Camera lakay

Casa
Chile
Santiago
Camera lakay

camera lakay se camera paw la ��

03/10/2025

Jenn gason sa jwenn arestasyon l yè Jedi 2 Oktòb la nan depatman Grandans paske l te fè tèt li pase pou yon medsen nan lopital Saint Antoine lan.

03/10/2025

Bnjour DG kmw ye ? Deja moin felisitew pou gro travail sa Wap f nan kominote a 🙏🏾 moin ekriw pou f mesaj sa pase pou moin on fason Poul rive jwenn otorite konsène yo
Wout pouw antre Acul Dubuisson an (Naatchi) 5ème section de St Marc pa bon menm Koz rivière lan kite f plus pase 15 jours depuis li t monte Ebyn Apres kel te vin arive monte plus samedi an ,nan lhr larivyè an fin desann m’en Koumanl bimen ak tout wout lan.. wout lan telman bimen menm pasaj pou moun apye pa gnyn vwa pou veyikil sa sikile … nou mande ak autorité yo pou yo vin rezoud pwoblm sa pou nou pi vit ke possible
Si non sa ke nou produit anndan lokalite an tankou ( Zonyon,piman,berejèn,tomat) yo riske perdu
Nou bezyn prezans yon otorite pi vit ke possible et surtout prezans direktè ODVA an kise Agronorme Frantz_JN-MARY

Camera lakay

03/10/2025

Masak !

Lanjelis te tonbe,
Zetwal yo t ap fè kous pou file
Tout atik radyo te mete alèt
Mèt vil la t ap gazouye
Lanati pa t salouwe n aswè a
Nou blije lonje n nan kat panno a
Tout sòlda kowalisyon te gadavou,
Nou t ap karese lannuit san kè sote,
Yon kout kanno te pati, yon kalach nikòv.
Sa pa t fè nou pè, nou pa bridin
Yon plon gaye, yon bal douz repati.
Atò n sou tansyon, se pa t zanj gadyen nou.
Yon kout anmwey kay timari
Sa se gran grif k ap grafouyen
Pase monte bò kaposòv
Nan yon tikadè, bouk la te pran dife,
Bri pye t ap foule tè a ozalantou
Lannuit t ap koute tout kalte soupi
Zòt t ap kriye jezi sove m
Sila yo ki jete kò yo san sapat
Rigòl yo te kòmanse refize san
Nou fè laviwonn, yo mete n nan mitan
Nou kouri desann ! nou kouri monte !
Se nanm k ap vole kite kò atè.
Rèl ! Nou nan mitan ap rele sen nikola.
Rèl ! Sè nikola t ap jigote atè a,
Lavi fè pas ak lanmò
Tout sankenz zetwal yo file
Labrin tonbe, bouk la sonm
Kochon reveye fè dap piyanp sou kadav,
Bawon akeyi n avan lopital sen nikola brennen kò l
Sou branka, sou oto yo
Kretyen vivan vlope nan dra blan
Avan dizè, vil la bloke
Jounalis ap fè atik jounal tout kote,
Jounen an pote lapenn nan ponsonde
Syèl la make san
Lèzòt yo vin sanzabri
Mèt vil yo ap klewonnen lespwa, pou yon tounen lakay kraponnay.

Otè : Jordani Dofort W

Camera lakay

02/10/2025

Camera lakay 🤔

02/10/2025

SOS. SOS pou Lyankou bay yon kout men janw kapab.

29/09/2025

Bon konba frèm
Roro Vwa Nou

23/09/2025

Òm dafè Dimitri Vorbe fenk jwenn arestasyon l jounen jodi 23 Septanm lan nan lakou Etazini pa ajan Homeland Security Investigations (HSI) yo ki se yon branch nan Departement of Homeland Security (DHS).

N ap raple w ke Dimitri se yonn nan moun non l te site anpil nan lanmò ansyen Prezidan Jovenel Moïse.

Èske ansyen Prezidan an ap jwenn jistis li ?

Rete konekte pou tout enfòmasyon nou yo.

Camera lakay

23/09/2025

Gamal AUGUSTIN, ansyen Direktè Télévision Nationale d'Haïti (TNH) jwenn arestasyon l aprè midi 23 Septanm lan pou koripsyon.

Aprè otorite ULCC yo te fin tande l, yo te transfere l nan Pakè Pòtoprens pou swit legal yo.
Camera lakay

23/09/2025

FNE (Fonds National de l’Éducation) se yon enstitisyon ki jere gwo kantite resous finansye pou edikasyon.
Yo estime gen plizyè dizèn milyon dola ki ta dwe depanse chak ane. N ap fè w sonje lwa 17 out 2017 la se sa ki te kreye FNE a. Lwa sa a te vote nan Sena a 28 jen 2017 epi nan Chanm Depite yo 17 out 2017. Te gen gwo espwa pou lajan sa yo sèvi pou ogmante aksè ak kalite edikasyon nan peyi a.

Malerezman, depi FNE fin kreye, li pote yon repitasyon ki pa klè. Plizyè rapò piblik ak òganizasyon nan sosyete sivil kritike fason lajan yo ap jere a. Yo fè konnen FNE pa toujou sèvi pou misyon li genyen an, men pito vin tounen yon zouti politik ak kliyantèl, tankou yon ti “bank” pouvwa a pou sèvi zanmi ak moun pwòch yo.

Sterline Civil, ki se direktris ki konteste revokasyon li, li menm tou jwenn anpil akizasyon. Pierre Espérance, ki se direktè RNDDH (Réseau National de Défense des Droits Humains), di depi plizyè mwa se pa li menm ki vrèman dirije enstitisyon an. Li akize konpayon li, Corvington Jean, kòm moun ki pran tout desizyon yo. Daprè li, se li ki kontwole FNE, epi li kreye presyon ak laperèz sou anplwaye yo. Espérance di gen anpil moun ki pè, paske yo oblije travay anba menas.

Li akize yo tou kòm moun k ap pratike nepotis, paske yo mete zanmi ak fanmi nan gwo pòs estratejik. Sa kontrè ak sa Sterline Civil ak Corvington Jean te konn kritike nan tan lontan sou lòt enstitisyon tankou PNCS (Pwogram Nasyonal Kantin Scolaire) ak OPC (Office de la Protection du Citoyen).

Sa vle di, moun ki te konn di lòt yo ap fè nepotis, yo menm kounye a ap fè menm bagay la.

Plis toujou, gen akizasyon ki di Corvington Jean ap eseye enfliyanse medya yo. Yo di li ta konn distribye ti lajan ak ti kado pou fè kèk jounalis pale byen de Sterline Civil, epi pou eseye fèmen bouch moun ki konn kritike yo. Sa vin fè anpil moun wè FNE kòm yon enstitisyon ki pèdi sans li, ki sèvi plis ak politik pase ak misyon li te genyen pou amelyore sistèm edikatif la.

Nan yon lèt ofisyèl, Sterline Civil mande Kou Siperyè Kont ak Kontansye Administratif (CSCCA) pou fè jistis, pou mete dwa li kanpe, epi pou raple tout moun ke FNE dwe rete endepandan.
Li di batay la pa sèlman pou li menm, men se yon batay ki gen rapò ak listwa ak konsyans tout moun ki vle wè chanjman, ki pa vle kontinye ak sistèm kote tout bagay se politik.
Li di : « Batay sa depase mwen, se yon batay pou listwa ak pou konsyans moun ki pa vle lagè ».

Nan moman n ap tann desizyon CSCCA a, gouvènman an deside nome yon nouvo Direktè Jeneral.

Se Elysée Colagène, ki te deja travay kòm yon kad nan Ministè Afè Etranjè. Men, gen kesyon ki leve : èske Kou dèkont ap konfime nominasyon sa a oswa èske li ap anile l pou mete Sterline Civil retounen nan plas li?

Camera lakay

23/09/2025

Yon 17 juillet 2025 li te nan 3h am kote bandi savyen yo ta pral antre nan tout ti kwen nan sant liancourt epi bandi ta pral komanse tire anpil kout bal malgre anpil efò rezistans la,
sa pat anpeche gang savyen an pran teritwa liancourt paske gang nan te vin sou liancourt ak yon lòt strateji ki se mete barikad nan tout kote yo pran epi pese mi nan lakou ak kay menm siw ta bare yo devan yon moman yo rive byen lwen.

nan tèt moun liancourt gang nan ap fin atak liancourt li prale savyen ebyen sak te nan tèt popilasyon an se Pali ki te nan tèt gang nan se pito etabli baz li liancourt sa te vin rann gen plizyè moun ki te femen andan kay ki pat ka soti gen moun ki mouri andan kay jou ap pase jou ap vini lapolis te deside pou wè si yo ka repouse gang nan ebyen bagay yo ta vin pi grav kote gen bandi ki te sou do kay epi gen bandi atè kote bandi yo tap pral tann yon pyèj pou cha a epi cha a ta pral pran tonbe ladann, kote bandi yo ta pral pran zam polisye yo , epi ale a 3 kò polisye epi yon sivil nan baz yo.

tout moun liancourt te panse sa ta pral pouse leta an kolè pou fè bandi peye sa yo fè a, ebyen bandi savyen yo ta pral vin plis pisan toujou, yo antre nan lojik mache kase kay moun liancourt epi mete dife nan nan tout kay yo kwaze sou wout yo.

moun liancourt ta pral gen espwa paske *JACQUES ADET* vin DDA paske tout moun latibonit gen yon akèy yo bay chèf la, paske yo rann kont se li ki sovè moun latibonit, jou ap pase pa janm gen anyen ki fèt popilasyon pa janm di anyen paske DDA a fèk moute yap swiv toujou, yo menm rele chèf la lion 🦁 ebyen bandi yo menm pouse grif yo deyò pou yo fè dega atò.

komisarya Liancourt a , se tout moun liancourt kap vann san yo nan diaspora pou fè komisarya sa a epi bay mwayen pou fè manje bay polisye yo, ebyen sou DDA ki moute a. yo atake komisarya liancourt a , a 1h nan maten rezistans la kanpe la ap tire ak bandi yo lè bandi wè yo pakapab vre yo rele ranfò malgre staff *Camera lakay enfo* a ap mande ranfò pou lapolis ak rezistans la , depi nan 1h am rezistans la ak lapolis pa janm jwenn ranfò , epi bandi yo mande ranfò li jwnen li epi boule komisarya nan 6h am

Malgre rezistans la ak lapolis kanpe depi nan 1h pou 5h nan maten li pa jwenn yon ranfò.

Pou jis kounyea bandi savyen pa janm sispann boule kay nan liancourt yo tiye moun, yo viole moun responsab yo pa janm di anyen epi sak pi lèd la bandi yo alèz pou yo ap fè live nan komisarya a pandan yap krazel .

Kesyon map poze
Eske pa gen dron pou latibonit?
Eske yo pa bay polis yo gaz?

Leta leta leta responsab responsab yo liancourt bezwen materyèl pou fè operasyon

Gen tròp moun kap domi anba raje gen tròp timoun kap mouye anba raje ki gentan fè yo gen gwo maladi 😭 moun liancourt bouke yo paka ankò .

🖋️🗂️
Camera lakay

22/09/2025

Jodi Lendi 22 Septanm lan, bandi kokorat san ras yo atake Lestè byen bonè nan 9h.

Bilan:

Plizyè moun pran bal, pami yo yon jèn gason ki mouri.

Pami sa ki pran bal yo, gen lòt yo ta di ki mouri nan lopital Dedin lan.
Men nou poko konfime sa.

Kisa ki lakoz aparisyon nèg kokorat san ras yo jodi a ankò ?

N ap raple w yè avan jou nan 1h nan maten msye yo te rantre Kanpenyen, kote ansyen chèf gang yo a Meyè mouri a, yo boule 34 kay, plizyè dizèn bèt peyizan yo ak tout yon moulen ki te gen plizyè sak diri peyizan yo.

Nan sans sa, touswit, popilasyon Lestè a pat gade sa konsa. Yo te bloke wout la nasyonal #1 an yon fason pou mande Leta pran responsabilite l.

Ebyen akoz wout la bloke, sa te vin koz bandi kokorat san rans yo pa ka jwenn machin ki pou peye yo nan pòs peyaj yo genyen sou wout nasyonal la etant Lakwa Peris kote yo tabli baz yo.

Swit ak sa, jodi Lendi 22 Setanm lan, yo rantre nan sant vil la kote yo te vin fè tantativ pou debloke wout la. Men yo pat arive fè sa paske se ak gwo trelè popilasyon an te bloke wout la.

Bilan pou jodi a 22 Septanm lan:

- Anviwon 10 kay boule nan sant vil la.
- Yon jenn gason pèdi lavi l pa bal sou plas, san konte lòt ki ale mouri nan lopital Grandedin lan.
- Plizyè moun soti blese pa bal.
- Plizyè bandi tonbe san konte sa ki blese pa bal swit ak vanyan polisye Lestè yo.

Popilasyon an kontinye nan mande Leta pran responsabilite yo, nan sans sa komisarya Lestè a te arive jwenn ranfò lòt polisye.

N ap raple pou moun ki pat konn Lestè, Lestè se te nimewo 1 nan sa ki gen ak wè ak ekonomi Latibonit la.
Se te mache Lestè a ki te kenbe Latibonit lan nan tèt klasman lis mache ki fè Leta rantre plis kòb.

Men jounen jodi akoz de bandi kokorat san ras yo ki ap teyorize popilasyon an, moun Lestè ap pase pi move moman nan vi yo nan sa ki gen ak wè ak aktivite pou yo antreprann nan mache a pou yo ka rantre kòb.

Nou se
Camera lakay

22/09/2025

Sispann itilize afè gang nan poun popilè nan chèche views
Ann dakò nou se pitit yon sèl manman manman nou lopital se nou pou mete tèt ansanm poul delivre l

Camera lakay

Dirección

Emilio Campo Domico
Santiago
8500000

Teléfono

+50942532634

Página web

https://youtube.com/playlist?list=PL36r1PAk_QdrIyJ6XmBxhHDA1jnc5Xgy8

Notificaciones

Sé el primero en enterarse y déjanos enviarle un correo electrónico cuando Camera lakay publique noticias y promociones. Su dirección de correo electrónico no se utilizará para ningún otro fin, y puede darse de baja en cualquier momento.