Quel est le site Web ?

Malli News

Informations de contact, plan et itinéraire, formulaire de contact, heures d'ouverture, services, évaluations, photos, vidéos et annonces de Malli News, Société de médias/d’actualités, Democratic Republic of the.

மல்லி நியூஸ் குழுமம் இனிதே வரவேற்கிறது.உள்ளூர் முதல் உலகம் வரையிலான செய்திகளுக்கு

https://chat.whatsapp.com/K9cPgTii8Gm6UwTQjwdHuA

https://www.mallinews.in/

https://www.youtube.com/

https://www.instagram.com/mallinews?igsh=bHUxdnJkNmNncTZp

20/09/2025

தஞ்சை தெற்கு மாவட்டம், பேராவூரணி தொகுதிக்கு உட்பட்ட எஸ்டிபிஐ கட்சி நிர்வாகிகள் ஆலோசனை கூட்டம் மல்லிப்பட்டினம் எஸ்டிபிஐ கிராம பஞ்சாயத்து கமிட்டி அலுவலகத்தில் பேராவூரணி தொகுதி தலைவர் ஜவாஹிர் தலைமையில் நடைபெற்றது.

கூட்டத்தின் தொடக்கமாக சேதுபாவாசத்திரம் ஒன்றிய செயலாளர்
வஹி மன்சூர் வரவேற்புரையாற்றினார்.

இதில் பேராவூரணி தொகுதி செயலாளர் பைசல்கான் சேதுவாசத்திரம் ஒன்றிய தலைவர் ஆசாத்,சம்பை பட்டினம் கிளை தலைவர் முத்துமரைக்கான், மரைக்காவலசை கிளைத் தலைவர் இமாம், மல்லிப்பட்டினம் கிளை 2 செயலாளர் AJ. அப்துல்லாஹ் ஆகியோர் கலந்து கொண்டனர்

இக்கூட்டத்தில் எடுக்கப்பட்ட பேராவூரணி தொகுதிக்குட்பட்ட கிளைகளுக்கு அந்தந்த ஊர் நலன் சார்ந்த விஷயங்களை முன்னெடுக்க வேண்டும் என்றும்,இல்லம் தோறும் SDPI என்ற உறுப்பினர் சேர்க்கையை அதிகப் படுத்த வேண்டும் என்றும்,கிளைகள் இல்லாத ஊரில் கிளைகளை அமைக்க வேண்டும் என்றும் பேராவூரணி தொகுதிக்கு உட்பட்ட கிளைகள் எண்ணிக்கையை அதிகப்படுத்த வேண்டும் என்றும்,உள்ளாட்சி தேர்தலில் போட்டியிட வேண்டிய வேட்பாளரின் பட்டியலை தயார் செய்ய வேண்டும் உள்ளிட்ட தீர்மானங்கள் நிறைவேற்றப்பட்டது.

இறுதியாக மல்லிப்பட்டினம் GP கமிட்டி செயலாளர் ஹாமீம் பைசல் அவர்கள் நன்றி உரையாற்றினார்.

19/09/2025

மல்லிப்பட்டினம் மரண அறிவிப்பு ~ E.B.தமீம் அவர்கள்.!

மல்லிப்பட்டினம் காயிதே மில்லத் நகரை சேர்ந்த மர்ஹூம் புஹாரி அவர்களின் மகனும், யூசுஃப், சாகுல், ஜலால் இவர்களின் சகோதரருமாகிய EB. தமீம் அவர்கள் வஃபாத்தாகிவிட்டார்கள்

இன்னாலில்லாஹி வ இன்னா இலைஹி ராஜியூன்

அன்னாரின் மறுமை வாழ்க்கைக்காக துஆ செய்யவும்.

19/09/2025

மல்லிப்பட்டினம் மற்றும் அதனை சுற்றியுள்ள பகுதிகளுக்கு மின்தடை அறிவிப்பு.

17/09/2025

தமிழக மீனவர்களின் வாழ்வாதாரமான கச்சத்தீவை மீட்க வலியுறுத்தியும்
தமிழக மீனவர்களை தாக்கி அவர்களது படகுகளை பறிமுதல் செய்து ஏலம் விடும் சிங்கள அரசைக் கண்டித்தும் தமிழக வாழ்வுரிமைக் கட்சியின் சார்பில் புதுக்கோட்டை மாவட்டம் கோட்டைப்பட்டினத்தில் கண்டன ஆர்ப்பாட்டம் நடைபெற்றது.

இந்த ஆர்ப்பாட்டத்தில் வாழ்வுரிமை கட்சியின் தலைவர் வேல்முருகன் கலந்துக்கொண்டு கண்டன உரையாற்றினார். இதில் தஞ்சை தெற்கு மாவட்ட செயலாளர் பஷீர் அகமது, கட்சியின் முன்னணி தலைவர்கள் பங்கேற்றார்கள்.

முன்னதாக கோட்டைப்பட்டினம் தர்காவிற்கு சென்று வழிபட்டார்.

17/09/2025

தஞ்சை மாவட்டம் சர்பேந்திரராஜன்பட்டினம் ஊராட்சி,மல்லிப்பட்டினம் திப்பு சுல்தான் தெருவில் நாய் கடித்து ஆடு பலி.மல்லிப்பட்டினம் பகுதியில் தினந்தோறும் தெருநாய்கள் கால் நடைகளை வேட்டையாடி வருவது தொடர் கதையாக உள்ளது. மேலும் பள்ளிக்கு செல்லும் மாணவ,மாணவிகளையும் நாய்கள் கடிக்க துரத்துகின்றன.

சரபேந்திரராஜன்பட்டிணம் ஊராட்சியில் தெருநாய்களை கட்டுப்படுத்த உள்ளாட்சி நிர்வாகம், மாவட்ட நிர்வாகம் நடவடிக்கை எடுக்க வேண்டும் என்று அப்பகுதி மக்கள் வலியுறுத்தி உள்ளனர்.

16/09/2025

மல்லிப்பட்டினத்தில் தீ விபத்து குடிசை எரிந்து நாசம்..!

தஞ்சை மாவட்டம்,மல்லிப்பட்டினம் ECR சாலையில் டீசல் பங்க் எதிரே,
TNTJ மர்க்கஸ் அருகில் உள்ள குடியிருப்பு பகுதியில் குடிசை முற்றிலும் எரிந்து நாசமானது.குடிசையில் இருந்த அனைத்து பொருட்களும் தீக்கிரையாகின.

தீ விபத்து சம்பவம் அறிந்த அப்பகுதி இளைஞர்கள் தண்ணீரை ஊற்றி தீயை அணைக்கும் பணியில் ஈடுபட்டனர்.சம்பவ இடத்திற்கு தீயணைப்பு துறையினர் வந்திருந்து அப்பகுதி இளைஞர்கள் உதவியுடன் தீயை அணைக்கும் பணியில் ஈடுபட்டு வருகின்றனர்.

15/09/2025

புதுப்பட்டினம் மரண அறிவிப்பு ~ பைசல் அவர்கள்..

புதுப்பட்டினம் நிஜாம் முகைதீன் அவர்களின் மகனார் பைசல் அவர்கள் வாகன விபத்தில் வஃபாத்தாகி விட்டார்கள்.

இன்னாலில்லாஹி வ இன்னா இலைஹி ராஜியூன்.

அன்னாரின் மறுமை வாழ்விற்காக துஆ செய்யவும்.

14/09/2025

சென்னை ராயப்பேட்டையில் ரேபிஸ் தாக்கி, சிகிச்சை பலனின்றி ஒருவர் உயிரிழப்பு

கடந்த ஜூலை மாதம் மீர்சாகிப்பேட்டை மார்கெட் அருகே முகமது நஸ்ருதினை தெருநாய் கடித்துள்ளது. உடனே ராயப்பேட்டை அரசு மருத்துவமனையில் சென்று சிகிச்சை பெற்றுள்ளார்

இந்நிலையில் கடந்த 12ம் தேதி அவருக்கு மீண்டும் காய்ச்சல் ஏற்பட, ராஜீவ் காந்தி அரசு மருத்துவமனையில் மேல் சிகிச்சைக்காக சேர்க்கப்பட்டார்

ரேபிஸ் தொற்று அவரை தாக்கியிருப்பது உறுதியானதை அடுத்து தனி அறையில் வைத்து சிகிச்சை அளிக்கப்பட்ட நிலையில், நேற்று சிகிச்சை பலனின்றி உயிரிழந்தார்

13/09/2025

திருச்செந்தூரில் காயல்பட்டிணம் செல்லும் பெண்ணை பேருந்தில் ஏற்ற மறுத்த விவகாரம் - பேருந்து ஓட்டுநர், நடத்துநரை அழைத்து வட்டார போக்குவரத்து அலுவலர் விசாரணை.

நடத்துநர் வீரபத்திரனின் நடத்துநர் உரிமத்தை சஸ்பெண்ட் செய்யவும், பேருந்து மீது வழக்குப்பதிவு செய்து நடவடிக்கை எடுக்கவும் பரிந்துரைக்கப்பட்டுள்ளதாக மோட்டார் வாகன ஆய்வாளர் தகவல்.

11/09/2025

காணவில்லை..

10/09/2025

மல்லிபட்டினம் மரண அறிவிப்பு ~காதர் ஷாகிப் அவர்கள்.!

மல்லிப்பட்டினம் வடக்குத் தெருவைச் சேர்ந்த K.ஷேக்முஹம்மது அவர்களின் தகப்பனாரும், A.அப்துல்லாஹ் ,A.ஜாஹிர் ஹூசைன், N.ஹிதாயத்துல்லாஹ்
ரபிக்கான் இவர்களது மாமனாருமான அ.மு.நெ.கா.காதர்ஷாகிப்
அவர்கள் இன்று வஃபாத் ஆகிவிட்டார்கள்..

இன்னா லில்லாஹி வ இன்னா இலைஹி ராஜியூன்.

அன்னாரின் மறுமை வாழ்விற்காக துஆ செய்யவும்

09/09/2025

கத்தாரில் உள்ள ஹமாஸ் தலைவர்களை குறிவைத்து சற்றுமுன் இஸ்ரேல் தாக்குதல் நடத்தியுள்ளது:

கத்தாரில் உள்ள ஹமாஸ் தலைவர்களை குறிவைத்து இஸ்ரேல் இன்று(09/09/25) செவ்வாய்க்கிழமை சற்றுமுன் தாக்குதல் நடத்தியது. தலைநகர் தோஹாவில் தாக்குதலை நடத்தியதாக இஸ்ரேலிய இராணுவம் உறுதிப்படுத்தியது. இந்த தாக்குதல் மூத்த ஹமாஸ் தலைவர்களை குறிவைத்ததாகவும், உள்நாட்டு பாதுகாப்பு நிறுவனமான ஷின் பெட் உடன் இணைந்து தாக்குதல் நடத்தப்பட்டதாகவும், ஹமாஸுக்கு எதிரான தாக்குதல் தொடரும் என்றும் இராணுவம் கூறியுள்ளது.

இதையடுத்து இஸ்ரேலிய இராணுவம் ஒரு குடியிருப்பு பகுதிக்கு அருகில் தாக்குதலை நடத்தியதாக அல் ஜசீரா செய்தி வெளியிட்டுள்ளது. ஏதேனும் உயிரிழப்புகள் ஏற்பட்டதா என்பதை சோதித்து வருவதாக கத்தார் பாதுகாப்பு அதிகாரிகள் தெரிவித்தனர். பாதுகாப்பு நடைமுறைகள் மிகவும் சிக்கலானவை என்றும், குடியிருப்பு பகுதிகள் மற்றும் கட்டிடங்களுக்கு மிக அருகில் தாக்குதல் நடந்ததாகவும் அதிகாரிகள் தெரிவித்தனர். குவைத் உட்பட பல்வேறு வளைகுடா நாடுகள் இஸ்ரேலிய தாக்குதலுக்கு கடுமையாக கண்டனத்தை பதிவு செய்துள்ளது.

தோஹாவில் இஸ்ரேலின் தாக்குதலை 'கோழைத்தனமானது' என்று கத்தார் விவரித்துள்ளது. இந்த குற்றச் செயல் அனைத்து சர்வதேச சட்டங்கள் மற்றும் தரநிலைகளையும் அப்பட்டமாக மீறலாகும் என்று கத்தார் தெரிவித்துள்ளது. கத்தார் வெளியுறவு அமைச்சக செய்தித் தொடர்பாளர் மஜித் அல்-அன்சாரி வெளியிட்டுள்ள ஒரு அறிக்கையில், கத்தார் மக்கள் மற்றும் கத்தாரில் வசிக்கின்ற வெளிநாட்டினரான மக்களின் பாதுகாப்பிற்கு கடுமையான அச்சுறுத்தல் இருப்பதாக தெரிவித்தார். ஹமாஸ் அரசியல் பணியகத்தின் பல உறுப்பினர்கள் வசிக்கும் குடியிருப்பு பகுதிகளை இந்த தாக்குதல் குறிவைத்ததாக அவர் கூறினார்.

இந்தத் தாக்குதலை கத்தார் கடுமையாகக் கண்டித்துள்ளதுடன், இஸ்ரேலின் எந்தவொரு பொறுப்பற்ற நடவடிக்கைகளையும், பிராந்திய பாதுகாப்பில் அவர்கள் தொடர்ந்து நடத்தும் அத்துமீறுவதையும், நாட்டின் பாதுகாப்பு மற்றும் இறையாண்மையை இலக்காகக் கொண்ட எந்தவொரு நடவடிக்கைகளையும் பொறுத்துக்கொள்ள மாட்டோம் என்று எச்சரித்துள்ளன. மேலும் உயர் மட்டத்தில் விசாரணை நடைபெற்று வருவதாகவும், அவை கிடைத்தவுடன் கூடுதல் விவரங்கள் அறிவிக்கப்படும் என்றும் அவர் கூறினார். இதற்கு முன்னர் கடந்த ஜூன்-23,2025 அன்று தங்கள் நாட்டின் அணுசக்தி தளங்கள் மீதான அமெரிக்காவின் தாக்குதலுக்கான பதில் நடவடிக்கையாக கத்தாரில் உள்ள அமெரிக்க ராணுவ தளம், குறிப்பாக அல்-உதீத் விமான தளம் மீது ஈரான் தாக்குதல் நடத்தியது குறிப்பிடத்தக்கது.

Adresse

Democratic Republic Of The
614723

Site Web

https://www.mallinews.in/

Notifications

Soyez le premier à savoir et laissez-nous vous envoyer un courriel lorsque Malli News publie des nouvelles et des promotions. Votre adresse e-mail ne sera pas utilisée à d'autres fins, et vous pouvez vous désabonner à tout moment.