Voice of Law

19/06/2025

گلگت بلتستان ہیڈکوارٹرز بار ضلع گلگت کے انتخابات،فرزند استور وزیر مظہر حسین ایڈووکیٹ نے میدان مار لیا۔چھ ووٹوں کی برتری سے ینگ لائر مسٹر نصر من اللہ ایڈوکیٹ کو شکست دی اور گلگت بلتستان ہیڈکوارٹرز بار کے صدر منتخب ہوگئے۔سیکرٹری جنرل کی نشست کے لیے نوجوان وکیل مسٹر اکرام اللہ ایڈووکیٹ منتخب،گلگت بلتستان کی پہلی خاتون امیدوار وکیل محترمہ عاشی بتول ایڈووکیٹ کو شکست کا سامنا۔الیکشن بورڈ کے چیئرمین مسٹر امان علی شاہ ایڈووکیٹ نے وائس آف لا کو بتایا کہ آج مورخہ 19 جون 2025 کو ڈسٹرکٹ بار گلگت کے سالانہ الیکشن پروسیس صبح دس بجے شروع ہوکر سہ پہر تین بجے تک جاری رہا۔رزلٹ کمپائل کرکے پانچ بجے الیکشن بورڈ نے نتائج کا اعلان کردیا۔الیکشن بورڈ آفس ہیڈکوارٹرز بار ضلع گلگت سے جاری ان آفیشل رزلٹ کے مطابق صدارتی امیدوار مسٹر نصرمن اللّٰہ ایڈوکیٹ نے 159 ،وزیر مظہر حسین ایڈووکیٹ نے 166 ووٹ حاصل کئے۔اُمیدوارجنرل سیکرٹری مسٹر اکرام اللہ دیدار ایڈووکیٹ نے 168 اور محترمہ عاشی بتول ایڈووکیٹ نے 157 ووٹ حاصل کئے۔اس تناسب سے استور ڈسٹرکٹ کے گلگت میں پریکٹسنگ لائر وزیر مظہر حسین ایڈووکیٹ صدر اور وادی شہداء ضلع غذر کے فرزند مسٹر اکرام اللہ دیدارایڈووکیٹ نے 168 ووٹ حاصل کرکے گلگت بلتستان ہیڈکوارٹرز بار ڈسٹرکٹ گلگت کے سیکرٹری جنرل منتخب ہو گئے۔باخبر ذرائع کے مطابق گلگت بار ایسوسی ایشن کے انتخابات ہائی کورٹ بار کے انتخابات سے قدرے مختلف رہے اور صدارتی امیدوار مسٹر نصر من اللہ اور وزیر مظہر حسین ایڈووکیٹس کی مثالی کمپین بار میں زیرِ بحث رہی اور یقیناً آئندہ کے بار انتخابات میں یہ نظیر وکلاء برادری کے لیے مشعل راہ ثابت ہوگی۔واضح رہے ہر دو صدارتی امیدواران کو کمپین کے دوران مل جل کر پیار محبت کو بانٹتے دیکھا اور اس ضمن میں کئی تصاویر اور ویڈیوز سوشل میڈیا پر وائرل ہوگئیں۔دریں اثنا الیکشن مہم کے اختتام پر تمام امیدوار آپس میں بغلگیر ہوئے اور بار کی بہتری کے لیے مل کر کام کرنے کا اعادہ کیا گیا۔بار کے اندرونی معاملات پر گہری نظر رکھنے والے گلگت سٹی کے ایک بزرگ وکیل نے نام نہ بتانے کی شرط پر ہمیں بتایا کہ مملکت خداداد اسلامی جمہوریہ پاکستان کی جانب سے نشان حیدر پانے والا منفرد ضلع غذر کے تین سپوتوں کو تاریخ میں پہلی بار بالترتیب سیکرٹری جنرل ہائی کورٹ بار ،سیکرٹری جنرل گلگت بار ،سینئر نائب صدر گلگت بلتستان ہیڈکوارٹرز بار ایسوسی ایشن کے اہم عہدے مل گئے ہیں۔وائس آف لا گلگت بلتستان

18/06/2025

گلگت بلتستان ہائی کورٹ بار سال 2025-26 کے انتخابات مکمل،وکلا کاز کے لیے اصولی موقف رکھنے والے پروفیشنل وکیل مسٹر ظفر اقبال بیگ ایڈووکیٹ صدر اور نوجوان وکیل مسٹر اسلام الدین ایڈووکیٹ سیکرٹری جنرل گلگت بلتستان ہائی کورٹ بار منتخب۔آفیشل نوٹیفکیشن 20 جون کو جاری ہوگا۔سردست الیکشن بورڈ آفس ہائی کورٹ بار سے جاری اعلامیے کے مطابق انتخابی عمل میں چار صدارتی امیدوار میدان میں اترے اور دو وکلاء کے مابین سیکرٹری جنرل کے عہدے پر باقاعدہ انتخاب مکمل ہوا۔الیکشن بورڈ جی بی سی سی سے جاری ان آفیشل رزلٹ کے مطابق بالترتیب مسٹر عارف نزیر ایڈووکیٹ نے 57، مسٹر محمد کامران خان ایڈووکیٹ نے88، مسٹر ندیم احمد ایڈووکیٹ نے155اور مسٹر ظفر اقبال بیگ ایڈووکیٹ نے 167ووٹ حاصل کئے۔اس تناسب سے مسٹر ظفر اقبال بیگ ایڈووکیٹ 12 ووٹوں کی برتری سے صدارتی انتخاب جیت گئے۔ہائی کورٹ بار الیکشن اوبزور نے اس سال کے انتخابات کو مجموعی طور پر خوش گوار اور ماحول دوست قرار دیا۔مجموعی طور پر ووٹ کا ٹرن آؤٹ سابق ادوار سے کم رہا۔انتخابی مہم کے دوران نوجوان وکلاء میں سلیقہ مند گہما گہمی دیکھنے کو ملی اور جون کی تپتی دھوپ بھی وکلاء کے جذبات کو کم نہ کرسکی۔دوسری جانب سینئر وکلاء گلگت بلتستان ہیڈکوارٹرز بار کمپلیکس میں گرمی کی شدت کے باوجود بار سیٹنگ ایریا میں موجود رہے تاہم مجموعی پروٹوکول کی کمی کے پیش نظر گزرے سال کے برعکس بزرگ وکلاء کو بار روم میں خوش گپیوں میں مصروف ہوتے ہوئے کم دیکھا گیا۔الیکشن انتظامات قدرے بہتر اور الیکشن بورڈ کی جانب سے سہولیات کی فراہمی میں کمی دیکھی گئی۔انتخابی مہم میں سینکڑوں وکلاء صبح دس بجے سے شام پانچ بجے تک گلگت بلتستان کے مختلف اضلاع بشمول ہیڈکوارٹرز بار ضلع گلگت میں موجود رہے۔وائس آف لا گلگت بلتستان مصدقہ ذرائع کے مطابق پرنسپل سیٹ ہائی کورٹ بار کمپلیکس کنوداس گلگت میں صحافی ،انٹرنل سیکورٹی کے نمائندے ،ایک سب انسپکٹر کی سربراہی میں بیس سے بائیس پولیس نفر اپنی فرائض منصبی نبھانے میں مصروف رہے۔مختلف خبررساں اداروں کے درجن سے زائد افراد ،وکلا سالانہ فیس کلیکشن کے لیے متعلقہ بنک اور جی بی بار کونسل کا عملہ ہنگامی کاؤنٹرز پر کام کرتے ہوئے دیکھائی دیئے۔دریں اثنا وکلا معیار کے مطابق ہائی کورٹ بار بلڈنگ میں انتخابی مہم کے لیے جگہ کم پڑنے سے سینئر وکلاء کو کافی مشکلات کا سامنا رہا تاہم وکلاء اتحاد نے اس کمی کو دور کرنے میں مثبت کردار ادا کیا۔انتخابی عمل کی تکمیل کے بعد نو منتخب صدر مسٹر ظفر اقبال بیگ ایڈووکیٹ نے الیکشن پراسیس میں حصہ لینے والے وکلاء کا شکریہ ادا کرتے ہوئے کہا کہ انشاللہ ہم گلگت بلتستان بار کو ایک مثالی بار بنائیں گے اور اس ضمن میں ہم وکلاء برادری بالخصوص نوجوان وکلاء کو درپیش مسائل کی فوری حل کے لیے ترجیحی بنیادوں پر کام کریں گے۔اس موقع پر نومنتخب سیکرٹری جنرل گلگت بلتستان ہائی کورٹ بار مسٹر اسلام الدین ایڈووکیٹ اور دیگر وکلاء راہنماؤں نے بھی خطاب کیا۔وائس آف لا گلگت بلتستان۔

16/06/2025

گلگت بار کے لیے امیدوار برائے سیکرٹری جنرل مسٹر اکرام اللہ دیدار ایڈووکیٹ نے کہا ہے کہ انتخابات میں کامیابی کے بعد وکلاء ویلفیئر اور قانون کی بالادستی کے لیے کام کروں گا۔سول ججز/جوڈیشل مجسٹریٹس کی پوسٹوں پر نوجوان اہل وکلاء کی تعیناتی کے لیے کابینہ کے ساتھ مل کر بھرپور کوشش کی جائے گی۔انہوں نے بار بلڈنگ کی تزئین و آرائش میں ماندہ کام کی تکمیل کے لیے بھی اپنی خدمات پیش کرنے کا وعدہ کیا ہے۔اپنے پیغام میں انہوں نے وکلاء برادری سے تعاون کی اپیل کی ہے۔وائس آف لا گلگت بلتستان

16/06/2025

16/06/2025

16/06/2025

نوجوان وکلاء میں شائستہ گفتگو کے ماہر وکیل مسٹر نصر من اللہ ایڈووکیٹ امیدوار برائے گلگت بلتستان ہیڈکوارٹرز بار ضلع گلگت نے وکلاء برادری کو اولین ترجیح دیتے ہوئے کہا کہ منتخب ہونے کے بعد وکلاء کی ہرممکن خدمت کروں گا اور حکومت سے وکلاء کے لیے انکے حقوق دلانے میں بھرپور کردار ادا کروں گا۔انہوں نے مزید کہا کہ ضلع گلگت کو ہیڈکوارٹرز بار کا اعزاز حاصل ہے۔اس ضمن میں گلگت بار کو اسکا اصل مقام دلانے میں کابینہ کے ساتھ مل کر جدوجھد کو تیز کریں گے۔نئے انرول وکلاء کے مسائل کا حل میری اولین ترجیح ہوگی اور موجودہ صورتحال کو مدنظر رکھتے ہوئے بار بینچ اور حکومت کے مابین تعلقات کو بہتر بنانے کیلئے بہترین حکمت عملی مرتب کیا جائے گا۔
وائس آف لا گلگت بلتستان

16/06/2025

Heartfelt Congratulations.
Mr.Waqas Ahmed Advocate Unopposed Elected as Secretary Information High Court Bar Association GB.2025-26.
Regards/Voice of Law Gilgit Baltistan

13/06/2025

آج مورخہ 13 جون کو ضلع گلگت بار الیکشن بورڈ کے دفتر میں امیدوار برائے صدر جی بی ہیڈکوارٹرز بار ضلع گلگت وزیر مظہر حسین ایڈووکیٹ نے انتخابات سال 2025.26 کے لیے اپنی کاغذات نامزدگی جمع کرادی۔اس موقع پر وزیر مظہر حسین ایڈووکیٹ نے وائس آف لا گلگت بلتستان* سے گفتگو کرتے ہوئے آمادہ الیکشن میں کامیابی کے بعد وکلاء برادری کے لیے اپنی خدمات احسن طریقے سے پیش کرنے کا اعادہ کیا۔دریں اثنا چیئرمین الیکشن بورڈ مسٹر آمان علی شاہ ایڈووکیٹ نے بتایا کہ کل کاغذات کی جانچ پڑتال کا آخری دن ہے اور اس ضمن میں امیدوران اپنی اعتراضات کے ساتھ الیکشن بورڈ کے سامنے حاضر ہونگے تاکہ کل شام تین بجے کے بعد حتمی فہرستیں آویزاں کی جائیں گی۔ایک سوال کے جواب میں انہوں نے کہا کہ جانچ پڑتال کے دوران متعلقہ امیدوار کا بورڈ کے سامنے حاضر آنا لازمی ہے تاہم مقررہ وقت گزرنے کے بعد کوئی اعتراض قابل قبول نہیں ہوگا۔ وائس آف لا گلگت بلتستان

13/06/2025

گلگت(تحقیقاتی رپورٹ)
گزشتہ کل سے مبینہ طور پر ایک مخصوص مائنڈ سیٹ کے تحت سوشل میڈیا پر اشکومن قرمبر روڈ کے حوالے سے ایک نہ رکنے والا تنقیدی سلسلہ ہنوز جاری ہے۔اس ضمن میں وائس آف لا گلگت بلتستان کی تحقیقاتی ٹیم نے ایک رپورٹ مرتب کرکے یہ واضح کیا کہ س حکومت پاکستان نے سال 2023 میں حسب ضابطہ(پیپرا رولز)اشکومن قرمبر روڈ کا ٹینڈر جاری کرنے کے لیے متعلقہ محکمے کو ہدایات جاری کردیں جس کے بعد محکمہ بلڈنگ اینڈ روڑز نے کٹیگریز میں شامل والی کنسٹرکشن فرمز اور ٹھیکدار برادری کو ٹینڈر کے لیے بذریعہ اشتہار دعوت دی اور اس حوالے سے کم و بیش سیکنڑوں فرمز میں سے پانچ کنسٹرکشن کمپنیز کو شارٹ لسٹ کیا گیا۔اور اس فیصلےکو دیگر کنٹریکٹرز نے اپنی حق تلفی سمجھتے ہوئے بطور متاثرین جی آر سی(گریونسس ریڈیسل کمیٹی)کے سامنے چلینج کیا تو متعلقہ جی آر سی نے ٹینڈر دوبارہ جاری کرنے کا فیصلہ صادرکیا۔دریں اثنا اسی فیصلے کو ابتدائی طور پر شارٹ لسٹڑ کمپنیز نے اپنی حق تلفی گردان کر عدالت عالیہ گلگت بلتستان سے رجوع کیا اور اس ضمن میں عدالت عالیہ نے سال 2023 کے اوائل میں ایک رٹ پٹیشن کے ساتھ منسلک درخواست برائے حکم امتناعی پر تحت ضابطہ اسٹے آرڈر جاری کردیا۔اس وجہ سے متعلقہ پروجیکٹ پر مامور کنسٹرکشن کمپنیز کو روڈ کا کام شروع کرنے سے قبل قانونی طور پر رکنا پڑا۔عدالت عالیہ سے جاری مصدقہ حکمنامے کے مطابق بعد ازاں مورخہ 15 اپریل 2025 کو متعلقہ رٹ پٹیشن نمبری 600/2023 بشمول درخواست حکم امتناعی 1223/23 عدم حاضری(نان پراسکیوشن)کی بنیاد پر معزز عدالت نے خارج کردیا۔مصدقہ ذرائع کے مطابق عدالت عالیہ نے تحت ضابطہ گزشتہ کل متعلقہ کیس پر مامور نوجوان وکیل مسٹر اسلام الدین ایڈووکیٹ جو کہ بنیادی طور پر پاکستان پیپلز پارٹی کے ایک فعال رکن اور ضلع غذر حلقہ 3 سے اسمبلی کے امیدوار ہیں ان کی استدعا پر ایک حکمنامہ مصدقہ محررہ 11.06.2025 273/25 کے تحت ڈسمسل آرڈر کو سیٹ ایسائڈ کیا اور مبلغ 5000 روپے کی جرمانے کے ساتھ سابق رٹ پٹیشن نمبری 600/23 کو اسکی اصل حالت میں بحال کردیا۔جو کہ قانون اور ضوابط کے عین مطابق ہے۔دوسری جانب گزشتہ کل سےمعروف قوم پرست جماعت بالاورستان نیشنل فرنٹ کے سربراہ اور متعلقہ اسکیم ممبر حلقہ 1 مسٹر نواز خان ناجی،انکے چاہنے والے اور غذر ون سے سیاسی پنج آزمائی کے شوقین دیگر افراد نے باوجود کورٹ آرڈر(حکم امتناعی)کو تحت ضابطہ عدالت اعظمٰی سے ختم کرانے کی قانونی راستے کو سائڈ لائن کرکے سوشل میڈیا پر معزز عدالتوں کی توہین اور علاقے کے دیگر شریف لوگوں کی پگڑی اچھالنے میں مصروف دیکھائی دیئے۔انسانیت نواز حلقوں کے مطابق نہ صرف اشکومن قرمبر روڈ بلکہ گلگت بلتستان میں دیگر ترقیاتی منصوبوں پر کام تندہی سے جاری رہنا چاہیے تاہم سیاسی مبصرین کا یہ کہنا ہے کہ ماضی میں گلگت بلتستان کے جنرل الیکشن کے قریب ترین دورانیے میں ایسے پروجیکٹس کو بطور سیاسی ہتھیار استعمال کیا جاتا رہا ہے اور یقیناً یہ اس سلسلے کی ایک کڑی ہے۔اس ضمن میں ہماری تحقیقاتی ٹیم نے متعلقہ ممبر اسمبلی حلقہ 1 سے رابط کرنے کی کوشش کی تاہم موصوف کا فون پر رابط نہ ہوسکا۔سیاسی ناقدین اور سوشل میڈیا پر وائرل خبروں کے مطابق اس اہم "پروجیکٹ کو ریجکٹ" کروانے میں پاکستان پیپلز پارٹی کی صوبائی قیادت ،غذر سے پی پی کے ضلعی صدر اور ابھرتا ہوا نوجوان وکیل مسٹر اسلام الدین ایڈووکیٹ کو مورد الزام ٹھہرایا جارہا ہے۔اس حوالے سے موقف جاننے کے لیے وائس آف لا گلگت بلتستان نے جی بی کی ممتاز شخصیت اور پاکستان پیپلز پارٹی کی قیادت سید جلال علی شاہ امیدوار برائے قانون ساز اسمبلی گلگت بلتستان 19 غذر 1 سے جانکاری کے لیے رابط کیا تو انہوں نے بتایا کہ وہ نہ صرف اس پروجیکٹ سے باخبر ہیں بلکہ انہوں نے حلقے کے علاوہ گلگت بلتستان کے لیے قواعد و ضوابط کے تحت ترقیاتی کاموں میں وفاقی سطح پر توجہ مرکوز کیے ہوئے ہیں۔انکا کہنا تھا کہ چند ناعاقبت اندیش عناصر پروجیکٹ کےاصل حقائق اور قانونی معاملات کی پرکھ کو سمجھے بغیر اشکومن قرمبر روڈ کی تعمیر میں حائل رکاوٹ پاکستان پیپلز پارٹی اور بالخصوص مجھ سے یہ کہانی منسوب کیا جارہا ہے۔جبکہ حقائق اس کے بالکل برعکس ہیں۔ایک سوال کے جواب میں انہوں نے کہا کہ میں نے گزشتہ کل سوشل میڈیا پر اس حوالے سے اپنا دو ٹوک موقف دیا ہے اور سوشل میڈیا کے ذریعے رابط کرنے پر حلقے کے پڑھے لکھے نوجوانوں کو بھی وضاحت دی ہے۔اب باوجود اس کے کوئی سیاسی حریف قصداً اس منصوبے کی تعمیر میں میری پارٹی یا مجھے رکاوٹ سمجھتا ہے تو یہ انکی سیاسی بدنیتی ہے اور ایسے سیاسی بدخواہوں کا علاج حلقے کے عوام کے پاس موجود ہے۔ضمنا کہا کہ میں سیاسی تشہیر سے زیادہ عملی کام پر یقین رکھتا ہوں اور میں چوبیس گھنٹے تین سو پینسٹھ دن عوام کے لیے وقف ہوں۔عوام کی آگاہی کے لئے یہ بتانا ضروری ہوگیا ہے کہ گزشتہ پانچ سالوں میں اسمبلی کا ممبر نہ ہونے کے باوجود میں نے وفاق سے اپنی اثرورسوخ اور سیاسی جد وجہد کے ذریعے درجنوں ترقیاتی منصوبوں پر کام کیا اور الحمدللہ یہ سلسلہ جاری ہے۔ایک اور سوال کے جواب میں انہوں نے بتایا کہ ہر سیاسی جماعت میں مختلف پروفشنل لوگ موجود ہوتے ہیں اور وہ اپنی پروفیشن کے حساب سے فرائض منصبی پر مامور رہتے ہیں۔اگر ایک وکیل صاحب جسکا تعلق پاکستان پیپلز پارٹی سے ہے اور وہ کسی کیس میں میرے مخالف سائڈ سے عدالتی معاونت کے لیے کھڑا ہوتا ہے تو یہ اسکا حق اور پروفیشنل کنڈٹ ہے میں اس بارے متعلقہ وکیل کو قانونی طور پر نہیں روک سکتا۔ہاں جہاں کہیں عوام کو تکلیف ہوگی وہاں میں پارٹی کو بھی قربان کرنے کو تیار ہوں۔دریں اثنا اس پروجیکٹ کے حوالے سے سوشل میڈیا پر زیر بحث وکیل مسٹر اسلام الدین ایڈووکیٹ امیدوار برائے سیکرٹری جنرل گلگت بلتستان ہائی کورٹ بار سے ایک غیر رسمی نشست کے دوران یہ معلوم ہوا کہ ابتدائی طور پر اس پروجیکٹ میں متعلقہ محکمے کی جانب سے خلاف ضابطہ ٹینڈر جاری کرنے پر انہوں نے اپنے موکلین کے لیے عدالت عالیہ سے قانونی دادرسی مانگی اور معزز عدالت نے اس پر حکم امتناعی جاری کیا تاہم وکلاء ہڑتال کے باعث انکی درخواست بشمول رٹ پٹیشن نمبری 600/23 کو عدم پیروی پر خارج کردیا گیا اور گزشتہ کل انہوں نے ایک درخواست کے تحت متعلقہ مقدمے کو اسکی اصل شکل میں بحال کرتے ہوئے دوبارہ حکم امتناعی حاصل کیا ہے جو کہ کسی بھی متاثر شہری کا حق اور یہ ایک پروفیشنل وکیل کی فرائض منصبی میں شامل ہیں۔دوران گفتگو ایک سوال کے جواب میں مسٹر اسلام الدین ایڈووکیٹ نے کہا کہ پورے پانچ سال عوام کو بیوقوف بنانے والے سیاستدان الیکشن کے دنوں اپنی شہرت اور ووٹ بنک حاصل کرنے کے لیے سیاسی ہتھکنڈے استعمال کرتے ہیں اور اس ضمن میں اشکومن قرمبر روڈ کے حوالے سے واویلا محض ایک پروپیگنڈے کے علاوہ کچھ بھی نہیں۔ایک اور سوال کے جواب میں متعلقہ وکیل نے بتایا کہ مختلف پارٹیوں میں ہر طبقے کے لوگ شامل ہوتے ہیں اگر کوئی ٹھیکدار یا وکیل کسی پارٹی کے ساتھ منسلک ہے تو یہ اسکا جمہوری حق ہے اور دنیا کی کوئی بھی طاقت یہ حق استعمال کرنے سے روک نہیں سکتی۔ وائس آف لا گلگت بلتستان

11/06/2025

گلگت(خصوصی رپورٹ)
گلگت بلتستان میں وکلاء برادری کی الیکشن سرگرمیاں عروج پر،گلگت بار میں خاتون امیدوار محترمہ عرشی بتول ایڈووکیٹ نے الیکشن بورڈ آفس سے سیکرٹری جنرل گلگت بار کے لیے کاغذات حاصل کرلیے۔اس موقع پر متعلقہ امیدوار کے ہمراہ معروف وکیل حاجی اسرار حسین ایڈووکیٹ،سپریم اپیلیٹ کورٹ کی پہلی خاتون وکیل رانی مرضیہ بیگم ایڈووکیٹ،سینئر خاتون وکیل محترمہ حبیبہ اسلم ایڈووکیٹ اور متعدد خواتین وکلاء موجود تھیں۔اس ضمن میں الیکشن بورڈ گلگت بلتستان ہیڈکوارٹرز بار ضلع گلگت کے ممبر مسٹر ولی خان مورکل ایڈووکیٹ نے وائس آف لا گلگت بلتستان سے بات چیت کرتے ہوئے بتایا کہ اب تک دو امیدوران نے صدر،ایک امیدوار نے سیکرٹری مالیات اور دو امیدواران نے جنرل سیکرٹری کے عہدے کے لئے کاغذات حاصل کی ہے تاہم الیکشن شیڈول کے مطابق مورخہ چودہ جون کو کاغذات کی جانچ پڑتال کے بعد حتمی صورت حال واضح ہوگی۔ایک سوال کے جواب میں انہوں نے کہا کہ کاغذات واپس لینے کی تاریخ سترہ جون اور فائنل لسٹیں اٹھارہ تاریخ کو آویزاں کی جائیں گی۔انتخابات 19 جون کو منعقد ہونگے۔دریں اثنا گزشتہ ہفتے الیکشن بورڈ گلگت بلتستان ہیڈکوارٹرز بار ضلع گلگت نے بار الیکشن سال 2025-26 کا اعلان کردیا ہے۔الیکشن بورڈ آفس سے جاری رقعہ ریفرنس نمبری ڈی ای ب میں وضاحت کی گئی ہے کہ مورخہ 31.05.24 کو وائس چیئرمین اور اراکین بار کونسل نے تحت ضابطہ رقعہ نمبری جی بی سی سی ـ1(3)2024 میں نگران صدر گلگت بار کو بااختیار بناکر مورخہ 4.06.2025 کو نوٹیفکیشن نمبری جی بی اے 32/2025 میں گلگت بار کے انتخابات کرانے کے لیے الیکشن بورڈ کا قیام عمل میں لایا ہے اور اس ضمن میں تحت ضابطہ چیئرمین و ممبران الیکشن بورڈ جی بی اے نے مورخہ 10 جون کو سال برائے 2025.26 ڈسٹرکٹ بار ضلع گلگت میں الیکشن کرانے کا اعلان کردیا ہے۔جاری نوٹیفیکشن کے مطابق مورخہ 19 جون صبح دس بجے سے سہ پہر تین بجے تک پولنگ کا دورانیہ ہوگا اور شام چار بجے نتائج جاری کیے جائیں گے۔
وائس آف لا گلگت بلتستان

11/06/2025

(بریکنک نیوز) حکومت وقت کے لیے خطرے کی گھنٹی،گلگت بلتستان کے وکلاء نے جاری ہڑتال کو غیر معینہ مدت تک توسیع دی،17 جون کو اہم اجلاس طلب کرلیا گیا،مطالبات حل نہ ہوئے تو دم دم مست قلندر ہوگا۔وائس چیئرمین جی بی بار کونسل سید ریاض احمد کاظمی کا دو ٹوک موقف۔گلگت بلتستان بار کونسل سے جاری مستند خبرکے مطابق سپریم اپیلیٹ کورٹ بار،ہائی کورٹ بار اور بین اضلاعی بار ایسوسی ایشنز کے نمائندوں پر مشتمل اجلاس آج دوپہر بار کونسل کانفرنس ہال گلگت میں منعقد ہوا۔اجلاس میں حکومت کی عدم توجہی کے باعث وکلاء نمائندوں کی جانب سے سخت احتجاج اور غم و غصہ کا اظہار کیا گیا۔وکلا نے فی الفور مطالبات کو پورا کرنے کے لیے 17 جون کی ڈیڈ لائن دی اور اجلاس میں یہ طے ہوا کہ 12 جون کو وکلاء اہم پریس کانفرنس کریں گے اور اس ضمن میں اہم سیاسی اور مذہبی راہنماؤں سے ملاقاتیں کی جائیں گی۔دریں اثنا حکومت کی طرف سے وکلاء چارٹرڈ آف ڈیمانڈز پر عمل درآمد نہ کرنے کی صورت میں احتجاجی دھرنا دیا جائے گا۔واضح رہے گلگت بلتستان کی وکلاء برادری قانونی مطالبات کی منظوری کے لیے گزشتہ آٹھ ماہ سے ہڑتال پر ہے اور انہوں نے مطالبات کے حق میں حکومت کے خلاف ناد علی چوک پر احتجاجی دھرنا گزشتہ ماہ پاک بھارت کشیدگی کے باعث مؤخر کردیا تھا۔لہذا حکومت وقت کو معاشرے کا اہم طبقہ وکلاء اور اساتذہ کرام کو نظر انداز کرنے والی روش اور بے معنی پالیسی پر غور کرنے کی اشد ضرورت ہے۔وائس آف لا گلگت بلتستان