18/06/2025
#অসমীয়াকোন??? #চিন্তনীয়
*বৰ অসমৰ ভেটি গঢ়োঁতা পৰাক্ৰমী সম্প্ৰদায়টোৱেও যদি সংৰক্ষণ বিচাৰে*
*ৰাজ্য শাসনৰ বাঘজৰী যি সম্প্ৰদায়ৰ হাতত ১২০০ খৃষ্টাব্দৰপৰা আজিওঁ আছে বা ভৱিষ্যতেও থাকিব বুলি ক'ব পাৰি*
*যদিওবা কিছু কিছু সময়ত ব্যতিক্ৰম হৈছে*
এটা চিন্তনীয় বিষয়। আমি অসমীয়া বুলি পৰিচয় দিবলৈ সক্ষম হোৱাৰ আঁৰৰ পৰাক্ৰমী সম্প্ৰদায়টোৱে কিছু বছৰৰ পৰা সেই সম্প্ৰদায়ৰ বাবে বিশেষ সংৰক্ষণৰ দাবী তুলি আহিছে। মাজে মাজে বিষয়টোয়ে ৰাজ্য ৰাজনীতিত নতুবা দেশৰ ৰাজনৈতিক প্ৰেক্ষাপটত তোলপাৰ লগোৱা পৰিলক্ষিত হৈ আহিছে।
শেহতীয়াকৈ পুনৰ বিষয়টোয়ে উক দিছে ।বেছিকৈয়ে উক দিছে। কাৰণ ৰাজ্যৰ বিধান সভাৰ নিৰ্বাচন সমাগত। দেখা যায় যে এনে ধৰণৰ দাবী সমূহে অন্য সময়ত নহ'লেও কেন্দ্ৰ - ৰাজ্যৰ সাধাৰণ নিৰ্বাচনৰ আগে আগে ৬ষ্ঠ অনুসূচীত অন্তৰ্ভূক্ত ছয় জনগোষ্ঠীয় বিষয়টোয়েও বেছিকৈ উক দিয়া দেখা যায়।
এই আলোচনাত আমি অন্যান্য জাতি - জনগোষ্ঠী সমূহৰ কথা আলোচনা কৰিব বিচৰা নাই। কাৰণ ছয় জনগোষ্ঠীৰ অন্তৰ্ভুক্ত জাতি জনগোষ্ঠী সমূহৰ ওপৰিও অসমত বসবাস কৰা বিভিন্ন সৰু-বৰ জাতি - জনগোষ্ঠীৰ বৈচিত্ৰময় জাতীয় সংস্কৃতি আৰু ভাষা সাহিত্যই অসমীয়াকে ধৰি ভাৰতৰ ধ্ৰুপদী ভাষা বুলি স্বীকৃত ভাষা- সাহিত্যৰ প্ৰসাৰ আৰু প্ৰচাৰৰ ব্যাপকতাই সংকুচিত কৰি আনা দেখা যায়। সেয়েহে সেই জাতি - জনগোষ্ঠী সমূহে তেওঁলোকৰ অস্তিত্ব ৰক্ষাৰ বাবে লগতে তেওঁলোকৰ অৰ্থনৈতিক সুৰক্ষাৰ বাবে চেষ্টা চলোৱা বিষয়টো অতিকৈ প্ৰয়োজনীয় বুলি আমি ভাবোঁ।
কিন্তু যিটো জাতি - সম্প্ৰদায়ে নিজৰ ধৰ্ম - ভাষা - সাহিত্য - সংস্কৃতি স্থানীয় লোকৰ মাজত বিলীন কৰি সেই সময়ৰ ৰাজনৈতিক ভাবে বিশৃংখল অসমৰ বিভিন্ন জাতি জনগোষ্ঠীক একত্ৰিত কৰি গঢ দিছিল বৰ অসমৰ, নাম দিছিল বৃহত্তৰ অসমীয়া জাতি, অসমৰ পথাৰৰ আহঁত গছৰ তলৰ বিহুক ৰাজকীয় মান্যতা প্ৰদান কৰা বৰ অসম আৰু বৃহত্তৰ অসমীয়া জাতি গঢ়োঁতা সকলেই যদি অস্তিত্বহীনতাত ভোগে নাইবা সংৰক্ষণৰ দাবী তোলে সেয়া অসমীয়া জাতিৰ বাবে হ'ব চৰম দূৰ্ভাগ্যজনক কথা ।
অসমীয়াৰ এই প্ৰধান সম্প্ৰদায়টোৰ এনে কাৰ্য্যই ৰাজ্যত সৃষ্টি কৰিব চৰম বিশ্বাসহীনতাৰ আৰু ৰাজনৈতিক অস্থিৰতাৰ!!!
ছয জনগোষ্ঠীৰ অন্তৰ্ভুক্ত #আহোম জনগোষ্ঠীৰ কথা কোৱা হৈছে এই আলোচনাত।
Daily Highlight TopFans #আহোমজাতীয়গণমঞ্চঅসম #হিমন্তবিশ্বশৰ্মা #গৌৰৱগগৈ #অসমীয়া #টাইআহোম #উজনিঅসম
