Dr.Yehya Edrees

Dr.Yehya Edrees Informations de contact, plan et itinéraire, formulaire de contact, heures d'ouverture, services, évaluations, photos, vidéos et annonces de Dr.Yehya Edrees, Democratic Republic of the.

«✨ طب نسائي مبسّط قائم على الدليل
🔹 الحمل • الولادة • العقم • تنظيم الأسرة ✨"مهمتي: وصل المعلومة الطبية ببساطة وأمان لكل سيدة"
📹 ريلز يومي يجاوب على أسئلتك
📍 سوريا | للحجز والرسائل 👇»: ↓
https://beacons.ai/dr.yehya

🧬 هل ممكن هرمون النمو (Omnitrope) يحسن الإباضة⁉️☢️كتير نساء بيسألوا إذا في دور لهرمون النمو بعلاج ضعف الإباضة أو قلة الا...
26/08/2025

🧬 هل ممكن هرمون النمو (Omnitrope) يحسن الإباضة⁉️
☢️كتير نساء بيسألوا إذا في دور لهرمون النمو بعلاج ضعف الإباضة أو قلة الاستجابة للتنشيط.

🔹 شو هو⁉️
⏺️Omnitrope = Somatropin = هرمون النمو الصناعي.
♀️هو مو علاج أساسي للإباضة، بس أحيانًا يُستخدم كـ مساعد ببرامج أطفال الأنابيب.

🔹 الفائدة المحتملة:
1️⃣يحفّز عوامل النمو داخل المبيض (IGF-1).
2️⃣ممكن يحسّن جودة البويضات عند النساء ذوات الاستجابة الضعيفة.
3️⃣يزيد من حساسية المبيض للمنشطات.

🔹 البروتوكول والجرعة:
1️⃣غالبًا يُعطى يوميًا تحت الجلد (0.5 – 1.5 IU)
2️⃣يبدأ من اليوم 2 أو 3 للدورة مع أدوية التنشيط،
3️⃣ويستمر حتى قبل السحب (retrieval) بأيام.

🔹 الدراسات شو قالت⁉️
✅️بعض الدراسات بينت تحسن بعدد وجودة البويضات.
🚫أخرى ما لقت فرق واضح.
👉 يعني لحد الآن، النتائج مو مؤكدة 100%.

🔹 نصائح مهمة:
⬆️يُستخدم فقط مع إشراف اختصاصي عقم.
⬆️ما بينوصف كخيار أول، بل كخطة مساعدة بحالات محددة (ضعف استجابة / مخزون ضعيف).
⬆️كل حالة إلها خصوصيتها.

✨ الخلاصة:
Omnitrope مو سحر، لكنه أحيانًا بيكون مساعد إضافي بعلاج العقم وتحسين الإباضة عند بعض النساء.

⚠️اكتبيلي تعليق لو عندك ضعف إباضة،وتأخر إنجاب لساعدك بحل المشكلة.
#عقم

😅 صار معي موقف ما بينتسى بالعيادة…دخلت لعندي سيدة حامل، وقعدت تضحك وتقول:🤷🏼‍♂️"دكتور… من وقت ما حملت وأنا بتوحم… بس الغر...
25/08/2025

😅 صار معي موقف ما بينتسى بالعيادة…
دخلت لعندي سيدة حامل، وقعدت تضحك وتقول:
🤷🏼‍♂️"دكتور… من وقت ما حملت وأنا بتوحم… بس الغريب إنو جوزي كمان عم يتوحم متلي❗️"

… والطريف إنو الزوج كان قاعد جنبا عم يهز راسو :
"عنجد دكتور… عم حس بغثيان، عم جوع بسرعة، حتى مزاجي متقلب❗️"

🙂 وجوابي:
"صدقوني… هاد الشي إلو اسم علمي ومش خيال❗️
🤵اسمو متلازمة كوفاد – Couvade Syndrome."

👨‍⚕️ الدراسات بتقول:
في رجال وقت زوجتن بتحمل، بيصير عندن أعراض شبيهة بالحمل:
1️⃣غثيان ودوخة.
2️⃣شهية زائدة أو العكس.
3️⃣تقلب مزاج.
4️⃣أحياناً زيادة بالوزن.

💡 والسبب مو إنو هو حامل طبعاً، لكن الرابط النفسي والعاطفي العميق بيخلي جسمو يتفاعل وكأنو عم يشارك التجربة.

✨ الرسالة الأهم:
❤️أنو الحمل مو بس رحلة جسدية للزوجة… هو رحلة مشتركة.
لما الزوج يتأثر أو حتى "يتوحم"، هاد دليل محبة ودعم… مو ضعف.
❤️وبالعكس، هاد النوع من المشاركة بيقوي العلاقة وبيخلي الحمل تجربة ألطف للاثنين.

✅مين منكن مرّ بهيك موقف⁉️ 🙈
يا ريت تشاركوني بالكومنتات 👇 إذا شفتوا حدا من الأزواج يلي "اتوحّموا" مع مرتن.
وما تنسوا تعملوا لايك 👍 و شير 🔄، لأنو في كتير أزواج لازم يعرفوا إنو هاد الموضوع طبيعي وما في شي محرج فيه.
#الحمل #الوحم

👩‍🍼 قالتلي "دكتور… أنا ولدت من فترة قصيرة، وبدي أعرف: إيمت فيني أرجع أعمل ليزر⁉️"العناية بالجسد هو هوس العصر للأمهات.♀️و...
24/08/2025

👩‍🍼 قالتلي
"دكتور… أنا ولدت من فترة قصيرة، وبدي أعرف: إيمت فيني أرجع أعمل ليزر⁉️"

العناية بالجسد هو هوس العصر للأمهات.
♀️والقصة بتبلش من أول يوم بعد الولادة:
الجسم بكون مرهق، الهرمونات عم تتغيّر، والأنسجة لساتها بمرحلة الشفاء. بهالفترة، أي تدخل مثل الليزر ممكن يأثر سلبًا على التعافي.

🔹 الطب بيقول:
✳️بعد الولادة الطبيعية: لازم نستنى على الأقل ٦–٨ أسابيع (فترة النفاس)، ليرجع الرحم والجسم لطبيعته.

✳️بعد الولادة القيصرية: الجرح بده وقت أطول، عادة ٨–١٢ أسبوع حتى يلتئم بشكل كامل.

✳️أثناء الرضاعة: الجلد ممكن يكون حساس أكتر، لكن ما في مانع طبي إذا ما في مضاعفات.

✨ الفكرة الأساسية: ما تستعجلي.
✅️لما جسمك يرتاح ويستعيد توازنه، بتكون جلسات الليزر آمنة ونتيجتها أفضل.

📌و الخلاصة:
الليزر بعد الولادة مسموح، بس بالوقت الصح… صحتك أولاً، وجمالك باقي ويتمدد، عملتي ليزر او صبرتي شوي😍

📚 معلومة موثوقة:
التوصيات مبنية على أبحاث من American College of Obstetricians and Gynecologists (ACOG) ودراسات حديثة عن التجميل بعد الولادة.

⬇️إذا عندك أي سؤال عن العناية بجسمك بعد الولادة، اكتبي بالتعليقات أو ابعتيلي رسالة خاصة، وأنا بجاوبك 🌹
#الليزر #دكتوري

⬇️حمى البحر الأبيض المتوسط (FMF).👩‍🍼 “سناء” حامل بالشهر الأول، راجعتني بنوبات حرارة مفاجئة مع ألم بطن شديد وكأنه التهاب ...
23/08/2025

⬇️حمى البحر الأبيض المتوسط (FMF).
👩‍🍼 “سناء” حامل بالشهر الأول، راجعتني بنوبات حرارة مفاجئة مع ألم بطن شديد وكأنه التهاب زائدة…
✳️كل مرة بتعمل فحوصات بلا نتيجة واضحة، وأنا شكيت بحمى البحر الابيض FMF⁉️
✳️هي اللحظة غيّرت حملها بالكامل😍
✳️ومع العلاج الصح استقرّت نوباتُها واكتمل الحمل بسلام.

⬇️شو يعني حمى البحر الأبيض المتوسط FMF⁉️
✳️اضطراب التهابي ذاتي وراثي (MEFV–pyrin) بصير نوبات حمى + التهاب مصليات (بريتون/جنبة/مفاصل) قد تؤدي على المدى البعيد إلى الداء النشواني AA إن لم تُعالج.

✳️الأعراض العامة:
🌡️ حُمّى متكررة قصيرة (12–72 ساعة).
🤕 ألم بطني/صدري يشبه التهاب الزائدة .
🦵 ألم مفاصل عابر/تورّم الركبة أو الكاحل.
🩻 حبوب شبيه بالحمرة على الساق (erysipelas-like).
🧬 قصة عائلية لأن الوراثة بتلعب دور.

✅️ خلال النوبة ترتفع مؤشرات الالتهاب (CRP/ESR) وSerum Amyloid A.

✳️الحمل مع FMF: شو نتوقع⁉️
✴️الاستمرار على الكولشيسين بقلل النوبات ويحميك من الداء النشواني، ومابتزيد التشوّهات الخَلقية عند الالتزام بالعلاج.

✴️نتائج الحمل عمومًا جيدة عند السيطرة على المرض.

⬇️العلاج خلال الحمل⁉️
1) كولشيسين Colchicine – استمري عليه
♀️الجرعة المعتادة للبالغين: 1.2–2.4 mg/اليوم (جرعة واحدة أو مجزّأة).

✴️يمكن الزيادة تدريجيًا حتى السيطرة على النوبات والالتهاب بحد أقصى 3 mg/اليوم ، مع مراقبة تحاليل الكبد والدم .
✴️الإرضاع الطبيعي: الكولشيسين يفرز بكميات صغيرة في الحليب؛ غالبية المراجع تعتبره آمن مع الرضاعة.

2) إذا كانت النوبات مستمرة رغم الجرعة القصوى المتحمَّلة
ناقش مثبطات IL-1 (Anakinra/Canakinumab).

3) تدبير الألم أثناء النوبات
✴️باراسيتامول (أسيتامينوفين) هو الخيار الأوّل في الحمل.
تجنّبي البروفين بعد 20 أسبوعًا.

✂️ملاحظة:
✳️جرعة حمض الفوليك للمصابة بـ FMF
✳️الأساس: FMF/الكولشيسين لا يفرضان جرعة أعلى بحد ذاتهما.
✳️الجرعة القياسية: 400 ميكروغرام/اليوم (0.4 mg) بدءًا من شهر قبل الحمل وحتى نهاية الثلث الأول—ويُستكمل كمكمّل حملي اعتيادي بعد ذلك.

✳️جرعة عالية (5 mg/اليوم) إذا توفّر عامل خطورة لعيوب الأنبوب العصبي.

|د.يحيى 👽وجبة اليوم خوفوكن منها، وعملوا منها سبب الأزمات للحامل.😍بتحبوا شغلة بتشبع، طيبة، وما بتعذب⁉️😋🌸جربوا تبولة خ...
23/08/2025

|د.يحيى

👽وجبة اليوم خوفوكن منها، وعملوا منها سبب الأزمات للحامل.
😍بتحبوا شغلة بتشبع، طيبة، وما بتعذب⁉️😋
🌸جربوا تبولة خفيفة عالصبح أو عالغدا.

✅ القيمة الغذائية (لكوب وسط):
✴️سعرات حرارية: حوالي 150.
✴️غنية بالفيتامين C وA، ومعادن متل الحديد والمغنيزيوم.
✴️مليانة ألياف بتساعد الهضم 🌱.

💸 التكلفة:
كل الصحن بيكلف تقريباً 1.5💲 (حسب الموسم).

👩‍🍳 المكونات:
✳️برغل ناعم منقوع.
✳️بقدونس مفروم كتير ومغسول منيح .
✳️بندورة مفرومة.
✳️نعنع.
✳️ليمون + زيت زيتون + ملح خفيف.

✨ بتتاكل لحالا أو جنب أي أكل، وبتعطي نشاط وحيوية.
صدقيني رح تحسي الفرق بطاقة الجسم❗️ ومزاجك بغني💚

#خضار

| د.يحيى لما تصحي الصبح وتعبانة و معصبة من زوجك .. لازم نروقك بسرعة..🫡🍹عصيرك الصبح يلي بيروّقك وبيعطي طاقة تخليك تنتصر...
20/08/2025

| د.يحيى
لما تصحي الصبح وتعبانة و معصبة من زوجك .. لازم نروقك بسرعة..🫡
🍹عصيرك الصبح يلي بيروّقك وبيعطي طاقة تخليك تنتصري على زوجك 😃 وتصير ريحة الجسم عطرة ومايفاوم😉..
🥑 المكونات:
1️⃣نص حبّة أفوكادو 🥑
2️⃣كاسة سبانخ فريش 🌿
3️⃣نص كباية أناناس 🍍
4️⃣نص موزة 🍌
5️⃣كاسة مي باردة أو حليب لوز 🥛

🔬 القيم الغذائية (للكاسة):
✴️حوالي 220 سعرة حرارية.
✴️بروتين 4 غرام.
✴️ألياف 6 غرام.
✴️بوتاسيوم ومغنيسيوم بيساعدوا عالتوازن.
✴️فيتامين C و E لبشرة صافية ونضرة ✨.

💰 التكلفة:
أقل من 1.5💲 تقريبًا، يعني أرخص من قهوة برّا ☕🤷🏼‍♂️

⚡ الفوائد:
✔️ بيعطي طاقة من أول الصبح.
✔️ بيرفع المناعة.
✔️ بيساعد على تنظيم الشهية.
✔️ بيخلي البشرة تلمع 🌸.

🥤 طريقة التحضير:
1. حطي المكونات بالخلاط.
2. زيدي مي أو حليب لوز حسب ما بتحبي السماكة.
3. خفقي كل شي منيح لتصير الخلطة ناعمة وكريمية.

"جربيه الصبح وحتى بالليل 🍹✨ وادعيلي
طاقة + مناعة + بشرة بتجنن 👌
✔️ 220 سعرة بس
✔️ أرخص من مشروب جاهز
✔️ وبينعمل بدقيقتين 🥑🍍

♀️مين رح يطبّق ويجرب؟ 💚"
#مناعة

"بتتذكري أول نصيحة قالولك ياها وقت عرفوا إنك حامل⁉️ 🤰♀️مريضتي دخلت العيادة ، ومباشرة عم تقلّي: 🙄"دكتور، قالولي إذا رفعت ...
20/08/2025

"بتتذكري أول نصيحة قالولك ياها وقت عرفوا إنك حامل⁉️ 🤰
♀️مريضتي دخلت العيادة ، ومباشرة عم تقلّي:
🙄"دكتور، قالولي إذا رفعت إيدي لفوق ممكن يلتف الحبل السري عالجنين❗️" 😟

🤷🏼‍♂️صراحة… هالشي أسطورة قديمة، وما إلها أي أساس علمي. الحبل السري ما بيتأثر بحركة إيدك أو جلوسك أو حتى نومك عجنب❗️ ✅

✅️الحقيقة إنو أغلب هالنصايح الشعبية بتعمل توتر وخوف للأم أكتر ما بتحميها.
وأنا بقول دائماً: الحمل فترة بدها راحة نفسية، تغذية منيحة، ومتابعة طبية، مو خوف من خرافات.

👩‍🍼 هلأ دوري أسألك:
✳️شو أكتر نصيحة قالولك ياها بالحمل وطلعت غلط⁉️
✳️شاركيها بالكومنتات خلي غيرك يستفيد ويضحك متلك.

🩵 د. يحيى إدريس | طبيب نسائية وتوليد
توعية – أمان – صحة أفضل"

#الحمل #الجنين #الولادة #أمومة

كل شي ممكن يصير عليه أزمة وينقطع ويخلص..الأكل ..الشرب ..التياب..حتى أزمة ثقة 🤷🏼‍♂️بس أزمة أسماء 🙄❗️❗️❗️ 😂😂
19/08/2025

كل شي ممكن يصير عليه أزمة وينقطع ويخلص..
الأكل ..الشرب ..التياب..حتى أزمة ثقة 🤷🏼‍♂️
بس أزمة أسماء 🙄❗️❗️❗️
😂😂

👩‍🍼بتتذكروا أول مرة سمعتوا خبر الحمل⁉️✳️الفرحة يلي بتفجّر البيت كله.. دموع، ضحكات، وأحلام عم تكبر يوم ورا يوم.✳️بس ورا ه...
19/08/2025

👩‍🍼بتتذكروا أول مرة سمعتوا خبر الحمل⁉️
✳️الفرحة يلي بتفجّر البيت كله.. دموع، ضحكات، وأحلام عم تكبر يوم ورا يوم.
✳️بس ورا هالفرحة، في قصص كتير أمهات ما بيحكوا عنها… 😔

✳️قصة "رنا" وحدة منهن ⬇️

✳️رنا حملت بعد انتظار طويل.. كل الناس حواليها يسألوا: "شو أكلتي اليوم⁉️ زاد وزنك⁉️ شو طلع بالألتراساوند⁉️"
🤷🏼‍♂️بس ولا حدا سألها: "كيفك نفسيًا⁉️" 💔

✳️مع الوقت، صارت تحس بتعب مو بس بجسمها.. عقلها وقلبها كانوا عم يصرخوا.
💔أرق.. قلق.. دموع بالليل وهي لحالها.
✳️هون عرفت إنه الحمل مو بس تحليل وصورة أشعة.. الحمل كمان معركة نفسية.

🔑 الحقيقة الطبية:
✅️الصحة النفسية للحامل مهمة مثل صحتها الجسدية.
✅️كلمة طيبة، حضن من زوجها، أو حتى سؤال صغير من صديقتها… ممكن ينقذها من اكتئاب أو قلق طويل.

👨‍⚕️ كطبيب بشوف كل يوم كيف الحامل بتتغيّر حياتها بكلمة "إنتِ قوية، وإنتِ مو لحالك".
⚠️وأنا بدي أسألك كيفك نفسيًا ⁉️
✅️إذا بتعرفي وحدة حامل.. روحي هلأ واسأليها: "كيفك نفسيًا⁉️"
✅️وجربي تشاركي هالبوست ليوصل لأكبر عدد من الأمهات.. يمكن تكون سبب بإنقاذ حدا. 🌸

#الحمل #أمومة

18/08/2025

☀️ "الشمس عم تدخل بيتك كل يوم… بس البيبي جواتك لسه ممكن يكون ناقصه أهم فيتامين"

أنا دكتور يحيى إدريس، وبشوف هالقصة كتير…
أم حامل، بتتعرض للشمس كل يوم، ومع هيك فحص الدم بيورجينا نقص حاد بفيتامين D.

ليش⁉️ 🤔
لأن الحمل بيزيد احتياج جسمك وجسم البيبي، وأحيانًا الشمس والأكل لحالهم ما بيكفوا.

📊 الدراسات بتأكد إنو النقص ممكن:
يضعف نمو العظام عند الجنين 🦴

يرفع خطر سكري الحمل وارتفاع الضغط ⚠️

يضعف المناعة عند الأم والطفل 🛡️

💡 نصيحتي من قلب:
1. تعرّضي للشمس 15-20 دقيقة يوميًا.
2. كلي أطعمة غنية بفيتامين D (سمك السلمون، البيض، الحليب المدعّم).
3. أعملي فحص دم بسيط ضمن فحوصات الحمل.
4. إذا النقص كبير، الطبيب يوصف مكملات مناسبة.
🩺 فحصك اليوم… ممكن يحميك ويحمي طفلك طول العمر.

#حمل
# dr_yehya_edrees

🔥 "تتخيلي في شي غاز… بخليكي تضحكي وانتي بأصعب لحظة بحياتك⁉️🤯👩‍🍼"💬 قبل فترة وحدة من المريضات خبرتني قصتها وقالتلي: "دكتور...
17/08/2025

🔥 "تتخيلي في شي غاز… بخليكي تضحكي وانتي بأصعب لحظة بحياتك⁉️🤯👩‍🍼"

💬 قبل فترة وحدة من المريضات خبرتني قصتها وقالتلي:
"دكتور، أنا كنت مفكرة غاز الضحك رح يسهّل الولادة… أول نفس أخدته صرت أضحك كأني بحفلة❗️ 😂 حتى زوجي جنبي بلش يضحك وما عاد وقفنا… والممرضة صارت تضحك معنا كمان❗️"

المفاجأة⁉️👀
الولادة ما كانت أسرع … وما توسع عنق الرحم فجأة❗️
لكن الفرق الحقيقي كان:
✳️الألم صار أهون.
✳️الخوف اختفى.
✳️والتجربة كلها صارت أسهل عليّ. 💙

📚 الفائدة العلمية:
غاز الضحك ما بسهّل الولادة من الناحية الطبية (ما بوسّع وما بيحرّك الجنين).
لكن بسهّل على الأم تحمّلها… بخفف الألم والقلق، وبيعطيها لحظة قوة وهدوء وسط العاصفة ✨.

✨ فالجواب الصح:
♀️غاز الضحك ما بسهّل "الولادة نفسها"، لكنه بسهّل تجربتها عليكِ 👩‍🍼.
➡️ إذا عندك صديقة حامل… اعملي منشن أو شاركيها البوست! يمكن ضحكة وحدة تفرق معها. 😉

#الولادة #حمل #أمهات #أطباء

👰‍♀️"شنتة شهر العسل مو بس تياب… هي سر أول الأيام بلا وجع ولا توتر ✨قديش حضّرتي فساتين ومكياج لشهر العسل… ❗️بس سألتي حالك...
17/08/2025

👰‍♀️"شنتة شهر العسل مو بس تياب… هي سر أول الأيام بلا وجع ولا توتر ✨
قديش حضّرتي فساتين ومكياج لشهر العسل…
❗️بس سألتي حالك:
شو لازم آخد معي لصحتي وراحتي⁉️
صدقيني، في شغلات صغيرة بتفرق بين أيام توتر… وأجمل ذكرى بحياتك.

بتتذكري أول مرة تخيلتي حالك عروس⁉️ 💕
♀️الأيام الأولى مو بس رومانسية… هي خليط مشاعر: فرحة، رهبة، فضول… ويمكن شوية قلق. وهون سر الشطارة: تجهزي مو بس للصور، كمان لراحتك النفسية والجسدية.

✨ النفسية:
خدي نفس عميق… ما حدا مستعجل عليكي. ما في شي "لازم" يصير بسرعة.
كل شي بيصير بخطوات هادية وأجمل لما يكون عن رضا وراحة.

✨ الصحة بالشنتة:
✅️مسكن خفيف للألم.

✅️كريم ترطيب + مزلق حميمي مائي القوام (مهم جدًا لتقليل أي جفاف أو ألم بالبداية).

✅️فوط يومية.

✅️دواء بسيط للنفخة أو المعدة (لأن الأكل بيتغير).

✅️مكملات أو فيتاميناتك المعتادة.

✨ منع الحمل:
✳️إذا ما كان عندك خطة للحمل من أول يوم… لا تتركي الموضوع للصدفة.
✳️فيك تستشيري طبيبك وتختاري وسيلة آمنة ومناسبة (حبوب، لصاقات، واقي ذكري).
✳️بعدي عن الطرق ا لتقليدية أو الحساب … شهر العسل بالذات ما بينفع فيه المغامرة.

✨ نصيحة ذهبية لتجنّب الالتهابات:
✳️اشربي مي بشكل كافي خلال اليوم.
✳️جرّبي التبول مباشرة بعد العلاقة، هي حركة بسيطة بتقلل كتير من احتمال حدوث التهابات بولية.
✳️اهتمي بالنظافة الشخصية بلطف (بدون مبالغة أو استخدام صوابين قوية).

🎀 بالنهاية… شنتة شهر العسل مو بس للتياب والعطور… هي شنتة راحة نفسية وصحية بتخليكي تعيشي أجمل أيام حياتك بلا قلق.

💡 إذا حابة ابعتلك لائحة جاهزة فيها كل شي مكتوب ببساطة لتحمليها وتجهزي الشنتة بسهولة… اكتبيلي بالكومنت (شنتة) ✈️👇
أو ابعتيلي خاص وأنا برسلك ياه.


Adresse

Democratic Republic Of The

Heures d'ouverture

Lundi 09:00 - 17:00
Mardi 09:00 - 17:00
Mercredi 09:00 - 17:00
Jeudi 09:00 - 17:00
Dimanche 09:00 - 17:00

Téléphone

+252610753404

Site Web

Notifications

Soyez le premier à savoir et laissez-nous vous envoyer un courriel lorsque Dr.Yehya Edrees publie des nouvelles et des promotions. Votre adresse e-mail ne sera pas utilisée à d'autres fins, et vous pouvez vous désabonner à tout moment.

Contacter L'entreprise

Envoyer un message à Dr.Yehya Edrees:

Raccourcis

Partager