Shqiptarët për Shqiptarët

Startseite
Schweiz
Bern
Shqiptarët për Shqiptarët

Shqiptaret per Shqiptaret

15/12/2025

“Zoti i Botërave më dha forcën🤲, kurajon e besimin” Fjalët e heroit musliman që i mori armën nga dora një prej dy autorëve të masakrës në Australi

Të paktën 16 persona u vranë në një nga plazhet e Sidnejt në Australinë e largët. Dhjetëra mbetën të plagosur. Përgjegjës të masakrës, rezultojnë dy persona, babë e bir.
Por ishte vetëm një qytetar, ai i cili me aktin e tij heroik, arriti të ndalojë njërin prej autorëve, duke i hequr nga dora armën me të cilën ai vijonte të qëllonte drejt njerëzve në plazh.
Ahmed al- Ahmed, baba i dy fëmijëve dhe pronar i një fruta perimesh, po kalonte rastësisht në plazhin ku po zhvillohej një festë hebreje që ishte objekt i sulmit me armë.
Një kushëri i tij i quajtur Mustafa, tha për mediat se çfarë i kishte thënë në spital Ahmed.

“Nuk mendova për vdekjen në atë moment, por nuk mund të duroja dot më teksa shihja njerëz që po vriteshin. Zoti i Botërave më dha forcën, kurajon e besimin dhe veten e gjeta duke u hedhur mbi personin e armatosur për të shpëtuar jetët e njerëzve”

Dy autorët, babë e bir, janë identifikuar si Sajid Akram, 50 vjeç, dhe Naveed Akram, 24 vjeç. 50 vjeçari u qëllua dhe u vra nga oficerët e policisë në zonën bregdetare, ndërsa i biri u neutralizua dhe u mor në paraburgim.

13/12/2025

Nga intubimi në krahët e nënës❤, Faleminderit o Zot🤲

Roani ishte veçse 40 ditësh kur prindërit e tij, të tmerruar se do ta humbnin, iu drejtuan me thirrje për ndihmë shqiptarëve përmes emisionit “Për Shqiptarët”. Burrë e grua e kishin humbur më parë, nga i njëjti problem në zemër, një vajzë.😞

Sot falë Zotit, marrim lajme të mrekullueshme.🤲😇 Roani vogël është shumë mirë dhe ka kaluar çdo rrezik.❤🥰 Roani u nis i intubuar dhe tanimë është në krahët e nënës.
“Tani Roani është shumë mirë. Falë Zotit e falë ndihmës së shqiptarëve e Fondacionit Firdeus. Ju falenderoj të gjithë juve, që bëtë të mundur shërimin e djalit”
Zoti i bekoftë bamirësit shqiptarë. ❤

12/12/2025

Mos ua shpërbleni prindërve kështu sakrificat

E dini se kush janë njerëzit që ju duan më shumë? Janë prindërit tuaj. Ditën që lindni mezi presin t’ju marrin në krahë, ju puthin, ju përqafojnë. O Zot, sa gëzohen! Punojnë më shumë, si e si që ju të kënaqeni.
E dini sa gëzohen kur ju filloni të flisni, rriteni e mësoni të shkruani? Ju dërgojnë në shkollë dhe kur vini me nota të mira, krenohen me ju, jua bëjnë hallall çdo sakrificë.
Jeni arsyeja pse ata jetojnë, jeni shpirti i tyre, syri i tyre, jeni gjithçka për ta. Japin jetën për ju. I keni parë kur sëmureni si ju rrinë te koka?
E ju rriteni gradualisht e bëheni burra, e ata duan një ditë t’ju kenë në krahë.
Por mos i lëndoni duke u zënë, mos i lëndoni duke rrahur një moshatarin tuaj. Prindit i dhemb sikur godisni dikë apo goditeni. Apo, larg qoftë, kur dikush nga ju vret një bashkëmoshatarin e tij dhe një prindi tjetër fëmija nuk i vjen më, e i duhet t’i çojë lule te varri duke ikur shumë i ri nga kjo botë…
Me sa shumë sakrifica ju rrisin, mos ua shpërbleni kështu. Ata jetojnë vetëm për ju! Zoti është në kënaqësinë e prindërve. Mos i bëni të lotojnë. Janë njerëzit që ju duan më shumë…

12/12/2025

Çfarë po ndodh kështu...?😟 Tjetër përleshje me thika mes gjimnazistëve, tre të plagosur

Tre të rinj kanë mbetur të lënduar në një përleshje me thika përpara derës së gjimnazit ‘Shejnaze Juka’ në Shkodër.
Dy prej të rinjve janë vëllezër. Policia thotë se sherri ka nisur për motive të dobëta dhe ka degjeneruar në përdorimin e armëve të ftohta. Të tre të rinjtë janë dërguar në spital.

Ngjarje të tilla po ndodhin shpesh e më shpesh në vendin tonë. Në nëntor të vitit të kaluar ndërroi jetë Martin Cani, 14 vjeçari i cili u qëllua për vdekje me thikë në afërsi të shkollës 9 vjeçare ‘Fan Noli’ në Tiranë. Në gusht të këtij viti, në Pirg të Maliqit, humbi jetën 14 vjeçari Erald Xhajo. Ndërsa vetëm pak ditë më parë në Durrrës, pas 9 ditësh në betejë me vdekjen, humbi jetën Erion Boba. 15 vjeçari u godit me thikë në zemër nga një 14 vjeçar.

11/12/2025

“Kur e takuam tumori po i përhapej në fytyrë... më afroi pranë vetes e më shokoi me ato fjalë që më tha, sytë mu mbushën me lot”

Leandron e vizituam në spital. Ishte diagnostikuar me sëmundje të rëndë. Prindërit ishin të shokuar dhe të pamundur. Nuk do ta harroj lehtë atë çast, mbase ishte çasti që Zoti e nguliti në zemrat tona të mos dorëzoheshim. I dhashë dorën dhe i thashë: “Bëj durim.”
Mes dhimbjeve të kokës, që vetëm qante, më afroi pranë vetes dhe më tha me zë të ulët: “Mos më lër të vdes!”
U shokova dhe sytë mu mbushën me lot…
Më ngeli gjatë në kujtesë. Kishte provuar spitalet më të mira, kishte provuar gjithçka; po vinim kudo dhe sapo e shikonin, askush nuk guxonte ta prekte.

E dini pse po e tregoj këtë histori?
Për fuqinë e Zotit dhe për njerëzit e zot të shkencës që janë mjekët e avancuar.
Ai çast, kur më tha “Mos më lër të vdes!”, nga një fëmijë i vogël, më tronditi shpirtin.Nuk u dorëzuam. Hulumtuam dhe gjetëm mjekun më të mirë, e bëmë operacionin dhe sot është shumë mirë; mëson, luan me shokët, dhe i themi: “Mëso shumë dhe bëhu mjek i mirë, Leandro.”

Faleminderit Zotit që jep shenja, faleminderit shqiptarëve zemërmirë që shpëtojnë jetë, faleminderit mjekëve që shpëtojnë jetë me arritjet e tyre. O Zot, sa i mirë je!

10/12/2025

Rini që pozon me thika... çfarë gjen sot në Shqipëri,😞
Vetëm pak ditë pasi një 15 vjeçar humbi jetën nga goditjet me thikë prej një moshatari, në rrjetet sociale gjen të tilla postime.
Foto e mëposhtme, ku një adoleshent ka pozuar me thikë në dorë, është hedhur nga një profil në pronësi të një të mituri që jeton në zonën e ish- Kënetës, e njëjta zonë në fakt ku jetonte dhe 15 vjeçari që humbi jetën...

10/12/2025

Ndahet nga jeta një prej legjendave të boksit shqiptar,

Është shuar në moshën 74 vjeçare Nazif Gashi, një nga figurat më të rëndësishme të boksit në Kosovë e mbarë shqiptarinë. Gashi ishte pjesë e gjeneratës së artë të klubit Prishtina, i cili në vitet ’70-’80 u kthye në simbol suksesi.
Ngushëllime familjarëve🤲

06/12/2025

2 vjeçari shqiptar sulmohet për vdekje nga qeni pitbull teksa luante në oborrin e shtëpisë

Ngjarja rëndë ndodhi në fshatin Agios Leonas. Sipas ERT-së greke, vogëlushi po luante në oborrin e shtëpisë kur qeni i familjes, i llojit pit bull e ka sulmuar duke i shkaktuar plagë të rënda. Pavarësisht ndërhyrjes së shpejtë dhe dërgimit të tij në spital, 2 vjeçari nuk ia ka dalë dot.
Policia ka ndaluar prindërit, babain shqiptar dhe nënën me origjinë nga Anglia.

06/12/2025

“Mos e mbështesni të keqen” Fjalët e dhimbshme të babait të Erionit,😞 15 vjeçarit që u vra nga bashkëmoshatari në Durrës: Kërkoj drejtësi!

Pas 9 ditësh agonie në spital, Erion Boba mbylli sytë përgjithmonë.🤲 Një sherr në rrjetet sociale u bë shkas që ai të goditej me thikë nga një 14 vjeçar, pak metra larg shtëpisë në zonën e ish kënetës në Durrës.
Për ngjarjen tragjike ka folur babai i Erionit, i cili thotë se i biri nuk ka nisur apo marrë pjesë në sherr, por është thirrur nga miqtë e tij atje. Ai thekson se i biri ishte nisur për në punë. Babai i të ndjerit, i drejtohet më këtë apel rinisë shqiptare.

“Mesa di unë,djali ishte nisur për punë. Moshatarët e tij I kanë thënë hajde se kemi një muhabet për të sqaruar. Më I dëmtuar ka dalë ai, por ai s’ka pas përplasje me asnjë. Sesi ka ngjarë kjo punë, më mirë ta zbardhin organet kompetente. Kam qenë në punë. Më ka njoftuar një shok i djalit, më ka thënë “hajde se e ke Erionin në gjendje të rëndë”. Në spital e ka dërguar shoku i ngushtë. Ka shkuar thuajse i vdekur në spital nga hemoragjia. Ka pasur dy plagë në zemër, një në mushkëri dhe në stomak.
I është dhënë ndihma maksimale në spital. Apeli im është të vendoset drejtësi, nuk ka rrugë tjetër. Dhe një mesazh për krejt adoleshentët shqiptarë. Kujdes me njëri- tjetrin. Mos e mbështetni të keqen, izolojeni urrejtjen. Flisni me njëri- tjetrin, bashkëpunoni me mësues e familjarë që këto të mos ndodhin.”-tha babai i të ndjerit

05/12/2025

Ditëlindja e parë e djalit të Kreshnikut, në shtëpinë e re dhuruar nga shqiptarët. Zoti të bëftë nga vepërmirët.🤲 U bëfsh 100 vjeç Boi🥰

05/12/2025

“Jam e sigurt se atje lart, babi po ndihet shumë i lumtur”😇 Nikita 10 vjeçe ndjek amanetin e të atit të ndjerë🤲

Vetëm pak muaj më parë, tre fëmijët e familjes Tomani mbetën jetimë. Kreshniku u largua nga kjo botë e la në mes ëndrrat për ta parë vajzën e madhe Nikitën një këngëtare të suksesshme dhe familjen brenda një shtëpie me të gjitha kushtet.
Ishin shqiptarët,🤲 mijëra e mijëra prej tyre,🥰 që morën përsipër amanetet e Kreshnikut. Bënë me një shtëpi të bukur e të madhe familjen Tomani dhe çuan përpara me mbështetje ëndrrën e Nikitës.
Pak muaj kanë kaluar kur në sytë e Nikitës gjeje vetëm dhimbje. Edhe pse Kreshniku nuk kthehet dot më, dëshirat dhe ëndrrat e tij vazhdojnë. Shqiptarët zemërmirë e bënë sërish një mrekulli.
Ja se çfarë thot Nikita vogël. 10 vjeçarja ndjek ëndrrën për t’u bërë këngëtare e madhe dhe gëzon që jeton në shtëpinë e ëndrrave të babait, e bindur se ai e sheh çdo ditë dhe është me të në çdo hap.

“Që pas takimit me xhaxhi Elvisin, jeta ime ka ndryshuar shumë. Që në momentin që më dhuruan këtë shtëpi, unë u lumturova e u habita shumë. Ishte shtëpia e ëndrrave të mia. Së fundmi kemi bërë një këngë të re për babin...
“Mos kij merak as për mua,
Nuk jam vetëm në këtë botë
Të gjithë shqiptarët u bashkuan
Zemrën time e mbushën plot”

Edhe pse ai nuk është pranë nesh, na shikon nga lart. Ëndrra e tij ishte të bëhesha këngëtare e madhe, të këndoja me këngëtarë të famshëm. Pasi këndova me teta Irmën e xhaxhi Sidritin, e pasi shqiptarët më dhuruan këtë shtëpi të mrekullueshme, jam e sigurt që babi po ndihet shumë i lumtur. Iu realizua dhe ëndrra e dytë për të patur një shtëpi.”-tha Nikita.❤

05/12/2025

Edhe 100 vjeç zemra vogël,❤
Djali vogël i Kreshnikut Boi, e festoi ditëlindjen e tij të parë në shtëpinë e dhuruar nga shqiptarët, rrethuar nga motrat e nëna.🥰
Është gëzim e kënaqësi për të gjithë ne, të shohim lumturinë e këtyre fëmijëve që vetëm pak muaj më parë humbën të atin
Zoti i bekoftë🤲 bamirësit që i ndryshuan jetën jetimëve

Adresse

828 Schwarzenburgstrasse 828
Bern
3145

Telefon

+355676321363

Webseite

https://www.gofundme.com/f/spfag-ne-mbeshtetje-te-njerezve-te-semure

Benachrichtigungen

Lassen Sie sich von uns eine E-Mail senden und seien Sie der erste der Neuigkeiten und Aktionen von Shqiptarët për Shqiptarët erfährt. Ihre E-Mail-Adresse wird nicht für andere Zwecke verwendet und Sie können sich jederzeit abmelden.