28/05/2025
#رسائلكم...
انا باغية نعترف بخطيئة درتها وندمت عليها بزاف كنا نقراو فالجامعة تاع وهران تعرفت على وحدة من مستغانم كانت تقرا ألمانية الطفلة هذي كانت بنت فاميلة تاع الصح كانت من شومبرة متخرجش إلا اذا راحت للجامعة كانت انسانة طيبة ومحبوبة تقريبا اكل كانو يبغوها جاية تضحك بزاف الشي لي كان يميزها. وكانت نية بزاف والله نيتها جامي شفت كيفها تبغي من قلبها ولي في قلبها على لسانها ومتبخلش عليا لي كانت تخصني تمدلي كي يكون عندها كنت جارتها فلسيتي ف 3إيطاج .. جا نهار شافتني ن...ز.....ط.....ل....فالدروج كنت هاودة ضرك عرفتني تاع مليو كي شافتني هكا جبدت روحها عليا خافت يل كاش منعمللها أي وحدة تخاف في بلاصتها ولات السلام متقولهاليش وباب الشومبرة متفتحوش كي نطبطب عليها وتكون لداخل وحد النهار خرجت ليا وقاتلي اختي مذابيك متعاوديش تجي عندي بسكو انا منتبعش الشكيل ومخصنيش مشاكل انا هنا جيت نقرا مشي نلعب البنت خافت على روحها من حقها خافت نزكر فيها يقلك الصاحب ساحب ثم انا غاضتني نفسي وحلفت فيها ممكن هي مدتهاش على محمل الجد من هنا بدات الحكاية غرني الشيطان وسحرتها قلت كما كرهتني نكرها في حياتها ومنخليلها ولا واحد يبغيها وتتكل عليه في هاذ الدنيا حتى مع دارهم ووصلت لهدفي كانت وحدة تجيبلي قاع خبارها...لي يقلك الصحبات معروفين بالغدر مكذبش حتى ويل راني كيفهم كما كان الحال كنت نعرف وحدة م...ش...ع...و...ذ....ة أيا خدمت خدمتي وقتلها اعمليلها للهم والمشاكل ميفارقوهاش حياتها طول وخليها وحيدة وتبقا تبع كي الك..ل...... مكان لي يعزها مكان لي يبغيها ولي يبغيها ماتبغيه ولي تبغيه مايبغيها وتبقى رخيسة كالنعالة فاتو يامات صراولها مشاكل وتخلطت امورها هنا الفرحة العظمى درت انجاز
المهم من ثم وأنا وراها .. ونهار قريساوها كانت عندي يد فيها غير ربي سترها وقاع لي صرالها في حياتها كنت انا السبة المشاكل لي في حياتها ونقلها اي حاجة تعكستلك ونكرهتي سبابك انا كملت قرايتها وتخرجت بقات الغصة والحقد في قلبي على النشعة لي نشعتني ودابزتني وقالتهالي في وجهي بلا خوف وانا مكاش لي يتجرأ ويدابزني البنات كانوا يخافو مني هي مكانش علبالها واش نخدم وبقيت متبعة قاع اخبارها وكنت علبالي بكلش كبيرة وصغيرة بسكو هي كانت اي حاجة تحكيها وانا اي حاجة كانت توصلني وكنت نخدم خدمتي باه متريحش وتتهنى وتعيش حياتها كما يلزم الحال وكنت كل مرة نجددلها السحر باه تبقى مبلعة في وجها حتى لجويلية لي فات تاع 2024سمعت بلي كاين الجديد عندها زدت خدمت خدمتي وعطلتلها كلش وحلفت ما تفرح في حياتها كنت على علم بكلش (قاع لي صرا بينك وبين لي كنتي باغياته نقلك انا السبة 💔😭 انا لفرقتكم بالسحر ) والله وأمام الله وعباده غير راني ندمانة اشد الندم عالم بيه ربي سبحانو 😭...كي لحق اكتوبر انقطعو خبارها بقيت كل مرة نجدد السحر ايا كي ملقيتش قاع حل باه تزيد تتفضح وتنكره طلعت منشور بغرض الفضيحة ومن ثم نعرف كفاش راهي باه نزيد نخدم خدمت الشيطان أيا المرة هذي عاودت جددتلها السحر بصح معقد أكثر المرة هذي خدمتو عند وحدة بشارية قتلها ديرهلي باه تهبل ولا تهرب ولا تنتحر😥 ...وضرك كتشفت بليك عندي سرطان فالمرحلة الثالثة وراني على فراش الموت وكي عرفت الموت قرب بغيت نطلب السماح قبل ما نروح من هاذ الدنيا اسمحيلي والله ما أذيتيني غير بيا االغيرة وبقيت ننتقم منك على الدبزة كنتي انسانة مشاء الله وانا ديجا مبقالي والو اهلي ماتو تزوجت وطلقت وخسرت ولادي فكرشي وبقيت وحيدة 😭😭😭... والله غير ندمت نطلب منك السماح قدام أمة محمد اسمحيلي 😭😭
معرفتش منبعد ماعاودت سحرتها يل راهي حية ولا ماتت ولا ماتت💔 انا سبابها الغيرة والحقد عماوني
اسمحيلي سمحيلي
انا سبابها قلولها تسمحلي 😭😭💔 وصلو المساج تروح ترقي اذا مزالت حية على الاقل الله عز وجل يخفف عليا العذاب
منقول
