Carry On Bhatti

05/07/2025

04/07/2024

میری زندگی کا تُجھ سے یہ نظام چل رہا ہے
تِرا آستاں سلامت، میرا کام چل رہا ہے

نہیں عرش و فرش پر ہی تیری عظمتوں کے چرچے
تہِ خاک بھی لحد میں تِرا نام چل رہا ہے

وہ تِری عطا کے تیوَر، وہ ہجُوم گِردِ کوثر
کہیں شورِ مَے کشاں ہے کہیں جام چل رہا ہے

کسی وقت یا محمدؐ کی صدا کو مَیں نہ بُھولا
دمِ نزع بھی زباں پر یہ کلام چل رہا ہے

مِرے ہاتھ آ گئی ہے یہ کلیدِ قُفلِ مقصد
تِرا نام لے رہا ہُوں میرا کام چل رہا ہے

کوئی یاد آ رہا ہے مِرے دِل کو آج شاید
جو یہ سَیلِ اشکِ حسرت سرِ شام چل رہا ہے

وہ برابری کا تُو نے دیا درس آدمی کو
کہ غُلام ناقَہ پر ہے تو اِمام چل رہا ہے

یہ اثر ہے تیری سنّت کے مذاقِ سادگی کا
رهِ خاص چلنے والا رہِ عام چل رہا ہے

تِرے لُطفِ خُسروَی پر میرا کَٹ رہا ہے جِیون
میرے دِن گزر رہے ہیں مِرا کام چل رہا ہے

مُجھے اِس قدر جہاں میں نہ قُبولِ عام ملتا
تِرے نام کے سہارے میرا نام چل رہا ہے

تِری مُہر کیا لگی ہے کہ کوئی ہُنر نہ ہوتے
میری شاعری کا سِکّہ سرِ عام چل رہا ہے

یہ تری دُعا کہ ہے کُچھ ابھی ہم میں وضع داری
یہ تِری نظر کے آپس میں سلام چل رہا ہے

مَیں تِرے نثار آقاؐ! یہ حقیر پَر نوازش
مُجھے جانتی ہے دنیا مِرا نام چل رہا ہے

تِرا اُمتّی بس اِتنی ہی تمیز کاش کر لے
وہ حلال کھا رہا ہے کی حرام چل رہا ہے

کڑی دھوپ کے سفر میں نہیں کُچھ نصِیرؔ کو غم
تِرے سایۂ کرم میں یہ غُلام چل رہا ہے۔

فرمُودہ الشیخ سیّد پِیرنصِیرالدّین نصِیرؔ جیلانی،
رحمةُ اللّٰه تعالٰی عَلَیْه، گولڑہ شریف
بیاد بندۂ نصِیرؔ سیّد شاہد محی الدّین بخاریؒ
خالد شاہم، عابد نظامی، نظام محی الدّین۔

29/06/2024

Maa Boli

18/06/2024

کب اشک بہانے سے کٹی ہے شب ہجراں
کب کوئی بلا صرف دعاؤں سے ٹلی ہے

10/06/2024

اب تم جیتو یا ہارو سنو
ہمیں کوئی فرق نہیں پڑتا۔