25/07/2025
កម្លាំងចិត្តពីជួរក្រោយ! ពលរដ្ឋ សម្រុកមកបរិច្ចាគឈាមច្រើន ក្រុមការងារជញ្ជូនកៅអីថែមបន្តបន្ទាប់
ភ្នំពេញ៖ គិតត្រឹមព្រឹកនេះ ពលរដ្ឋគ្រប់លំដាប់ថ្នាក់ បានមកចូលរួមបរិច្ចាគឈាមច្រើន។ ដូច្នេះក្រុមការងារ បានបន្ថែមកៅអីដើម្បីសម្រួលដល់ដំណើរការបរិច្ចាគឈាម។
កម្មវិធីបរិច្ចាគឈាមនេះ ជាការអំពាវនាវ ដោយផ្ទាល់ពីសំណាក់ ស្ត្រីទីមួយកម្ពុជា លោកស្រី ពេជ ចន្ទមុន្នី និងជាអនុប្រធានក្រុមប្រឹក្សាភិបាល សមាគមគ្រូពេទ្យស្ម័គ្រចិត្ដយុវជនសម្ដេចតេជោ (TYDA) ដើម្បីបង្ហាញការគាំទ្រដល់យុទ្ធជនកម្ពុជាដែលកំពុងការពារបូរណភាពទឹកដី។
ការបរិច្ចាគនេះ ប្រព្រឹត្តទៅចាប់ពីថ្ងៃទី ២៥ ខែកក្កដា ពីម៉ោង៩ព្រឹកដល់ម៉ោង៥ល្ងាច នៅកោះពេជ្រ អគារ J K L។
