04/05/2020
Se vre pèp chilyen gen rasis,klasis ak zenofobi nan sa yo men nap dakò avèm tou ayisyen pa konpòte yo fason pou moun renmen yo kòm imigran
Kòm mwen pap trayi sanm nenpot sa ki rive nou map toujou la pou denonse yo, ba nou akonpanyeman jiridik etc
Lèm ap pale ak moun ki gen 10 ans chili yo dim lè yo te rive isit tretman yo te resevwa a te diferan, yo te wè yo kòm moun ki ka bay yon apò kiltirèl,gastwonomik etc yo te ofri yo ankadreman ak akonpayman ki pèmèt yo evolye ak entegre sosyete a men nan epòk sa:
1- pat gen 1000 ayisyen kap vann bò lari estacion central tout lajounen kap goumen antre yo olye pou yo met tet yo ansanm fè biznis ki gen nen nan figi yo
2- lèw monte bus ou pat jwenn yon gwoup ayisyen kap fè bri, pale nan telefòn tankou moun yap pale avèl la soud telman yo pale fò
Pat gen ayisyen ki chita nan dènye ranje a kap pale ak moun ki chita dèyè chofè a
3- pat gen 50 ayisyen kap vann fritay sou pon mapocho nan charyo ki pa respekte okenn règ ijyèn, fè bri goumen antre yo olye yo met tet ansanm fè kek restoran ki gen nen nan figi yo pou nou vann gastwonomi nou an ..
4- ou pat jwenn 10 ayisyen kanpe an gwoup ap bwè kleren bò lari a nan chak kwen ou pase pandan yo konnen lalwa entèdi sa chili
5-pat gen ayisyen kap sot travay ki monte bus la ak menm rad yo te fè jounen ap swe nan travay la san benyen
6- pat gen ayisyen ki te konn melanje nan vye zak,mache ak zam,fimen dwòg epi fouye moun
Mwen chwazi pwen sa yo poum fè nou konprann nivo rayiman ak rejè nap konfwonte jounen jodia nan peyi chili nou kontribiye anpil pou pwovoke sa
Nou dwe sispann plenyen pou rasis ak zenofobi chak grenn nan nou merite fè yon otokritik poun poze tèt nou kesyon kisa ki pozitif imigrasyon nou an pote pou chili a part de mains-d'oeuvres a bas prix
Kisaw dwe chanje nan konpòtmanw ki ka kontribiye ak bien-être moun ki nan antouraj ou e pwojte yon imaj ki pozitif de kominote a
Mpwofite fè yon apèl ak tout leader,pseudo-leader, jounalis, pseudo-jounalis ki gen nan kominote a poum fè yo konprann ke lèw bay nouvel sak te di nan reyinyon extranjeria, lew esplike kijan pwogram te pase, kijan pou yon moun depoze yin papye pa panse travay sa gen okenn enpak pozitif li ka fè sou konpatriyòt nou, mpa di yo pa itil men noi dwe konprann travay nou an plis ke sa, sa ki nesesè e ki se yon ijans pou kominote a se bon jan kanpay ak emisyon edikatif ak sansibilizasyon ki ka kontribiye nan sosyalizasyon kominote a ki se youn nan pi gwo pwoblèm ke nou genyen, se sispann bay blòf fè oganizasyon bidon pou nou bwase poun rive enspire konfyans nan kominote a poun rive fè mise en commun ki nesesè a pou travay nou an ka gen plis enpak nan kominote
Mpanse nou tour dakò ke gen anpil bagay pou nou korije e ka a pa pèdi se volonte ki manke pou chanje pèsepsyon ke yo genyen de nou
Hotep mes frères
