Can-avid NHS Ang Eskriba

02/08/2024

𝐓𝐈𝐍𝐆𝐍𝐀𝐍 | Mga kuhang larawan sa naganap na Parade of Lights noong ika-31 ng Hulyo, 2024 sa Can-avid Great Park.

[2/2]

📸 Syd Docena | Ang Eskriba
Jocianille Daileg | Avid Scrivener

02/08/2024

𝐓𝐈𝐍𝐆𝐍𝐀𝐍 | Mga kuhang larawan sa naganap na Parade of Lights noong ika-31 ng Hulyo, 2024 sa Can-avid Great Park.

[1/2]

📸 Syd Docena | Ang Eskriba
Jocianille Daileg | Avid Scrivener

02/08/2024

Sa pagdiriwang ng ikatlong Parade of Lights o Parada ng mga Ilaw, nagtipon ang mga residente ng lungsod ng Can-avid upang makiisa sa masiglang pagdiriwang ng kultura at tradisyon. Pinangunahan ng lokal na pamahalaan ang aktibidad na ito bilang bahagi ng pagpapalaganap ng kasiyahan at pagkakaisa sa komunidad.

Ang parada ay nagpasiklab kung saan makulay na mga ilaw at dekorasyon ang bumida. Dumalo ang libu-libong mamamayan upang panoorin at suportahan ang mga pambato ng bawat barangay na nagpakita ng kani-kanilang disenyo at talento.

Ang naging kampeon sa ngayong taong kompetisyon ay ang Cluster lll na binubuo ng barangay 8, 9, at 10. Sila rin ang nakatanggap bilang pinakamahusay sa koreograpia. Habang, ang nakakuha naman sa unang pwesto ay ang Cluster VII mula sa barangay ng Can-ilay, Salvacion, Pandol, Boco, at Balagon. Cluster l naman ang nakasungkit ng ikalawang pwesto mula sa barangay 1, 2 at 3.

Sa naganap na parada't eksibisyon, ang bawat grupo ay naghatid ng iba't ibang istilo ng salaysay, maging ito ay isang kakaibang panaginip, isang pagpupugay sa mga makasaysayang palatandaan, o isang paglalarawan ng lokal na paraan ng pamumuhay. Pinalamutian ng mga kumikinang na kasuotan ang mga kalahok na nagmamartsa kasama ang kanilang mga kahanga-hangang pag-indak na gumawa ng isang biswal na simponiya na mapamihag sa mga manonood.

Ibinahagi ng mga opisyal ng lokal na pamahalaan na layunin ng parada na ito na pasalamatan ang mga mamamayan sa kanilang dedikasyon at suporta sa pag-unlad ng komunidad. Isa itong pagkakataon upang ipakita ang husay at kahusayan ng bawat barangay sa pagtatanghal ng kanilang mga handog na dekorasyon.

Sa pangunguna ng mga lider ng komunidad at suporta ng bawat sektor, patuloy na nagiging tagumpay at inspirasyon ang taunang pagdiriwang ng Parada ng mga Ilaw.

📸 Syd Docena | Ang Eskriba
Jocianille Daileg | Avid Scrivener
🪶Michaella Legion

06/05/2024

𝐓𝐈𝐍𝐆𝐍𝐀𝐍 | Pahapyaw sa naganap na botohan ngayong araw sa Can-avid National High School, May 6, 2024.




🪶: Keira Joleen R. Villarta
🎥: Elizabeth A. Gales | Ang Eskriba

29/04/2024

📝🗳️🗣️

Pagtakbo: Para sa Pagbabago o Para sa Sariling Benepisyo?

Sa bawat paaralan, mahalagang magkaroon ng isang organisasyong magrerepresenta sa mga mag-aaral at magbibigay ng boses sa kanilang mga hinaing, pangangailangan at kagustuhan. Ito ang nararapat na layunin at pagtuunan ng pansin ng mga estudyanteng tatakbo. Kinakailangang kilatisin ang mga kandidato ng mga mag-aaral na boboto — kung sila ba ay may hangaring totoo o nagbabalat-kayo lamang. Kaya, piliin ang totoong kandidatong may hangaring magserbisyo para sa pagbabago.

Ang eleksiyon para sa mga panibagong lider na bubuo sa organisasyong kilala sa bansag na SSLG o Supreme Secondary Learner Government ay isang mahalagang bahagi ng proseso para sa kaunlaran ng paaralan. Dito nabibigyang-daan ang mga mag-aaral na maipahayag ang kanilang mga saloobin at pumili sa mga tumatakbo ng paglalaanan nila ng tiwala at ng kanilang mga boto. Sa pamamagitan naman ng pagboto, ang mga mag-aaral ay nagiging bahagi ng pagbabago at sila'y nagkakaroon ng mga panibagong kaalaman patungkol sa mga isyung may kinalaman sa kanilang pag-aaral at pamumuhay sa loob ng paaralan.

Sa pangangampanya, ang mga kandidato ay naglalaban-laban sa mabuting paraan sa pamamagitan ng paglalatag ng kanilang mga plataporma, adbokasiya, at mga adhikain. Dito ay nagkakaroon ng pagkakataon ang mga mag-aaral na suriin ang mga pangako at mga plano ng bawat kandidato.

Ngunit, hindi lamang ang mga kandidato ang mahalaga sa bawat eleksiyon. Ang partisipasyon ng mga mag-aaral sa pagboto ay isang malaking bahagi ng proseso. Dito nakasalalay kung sino ang magpapamalas ng kanilang mga liderato sa loob ng organisasyon, kung kaya't ang bawat boto ay mahalaga at nagpapakita ng kolektibong desisyon ng mga mag-aaral.

Sa kabilang dako, ang eleksiyon para sa SSLG ay hindi lamang tungkol sa pagpili ng mga lider, ito rin ay isang pagkakataon para sa mga mag-aaral na matuto tungkol sa demokrasya at kahalagahan ng pagkakaroon ng boses sa lipunan. Sa pamamagitan nito, natututo ang mga mag-aaral na maging responsableng mamamayan at aktibong bahagi ng pamayanan.

Sa bawat eleksiyon para sa organisasyong katuwang sa pamamahala ng paaralan, ang mga mag-aaral ay binibigyan ng pagkakataon na pumili ng mga lider na tunay na may kakayahang mamuno't maging tulay ng pagbabago. Papalapit nang papalapit na ang eleksiyon kung kaya't siguraduhing mabuti kung kanino ipagkakatiwala ang inyong mga boto. Mayroong tumatakbo para sa mga tao at mayroon din namang tumatakbo para sa mga pansariling gusto. Nawa'y hindi mapunta sa maling tao ang inyong mga boto bagkus ito'y pag-isipan ng mabuti at ibigay sa mga kandidatong tunay na may pakialam sa kapakanan ng mga mag-aaral at ng paaralan.

Sa pamamagitan ng aktibong partisipasyon at pinag-isipang pagboto, ang bawat mag-aaral ay nagiging bahagi ng pagbabago at pag-unlad ng paaralang kinabibilangan. Kaya dapat isaalang-alang ang tunay na mithiin ng mga kandidato. Sila ba ay tumatakbo para sa pagbabago o para sa sariling benepisyo?

✒️ Isinulat ni Ladymae E. Jocoya
✍️Dibuho ni Glyzelle Coles | Ang Eskriba

15/04/2024

📣🥳

Pagbati sa mga nagwaging manunulat ng Ang Eskriba at mga talentadong mag-aaral na nagrepresenta ng Can-avid National High School sa sabay na ginanap na Division Schools Press Conference (DSPC), Division Festival of Talents (DFOT) 2024 noong ika-11 hanggang ika-13 ng Abril sa bayan ng Oras, Eastern Samar.

Lubos kaming sumasaludo sa inyong ipinamalas na galing, talino at husay sa larangan ng sining at dyornalismo. Sa katapangang ipinamalas sa pagrepresenta ng ating iniirog na paaralan at pakikipagtagisan. Maging, sa inyong mga tagapagsanay na mga g**o.

Patuloy ninyong isulat ang tinta ng inyong mga pluma bilang mata ng bayan at boses ng katotohanan sa balita. At ipagaypay ang inyong mga pakpak sa paglikha ng obra't pagkamit ng inyong mga pangarap bilang mga alagad ng sining.

At sa mga hindi pinalad, patuloy ninyong pag-alabin ang inyong mga puso at hasain ang inyong galing sa talentong taglay. Susula't bubura pa rin. Madapa ma'y babangon at magniningning pa rin sa sining. 👊🏻

Muli, pagbati sa lahat! 👏

🦅💙✒️🎨🎭






🪶: Quennie Grace G. Jaralbio | Ang Eskriba

21/03/2024

Ang Career Guidance program ay isa sa mga programang pinakahihintay ng lahat, dahil nagbubukas ito ng mundo ng mga posibilidad at nag-aapoy na pagsinta at ambisyon sa loob ng mga mag-aaral. Sabik ang lahat na yakapin ang kaalaman at gabay na ibinibigay ng programa, maging ako ay nasasabik na makita kung saan ako dadalhin ng paglalakbay na ito.

Bago sumapit ang araw na pinakahihintay ng lahat, ako mismo bilang mag-aaral ay nakapag-isip-isip kung ano nga ba ang nais kong maging propesyon at ano nga ba ang tunay kong mithiin sa buhay. Kalaunan, habang nakikinig sa ilang mga tagapagsalita, dito ko napagtanto na ang pangangarap ay hindi katunayang tinadhana, kundi pinili mismo ng ating sarili.

Sa pagpili ng mga natatanging mithiin para sa ating sarili, dito mas nagiging malinaw na kinakailangan natin isakatuparan ang matalinong pag-iisip, na hindi lamang tayo mangarap ng mababa at ituon natin ang ating sarili na gustuhin natin ang mas magandang bersyon ng ating sarili kaysa sa kahapon.

Gayunpaman, hindi sapat ang matalinong pag-iisip sa pagharap sa karera kung walang mga detalyadong pagpapayo galing sa matagumpay na mga karakter sa iba’t ibang larangan. Sa mga napiling tagapagsalita, ibinahagi nila ang kahalagahan ng ilang mga hakbang tungo sa pagkamit ng mga mithiin, dito natuklasan naming mga estudyante ang tunay na espirito ng aral, asal at dasal na kinakailangan para sa tagumpay na inaasam.

Dahil sa makulay na programang naganap ay nakuha nito ang sangkap na huhubog sa sino mang katauhan. At maging sa akin, nagkaroon ako ng mas malinaw na pag-unawa sa aking mga mithiin. Paalala rin ito sa lahat na ang pangangarap ay isang malayang gawi na siyang dapat na maasam ng kahit ano mang estado ng pamumuhay.

Isinulat ni Elizabeth Gales | Ang Eskriba
📷: Thessa Marie Laodenio | Ang Eskriba

11/03/2024

Avid Scrivener extends its warmest congratulations to the following campus journalists and school paper advisers who, once again, proved their journalistic prowess and skills in the recently concluded Division Training on Campus Journalism for Campus Journalists and School Paper Advisers 2024, March 8–9, 2024, at Guiuan National High School.

PAGSULAT NG LATHALAIN
2nd place- Quennie Grace Jaralbio
4th place- Ladymae Jocoya
Coach: Ma. Vevencia Barro

PAGGUHIT NG KARTONG PANG-EDITORYAL
3rd place- Glyzelle Coles
Coach: Vebien Krislie Pajanustan

PAGKUHA NG LARAWANG PAMPAHAYAGAN
1st place- Kasey Amea Advincula
Coach: Christian Aguilar

PAGWAWASTO AT PAG-UULO NG BALITA
2nd place- Raine Gabrielle Cabacaba
Coach: Ma. Vevencia Barro

MOBILE JOURNALISM (ENGLISH)
3rd place
Hannah Grace Jaromay
Niel Platon
Coach: Cheryl Echague

MOBILE JOURNALISM (FILIPINO)
3rd place
Hannah Mae Sendiong
Ronnuel Lagmay
Coach: Cheryl Echague

ONLINE PUBLISHING (FILIPINO)
3rd place
Thessa Marie Laodenio
Elizabeth Gales
Hannah Beatrice Caspe
Ayana Hermosura
Keira Joleen Villarta
Coach: Ma. Vevencia Barro

COLLABORATIVE DESKTOP PUBLISHING (ENGLISH)
1st Place- Can-avid NHS
Special Awards:
Best in News Section
Best in Feature Section
Best in Sports Section
Best in Lay-out and Design

Brithart Cabigon
Nestor Calesterio
Ma. Fiona Rubio
Thania Joy Germino
Kashiera Aishie Caspe
Dylan Von Edgar Gelin
Dan Lourence Lazarra
Coach: Christine Dianne Valdez

COLLABORATIVE DESKTOP PUBLISHING (FILIPINO)
1st place- Can-avid NHS
Special Awards:
Best in News Section
Best in Editorial Section
Best in Sports Section
Best in Lay-out and Design

Mynie Jahziel Lawrence Cebrero
Hyara Kim Moscosa
Vince Daryl Obiena
Shanniele Angela Geroy
Kimberly Castillo
Ellaine Osias
Joyce Jocoya
Coach: Ma. Vevencia Barro

RADIO SCRIPTWRITING AND BROADCASTING (ENGLISH)
1st place- Can-avid NHS
Special Awards:
Best Female Anchor- Alea Louise Nicole Delmoro
Best Male News Presenter- Jeroh Aseo
Best Script

Alea Louise Nicole Delmoro
Jairus Legria
Melisa Hobayan
Angelou Latoja
Jeroh Aseo
John Lester Manalo
Kent Christian Calatay
Coach: Emmanuel Marquez

The said training is in preparation for the upcoming Division Schools Press Conference at Oras, Eastern Samar, in April.

Again, congratulations on this amazing feat, journos! You made the whole Can-avid National High School beam with pride and joy.

25/02/2024

𝗕𝗮𝗹𝗶𝘁𝗮 | 𝗧𝘂𝗿𝗻 𝗼𝘃𝗲𝗿 𝗖𝗲𝗿𝗲𝗺𝗼𝗻𝘆 𝗻𝗴 𝗕𝗮𝗴𝗼𝗻𝗴 𝘀𝗶𝗹𝗶𝗱-𝗮𝗿𝗮𝗹𝗮𝗻 𝗻𝗴 𝗖𝗡𝗛𝗦

Matagumpay na naidaos ang turn over ceremony ng 1-storey 2-classroom Building sa Can-avid National High School kamakailan ng Department of Public Works and Highways Eastern Samar District Engineering Office (DPWH ESDEO) na dinaluhan ni Cong. Marcelino 'Nonoy' C. Libanan.

Ang turn over ceremony para sa bagong gusali ay ginanap noong Pebrero 22, 2024, na binuo ng faculty and staff na pinamunuan ni Ginang Rosanna G. Catuday, ang butihing punong g**o ng nasabing paaralan.

Pinangunahan ni Gng. Rosanna G. Catuday ang pagbati sa mga bisitang dumalo na kung saan kabilang na rito ang contractor ng gusali na si Engr. Arnold Cosipag.

Ang proyekto ay nagsimula noong Agosto 7, 2023 at natapos ngayong Pebrero 2024.

Nagtatampok ang gusali ng dalawang maluluwang na silid-aralan, handwashing area, at banyo sa bawat silid-aralan.

Kasama sa turnover ceremony ang mga tradisyunal na ritwal tulad ng ribbon-cutting, na pinangunahan nina Cong. Marcelino 'Nonoy' C. Libanan at Hon. Mayor Vilma A. Germino, symbolic key handing, at blessing sa bagong gusali, na nagpahiwatig ng opisyal na pagbubukas nito.

Bakas sa mukha ng mga g**o at mga mag aaral ang lubos na kasiyahan sa bagong silid-aralan ng Can-avid National High School.

Sulat ni Keira Joleen R. Villarta
📷:Syd Docena | Ang Eskriba

04/02/2024