22/05/2025
Sadio Mané: “Waxaan xasuustaa maalintii ugu horreysay ee aan imid Faransiiska si aan u maro tijaabooyinka uguna saxiixo heshiis kooxda FC Metz. Waxay rabeen inaan isla maalintaas tababar la qaato kooxda, balse macallinka ayaa ii yimid iguna yiri: ‘Gurigaaga iska joog maanta.’ Telefoonkeygana ma lahayn lacag aan ku waco hooyaday si aan ugu sheego inaan Faransiiska joogo.
“Maalintii xigtay, waxaan la aaday saaxiibadayda oo iiga horeeyay oo joogay Metz si aan u iibsano kaarar, markaas ayaan wacay hooyaday oo waxaan iri: ‘Hooyo waan ku salaamay, waxaan joogaa Faransiiska.’ Waxay igu tiri: ‘Maxay tahay, Faransiiskee?’ Ma aysan rumeysan! Waxaan iri: ‘Faransiiska Yurub.’ Waxay igu tiri: ‘Maxaad ka waddaa Yurub? Adigu waxaad ku nooshahay Senegal, waxaadna la joogtay adeerkaa.’ Waxaan markaas iri: ‘Haa, laakiin hadda waxaan joogaa Yurub.’
“Way yaabtay! Si aad ah ayay ula yaabtay maalinkastana way isoo wici jirtay si ay u hubiso inaan runtii joogo Faransiiska. Ma aysan i rumeysan ilaa aan u sheegay in ay daawato TV-ga si ay iiga aragto, Markaas ayay ugu dambeyn fahantay in riyadaydii ay rumoowday.”
