05/12/2025
Akwai Darussa Sosai A Rayuwar Adam A. Zango
Daga Abubakar Shehu Dokoki
Bari mu ɗauki darasin da yake cikin rayuwar Adam A. Zango mu yi magana akai, mutane da yawa suna ta magana tun bayan lokacin da Hadiza Gabon ta ƙi saka hotonsa a bangon inda take gabatar da shirye-shiryenta.
Da yawa suna mamaki saboda a tunaninsu Adam A. Zango yana ɗaya daga cikin mutanen da s**a gina ta, kuma s**a haskaka tauraruwarta.
•Kun san mene ne abin so game da rayuwar Adam A. Zango?
A bisa abubuwan da s**a bayyana Adam Zango ba shi da ƙyashi, ya taimaki mutane da yawa alokacin da tauraruwar sa take haskawa, ba ya ƙyashin ya saka mutum a fim ya yi suna, kuma ya jawo mutum jika a san shi ko a harkar waƙa da kuma kiɗa, kowa ya ga yadda ya taimaki mawaka irinsu Nura M. Inuwa, Naziru Sarkin Waƙa, banda ƙananan mawaƙa waɗanda ba za su ƙirgu ba, Naziru har waƙa ya yi masa ta "Mu gaida Zango" Nura M. Inuwa kuma ya yi masa waƙar "Maƙiyan A. Zango" da sauransu.
A harkar fim adadinsu ba zai ƙirgu ba, a harkar kiɗa ma haka, kaso 70 cikin ɗari na jaruman kannywood sun yi suna ne ta dalilin Adam A. Zango, lokacin da tauraruwar sa ta kai ƙololuwa wajen haskawa, har mutane irin su marigayi Rabi'ul Musa Ibro saida ya taimakawa ta hanyar haɗuwa da su a yi fim tare.
•Ko Kun san matsalar Adam A. Zango
Yana da saurin sakin jiki da mutane, yana da saurin yarda, ana yawan cin amanarsa, da yawa waɗanda ya gina ba sa iya kare shi bayan sun ɗaukaka, wannan yana ɗaya daga cikin abinda yake damunsa, ya gina mutane da yawa, amma an rasa samun waɗanda za su kare shi sosai, wannan shine babban kuskuren da ya yi .
Ko yanzu farin jininsa ne yake taimakonsa, kuma shine ya sa ba'a taɓa shi, idan ka taɓa shi masoyansa za su yi caa akanka, wannan shine babbar nasarar da ya samu bisa taimakon mutanen da ya yi, gashi su ba su tsaya masa ba, amma masoyansa sun tsaya masa.
Har yanzu bana tunanin akwai Jarumin da ya kai shi daɗewa da farin jini a harkar fim ɗin Hausa.
Allah Ya ra bamu da butulci ga waɗanda s**a gina mu, amin.
