မြောက်ပါမယ်။ အချိန်နှောင့်နှေးတာ၊ လုပ်ဖို့ tasks တွေ ကျန်သွားတာ၊ deadline မမီတာတွေလည်း မစိုးရိမ်ရတော့ပါဘူး။

ဒီတော့ ကျွန်မတို့ Infinity Creation က စာသေချာလုပ်ချင်တဲ့ကျောင်းသားတွေအတွက် ဒီ Methodလေး sharingပေးလိုက်ပါတယ်။ ‌🪅

ဒီလို ဗဟုသုတရပြီး အကျိုးရှိစေမယ့် အကြောင်းအရာတွေကိုဖတ်ချင်ရင်တော့ IC ရဲ့ Social Media channels တွေ အားလုံးကို subscribe လုပ်ထားလိုက်တော့နော်။ ကျောင်းသားကျောင်းသူအားလုံး Eisenhower Matrix နဲ့ စာလိုက်နိုင်ကြပါစေရှင်။ 🎊

👉Facebook - https://www.facebook.com/InfinityCreationOfficial
👉YouTube - https://www.youtube.com/
👉Tiktok - https://www.tiktok.com/.0fficial
👉Infinity Library - https://t.me/infinity_library1

Adresse

Democratic Republic Of The

Site Web

https://t.me/ICteam_TG

Notifications

Soyez le premier à savoir et laissez-nous vous envoyer un courriel lorsque DREAM publie des nouvelles et des promotions. Votre adresse e-mail ne sera pas utilisée à d'autres fins, et vous pouvez vous désabonner à tout moment.

Raccourcis

Type

Créateur de vidéos