29/08/2023
ميرپورماٿيلو جي ڳوٺ گڻگي جي رهواسڻ 17 سالا سپنا ميراڻي اعلاج ۾ مدد جي اپيل ڪئي آهي،
ان موقعي تي بيمار نينگري جي پي الھوڌايو ميراڻي صحافين کي ٻڌايو ته گذريل ھڪ سال جي عرصي کان منھنجي ڌي گڙدن جي بيماري ۾ مبتلا آهي، مختلف اسپتالن ۾ نياڻي جو علاج ڪرايو آھي ڊاڪٽرن ٻڌايو آھي تہ گڙدا ختم ٿي چڪا آهن، جن جي تبديلي ڪئي ويندي، غربت سبب ڌي سپنا جي گڙدن جي تبديلي وارو علاج نٿو ڪرائي سگهان، جڏهن ته مائٽن مان به ڪير پنهنجو گڙدو ڏيڻ لاءِ تيار ناهي، بيماري ۾ مبتلا سپنا ميراڻي جي پي علائقي جي سرندي وارن سردار علي گوھر خان مھر، ضلعي چيئرمين بنگل خان مھر وائيس چيئرمين ميربابرخان لنڊ، ۽ مقامي ادارن ايف ايف سي ڀاڻ فيڪٽري، اينگرو ڀاڻ فيڪٽري ۽ اوجي ڊي سي ايل گيس ڪمپني جي انتظاميا کي اپيل ڪئي آھي تہ نياڻي جي علاج جي مدد ڪري زندگي بچائي وڃي
