Dethz_official

14/12/2025

14/12/2025

14/12/2025

⭕️ENFO | Aksyon sa pase, dimanch 14 desanm 2025 lan, sou plaj Bondi, zòn Sydney, Ostrali.🇦🇺 Se 2 endividi ki abiye toude nwa, avèk gwo zam manch long, ki tire sou yon foul moun ki tap selebre « Hanoukka », yon fèt kominote jwif la tap òganize nan espas la. Pou pi piti, 11 moun mouri, 29 lòt blese pami yo 2 polisye. Se pratikman yon masak ki fèt sou plaj sa a, ki se youn nan plaj ki pi popilè, e pi anblematik nan peyi a. Youn nan endividi ki fè atak la mouri nan echanj katouch ak Lapolis ki te rive sou plas, e lòt la blese grav. Premye minis Ostralyen an Anthony Albanese kalifye sak pase a de « zak teyoris antisemit ». Daprè sa medya entènasyonal yo rapòte, se atak ak zam ki fè plis viktim nan peyi Ostrali, depi prèske 30 lane | CNN, AP

14/12/2025

⭕️ENFO | Aksyon sa a pase aprèmidi samdi 13 desanm 2025 lan. 2 viktim yo se 2 etidyan inivèsite a. Daprè sa ofisyèl yo rapòte, atak la fèt nan yon batiman enjeneri ak fizik, kote etidyan yo tap pase yon egzamen final. Se tout fòs lòd yo nan Rhode Island ki mobilize sou teren an depi yèswa, aprè atak sa a, pou te jwenn moun ki tire a. Aprè plizyè èd tan rechèch, Lapolis anonse yo arete yon moun anndan yon otèl, ki ta gen koneksyon ak sak pase a. Avan sa, otorite yo te di moun ki tire a se yon gason, ki abiye tou de nwa. Lapolis fè konnen endividi a te kite espas la apye, e te menm gen yon videyo li ki te pibliye. Jiskaprezan, fòs lòd yo nan zòn Providence, Rhode Island, poko bay detay sou endividi yo arete a | CNN, AP

14/12/2025

14/12/2025

14/12/2025