Quel est le site Web ?

https://www.facebook.com/132271536640898/

Ang Banyuhay, Fl. Peña, Kabasalan, Zamboanga Sibugay, Democratic Republic of the (2026)

29/03/2026

𝐇𝐮𝐥𝐢𝐧𝐠 𝐏𝐚𝐫𝐚

𝙎𝙖𝙗𝙞𝙩 𝙣𝙖, 𝙙𝙖𝙝𝙞𝙡 𝙗𝙪𝙠𝙖𝙨, 𝙗𝙖𝙗𝙖𝙗𝙖 𝙣𝙖! Narito na tayo sa pinakahuling kanto. 𝙄𝙨𝙖𝙣𝙜 𝙖𝙧𝙖𝙬 𝙣𝙖 𝙡𝙖𝙣𝙜.

Hindi lang basta seremonya ang pagtatapos, ito ang dulo ng ating pinakamahabang ruta. Sa pagtahak natin sa daan, naging magkakatabi tayo sa hirap at ginhawa. Noong nagsimula tayo, marami sa atin ang bitbit pa ang kaba. Ngayon, bitbit na natin ang mga pangarap na handa nang ibaba sa tamang destinasyon.

Sino ang mag-aakalang ang isang maliit na pirasong buto na minsang ibinaon sa lupa ay lalago, mamumunga, at darating sa puntong tila magtatapos na lamang dito? Subalit sa bawat bunga, may panibagong sangang handang umusbong, handang magpatuloy sa isang biyaheng hindi pa tunay na nagwawakas.

Gaya ng homily ni Rev. Fr. Marc Anthony Vaguchay, tayo bilang mga estudyante ay tulad ng isang puno. May mga panahong kinakailangan nating tumindig nang matatag, maging masipag at matuwid, kahit hinahampas tayo ng bagyo. Ang bawat sanga ay pinapasan ang bigat ng mga gawain, takdang-aralin, at responsibilidad, parang mga dahong nilalagay sa hangin ng init at ulan ng pagsubok. May mga sandaling gusto na nating bitawan ang sangang matagal nating pinanghawakan, ngunit pinili nating kumapit at magpatuloy.

Sa kabila ng lahat, tayo ay punong tumindig at piniling lumaban. May pag-asang patuloy na bumubulong na darating din ang araw na tayo ay sisikatan muli. Ang liwanag na iyon ay hindi lamang para sa atin kundi para sa ating mga g**o, kaklase, kaibigan, pamilya, at higit sa lahat, sa Poong Maykapal.

Isang araw na lang, at maibabahagi na natin ang bunga ng ating pinaghirapan, ang tamis ng bawat aral at sakripisyo na dinala natin sa bawat sanga at dahon. Sa bawat pagbagsak ng bunga mula sa punong ito, may panibagong sangang sisibol; patuloy ang buhay, patuloy ang pag-asa. Ang ating kwento bilang mga estudyante ay hindi nagtatapos dito. Bagkus, nagsisimula ito sa panibagong paglalakbay, isang biyaheng puno ng posibilidad at pangarap.

Bukas, hindi na tayo mga pasaherong naghihintay ng susunod na kanto. Bukas, tayo na ang hahawak ng manibela ng sarili nating tadhana. Kaya sa huling pagkakataon, humawak nang mahigpit. 𝑰𝒔𝒂𝒏𝒈 𝒕𝒖𝒍𝒐𝒈 𝒏𝒂 𝒍𝒂𝒏𝒈, 𝒈𝒓𝒂𝒅𝒖𝒂𝒕𝒊𝒐𝒏 𝒏𝒂!

Isinulat nina: Princess Ponce at Chris Arren Casa | ᴀɴɢ ʙᴀɴʏᴜʜᴀʏ
Disenyo ni: Yusri Usop | ᴀɴɢ ʙᴀɴʏᴜʜᴀʏ

28/03/2026

𝗣𝗮𝗿𝘂𝗽𝗮𝗿𝗼 𝘀𝗮 𝗛𝗮𝗻𝗴𝗶𝗻, 𝗧𝗮𝗴𝘂𝗺𝗽𝗮𝘆 𝗮𝘆 𝗔𝗯𝗼𝘁 𝗻𝗮 𝗿𝗶𝗻!

Isang taos-pusong pagpupugay sa aming nakatatandang mag-aaral na mamamahayag na matagumpay na nalampasan ang kanilang paglalakbay sa sekondaryang paaralan. Sa kanilang pagtatapos, sila'y mga mamamahayag na naging haligi at inspirasyon na nag-iwan ng mga alaala, aral, at ambag na mananatiling buhay sa puso ng MetaBuhay.

Tulad ng isang paruparo na unti-unting hinuhubog sa loob ng kanyang kokon. Sa paglipas ng panahon sa loob ng luntiang paaralan ng Kabasalan Science and Technology High School, sila’y nahasa, tumibay, at umusbong bilang isang maalindog na paruparo. Dahan-dahang nagbubukas ng pakpak, kanilang ipinamalas ang husay, talento, at dedikasyon na umantig sa puso at isipan ng iba.

Sa pagharap nila sa panibagong yugto ng kanilang buhay, higit pa sa pamamahayag ang kanilang naging pag-unlad. Parang paruparong lumilipad palabas ng kokon, nahubog ang kanilang kakayahan, naranasan ang tagumpay at pagsubok, at nakapulot ng mahahalagang aral sa bawat hakbang ng kanilang paglalakbay.

Ngayon, ang bawat mahusay at talento na mamamahayag ay handang ipamalas ang kagandahan na kanilang alay sa buong mundo. Muling magniningning sa himpapawid, dala ang liwanag at aral sa pagsungkit ng kanilang pangarap.

Muli, malugod naming ipinapaabot ang aming pagbati at buong puso naming ipinagmamalaki ang inyong tagumpay. Sa inyong paglipad patungo sa bagong mga pangarap, nawa'y maging matatas at abutin ang langit. Hiraya Manawari, sa pag-abot ng inyung hangarin sa hangin at nawa'y ipagdiwang ang inyong liwanag sa buong mundo.

Isinulat ni: Chelsea Sumampong | ᴀɴɢ ʙᴀɴʏᴜʜᴀʏ
Disenyo ni: Yusri Usop | ᴀɴɢ ʙᴀɴʏᴜʜᴀʏ

27/03/2026

𝗕𝗬𝗔𝗛𝗘𝗡𝗚 𝗣𝗔𝗚𝗧𝗔𝗧𝗔𝗣𝗢𝗦, 𝗔𝗡𝗢, 𝗧𝗔𝗥𝗔?

𝙄𝙩𝙤 𝙥𝙤𝙣𝙜 𝙠𝙞𝙣𝙨𝙚… 𝙚𝙨𝙩𝙪𝙙𝙮𝙖𝙣𝙩𝙚𝙣𝙜 𝙢𝙖𝙜𝙩𝙖𝙩𝙖𝙥𝙤𝙨.

Sa bawat pag-andar ng jeep, tila kasabay nitong umaandar ang alaala ng isang mag-aaral, mga alaalang minsan ay hindi pinapansin, ngunit ngayo’y unti-unting bumibigat habang papalapit sa huling babaan.

Parang kailan lang ang unang hawak sa panulat na lumalapat sa gusot na papel. Sa bawat pahina ng papel na minsang gusot, nakaukit ang pagsisikap na hindi agad napapansin ng iba.

Sa biyahe, hindi maiiwasan ang siksikan, hindi lamang sa jeep kundi pati sa oras, gawain, at responsibilidad. May mga araw na tila kulang ang bente-kwatro oras upang pagsabayin ang aral, pamilya, kaibigan, at sariling pangarap. May mga sandaling gusto nang bumaba, sumuko, at magpahinga. Ngunit gaya ng isang pasaherong determinado, kumakapit kahit masikip, kahit mahirap, kahit pagod na.

At sino ba ang makakalimot sa mga simpleng ligaya? Ang pakikipag-unahan sa pila sa kantina, ang tawanan sa likod ng silid-aralan, ang palihim na sulyap sa taong nagbibigay kulay sa araw-araw. Ang mga gabing walang tulog dahil sa proyekto, at ang mga umagang pilit gumigising kahit kulang sa pahinga. Lahat ng ito ay bahagi ng biyahe, mga tagpong tila ordinaryo noon, ngunit ngayo’y napakahalaga na.

Habang papalapit ang huling hintuan, unti-unting nagiging malinaw ang lahat. Ang bawat hirap, bawat luha, bawat sakripisyo, lahat pala ay may patutunguhan. Ang biyahe ay hindi lamang tungkol sa pagdating, kundi sa bawat sandaling naghubog sa kung sino ka ngayon.

Ngayon, narito na sa puntong kailangang bumaba. Hindi dahil tapos na ang lahat, kundi dahil may panibagong byahe na naghihintay. Bitbit ang mga aral, alaala, at karanasang hindi matutumbasan ng anumang halaga.

Sa pagbaba ng jeep, may halong saya at lungkot. Saya dahil natapos din ang mahabang paglalakbay. Lungkot dahil iiwan ang mga taong naging kasama sa bawat kilometro ng biyahe. Ngunit tulad ng bawat pasahero, kailangang magpatuloy.

𝙎𝙞𝙜𝙚 𝙥𝙤 𝙢𝙖𝙣𝙤𝙣𝙜, 𝙙𝙞𝙩𝙤 𝙣𝙖 𝙡𝙖𝙣𝙜 𝙥𝙤 𝙖𝙠𝙤...

At sa huling hakbang palabas ng jeep, isang bagong mundo ang sasalubong na mas malawak, mas mapanghamon, ngunit puno ng posibilidad.

Isinulat ni: Jeslyn Divinagracia | ᴀɴɢ ʙᴀɴʏᴜʜᴀʏ
Disenyo ni: Yusri Usop | ᴀɴɢ ʙᴀɴʏᴜʜᴀʏ

26/03/2026

𝐒𝐀 𝐊𝐀𝐒𝐀𝐋𝐔𝐊𝐔𝐘𝐀𝐍 | 𝗔𝗱𝗺𝗶𝘀𝘀𝗶𝗼𝗻 𝗧𝗲𝘀𝘁 𝗳𝗼𝗿 𝗦𝗦𝗖 2026
Sinimulan ng administrasyon ng Kabasalan Science and Technology High School (KSTHS) ngayong ika-26 ng Marso, taong kasalukuyan ang entrance test para sa mga nagnanais mag-enroll sa Grade 7 Special Science Curriculum. Isinagawa ang Admission Test sa ICT room ng paaralan upang suriin ang kakayahan ng mga aplikante na makapasok sa KSTHS.

Isinulat ni: Rancel Galuyo | ᴀɴɢ ʙᴀɴʏᴜʜᴀʏ
Larawang kuha ni: Shane Bulao | ᴀɴɢ ʙᴀɴʏᴜʜᴀʏ

25/03/2026

𝗟𝗶𝗺𝗮𝗻𝗴 𝗮𝗿𝗮𝘄 𝗻𝗮 𝗹𝗮𝗻𝗴

“𝑰𝒍𝒂𝒏𝒈 𝒔𝒊𝒌𝒐𝒕 𝒏𝒈 𝒅𝒂𝒂𝒏 𝒂𝒏𝒈 𝒅𝒊𝒏𝒂𝒂𝒏𝒂𝒏
𝑳𝒖𝒉𝒂'𝒕 𝒑𝒂𝒘𝒊𝒔 𝒏𝒂 𝒂𝒕𝒊𝒏𝒈 𝒊𝒏𝒊𝒍𝒂𝒂𝒏
𝑳𝒂𝒉𝒂𝒕 𝒏𝒈 '𝒕𝒐 𝒂𝒚 𝒂𝒕𝒊𝒏𝒈 𝒏𝒂𝒍𝒂𝒎𝒑𝒂𝒔𝒂𝒏”

Parang kailan lang, hawak pa natin ang mga unang pahina ng ating kwaderno na may halong kaba, alinlangan, at mga tanong na hindi pa natin kayang sagutan. Ngayon, unti-unti na nating isinasara ang kabanatang minsang naging tahanan ng ating mga pangarap, pagkakamali, at pagbangon.

Hindi naging madali ang lahat. May mga araw na gusto na lang nating sumuko, mga gabing puyat sa kakahabol ng deadline, at mga sandaling tila napag-iiwanan na tayo. Ngunit sa kabila ng lahat, pinili nating manatili. Pinili nating lumaban. At higit pa rito'y pinili nating magpatuloy.

Sa bawat hakbang na ating tinahak, may mga taong naging bahagi ng ating kwento, mga kaibigang naging sandalan, mga g**ong naging gabay, at mga alaala na ating babaunin habang-buhay. Dito natin natutunan na ang tunay na tagumpay ay hindi lamang nasusukat sa medalya, kundi sa tapang na ipinakita natin sa bawat kabanata.

Habang papalapit ang araw ng pagtatapos, unti-unti ring nagiging malinaw ang lahat. Ang mga dahilan kung bakit tayo nagsimula, at kung bakit hindi tayo sumuko. Limang araw na lang, at hahakbang na tayo patungo sa panibagong yugto.

Kaya Scitechista, damhin mo ang bawat sandali. Yakapin mo ang kaba, ang saya, at ang lungkot. Sapagkat sa likod ng lahat ng ito, naroon ang katotohanang pinaghirapan mo ang bawat hakbang upang makatungtong sa entablado.

Isinulat ni: Angel Pospos | ᴀɴɢ ʙᴀɴʏᴜʜᴀʏ
Disenyo ni: Yusri Usop | ᴀɴɢ ʙᴀɴʏᴜʜᴀʏ

14/03/2026

𝗞𝗦𝗧𝗛𝗦, 𝗡𝗮𝗸𝗶𝗹𝗮𝗵𝗼𝗸 𝘀𝗮 𝗙𝗶𝗿𝗲 𝗣𝗿𝗲𝘃𝗲𝗻𝘁𝗶𝗼𝗻 𝗠𝗼𝗻𝘁𝗵

Isinagawa ang programa kahapon, ika-13 ng Marso, taong kasalukuyan, bilang pagdiriwang ng Fire Prevention Month, na ginanap sa covered court ng Kabasalan Science and Technology High School (KSTHS), kasama ang ilang tauhan ng Bureau of Fire Protection (BFP) at mga mag-aaral.

Sinimulan ang programa sa mainit na pambungad na pananalita at pagbati na ibinahagi ni Gng. Alma S. Joligon, HT II/SDRRM Co-Coordinator.

Sinundan naman ito ng mga leksiyon na ibinahagi ng pangunahing tagapagsalita na si Gng. Rosheila D. Haida, SFO.

Kasunod nito ang hands-on demonstration at pagbibigay kaalaman tungkol sa iba't ibang klase ng apoy, mga uri ng fire extinguisher, wastong paraan ng CPR, tamang Heimlich maneuver para sa mga nabulunan, tamang first aid, at wastong pagba-bandage sa mga sugatan.

Layunin ng programang ito na mapalawak ang kaalaman ng mga mag-aaral hinggil sa wastong pagsagip ng buhay at tamang pagtugon sa mga emergency.

Natapos ang pagtitipon sa pagbibigay ng mga sertipiko na pinangunahan ni G. Mat Christopher S. Pasgala para sa mga pangunahing bisita bilang pasasalamat sa mga kaalamang ibinahagi na makatutulong sa hinaharap.

Isinulat ni: Rancel Galuyo | ᴀɴɢ ʙᴀɴʏᴜʜᴀʏ
Larawang kuha nina: Shane Bulao at Arianne Pagayon | ᴀɴɢ ʙᴀɴʏᴜʜᴀʏ

12/03/2026

𝐀 𝐑𝐞𝐌𝐀𝐑𝐂𝐚𝐛𝐥𝐞 𝐉𝐨𝐮𝐫𝐧𝐞𝐲

“What’s happened to me,’ he thought. ‘It was no dream.” - the metamorphosis

As the sun glinted off the calm waters of Sindangan, the town slowly woke to a familiar rhythm, a golden light had radiated, shining brightly to a journalist wearing a press uniform with the proud title of a copy reader. In the tense hush of the competition hall, his pen hovered over papers like wings poised to take flight, blending with the faint scent of ink, his story had begun with a quite phone call that would soon turn into a life changing responsibility.

This was 𝗠𝗮𝗿𝗰 𝗜𝘀𝗶𝗮𝗵 𝗡. 𝗢𝗰𝗵𝗮𝗿𝗼𝗻, now knowed as the academic weapon of KSTHS—an ace of multiple trades and the mind behind every headline, the strategist behind every page, and the clever brain behind the official Schools publication page the metamorphosis. Already recognized for his precision, his title was not just a proud badge—it was a symbol of countless hours spent transforming scattered ideas into stories that could lift readers and writers alike into worlds.

Guided by the vision of morphing words into worlds, Marc uses his craft to elevate every story, turning ordinary articles into journeys of insight and imagination, a dedication that soon earned him the honor of being a delegate for his outstanding service in campus journalism.

All of this dedication culminated in recognition that was more than deserved. Representing Zamboanga Sibugay at the Regional Schools Press Conference, Marc’s work and leadership stood out among the brightest student journalists of Region IX. Before was a young marc unsure of taking his first steps into journalism, still a cocoon waiting to soar, now stands as his name was called as one of 𝗥𝗲𝗴𝗶𝗼𝗻 𝗜𝗫 𝗠𝗼𝘀𝘁 𝗢𝘂𝘁𝘀𝘁𝗮𝗻𝗱𝗶𝗻𝗴 𝗖𝗮𝗺𝗽𝘂𝘀 𝗷𝗼𝘂𝗿𝗻𝗮𝗹𝗶𝘀𝘁 earning 𝟱𝘁𝗵 𝗣𝗹𝗮𝗰𝗲 in the regional stage.

"It’s about making an impact that speaks louder than any recognition." Marc shared.

To the backbone of the
metamorphosis, and the mentor behind every article, your 𝙅𝙊𝙐𝙍𝙉𝙚𝙮 has been one of many 𝙧𝙚𝙈𝘼𝙍𝘾𝙖𝙗𝙡𝙚 victories and unforgettable impact. In every headline shaped and every page brought to life, you carried not only stories but the spirit of a publication that thrived under your steady hand. And though pages may turn and seasons may change, the 𝙈𝘼𝙍𝘾 you etched into these halls of ink and ambition will remain-lingering in every writer you inspired, every voice you strengthened, and every story that continues to take flight.

Written by: Jastine Biwang
Layout by: Maykyla Durano

12/03/2026

𝐌𝐀𝐑𝐂𝐚 𝐧𝐠 𝐇𝐮𝐬𝐚𝐲

Muling pinatunayan ni Marc Isiah Ocharon ang kanyang galing at husay sa kamakailan lang na ginanap na Regional Schools Press Conference (RSPC) noong ika-5 hanggang ika-9 ng Marso, taong kasalukuyan sa Sindangan, Zamboanga del Norte.

Ang kanyang panulat at determinasyon ang nagdala sa kanya sa ikawalang yugto ng kompetisyon. Patuloy rin siyang nagbibigay ng inspirasyon sa lahat ng mamamahayag at patuloy siyang namamayagpag sa larangan ng pamamahayag.

Bukod pa rito, siya rin ay itinanghal bilang 𝗠𝗼𝘀𝘁 𝗢𝘂𝘁𝘀𝘁𝗮𝗻𝗱𝗶𝗻𝗴 𝗖𝗮𝗺𝗽𝘂𝘀 𝗝𝗼𝘂𝗿𝗻𝗮𝗹𝗶𝘀𝘁 sa buong probinsya ng Zamboanga Sibugay at kanyang nasungkit ang ika-limang pwesto sa buong rehiyon ng Zamboanga Peninsula. Ang kanyang angking husay ay patuloy na nag-iiwan ng marka saan man siya mapunta.

Isinulat ni: Chris Arren Casa | ᴀɴɢ ʙᴀɴʏᴜʜᴀʏ
Disenyo ni: Yusri Usop | ᴀɴɢ ʙᴀɴʏᴜʜᴀʏ

11/03/2026

𝐂𝐎𝐎𝐋𝐥𝐚𝐛𝐨𝐫𝐀𝐑𝐓𝐢𝐯𝐞 𝐧𝐚 𝐏𝐚𝐠𝐥𝐢𝐤𝐡𝐚

Nagkatagpo ang malikhaing kaisipan at sama-samang pagsisikap, doon nabuo ang mga pahinang may saysay at pangarap. Sa Regional Schools Press Conference (RSPC) 2026 na ginanap sa Sindangan, Zamboanga del Norte, buong husay na ipinamalas ng Collaborative Desktop Publishing Team (Filipino Category) ang kanilang talento sa pag-uugnay ng salita at anyo.

Sa pamamagitan ng pagtutulungan nina Krisleofe B. Barcenilla, Mariane Shannon Venice P. Herrera, Mhafea R. Clarito, Shane B. Bulao, John Mark B. Yanga, Chris Arren L. Casa, at Akeelah D. Saldivar, kasama ang kanilang Tagapayo na si Bb. Rosevy Toledo, kanilang naiuwi ang Pangalawang Puwesto, patunay ng kanilang dedikasyon, pagkamalikhain, at pagmamahal sa pamamahayag.

Sa bawat pahinang kanilang binuo, ipinakita nila na ang tunay na lakas ng isang pahayagan ay nagmumula sa isang koponang nagkakaisa sa layunin at paninindigan.

Isinulat ni: Angel Pauline Pospos | ᴀɴɢ ʙᴀɴʏᴜʜᴀʏ
Disenyo ni: Yusri Usop | ᴀɴɢ ʙᴀɴʏᴜʜᴀʏ

11/03/2026

𝐂𝐨𝐥𝐋𝐎𝐕𝐄𝐛𝐨𝐫𝐚𝐭𝐢𝐯𝐞 𝐧𝐚 𝐒𝐢𝐧𝐢𝐧𝐠

Sa bawat ritmo ng pagtipa sa keyboard at pagdampi ng disenyo sa pahina, nagtagpo ang iba’t-ibang ideya upang makalikha ng isang pahayagang sumasalamin sa husay at pagkakaisa. Sa ginanap na Regional Schools Press Conference (RSPC) 2026 sa Sindangan, Zamboanga del Norte, ipinamalas ng Collaborative Desktop Publishing Team (English Category) ang kanilang galing sa pagsasanib ng biswal, salita, at malikhaing konsepto.

Sa kabila ng matinding kompetisyon mula sa walong dibisyon ng Zamboanga Peninsula, matagumpay na nasungkit nina Seth Adrianne B. Sasota, Arianne Alea L. Pagayon, Danielle Sane H. Andales, Alea Maxime A. Basa, Angel Mae C. Cadenas, Kirstin Kaye H. Amancio, at Glendale Carl B. Bacani ang Pangatlong Puwesto kasama ang kanilang Tagapayo na si Bb. Xela Mae D. Alajas, patunay na kapag pinagsama ang talino, pagkamalikhain, at pagtutulungan, nagiging makapangyarihan ang bawat pahina ng pahayagan.

Sa larangan ng campus journalism, kanilang pinatunayan na ang pinakamahuhusay na kuwento ay hindi lamang isinusulat, kundi ito ay sama-samang nililikha.

Isinulat ni: Angel Pauline Pospos | ᴀɴɢ ʙᴀɴʏᴜʜᴀʏ
Disenyo ni: Yusri Usop | ᴀɴɢ ʙᴀɴʏᴜʜᴀʏ

11/03/2026

𝐌𝐠𝐚 𝐊𝐚𝐦𝐩𝐞𝐨𝐧 𝐬𝐚 𝐋𝐢𝐤𝐨𝐝 𝐧𝐠 𝐌𝐢𝐜𝐫𝐨𝐩𝐡𝐨𝐧𝐞

Sa isang himig ng pagkakaisa at husay sa paghahatid ng nag-aalab na balita, muling nagpakitang-gilas ang Radio Broadcasting and Scriptwriting Team sa larangan ng pamamahayag. Sa kanilang malikhaing pagsulat at mahusay na produksiyon kasama ang kanilang Tagapayo na si G. Juliver Sevilla, matagumpay nilang nasungkit ang Unang Puwesto bilang Best in Script at Ikalawang Puwesto sa Overall Production sa Radio Broadcasting and Scriptwriting Category na ginanap noong ika-8 ng Marso, 2026.

Isinulat ni:Princess Sarmiento | ᴀɴɢ ʙᴀɴʏᴜʜᴀʏ
Disenyo ni: Yusri Usop | ᴀɴɢ ʙᴀɴʏᴜʜᴀʏ

11/03/2026

𝐇𝐚𝐋𝐄𝐄𝐦𝐚𝐰 𝐬𝐚 𝐁𝐚𝐥𝐢𝐭𝐚𝐚𝐧

Sa likod ng mikropono, isang boses ang naging sandigan ng buong balita. Ito ang boses ni Lee Lord Latao, ang anchor na nagbigay-buhay sa bawat ulat.

Dahil sa kaniyang malinaw na pagbigkas, matatag na presensya, at kumpiyansa sa paghahatid ng balita, kasama ang kayang tagapayo na si G. Juliver Sevilla, nasungkit niya ang 3rd Place Best News Presenter sa Radio Broadcasting and Scriptwriting Category sa buong Rehiyon Nuwebe.

Sa bawat pag-angkla ng balita, ipinamalas ni Latao ang husay at dedikasyon sa larangan ng Radio Broadcasting. Isang patunay na ang isang matatag na boses ay kayang magdala ng impormasyon at mamayagpag sa entablado.

Ang tagumpay na ito ay hindi lamang personal na karangalan para kay Latao, kundi gabay din sa mga kabataang mamamahayag na patuloy na nagsusumikap maging boses ng katotohanan.

Isinulat ni: Jeslyn Divinagracia | ᴀɴɢ ʙᴀɴʏᴜʜᴀʏ
Disenyo ni: Yusri Usop | ᴀɴɢ ʙᴀɴʏᴜʜᴀʏ

Ang Banyuhay

29/03/2026

28/03/2026

27/03/2026

26/03/2026

25/03/2026

14/03/2026

12/03/2026

12/03/2026

11/03/2026

11/03/2026

11/03/2026

11/03/2026

Adresse

Téléphone

Site Web

Notifications

Contacter L'entreprise

Raccourcis

Partager

Catégorie

Demande de retrait de la fiche