22/06/2025
#پشتون 🕊️📢
سوال یہ نہیں کہ طالبان ٹھیک ہیں یا آرمی… سوال یہ ہے کہ لاش ہمیشہ پشتون کی کیوں اٹھتی ہے؟
ایک طرف پاکستان آرمی ہے، دوسری طرف طالبان — لیکن قربانی صرف اور صرف بے گناہ عوام اور پشتون قوم کی دی جا رہی ہے۔
مجھے تو آج تک یہ بھی سمجھ نہیں آیا کہ اس ملک کا اصل خیرخواہ کون ہے؟ کون واقعی پاکستان کو ایک اسلامی جمہوری ریاست بنانے کا خواہاں ہے؟
لیکن اصل سوال یہ ہے کہ کیا یہ جنگ — ریاست اور طالبان کی — صرف پشتون علاقوں تک محدود ہے؟
کیا اسلام نافذ کرنا صرف پشتونوں کی ذمہ داری ہے؟
کیوں ہمیشہ تابوت وزیرستان، لکی مروت یا باجوڑ جاتا ہے؟
کیوں نہ یہ تابوت پنجاب، سندھ یا کسی اور صوبے کا ہوتا ہے؟
جب فوج یا طالبان کا کوئی بندہ مارا جاتا ہے، تو جنازہ ہمارے گھروں میں آتا ہے۔
مائیں ہمارے علاقے میں بین کرتی ہیں، بہنیں یتیم ہوتی ہیں، اور باپ بیٹے کے غم میں ٹوٹ جاتے ہیں۔
ہمیں گلہ ریاست سے نہیں، ہمیں گلہ اپنے اُن پشتون نوجوانوں سے ہے جو کسی کے مفاد کی جنگ میں لڑ کر اپنی ہی قوم کو زمین بوس کرتے ہیں۔
وہ جو کسی کے اشارے پر بندوق اٹھاتے ہیں اور پیچھے صرف لاشیں، آنسو اور خاموش قبریں چھوڑ جاتے ہیں۔
ہماری فریاد اپنی قوم سے ہے — ہوش کرو، سوچو، اور پہچانو دشمن کون ہے؟
اگر آپ اس پر خاموش رہے، تو سوال آپ کے ایمان پر بھی ہے۔
کیونکہ سچ بولنا اور ظالم کے خلاف کھڑا ہونا، ایمان کا تقاضا ہے۔. خپل گران لکیــــمروت
