ສື່ໄວໜຸ່ມ ຜົ້ງສາລີ Phongsaly Youth Media

06/08/2025

ຖະແຫຼງຂ່າວ

ສປປ ລາວ ສະເຫຼີມສະຫຼອງອາທິດສາກົນການລ້ຽງລູກ. ດ້ວຍນົມແມ່ປີ 2025
ດ້ວຍຄຳໝັ້ນສັນຍາໃໝ່ໃນການປົກປ້ອງ ແລະ ສົ່ງເສີມຊ່ວຍແມ່ລ້ຽງລູກດ້ວຍນໍ້ານົມແມ່

ນະຄອນຫຼວງວຽງຈັນ, ວັນທີ 6 ສິງຫາ 2025 – ກະຊວງສາທາລະນະສຸກ ສປປ ລາວ ຮ່ວມມືກັບອົງການ UNICEF, Catholic Relief Services – Laos (CRS) ແລະ Alive & Thrive, ພ້ອມກັບການສະໜັບສະໜູນຈາກສະ ຖານທູດໄອແລນ ແລະ ບັນດາຄູ່ຮ່ວມມືພັດທະນາທີ່ສຳຄັນ, ໄດ້ຈັດພິທີສະເຫຼີມສະຫຼອງອາທິດສາກົນການລ້ຽງລູກດ້ວຍນົມແມ່ 2025 ໃນມື້ນີ້ພາຍໃຕ້ຫົວຂໍ້ “ໃຈັດລຳດັບຄວາມສຳຄັນການລ້ຽງລູກດ້ວຍນົມແມ່: ສ້າງລະບົບສະໜັບສະໜູນແບບຍືນຍົງ.”
ໂອກາດນີ້ ໄດ້ຍົກໃຫ້ເຫັນການລ້ຽງລູກດ້ວຍນົມແມ່ເປັນພື້ນຖານທີ່ສຳຄັນຂອງສຸຂະພາບ ແລະ ການພັດທະນາຂອງເດັກ, ພ້ອມດຽວກັນນັ້ນ ຍັງເນັ້ນໜັກເຖິງຄວາມຈຳເປັນອັນຮີບດ່ວນຂອງການລົງທຶນທີ່ເຂັ້ມແຂງກ່ວາເກົ່າທາງດ້ານນະໂຍບາຍ ແລະ ລະບົບທີ່ສະໜັບສະໜູນແມ່ເພື່ອສຳເລັດໃຫ້ນໍ້ານົມແມ່.
ທ່ານນາງອາພອນ ວິຊາເທບ, ຮອງລັດຖະມົນຕີກະຊວງສາທາລະນະສຸກໄດ້ກ່າວວ່າ: “ການລົງທືນໃສ່ການປົກປ້ອງ ແລະ ສົ່ງເສີມການລ້ຽງລູກດ້ວຍນົມແມ່ແມ່ນການລົງທຶນເພື່ອອະນາຄົດຂອງປະເທດ. ສາມາດຊ່ວຍປັບປຸງສຸຂະພາບເດັກ, ຫຼຸດຜ່ອນຄວາມທຸກຍາກ ແລະ ປົກປັກຮັກສາສິ່ງແວດລ້ອມ ກະຊວງສາທາລະນະສຸກຮຽກຮ້ອງໃຫ້ ທຸກ ພາກສ່ວນລົງທຶນໃສ່ວຽກການລ້ຽງລູກດ້ວຍນົມແມ່, ລວມທັງການປົກປ້ອງແມ່ໂດຍສະເພາະໃນໄລຍະໃຫ້ນົມແມ່, ການບໍລິການໃຫ້ຄໍາປຶກ ສາໂດຍຜູ້ທີ່ມີຄວາມຊໍານິຊໍານານ ແລະ ການບັງຄັບໃຊ້ລະຫັດສາກົນຂອງການຄວບຄຸມການຕະຫຼາດຜະລິດຕະພັນທົດ ແທນນົມແມ່."
ການລ້ຽງລູກດ້ວຍນົມແມ່ແມ່ນວິທີທໍາມະຊາດ, ປະຫຍັດຄ່າໃຊ້ຈ່າຍ ແລະ ເປັນມິດກັບສິ່ງແວດລ້ອມ ເພື່ອໃຫ້ເດັກທຸກຄົນ ມີສຸຂະພາບແຂງແຮງທີ່ສຸດໄລຍະເລີ່ມຕົ້ນຊີວິດຂອງເຂົາເຈົ້າ. ນົມແມ່ໃຫ້ໂພຊະນາການທີ່ເຫມາະສົມທີ່ສຸດ, ເສີມສ້າງພູມ ຕ້ານທານ ແລະ ສົ່ງເສີມການພັດທະນາການຂອງເດັກ ໃນຂະນະດຽວກັນປົກປ້ອງສິ່ງແວດລ້ອມ. ກົງກັນຂ້າມ, ການຜະລິດ ນົມຜົງສູດຂອງເດັກນ້ອຍມີສ່ວນສ້າງການປ່ຽນແປງຂອງດິນຟ້າອາກາດ ຫຼື ໂລກຮ້ອນໂດຍການຜະລິດ ປ່ອຍອາຍພິດເຮືອນ ແກ້ວ, ການນໍາໃຊ້ນ້ໍາມະຫາສານ ແລະ ການຫຸ້ມຫໍ່ສ້າງສິ່ງເສດເຫຼືອໃຫ້ສະພາບແວດລ້ອມ. ໃນ ສປປ ລາວ, ການບໍລິໂພກ ນົມຜົງສູດຄາດວ່າຈະສ້າງການປ່ອຍອາຍ CO₂ 5.3 ຫາ 6.7 ລ້ານກິໂລກຣາມ ແລະ ໃຊ້ນໍ້າຫຼາຍກວ່າ 2.2 ຕື້ລິດໃນແຕ່ລະ ປີ.
“ການສະໜັບສະໜູນການລ້ຽງລູກດ້ວຍນົມແມ່ຈາກແພດໝໍ, ຜະດຸງຄັນ ແລະ ພະຍາບານແມ່ນກຸນແຈສຳຄັນໃນການປັບ ປຸງຜົນໄດ້ຮັບດ້ານສຸຂະພາບ ແລະ ໂພຊະນາການຂອງແມ່ ແລະ ເດັກ, ພ້ອມກັນນັ້ນ, ການບັງຄັບໃຊ້ລະຫັດສາກົນດ້ານ ການຄວບຄຸມການຕະຫຼາດຜະລິດຕະພັນທົດແທນນົມແມ່ຢ່າງມີປະສິດທິຜົນ, ລວມທັງກົດລະບຽບສະຫຼາກຂອງບັນດາຜະ ລິດຕະພັນດັ່ງກ່າວ ແມ່ນມີຄວາມຈຳເປັນ ເພື່ອປົກປ້ອງຄອບຄົວຈາກການໂຄສະນາທີ່ເປັນໄພຂົ່ມຂູ່ຕໍ່ການລ້ຽງລູກດ້ວຍນໍ້ານົມແມ່,” ທ່ານ ນາງ Takaho Fukami, ຮັກສາການຮອງຜູ້ຕາງໜ້າອົງການ UNICEF ປະຈຳ ສປປ ລາວ ກ່າວ.
ສປປ ລາວ ສືບຕໍ່ສ້າງຄວາມເຂັ້ມແຂງໃຫ້ລະບົບທີ່ສະໜັບສະໜູນການລ້ຽງລູກດ້ວຍນົມແມ່. ກົມອາຫານ ແລະ ຢາຂອງກະຊວງສາທາລະນະສຸກ ໄດ້ຮັບຮອງຂໍ້ຕົກລົງກົດລະບຽບສະຫຼາກບັນດາຜະລິດຕະພັນທົດແທນນໍ້ານົມແມ່ ພ້ອມກັນນັ້ນກຳລັງຮ່າງດໍາລັດມາດຕະການຕໍ່ຜູ້ລະເມີດ. ການຕິດຕາມການລະເມີດດຳລັດວ່າດ້ວຍອາຫານ ແລະ ຜະລິດຕະພັນອາ ຫານເດັກອ່ອນ ແລະ ເດັກນ້ອຍໃນປັດຈຸບັນປະກອບມີ ຕິດຕາມຢູ່ຈຸດຂາຍຍ່ອຍ,ອອນໄລນ໌ ແລະ ໂຮງຫມໍ.
ນອກຈາກນັ້ນ, ປະຈຸບັນ ໂຮງໝໍແຂວງທັງໝົດ 18 ແຫ່ງຂອງ ສປປ ລາວ ໄດ້ມີຊ່ຽວຊານນົມແມ່ ທີ່ໄດ້ຮັບການຮັບຮອງຜ່ານການຝຶກອົບຮົມຫຼັກສູດການໃຫ້ຄໍາປຶກສາດ້ານການລ້ຽງລູກດ້ວຍນົມແມ່, ໂດຍມີພະນັກງານສາທາລະນະສຸກ 87 ທ່ານທີ່ໄດ້ຮັບການຝຶກອົບຮົມໃນລະຫວ່າງປີ 2022 ຫາ 2024. ໂຮງໝໍ 7 ແຫ່ງໄດ້ຮັບລາງວັນໂຮງໝໍຕົວ ແບບການລ້ຽງລູກ ດ້ວຍນົມແມ່ທີ່ເປັນເລີດດ້ານການເບິ່ງແຍງແມ່ ແລະ ເດັກ. ນອກຈາກນັ້ນ, ກະຊວງສາທາລະນະສຸກຍັງໄດ້ເປີດຊຸດເຄື່ອງມື ໃຫ້ຄໍາປຶກສາດ້ານໂພຊະນາການແມ່, ເດັກອ່ອນ ແລະ ເດັກນ້ອຍ (MIYCN) ສະບັບປັບປຸງໃໝ່ເສີມສ້າງຄວາມເຂັ້ມແຂງ ການລ້ຽງລູກດ້ວຍນົມແມ່ຈາກການຖືພາຈົນເຖິງໄວເດັກ.
ທ່ານ Rob Green, ຮັກສາການຜູ້ຕາງໜ້າ CRS ສປປ ລາວ ກ່າວວ່າ “ອາທິດນີ້ ໃຫ້ພວກເຮົາມີໂອກາດໄດ້ສະທ້ອນເຖິງຜົນສຳເລັດ ແລະ ຄວາມຄືບໜ້າ ທີ່ ສປປ ລາວ ໄດ້ໃຫ້ຄວາມສຳຄັນ ໃນການລ້ຽງລູກດ້ວຍນົມແມ່,”. "ໂດຍການສະຫນັບສະຫນູນລະບົບທີ່ຍືນຍົງ, ພວກເຮົາສາມາດສ້າງອະນາຄົດຮ່ວມກັນ ເພື່ອເດັກນ້ອຍລາວທຸກຄົນ ຈະໄດ້ມີການເລີ່ມຕົ້ນຊີວິດທີ່ດີທີ່ສຸດ - ກິນນໍ້ານົມແມ່, ສະຫນັບສະຫນູນໂດຍຊຸມຊົນ, ແລະ ປົກປ້ອງນົມແມ່ໂດຍລະບົບທີ່ເຂັ້ມແຂງ."
--END—

ສໍາລັບຂໍ້ມູນເພີ່ມເຕີມ, ກະລຸນາຕິດຕໍ່:

Simon Nazer, ຫົວໜ້າພະແນກຝ່າຍສື່ສານ, ອົງການ UNICEF ສປປ ລາວ
ໂທ: +856 20 55519681
ອີເມວ: [email protected]

ທ່ານ ໄຊໂກສົນ ຊານຸບານ, ວິຊາການສື່ສານ, ອົງການ UNICEF ສປປ ລາວ
ໂທ: +856 20 54005000
ອີເມວ: [email protected]

23/04/2025

ຄິດຮອດເດ

01/04/2025

ສປປ ລາວ ແລະ ອົງການຢູນິເຊັບ ສະເຫຼີມສະຫຼອງ ວັນນໍ້າໂລກ ໂດຍການສະໜອງ ລະບົບນໍ້າສະອາດໃໝ່ໃນຊຸມຊົນຫ່າງໄກສອກຫຼີກ

ນະຄອນຫຼວງວຽງຈັນ, ວັນທີ 22 ມີນາ 2025 - ລັດຖະບານ ແຫ່ງ ສປປ ລາວ ແລະ ອົງການຢູ່ນິເຊັບ, ໂດຍການສະໜັບສະໜູນຈາກ ລັດຖະບານອົດສະຕຣາລີ, ໄດ້ສະເຫຼີມສະຫຼອງ ວັນນໍ້າໂລກ ໂດຍ ການສະໜອງ ລະບົບນໍ້າສະອາດທີ່ສ້າງສຳເລັດໃໝ່ໃນຊຸມຊົນຫ່າງໄກສອກຫຼີກຂອງ ແຂວງຫົວພັນ ແລະ ແຂວງ ຜົ້ງສາລີ

ໃນໄລຍະ 2 ປີຜ່ານມາ, ແຜນງານນໍ້າສະອາດ, ສຸຂາພິບານ ແລະ ອະນາໄມທີ່ທົນທານຕໍ່ການປ່ຽນແປງຕົນ ຟ້າອາກາດໂດຍການສະໜົນສະໜູນຈາກລັດຖະບານອົດສະຕຣາລີ ໄດ້ຊ່ວຍກໍສ້າງລະບົບນໍ້າລິນ 28 ແຫ່ງ, ສະໜອງສິ່ງອໍານວຍຄວາມສະດວກໃຫ້ ໂຮງຮຽນ 29 ແຫ່ງ ແລະ ສຸກສາລາ 6 ແຫ່ງ, ການຊ່ວຍເຫຼືອ ໄດ້ ສະໜອງນໍ້າທີ່ປອດໄພໃຫ້ແກ່ປະຊາຊົນຫຼາຍກວ່າ 12,000 ຄົນ ໂດຍການຮ່ວມມືກັບ ສູນນໍ້າສະອາດ ແລະ ອະນາໄມສິ່ງແວດລ້ອມ, ກະຊວງສາທາລະນະສຸກ

“ລະບົບນໍ້າສະອາດໃໝ່ເຫຼົ່ານີ້ຈະຊ່ວຍສ້າງຄວາມເຂັ້ມແຂງໃຫ້ແກ່ວຽກສາທາລະນະສຸກ, ໂດຍສະເພາະແມ່ນ ສຸຂະພາບຂອງເດັກນ້ອຍໃນພື້ນທີ່ຫາງໄກສອກຫຼີກ.” ທ່ານ ແສງເພັດ ແກ້ວມະນີ, ຜູ້ອໍານວຍການສູນນໍ້າ ສະອາດ ແລະ ອະນາໄມສິ່ງແວດລ້ອມ. "ວຽກງງານເຫຼົ່ານີ້ເປັນບາດກ້າວທີ່ສໍາຄັນໃນການບັນລຸເປົ້າໝາຍ ແຫ່ງຊາດຂອງພວກເຮົາໃນການໃຫ້ ປະຊາຊົນ ທຸກຄົນໄດ້ເຂົ້າເຖິງນໍ້າສະອາດ ແລະ ສຸຂາພິບານ.

"ການເພີ່ມການເຂົ້າເຖິງນໍ້າທີ່ສະອາດ ແລະ ປອດໄພ ເປັນສິ່ງສໍາຄັນສໍາລັບປັບປຸງສຸຂະພາບ ແລະ ການຢູ່ດີກິນດີ ຂອງແຕ່ລະຄົນ, ການຊ່ວຍເຫຼືອຂອງພວກເຮົາແມ່ນສຸມໃສ່ ຊ່ວຍເຫຼືອຊຸມຊົນເຂດຫ່າງໄກຊອກຫຼີກ ໃຫ້ ເຂົ້າເຖິງລະບົບນໍ້າທີ່ທົນທານຕໍ່ການປ່ຽນແປງດິນຟ້າອາກາດ ເຊິ່ງເນັ້ນໃຫ້ເຫັນຄວາມມຸ້ງໝັ້ນຂອງພວກເຮົາ ໃນ ການສົ່ງເສີມສ້າງຄວາມເຂັ້ມແຂງຕໍ່ບັນຫາການປ່ຽນແປງດິນຟ້າອາກາດ, ສົ່ງເສີມການຂະຫຍາຍຕົວທີ່ມີຄວາມ ເທົ່າທຽມກັນ ແລະ ການພັດທະນາທີ່ຍືນຍົງໃນປະເທດລາວ” ກ່າວໂດຍ ທ່ານ ນາງ ເມແກນ ໂຈນສ, ທູດອົດ ສະຕຣາລີ ປະຈຳ ສປປ ລາວ.

ລະບົບນໍ້າສະອາດໃໝ່ເຫຼົ່ານີ້ ຖືກອອກແບບມາ ໃຫ້ທຶນທານກັບການປ່ຽນແປງດິນຟ້າອາກາດ ແມ່ນສາມາດ ທົນທານ ຕໍ່ການປ່ຽນແປງໃນລະດູການຕ່າງໆ, ໃນຂະນະທີ່ສ້າງດວາມເຂັ້ມແຂງ ໃຫ້ແກ່ຊຸມຊົນ ທ້ອງຖິ່ນໃນ ການບາລຸງຮັກສາ ແລະ ຄຸ້ມຄອງລະບົບນໍ້າສະອາດ ແລະ ສຸຂາພິບານຂອງຕົນ. ອົງການຢູນິເຂັບ ຍັງໄດ້ເນັ້ນໜັກເຖິງຄວາມສໍາຄັນຂອງການຜັນຂະຫຍາຍການເຂົ້າເຖິງນໍ້າສະອາດ

“ການຮັບປະກັນວ່າ ບໍ່ມີເດັກນ້ອຍຄົນໃດຖືກປ່ອຍປະໄວ້ຂ້າງຫຼັງແມ່ນບຸລິມະສິດທີ່ສໍາຄັນທີ່ສຸດຂອງອົງການ ພວກເຮົາ, ກ່າວໂດຍ ທ່ານ ບີລານ ຄູຍັງ ເຊບ ດູຮານີ, ຜູ້ຕາງໜ້າ ອົງການປູນີເຊັບປະຈຳ ສປປ ລາວ. “ຜ່ານ ການຮ່ວມມື້ນີ້, ພວກເຮົາຈະສາມາດນໍາເອົາວິທີການແກ້ໄຂບັນຫາຕ່າງໆແພບຍືນຍົງ ແລະ ສະໜອງການ ບໍລິການທີ່ສໍາຄັນ ໃຫ້ແກ່ຊຸມຊົນໃນເຂດຫ່າງໄກສອກຫຼີກທີ່ສຸດ.”

ໂດຍການສະໜັບສະໜູນຈາກລັດຖະບານອົດສະຕາລີ, ວຽກງານດັ່ງກ່າວ ກໍາລັງຖືກຜັນຂະຫຍາຍໄປຍັງສຶກ 2 ແຂວງ ພາກເໜືອດີ ແຂວງອຸດົມໄຊ ແລະ ແຂວງຫຼວງນໍ້າທາ. ຢູ່ແຂວງຫຼວງນໍ້າທາ ໂດຍການຮ່ວມມືກັບ ນໍ້າ ປະປາ ແລະ World Waternet, ອົງການຢູນີເຊັນ ຈະສະໜັບສະໜູນ ການກໍ່ສ້າງລະບົບບຳບັດນໍ້າຂະໜາດ ນ້ອຍທີ່ທົນທານຕໍ່ການປ່ຽນແປງດິນຟ້າອາກາດ ເພື່ອສະໜອງນໍ້າຕົ້ມທີ່ສະອາດໃຫ້ແກ່ປະຊາຊົນເກືອບ 2,000

ການຮັບປະກັນດ້ານນໍ້າທີ່ພຽງພໍ ແມ່ນພື້ນຖານທີ່ສໍາຄັນຕໍ່ສຸຂະພາບ ແລະ ຄວາມທົນທານຕໍ່ການປ່ຽນແປງດິນ ຟ້າອາກາດ ຂອງເດັກນ້ອຍ ແລະ ຄອບຄົວ. ແຕ່ປະຊາຊົນຫນຶ່ງລ້ານຄົນໃນ ສປປ ລາວ, ສ່ວນໃຫຍ່ໃນ

ຄອບຄົວ ທີ່ທຸກຍາກທີ່ສຸດ ຍັງບໍ່ສາມາດເຂົ້າເຖິງການບໍລິການນໍ້າຂັ້ນພື້ນຖານ, ເຊິ່ງພວກເຂົາເຈົ້າຍັງໄດ້ຮັບຜົນ ກະທົບຕື່ມຈາກ ການປ່ຽນແນ່ງດິນຟ້າອາກາດ,

ວັນນໍ້າໂລກ ແມ່ນສະເຫຼີມສະຫຼອງທົ່ວໂລກທຸກໆ ວັນທີ 22 ມີນາ ແລະ ເນັ້ນໜັກເຖິງຄວາມສໍາພັນລະຫວ່າງ ການຮັບປະກັນດ້ານນໍ້າ ແລະ ການພັດທະນາແບບຍືນຍົງ. ອົງການຢູນີເຊັບ ແລະ ຄູ່ຮ່ວມພັດທະນາ ກຳລັງ ໃຫ້ການຊ່ວຍເຫຼືອ ສະໜອງນໍ້າສະອາດໃຫ້ຜູ້ທີ່ຕ້ອງການຫຼາຍທີ່ສຸດ - ສະໜັບສະໜູນເປົ້າໝາຍຂອງ ສປປ ລາວ ໃນການ ສະໜອງນໍ້າສະອາດຢ່າງຍືນຍົງໃຫ້ແກ່ທຸກຄົນ.

19/03/2025

ກອງປະຊຸມແຫ່ງຊາດດ້ານໂພຊະນາການ ໄດ້ເໜັ້ນໜັກຄວາມສໍາຄັນ
“ສະໜອງທຶນໃຫ້ວຽກງານໂພຊະນາການ ໂດຍອີງໃສ່ຂໍ້ມູນເພື່ອຈັດຕັ້ງປະຕິບັດຢ່າງເລັ່ງລັດ”
ນີ້ແມ່ນຫົວຂໍ້ສໍາຄັນຂອງກອງປະຊຸມແຫ່ງຊາດດ້ານໂພຊະນາການຄັ້ງທີ X ແລະ ກອງປະຊຸມປະຈໍາປີຂອງຄະນະກໍາມະການໂພຊະນາການ ຮ່ວມກັບຄູ່ຮ່ວມພັດທະນາສາກົນ ເພື່ອສົນທະນາສິ່ງທ້າທາຍຕ່າງໆ ຕໍ່ກັບບັນຫາໂພຊະນາການໃນປະເທດ.
ນະຄອນຫຼວງວຽງຈັນ, ວັນທິ 18 ມີນາ 2025 – ໃນປີນີ້, ກອງປະຊຸມແຫ່ງຊາດດ້ານໂພຊະນາການຄັ້ງທີ X ໄດ້ເຊື້ອເຊີນເອົາທັງລັດຖະບານ ແລະ ບັນດາຄູ່ຮ່ວມພັດທະນາສາກົນ ເຂົ້າຮ່ວມສົນທະນາກ່ຽວບູລີມະສິດສໍາຄັນທີ່ຕ້ອງປະຕິບັດຮ່ວມກັນ ເພື່ອປັບປຸງໂພຊະນາການຂອງແມ່ ແລະ ເດັກນ້ອຍໃນ ສ ປ ປ ລາວ. ໂດຍພາຍໃຕ້ຫົວຂໍ້ “ສະໜອງທຶນໃຫ້ວຽກງານໂພຊະນາການ ໂດຍອີງໃສ່ຂໍ້ມູນເພື່ອຈັດຕັ້ງປະຕິບັດຢ່າງເລັ່ງລັດ” ປີນີ້ ກອງປະຊຸມໄດ້ເໜັ້ນໜັກເຖິງຄວາມສໍາຄັນຂອງການລົງທຶນສໍາລັບໂພຊະນາການ ແລະ ການຮ່ວມມື ເພື່ອແກ້ໄຂບັນຫາໂພຊະນາການໃນປະເທດ.
ກອງປະຊຸມປະຈໍາປີໄດ້ຈັດຂຶ້ນໂດຍຄະນະກໍາມະການໂພຊະນາການແຫ່ງຊາດ ແລະ ໂດຍການເຂົ້າຮ່ວມຂອງຄູ່ຮ່ວມພັດທະນາສາກົນເປັນຕົ້ນແມ່ນ ສະຫະພາບເອີລົບ, ທະນາຄານໂລກ, ທະນາຄານພັດທະນາອາຊີ, , ເຄື່ອຂ່າຍອົງການຈັດຕັ້ງທາງສັງຄົມເພື່ອສົ່ງເສີມໂພຊະນາການ, ອົງການສະຫະປະຊາຊາດສໍາລັບເດັກ, ອັງການແຄຣ, ອົງການ ອາດຣາ, ອົງການອາຫານໂລກ, ກະຊວງທີ່ກ່ຽວຂ້ອງ, ອົງການຈັດຕັ້ງມະຫາຊົນ, ສະຖາບັນການສຶກສາ ແລະ ຕົວແທນເຄືອຂ່າຍພາກເອກະຊົນ. ໃນກອງປະຊຸມໄດ້ເປີດໂອກາດໃຫ້ຮ່ວມກັນທົບທວນຄວາມຄືບໜ້າໃນການແກ້ໄຂບັນຫາດ້ານໂພຊະນາການຢູ່ປະເທດລາວໃນປີຜ່ານ ແລະ ກໍານົດບູລີມະສິດສໍາລັບປີ 2025.
“ສິ່ງທີ່ສໍາຄັນ ພວກເຮົາຕ້ອງຜັນຂະຫຍາຍຄວາມຄືບໜ້າໃນປີຜ່ານມາ ແລະ ສືບຕໍ່ເອົາໃຈໃສ່ນຳພາ-ຊີ້ນຳ ໃນການຈັດຕັ້ງປະຕິບັດເພື່ອຮັບປະກັນໃຫ້ແມ່ຍິງ ແລະ ເດັກນ້ອຍໃນ ສປປ ລາວ ໄດ້ເຂົ້າເຖິງໂພຊະນາການທີ່ດີ ຈຶ່ງຈະເຮັດໃຫ້ສາມາດປະກອບສ່ວນເຂົ້າໃນການສ້າງສາພັດທະນາປະເທດຊາດ” ກ່າວໂດຍ ພະນະທ່ານ. ດຣ. ກິແກ້ວ ໄຂຄໍາພິທູນ, ຮອງນາຍົກລັດຖະມົນຕີແຫ່ງ ສປປ ລາວ ແລະ ທັງເປັນປະທານຄະນະກໍາມະການໂພຊະນາການແຫ່ງຊາດ. ທ່ານ ຍັງໄດ້ກ່າວຄວາມຂອບໃຈມາຍັງບັນດາຄູ່ຮ່ວມພັດທະນາທີ່ສືບຕໍ່ໃຫ້ການສະໜັບສະໜູນເພື່ອແກ້ໄຂບັນຫາດ້ານໂພຊະນາການໃນປະເທດລາວ.
ຫົວຂໍ້ສໍາຄັນອັນໜຶ່ງທີ່ໄດ້ຍົກມາສົນທະນາ ແມ່ນຄໍາໝາຍໝັ້ນໃນປີຜ່ານມາກ່ຽວກັບໂພຊະນາການ ທີ່ໄດ້ຖະແຫຼງໃນກອງປະຊຸມສຸດຍອດວ່າດ້ວຍຊັບສິນດ້ານມະນຸດຄັ້ງທີ 2. ຊຶ່ງປະກອບດ້ວຍການກໍານົດເອົາບູລີມະສິດກິດຈະກໍາຕ່າງໆທີ່ມີຜົນຕໍ່ການແກ້ໄຂດ້ານໂພຊະນາການສູງທີ່ສຸດຄືແນວໃດ, ປັບປຸງການປະສານງານລະຫວ່າງຂະແໜງການຕ່າງໆ ແລະ ລວມໄປເຖິງຄວາມສໍາຄັນຂອງການນໍາໃຊ້ຂໍ້ມູນເພື່ອອອກແບບມາດຕະການແກ້ໄຂດ້ານໂພຊະນາການ. ນອກຈາກນັ້ນ, ການສົນທະນາຍັງລວມໄປເຖິງຄວາມຈໍາເປັນທີ່ຕ້ອງມີລະບົບລວມສູນເພື່ອບັນທຶກ ແລະ ຕິດຕາມການນໍາໃຊ້ງົບປະມານສໍາລັບແກ້ໄຂໂພຊະນາການອີກດ້ວຍ.
ທ່ານ ອາເລັກຊານເດີ ເຄຣເມີ, ຫົວໜ້າຫ້ອງການ ທະນາຄານໂລກ ປະຈໍາ ສປປ ລາວ, ກ່າວວ່າ: “ໂພຊະນາການທີ່ພຽງພໍແມ່ນມີຄວາມຈຳເປັນຕໍ່ການຈະເລີນເຕີບໂຕ, ຄວາມສະຫຼາດ ແລະ ລະດັບລາຍຮັບໃນອະນາຄົດຂອງເດັກ. ແຕ່ຫນ້າເສຍດາຍ, ປະເທດລາວຍັງປະເຊີນກັບອັດຕາການຂາດສານອາຫານໃນໄວເດັກທີ່ສູງຫຼາຍ ແລະ ຊໍ້າພັດກັບມາມີອັດຕາທີ່ສູງກວ່າແຕ່ກ່ອນ. ເພື່ອໃຫ້ສາມາດກັບມາສືບຕໍ່ຫຼຸດຜ່ອນອັດຕາການຂາດໂພຊະນາການໄດ້, ມັນຈໍາເປັນຕ້ອງມີບຸກຄະລາກອນດ້ານສາທາລະນະສຸກທີ່ໄດ້ຮັບການຝຶກອົບຮົມຫຼາຍຂຶ້ນ, ມີການສະໜອງເງິນສົດໂດຍມີເງື່ອນໄຂເພື່ອໃຫ້ເດັກໄດ້ຮັບສານອາຫານແລະໂພຊະນາການທີ່ພຽງພໍ, ພ້ອມທັງມີການລົງທຶນໃສ່ການສະໜອງນໍ້າສະອາດ. ທະນາຄານໂລກ ແລະ ບັນດາຄູ່ຮ່ວມງານ ຈະສືບຕໍ່ສະໜັບສະໜູນລັດຖະບານລາວ ໃນການລົງທຶນໃສ່ວຽກງານທີ່ຕິດພັນກັບໂພຊະນາການ, ເຊິ່ງຮຽກໃຫ້ໃຫ້ລັດຖະບານຕ້ອງໄດ້ເພີ່ມການຈັດສັນງົບປະມານພາກລັດເຂົ້າໃນວຽກງານດັ່ງກ່າວຢ່າງຮີບດ່ວນ ເພື່ອຮັດແຄບຊ່ອງຫວ່າງໃນການສະໜອງທຶນ.”
“ຕ້ອງມີຍຸດທະສາດການລົງທຶນ ແລະ ສະໜັບສະໜູນດ້ານງົບປະມານທີ່ຍືນຍົງຈຶ່ງຈະຮັບປະກັນໄດ້ວ່າເດັກນ້ອຍທຸກໆຄົນ ຈະໄດ້ຮັບໂພຊະນາການທີ່ພຽງພໍຕາມຄວາມຕ້ອງການຂອງພວກເຂົາ, ໂດຍສະເພາະແມ່ນໄລຍະ 1,000 ວັນທໍາອິດຂອງຊີວິດ ແລະ ແມ່ເອງກໍຕ້ອງໄດ້ຮັບການສະໜັບສະໜູນໃນການຊ່ວຍເບິ່ງແຍງດູແລລູກຂອງພວກເຂົາ” ກ່າວໂດຍ ທ່ານ ບິລາລ ໂອແຣັງ ເຊັບ ດູຣານິ, ຜູ້ຕາງໜ້າ ອົງການສະຫະປະຊາດສໍາລັບເດັກ ປະຈໍາ ສປປ ລາວ. “ທ່ານຍັງໄດ້ກ່າວຕື່ມອີກວ່າຂ້າພະເຈົ້າເຊື່ອໝັ້ນວ່າດ້ວຍການສືບຕໍ່ເອົາໃຈໃສ່ຢ່າງຈິງຈັງ ແລະ ດ້ວຍການປະສານງານຈາກທຸກພາກສ່ວນ ພວກເຮົາສາມາດຮັບປະກັນໄດ້ວ່າງົບປະ ມານຈະຖືກຈັດສັນຢ່າງມີປະສິດທິຜົນເພື່ອໃຫ້ປະສົບຜົນສໍາເລັດໃນການແກ້ໄຂບັນຫາໂພຊະນາການໃນ ສປປ ລາວ".
ກອງປະຊຸມແຫ່ງຊາດດ້ານໂພຊະນາການຄັ້ງທີ X ໄດ້ປິດລົງດ້ວຍການໃຫ້ຄໍາໝັ້ນສັນຍາຂອງຫຼາຍພາກສ່ວນ ທີ່ຈະຮ່ວມໃຈກັນເຊື່ອມສານເອົາວຽກງານໂພຊະນາການເຂົ້າໃນແຜນງານຂອງພວກເຂົາ ແລະ ເປັນບູລີມະສິດສໍາຄັນທີ່ຕ້ອງໄດ້ສຸມໃສ່ໃນປີ 2025, ເລີ່ມຕົ້ນບາດກ້າວຄວາມພະຍາຍາມໃນການລົງທຶນຄັ້ງໃໝ່ ແລະ ຂະຫຍາຍແຜນປະຕິບັດງານເພື່ອຍົກລະດັບໂພຊະນາການໃຫ້ກວ້າງອອກໄປໃນຂອບເຂດທົ່ວປະເທດ.

28/02/2025

18/02/2025

07/02/2025

#ສປປລາວ ເຂົ້າຮ່ວມເປັນສະມາຊິກ ຄະນະກຳມະການບໍລິຫານງານຂອງອົງການຢູນິເຊັບ
ທີ້່: ນິວຢອກ, ວັນທີ 7 ກຸມພາ ປີ 2025 - ສປປ ລາວ ໄດ້ເຂົ້າຮ່ວມເປັນສະມາຊິກ ຄະນະກຳມະການບໍລິຫານງານ ຂອງອົງການຢູນິເຊັບ ຢ່າງເປັນທາງການ ສຳລັບເທີມປີ 2025-2027, ພາຍຫຼັງການເລືອກຕັ້ງ ໂດຍ ສະພາເສດຖະກິດ ແລະ ສັງຄົມຂອງອົງການສະຫະປະຊາຊາດ (ECOSOC) ໃນ ເດືອນເມສາ ປີ 2024. ຄັ້ງນີ້ຖືເປັນຄັ້ງທີສອງທີ່ ສປປ ລາວ ໄດ້ຮັບບົດບາດໜ້າທີເປັນສະມາຊິກ ຄະນະກຳມະການບໍລິຫານງານ ຂອງ ອົງການຢູນິເຊັບ, ເຊິ່ງຄັ້ງທຳອິກເເມ່ນໃນເທີມປີ 2001-2003.
ຄະນະກຳມະການບໍລິຫານງານ ຂອງ ອົງການຢູນິເຊັບ ປະກອບດ້ວຍ ປະເທດພາຄີ ຂອງ ອົງການສະຫະປະຊາຊາດ 36 ປະເທດ ເຊິ່ງໄດ້ຮັບການເລືອກຕັ້ງໂດຍ ECOSOC ໃຫ້ດຳລົງຕຳແໜ່ງເປັນວາລະ 3 ປີ. ຄະນະກຳມະການບໍລິຫານງານ ດັ່ງກ່າວມີໜ້າທີ່ກວດກາວຽກງານຂອງ ອົງການຢູນິເຊັບ, ອະນຸມັດນະໂຍບາຍ ເເລະ ຮັບປະກັນຄວາມຮັບຜິດຊອບໃນອົງການ. ພ້ອມນີ້, ຄະນະກຳມະການບໍລິຫານງານ ຍັງມີໜ້າທີ່ຕິດຕາມກວດກາການປະຕິບັດໂຄງການ, ອະນຸມັດງົບປະມານ ເເລະ ເເຜນວຽງງານລະດັບປະເທດ, ພ້ອມຍັງໃຫ້ຄຳປຶກສາກ່ຽວກັບໂຄງການໃໝ່ໆທີ່ສອດຄ່ອງກັບທິດຊີ້ນຳຈາກນະໂຍບາຍຂອງສະມັດຊາໃຫຍ່ ແລະ ECOSOC.
ໃນ ກອງປະຊຸມສະໄໝສາມັນຄັ້ງທຳອິດ ຂອງຄະນະກຳມະການບໍລິຫານງານ ໄດ້ໄຂຂຶ້ນໃນວັນທີ 4-7 ກຸມພາ ປີ 2025, ພະນະທ່ານ ອານຸພາບ ວົງໜໍ່ແກ້ວ, ເອກອັກຄະລັດຖະທູດ, ຜູ້ຕາງໜ້າຖາວອນແຫ່ງ ສປປ ລາວ ປະຈຳ ອົງການສະຫະປະຊາຊາດ ໄດ້ໃຫ້ຄຳເຫັນວ່າ: “ສປປ ລາວ ຮູ້ສຶກເປັນກຽດທີ່ໄດ້ຮັບໜ້າທີ່ໃນ ຄະນະກຳມະການບໍລິຫານງານ ຂອງ ອົງການຢູນິເຊັບ ອີກຄັ້ງ. ໃນຕະຫຼອດຫຼາຍປີທີ່ຜ່ານມາ, ພວກເຮົາໄດ້ເຫັນເຖິງຄວາມມຸ່ງມາດອັນເລິກເຊິ່ງໃນການຮ່ວມມືຂອງ ອົງການຢູນິເຊັບ ກັບ ລັດຖະບານຂອງພວກເຮົາ ໃນການພັດທະນາສະຫວັດດີການຂອງເດັກ. ເຖິງຢ່າງໃດກໍດີ, ສິ່ງທ້າທາຍກໍຍັງຄົງຢູ່ ໂດຍສະເພາະ, ໃນຂະນະທີ່ພວກເຮົາກຳລັງປະເຊີນໜ້າກັບການປ່ຽນແປງຂອງສະພາບດິນຟ້າອາກາດ ແລະ ຄວາມບໍ່ດຸ່ນດ່ຽງທາງດ້ານເສດຖະກິດ. ພວກເຮົາຮຽກຮ້ອງໃຫ້ປະຊາຄົມໂລກປົກປັກຮັກສາ ແລະ ຂະຫຍາຍການລົງທຶນໃນຂໍ້ລິເລີ່ມທີ່ແນໃສ່ເດັກ ເພື່ອຮັບປະກັນໃຫ້ເດັກທຸກຄົນ ບໍ່ວ່າຈະຢູ່ໃນສະຖານະການໃດກໍຕາມແມ່ນມີໂອກາດໄດ້ຮັບການຈະເຕີບໃຫຍ່.”
ເພື່ອເປັນການສະເຫຼີມສະຫຼອງການເປັນສະມາຊິກ ຄະນະກຳມະການບໍລິຫານງານ ອີກຄັ້ງຂອງ ສປປ ລາວ, ຄະນະຜູ້ຕາງໜ້າຖາວອນແຫ່ງ ສປປ ລາວ ໄດ້ຮ່ວມກັນເປັນເຈົ້າພາບຈັດງານສະເຫຼີມສະຫຼອງກັບຄະນະຜູ້ຕາງໜ້າຖາວອນແຫ່ງ ອົດສະຕຣາລີ ໂດຍມີສະມາຊິກສະພາບໍລິຫານ, ຄູ່ຮ່ວມພັດທະນາ ແລະ ຜູ້ນຳລະດັບສູງຂອງອົງການຢູນິເຊັບ ເຂົ້າຮ່ວມ.
ອົງການຢູນິເຊັບ ເປັນຄູ່ຮ່ວມງານທີ່ສຳຄັນຂອງ ສປປ ລາວ ມາເປັນເວລາ 50 ກວ່າປີ, ໂດຍໄດ້ສ້າງຕັ້ງສຳນັກງານຫ້ອງການແຫ່ງທຳອິດ ທີ່ ນະຄອນຫຼວງວຽງຈັນ ໃນ ປີ 1973. ໃນຫຼາຍທົດສະວັດທີ່ຜ່ານມາ ອົງການຢູນິເຊັບ ໄດ້ເຮັດວຽກຢ່າງໃກ້ຊິດກັບບັນດາພາກສ່ວນຂອງລັດຖະບານ ແລະ ພາກສ່ວນທີ່ກ່ຽວຂ້ອງກັບຂະແໜງການຫຼັກເຊັ່ນ: ສາທາລະນະສຸກ, ໂພຊະນາການ, ການສຶກສາ, ນໍ້າ, ສຸຂາພິບານ ແລະ ການປົກປ້ອງເດັກ ເພື່ອເປັນການສະໜັບສະໜູນຄວາມພະຍາຍາມແຫ່ງຊາດ ໃນການປັບປຸງຊີວິດການເປັນຢູ່ຂອງເດັກທຸກໆຄົນ. ຜົນສຳເລັດທີ່ຜ່ານມາລວມມີການຫຼຸດຜ່ອນອັດຕາການຕາຍໃນເດັກ, ການຜັນຂະຫຍາຍອັດຕາການສັກຢາກັນພະຍາດ, ການເສີມສ້າງຄວາມເຂັ້ມແຂງຂອງໂຄງການດ້ານໂພຊະນາ ແລະ ການພັດທະນາຖານຂໍ້ມູນການຮຽນເເບບດີຈີຕອລ ເພື່ອປັບປຸງການເຂົ້າເຖິງການສຶກສາ ໂດຍສະເພາະໃນເຂດຫ່າງໄກສອກຫຼີກ.
ທ່ານ ບິລາລ ອູແຣັງ ເຊັບ ດູຣານິ, ຜູ້ຕາງໜ້າ ອົງການຢູນິເຊັບ ປະຈຳ ສປປ ລາວ, ໄດ້ກ່າວຕ້ອນຮັບ ສປປ ລາວ ທີ່ໄດ້ເຂົ້າເປັນສະມາຊິກ ຄະນະກຳມະການບໍລິຫານງານ ຂອງ ອົງການຢູນິເຊັບວ່າ: “ການທີ່ ສປປ ລາວ ໄດ້ຮັບເລືອກໃຫ້ດຳລົງຕຳແໜ່ງເປັນສະມາຊິກ ຄະນະກຳມະການບໍລິຫານງານ ຂອງ ອົງການຢູນິເຊັບ ນັ້ນຍັງສ່ອງແສງໃຫ້ເຫັນເຖິງ ຄວາມເປັນຜູ້ນຳທີ່ເພີ່ມຂຶ້ນຂອງປະເທດ ແລະ ຄວາມໝາຍໝັ້ນໃນການປະກອບສ່ວນຕໍ່ຄວາມພະຍາຍາມລະດັບໂລກ ເພື່ອສົ່ງເສີມສິດທິເດັກ. ອົງການຢູນິເຊັບ ຫວັງເປັນຢ່າງຍິ່ງວ່າຈະໄດ້ເຮັດວຽກຢ່າງໃກ້ຊິດກັບ ສປປ ລາວ ໃນລະຫວ່າງການດຳລົງຕຳແໜ່ງໃນ ຄະນະກຳມະການບໍລິຫານງານ ເພື່ອສ້າງຄວາມເຂັ້ມແຂງທາງດ້ານນະໂຍບາຍ ແລະ ແຜນງານປັບປຸງຊີວິດຂອງເດັກ ທັງຢູ່ໃນ ສປປ ລາວ ແລະ ໃນທົ່ວໂລກ.”
ໃນຖານະທີ່ເປັນສະມາຊິກຂອງ ຄະນະກຳມະການບໍລິຫານງານ ຂອງ ອົງການຢູນິເຊັບ, ສປປ ລາວ ຈະໄດ້ມີສ່ວນຮ່ວມກັບບັນດາຄູ່ຮ່ວມພັດທະນາໃນທົ່ວໂລກ ເພື່ອສະໜັບສະໜູນບັນດາບູລິມະສິດຍຸດທະສາດຂອງ ອົງການຢູນິເຊັບ ແລະ ຮັບປະກັນວ່າ ເດັກນ້ອຍທຸກຄົນມີໂອກາດໄດ້ຈະເລີນເຕີບໃຫຍ່ຢ່າງເຕັມທີ່.

Lao PDR proudly joins UNICEF Executive Board
New York, 7 February 2025 – The Lao People’s Democratic Republic has officially assumed its role as a member of the UNICEF Executive Board for the 2025–2027 term, following its election by the United Nations Economic and Social Council (ECOSOC) in April 2024. This marks the second time Lao PDR has held a seat on the Board, with its first tenure taking place from 2001 to 2003.
The UNICEF Executive Board consists of 36 UN Member States, elected by ECOSOC to serve three-year terms. The Board provides intergovernmental oversight of UNICEF’s work, approves policies, and ensures accountability. It also monitors programme performance, approves budgets and country programmes, and advises on new initiatives in line with the policy guidance of the UN General Assembly and ECOSOC.
At the First Regular Session of the Board, held from 4–7 February 2025, H.E. Ambassador Anouparb Vongnorkeo, Permanent Representative of Lao PDR to the United Nations, stated: “Lao PDR is honoured to serve on the UNICEF Executive Board once again. Over the years, we have witnessed the profound impact of UNICEF’s partnership with our government in advancing child well-being. However, the challenges remain, particularly as we navigate climate change and economic uncertainties. We call on the global community to sustain and expand investments in child-centred initiatives to ensure that every child, regardless of circumstance, has the opportunity to thrive.”
To mark its return to the Board, Lao PDR’s Permanent Mission co-hosted an informal networking event with the Australian Permanent Mission, bringing together Board members, development partners, and UNICEF’s senior leadership.
UNICEF has been a key partner of Lao PDR for over 50 years, having established its first office in Vientiane in 1973. Over the decades, UNICEF has worked closely with government counterparts and stakeholders across key sectors including health, nutrition, education, water, sanitation, and child protection to support national efforts to uphold the wellbeing of every child. Recent achievements include significant reductions in child mortality, expanded immunization coverage, strengthened nutrition programmes, and the introduction of innovative digital learning platforms to improve education access, particularly in remote areas.
Welcoming Lao PDR’s membership on the Executive Board, UNICEF Country Representative to Lao PDR, Mr. Bilal Aurang Zeb Durrani, stated: “Lao PDR’s election to the UNICEF Executive Board reflects its growing leadership and commitment to global efforts to advance children’s rights. UNICEF looks forward to working closely with Lao PDR during its tenure on the Board to strengthen policies and programmes that improve the lives of children, both in Lao PDR and around the world.”
As UNICEF’s Executive Board member, Lao PDR will engage with global partners to support UNICEF’s strategic priorities and ensure that every child has the opportunity to thrive.

06/02/2025

27/01/2025

ບົດຟ້ອນ ຍິນດີຕ້ອນຮັບປະເທດລາວ
ໃນງານມະຫາກຳໂຍນໝາກຄອນສາມແຈປະເທດ ລາວ-ຫວຽດ-ຈີນ ຄັ້ງທີ 8 ແຂວງຜົ້ງສາລີເປັນເຈົ້າພາບ ໃນວັນທີ 12-13 ທັນວາ 2024
( ຈາກກອງວິຊາການວັດທະນະທຳເດັກ ແຂວງຜົ້ງສາລີ )

21/01/2025

ການສະໜັບສະໜູນຈາກ ປະເທດ ອົດສະຕຣາລີ, USAID ແລະ ອົງການ ຢູນິເຊັບ
ໃນການພັດທະນາລະບົບການເກັບກໍາຂໍ້ມູນ ເພື່ອສົ່ງເສີມໃນວຽກງານ ດ້ານການສ້າງພັດທະນາການທີ່ດີໃຫ້ແກ່ເດັກນ້ອຍ

ວັນທີ 16 ມັງກອນ 2025 ທີ່ ນະຄອນຫຼວງວຽງຈັນ, - ໃນການສ້າງຂະບວນການ ສົ່ງເສີມການລ້ຽງດູເດັກໃນທາງບວກໃຫ້ບັນດາຄອບຄົວຕ່າງໆໃຫ້ດີຂຶ້ນ, ສູນກາງສະຫະພັນແມ່ຍິງລາວ ພ້ອມດ້ວຍການສະໜັບສະໜູນຈາກ ອົງການຢູນິເຊັບ, ລັດຖະບານແຫ່ງປະເທດອົດສະຕຣາລີ ແລະ USAID ໄດ້ມອບໂທລະສັບມືຖື ຈໍານວນ 135 ໜ່ວຍ ໃຫ້ກັບອາສາສະໝັກຂັ້ນບ້ານ ໃນທົ່ວ 451 ບ້ານ ເພື່ອໃຫ້ເປັນອຸປະກອນທີ່ຊ່ວຍໃນການເກັບກໍາຂໍ້ມູນ.

ແຜນງານ “ຮັກລູກໃຫ້ໃສ່ໃຈ, ຄອບຄົວຜາສຸກພ້ອມກັນພັດທະນາ” ແມ່ນແຜນງານທີ່ລິເລີ່ມຈັດຕັ້ງປະຕິບັດພາຍໃຕ້ການນໍາພາຂອງ ສູນກາງສະຫະພັນແມ່ຍິງລາວ ເພື່ອສົ່ງເສີມໃຫ້ພໍ່ແມ່ ແລະ ຜູ້ດູແລເດັກ ໄດ້ຮັບຄວາມຮູ້ ແລະ ອຸປະກອນທີ່ຈໍາເປັນທີ່ຈະຊ່ວຍໃຫ້ເດັກນ້ອຍມີການເຕີບໃຫຍ່ໄດ້ຢ່າງມີປະສິດທິພາບ ແລະ ມີສະພາບແວດລ້ອມທີ່ອຸດົມສົມບູນ. ໃນການມອບໂທລະສັບມືຖືໃນຄັ້ງນີ້ ຈະຊ່ວຍໃຫ້ ອາສາສະໝັກຂັ້ນບ້ານຂອງແຜນງານ “ຮັກລູກໃຫ້ໃສ່ໃຈ” ສາມາດຕິດຕາມການຈັດຕັ້ງປະຕິບັດ ແລະ ເກັບກໍາຂໍ້ມູນຕົວຈິງ ລວມມີ: ອັດຕາການເຂົ້າຮ່ວມການເຝິກອົບຮົມ ແລະ ການໃຫ້ຄໍາແນະນໍາໄດ້ຢ່າງທັນເວລາ.

ໃນລະຫວ່າງພິມີມອບ-ຮັບ, ທ່ານ ນາງ ທໍາມາ ເພັດວິໄຊ, ຮອງປະທານຄະນະບໍລິຫານງານ ສູນກາງສະຫະ ພັນແມ່ຍິງລາວ ໄດ້ສະແດງຄວາມຂອບໃຈມາຍັງປະເທດ ອົດສະຕຣາລີ, USAID ແລະ ອົງການ ຢູນິເຊັບ ທີ່ໄດ້ໃຫ້ ການສົ່ງເສີມການຈັດຕັ້ງປະຕິບັດແຜນງານ “ຮັກລູກໃຫ້ໃສ່ໃຈ” ດ້ວຍການມອບອຸປະກອນດັ່ງກ່າວໃນຄັ້ງນີ້ວ່າ “ໂທລະສັບມືຖືແມ່ນອຸປະກອນທີ່ມີຄວາມສໍາຄັນຫຼາຍ ຕໍ່ການຕິດຕາມ ແລະ ການປະເມີນຜົນ ໃນການຈັດຕັ້ງປະຕິບັດແຜນງານ “ຮັກລູກໃຫ້ໃສ່ໃຈ” ທັງຍັງເປັນການຮັບປະກັນວ່າ ພໍ່ແມ່ ແລະ ຜູ້ດູແລເດັກ ມີຊັບພະຍາກອນທີ່ຈໍາເປັນ ໃນເລີ່ມຊີວິດທີ່ດີທີ່ສຸດໃຫ້ກັບເດັກນ້ອຍ”

ໂດຍໃນສົ່ງເສີມເຂົ້າໃນການນໍາໃຊ້ໂທລະສັບມືຖືນີ້ ຈະມີການສະໜັບສະໜູນເພີ່ມຕື່ມຈະຖືກເພີ່ມເຂົ້າໃນການພັດທະນາເວັບໄຊທ໌ ທີ່ຈະເປັນຊ່ອງທາງ ໃຫ້ບັນດາຄູ່ຮ່ວມງານ ສາມາດຕິດຕາມຄວາມຄືບຫນ້າຂອງແຜນງານ ແລະໃຫ້ຄໍາແນະນໍາໄດ້ຢ່າງວ່ອງໄວໃນແຕ່ລະເດືອນ.

“ເພື່ອການສະໜັບສະໜູນການຈັດຕັ້ງປະຕິບັດແຜນງານໃນຄັ້ງນີ້, ປະເທດ ອົດສະຕຣາລີ ມີຄວາມຕັ້ງໜ້າສືບຕໍ່ລົງທຶນເຂົ້າໃຈການພັດທະນາອະນາຄົດຂອງຊາດ ກໍ່ຄື ເດັກນ້ອຍ ແລະ ສົ່ງເສີມບັນດາຄອບຄົວຕ່າງໆ ໃຫ້ມີສຸຂະພາບທີ່ດີ ແລະ ມີຄວາມສະເໝີພາບ ໃນຊຸມຊົນໃຫ້ຫຼາຍຂຶ້ນ” ກ່າວໂດຍ ທ່ານ ນາງ ເບັນນິຕາ ຊໍາເມີວິວ, ຮອງເອກອັກຄະລັດຖະທູດ ແຫ່ງ ປະເທດ ອົດສະຕຣາລີ ປະຈໍາ ສປປ ລາວ. ນອກນີ້, ທ່ານຍັງໄດ້ກ່າວຕື່ມອີກວ່າ ໂທລະສັບມືຖືຈະເປັນອຸປະກອນສົ່ງ ເສີມເຂົ້າໃນການຕິດຕາມ ແລະ ການປະເມີນຜົນ ໃນການຈັດຕັ້ງປະຕິບັດແຜນງານ “ຮັກລູກໃຫ້ໃສ່ໃຈ” ໄດ້ຢ່າງມີ ປະສິດ ທິພາບ ແລະ ປະສິດທິຜົນໃຫ້ກັບທຸກຄອບຄົວ.

ຜູ້ຕາງໜ້າ USAID ປະຈໍາ ສປປ ລາວ, ທ່ານ ໄມໂຄ ແມັກຄອດສ, ຍັງໄດ້ຍໍ້າໃຫ້ເຫັນເຖີງຄວາມມຸ່ງໝັ້ນຂອງ USAID ຕໍ່ການສົ່ງເສີມຕໍ່ ການສຶກສາ, ການພັດທະນາແບບຍືນຍົງ ແລະ ການເປັນຄູ່ຮ່ວມມືທີ່ສໍາຄັນວ່າ: “ໃນຮ່ວມມືໃນຄັ້ງນີ້ແມ່ນສະແດງເຖິງບາດກ້າວທີ່ສໍາຄັນ ໃນການເສີມສ້າງຄວາມເຂັ້ມແຂງໃຫ້ຊຸມຊົນ ແລະ ສົ້ງເສີມຄວາມໝັ້ນຄົງໃຫ້ບັດດາຄອບຄົວຕ່າງໃນ ສປປ ລາວ”. ພ້ອມກັນນີ້, ທ່ານຍັງໄດ້ກ່າວຕື່ມວ່າ “ປີນີ້ ເປັນປີຄົບຮອບ 70 ປີ ທີ່ສະຫະລັດອາເມລິກາ ໄດ້ເປີດສະຖານເອກອັກຄະລັດຖະທູດທີ່ນະຄອນຫຼວງວຽງຈັນ ແລະ ຄົບຮອບ 75 ປີ ທີ່ນັກການທູດສະຫະລັດອາເມລິກາຄົນທຳອິດໄດ້ມາປະຈຳການທີ່ ສປປ ລາວ. ການລິເລີ່ມນີ້ເປັນເປັນການຢັ້ງຢືນ ໃຫ້ແກ່ການຮ່ວມ ມືທີ່ເຂັ້ມແຂງ, ຍາວນານ ແລະ ນັບມື້ນັບຂະຫຍາຍໂຕລະຫວ່າງສອງ ປະເທດພວກເຮົາ.“

“ການຮ່ວມມືໃນຄັ້ງນີ້ໄດ້ສະທ້ອນໃຫ້ເຫັນເຖິງຄວາມມຸ່ງໝັ້ນຂອງພວກເຮົາ ໃນການນໍາໃຊ້ຂໍ້ມູນ ແລະ ເທັກໂນໂລຊີ ເຂົ້າໃນການແກ້ໄຂບັນດາ ບົນພື້ນຖານຂໍ້ມູນຫຼັກຖານຕົວຈິງ ທີ່ຈະເປັນສິ່ງທີ່ຊ່ວຍສົ່ງເສີມການປ່ຽງແປງພຶດຕິກໍາຂອງພໍ່ແມ່ ແລະ ການພັດທະນາເດັກກ່ອນໄວຮຽນໄປໃນທາງທີ່ດີຫຼາຍຂຶ້ນ” ກ່າວໂດຍ ທ່ານ ບີລາລ ດູຣານີ, ຜູ້ຕາງໜ້າຂອງ ອົງການ ຢູນິເຊັບ ປະຈໍາ ສປປ ລາວ, “ພວກເຮົາມີຄວາມພາກພູມໃຈທີ່ໄດ້ເຮັດວຽກຮ່ວມກັບສູນກາງສະຫະພັນແມ່ຍິງລາວ, ປະເທດ ອົດສະຕຣາລີ ແລະ USAID, ໃນຖານະຄູ່ຮ່ວມພັດທະນາ ທີ່ມີຄວາມມຸ່ງໝັ້ນຕໍ່ການສົ່ງເສີມຄວາມເປັນຢູ່ທີ່ດີໃຫ້ເດັກ ແລະ ຄອບຄົວຂອງເຂົາເຈົ້າ. ”

21/01/2025

🌸⛅