28/09/2025
Mwen santi gen yon gwo mache prese nan dosye Pastè Moïse la! Poukisa rapidite sa a? Èske otorite yo gen tout evidans Pastè a ta enplike nan sa k pase avoka a? Èske se pa nan lide pou kraze diri KPK a? Sonje konplo sou Ayiti a anpil, pwomosyon pou diri Taiwan lan ap kontinye. Leta Ayisyen fenk resevwa 1,350 tòn diri; paralèlman kay vwazen an ap banbile!
Gen anpil moun k ap kòmante la a tout moun ki suiv aktyalite a konnen yo te toujou anfas Pastè a. Kidonk yo pa kredib ase nan kad dosye sa a se jis kite vrèman jistis aji si se jistis. Akoz dosye kannal la pi fò nan nou te toujou anfas misye menm si misye gen pwoblèm pa l tou, men nou pa pi byen plase pou kòmante sou dosye sa a paske Pastè deranje nou. Sitou lè diri l tanmen ale vann FLorida! Konbyen nan nou k ap pwodui lontan sou tèren an ki fè sa? Antouka degaje nou, Peyi n se pou nou. Kenbe la! Sa sèlman m konnen Ayisyen difisil anpil. Souvan yo pa ka manje manje a, yo gate l, menm jan ak ravèt la…
Nou pou limyè fèt sou sa k pase a men pridan tou pou pa gen jwèt koken nan avantaj lòt yo, mèsi! Ti koze ak TT
