CRI Filipino Service

CRI Filipino Service The Filipino Service of CRI is the only multi-media broadcasting station outside of the Philippines that broadcasts in Filipino language.

Opisyal na sinimulan ang pagsasahimpapawid ng Serbisto Filipino ng Radyo Internasyonal ng Tsina (CRI) noong ika-30 ng Oktubre 1965 at ito ang siyang tanging istasyon ng radyo, bukod sa mga nagmumula sa Pilipinas, na nagsasahimpapawid sa wikang Filipino sa buong daigdig.

Sa bisperas ng 2025 Global Leaders' Meeting on Gender Equality and Women's Empowerment, inilabas Biyernes, Setyembre 19,...
19/09/2025

Sa bisperas ng 2025 Global Leaders' Meeting on Gender Equality and Women's Empowerment, inilabas Biyernes, Setyembre 19, 2025 ng Tanggapan ng Impormasyon ng Konseho ng Estado ng Tsina ang white paper na tinaguriang “Mga Tagumpay ng Tsina sa Well-Rounded Development ng Kababaihan sa Makabagong Panahon.”

Nakalahad dito ang pilosopiya, mga prinsipyo, at inobatibong praktika ng bansa sa pagpapasulong sa pagkakapantay ng kasarian at well-rounded development ng kababaihan sa makabagong panahon.

Binigyang-diin din nito ang namumukod na tagumpay at ambag ng kababaihang Tsino, at kinumpirma ang pangako ng Tsina sa pagsali sa pandaigdigang usapin para sa progreso ng kababaihan.

Tinukoy ng dokumento na sa kasalukuyang daigdig, nahaharap sa kapuwa pagkakataon at hamon ang pagpapasulong sa pagkakapantay ng kasarian at well-rounded development ng kababaihan.

Kasama ng iba’t-ibang bansa, lilikhain ng Tsina ang magandang kinabukasan para sa pag-unlad ng kababaihan at makabagong kabanata ng pandaigdigang progreso ng kababaihan.

https://filipino.cgtn.com/2025/09/19/ARTI1758275337948818

Inanunsyo Biyernes, Setyembre 19, 2025 ng Ministring Panlabas ng Tsina (MOFA), na dadalo si Premyer Li Qiang ng bansa sa...
19/09/2025

Inanunsyo Biyernes, Setyembre 19, 2025 ng Ministring Panlabas ng Tsina (MOFA), na dadalo si Premyer Li Qiang ng bansa sa pangkalahatang debatehan ng ika-80 sesyon ng United Nations General Assembly (UNGA) sa New York mula Setyembre 22 hanggang 26.

Bukod dito, lalahok si Li sa mga aktibidad na itataguyod ng Tsina, na kinabibilangan ng mataas-lebel na pulong sa Global Development Initiative, at makikipagtagpo sa Pangkalahatang Kalihim ng UN at mga lider ng kaukulang bansa.

https://filipino.cgtn.com/2025/09/19/ARTI1758272308481615

Pinagbotohan, Setyembre 18, 2025 ng United Nations Security Council (UNSC) ang panukalang resolusyon hinggil sa Gaza. Sa...
19/09/2025

Pinagbotohan, Setyembre 18, 2025 ng United Nations Security Council (UNSC) ang panukalang resolusyon hinggil sa Gaza.

Sa 15 kasaping bansa ng UNSC, 14 ang suman-ayon, subalit, hindi ito napagtibay dahil sa muling pagbeto ng Amerika.

Pagkatapos ang pagboto, inihayag ni Fu Cong, Pirmihang Kinatawan ng Tsina sa UN, na ikinalulungkot niya ang paulit-ulit na pagmamalabis ng Amerika sa veto power.

Tanong niya: Ilan pang inosenteng buhay ang masasawi bago isakatuparan ang tigil-putukan sa Gaza? Ilan pang trahedya ang mangyayari bago mapabuti ang paghahatid ng makataong materyales sa Gaza Strip? Hanggang kailan isasabalikat ng UNSC ang tungkulin nito?

https://filipino.cgtn.com/2025/09/19/ARTI1758272068163447

CMG Komentaryo: Paano mapabilis ang pagtaas ng pagkamapanlikha ng Tsina?https://filipino.cgtn.com/2025/09/19/ARTI1758271...
19/09/2025

CMG Komentaryo: Paano mapabilis ang pagtaas ng pagkamapanlikha ng Tsina?
https://filipino.cgtn.com/2025/09/19/ARTI1758271753587582

Inilabas kamakailan ng World Intellectual Property Organization (WIPO) ang ulat ng Global Innovation Index (GII) 2025.

Sa kauna-unahang pagkakataon, nahanay ang Tsina sa 10 pinakamapanlikhang ekonomiya sa buong mundo.

Nangunguna rin sa top 100 global science and technology innovation clusters ang bansa, at inilakip sa 2025 index ang 24 cluster nito.

Sa kabila ng matumal na pagbangon ng kabuhayang pandaigdig, sinusuportahan ng de-kalidad na pag-unlad at matatag na kapaligirang panloob ng Tsina ang walang humpay na pagtaas ng pagkamapanlikhang pansiyensiya’t panteknolohiya ng bansa.

Nitong nakalipas na ilang taon, isinagawa ng Tsina ang innovation-driven development strategy, ibayo pang pinalalim ang reporma, at koordinadong pinaunlad ang kabuhayan, siyensiya’t teknolohiya, at sistema ng mga talento.

Ang mga hakbang na ito ay nagbigay ng sistematikong garantiya sa inobasyong pansiyensiya’t panteknolohiya.

Samantala, bilang mahalagang makina ng makabagong kalidad na puwersang produktibo, napakabilis na umuusbong ang artipisyal na intelehensiya (AI).

Sa kasalukuyan, katumbas ng 60% ng kabuuang bolyum sa daigdig ang bilang ng mga patente sa AI ng Tsina.

Ang pagtaas ng pagkamapanlikha ng Tsina ay hindi lamang nakapagpalakas ng kakayahan sa pagbangon at kasiglahan ng sariling kabuhayan, kundi nakapagpasulong din sa transisyon ng kabuhayan ng iba’t-ibang bansa.

Inilabas, Setyembre 19, 2025 ng Tanggapan ng Impormasyon ng Konseho ng Estado ng Tsina ang white paper hinggil sa mga pa...
19/09/2025

Inilabas, Setyembre 19, 2025 ng Tanggapan ng Impormasyon ng Konseho ng Estado ng Tsina ang white paper hinggil sa mga panuntunan ng Partido Komunista ng Tsina (CPC) sa pangangasiwa sa Rehiyong Awtonomo ng Uygur ng Xinjiang.

Napapaloob sa dokumento ang mga ideya at karanasan ng CPC at pamahalaang sentral sa pangangasiwa sa Xinjiang; bagong kayarian ng pangangasiwa sa Xinjiang sa makabagong panahon; mas matibay na pundasyon ng matatag na lipunan at pangmatagalang seguridad; pagpapasulong sa pagtatatag ng komunidad na may pinagbabahaginang kinabukasan ng nasyong Tsino; tuluy-tuloy na paglalim ng konstruksyon ng demokrasya at pangangasiwa alinsunod sa batas; koordinadong pagsulong ng de-kalidad na pag-unlad at mataas-lebel na pagbubukas; kapansin-pansing bunga ng pag-unlad ng kultura; tuluy-tuloy na pagbuti ng benepisyo at pamumuhay ng mga mamamayan; at walang tigil na pagbubuklod ng mga puwersa sa pagtatatag ng Xinjiang.

Anang white paper, sa ilalim ng mga panuntunan ng pangangasiwa ng CPC sa Xinjiang, nahanap ng bansa ang tumpak na landas ng pagkokoordina ng pag-unlad at seguridad sa mga purok-hanggahan, matibay na pagpapasulong sa praktika ng modernisasyong Tsino sa Xinjiang, at pagsasakatuparan ng katatagan ng lipunan at pangmatagalang seguridad sa Xinjiang.

Ipinagdiinan ng dokumento na ang kasalukuyang taon ay ika-70 anibersaryo ng pagkakatatag ng Rehiyong Awtonomo ng Xinjiang.

Sa ilalim ng patnubay ng nasabing mga panuntunan, magiging mas maganda at maluningning ang kinabukasan ng Xinjiang.

https://filipino.cgtn.com/2025/09/19/ARTI1758271324493549

Sa kanyang mensahe Biyernes, Setyembre 19, 2025 bilang pagbati sa sentenaryo ng pagkakatatag ng Zhi Gong Party, hinimok ...
19/09/2025

Sa kanyang mensahe Biyernes, Setyembre 19, 2025 bilang pagbati sa sentenaryo ng pagkakatatag ng Zhi Gong Party, hinimok ni Pangulong Xi Jinping ng Tsina ang Partido, na pagbuklud-buklorin ang mga overseas Chinese, bumabalik na overseas at ethnic Chinese at kanilang pamilya, at mga estudyanteng Tsino sa ibayong dagat.

Ito aniya ay upang gawin ang makabagong ambag sa dakilang pag-ahon ng nasyong Tsino.

https://filipino.cgtn.com/2025/09/19/ARTI1758269344420472

Sinabi Huwebes, Setyembre 18, 2025 ni Tagapagsalita He Yadong ng Ministri ng Komersyo (MOC) na matatag ang paninindian n...
19/09/2025

Sinabi Huwebes, Setyembre 18, 2025 ni Tagapagsalita He Yadong ng Ministri ng Komersyo (MOC) na matatag ang paninindian ng panig Tsino sa isyu ng TikTok.

Tinututulan aniya ng Tsina ang politisasyon, intrumentalisasyon, pagsasandata ng larangan ng siyensiya’t teknolohiya at kabuhaya’t kalakalan.

Hindi makikipagkasundo ang Tsina, kapalit ang mga prinsipyo, kapakanan ng mga kompanya, at pandaigdigang pagkamakatarungan at pagiging patas, saad niya.

Sinabi niyang iginagalang ng pamahalaang Tsino ang mithiin ng mga kompanya, at sinusuportahan ang pagsasagawa ng mga ito ng pantay na negosasyong komersyal na angkop sa mga prinsipyo ng merkado.

Nanawagan siya sa panig Amerikano na ipagkaloob ang bukas, patas, makatarungan at walang-pinapanigang kapaligirang pangnegosyo sa mga kompanyang Tsino na kinabibilangan ng TikTok, at pasulungin ang matatag, malusog at sustenableng pag-unlad ng relasyong pangkabuhaya’t pangkalakalan ng Tsina at Amerika.

https://filipino.cgtn.com/2025/09/19/ARTI1758268734680353

Ipinanawagan Huwebes, Setyembre 18, 2025 ni Tagapagsalita He Yadong ng Ministri ng Komersyo ng Tsina (MOC) sa Unyong Eur...
19/09/2025

Ipinanawagan Huwebes, Setyembre 18, 2025 ni Tagapagsalita He Yadong ng Ministri ng Komersyo ng Tsina (MOC) sa Unyong Europeo (EU), na huwag gawing sandata ang taripa; pawiin ang mga balakid sa merkado; likhain ang patas, walang-pinapanigan, at maasahang kapaligiran sa pag-unlad ng industriya ng bagong enerhiyang sasakyan; at gumawa ng positibong ambag sa pagharap sa pagbabago ng klima at pagsasakatuparan ng berdeng transisyon.

Samanatala, binati ni He ang gagawing paglulunsad ng Volkswagen ng ID.1 low-cost electric vehicle (EV) model.

Aniya, ito ay tugon sa pangangailangan ng merkado at ekspektasyon ng mga mamimili.

Pinapasulong aniya ng mga EV ng Tsina ang elektripikasyon at intelihenteng paglipat ng industriya.

May kakayahan ang mga tagamanupaktura ng sasakyan ng EU na umangkop sa kompetisyon sa merkado at sumali sa transpormasyon ng industriya, dagdag niya.

Base sa praktika, hinding-hindi aniya mahahadlangan ng proteksyonismo ang puwersa ng merkado, at makatuwirang pagpili ng mga mamimili ng EU.

https://filipino.cgtn.com/2025/09/19/ARTI1758268406554340

Mula Setyembre 15 hanggang 17, 2025, dumalo si Huang Runqiu, Espesyal na Sugo ni Pangulong Xi Jinping ng Tsina at Minist...
19/09/2025

Mula Setyembre 15 hanggang 17, 2025, dumalo si Huang Runqiu, Espesyal na Sugo ni Pangulong Xi Jinping ng Tsina at Ministro ng Ekolohiya at Kapaligiran ng bansa, sa mga selebrasyon ng ika-50 anibersaryo ng pagsasarili ng Papua New Guinea (PNG).

Sa panahong iyan, magkahiwalay na kinatagpo si Huang nina Governor-General Bob Dadae at Punong Ministro James Marape ng PNG.

Saad ni Huang, sapul nang itatag ang relasyong diplomatiko ng dalawang bansa, 49 na taon na ang nakakaraan, matatag na umuunlad ang bilateral na relasyon, at mabungang-mabunga ang kooperasyon sa iba’t-ibang larangan.

Dapat aniyang gawing pagkakataon ang ika-50 anibersaryo ng pagkakatatag ng ugnayang diplomatiko ng Tsina at PNG sa susunod na taon, upang pasaganain ang nilalaman ng komprehensibo’t estratehikong partnership ng dalawang bansa, at pasulungin ang bilateral na relasyon sa bagong antas.

Umaasa naman ang mga opisyal ng PNG na patuloy pang lalakas ang pragmatikong kooperasyon sa Tsina sa iba’t-ibang larangan, lalalim ang komprehensibo’t estratehikong partnership ng dalawang bansa, at maihahatid ang mas maraming benepisyo sa mga mamamayan kapuwa panig.

https://filipino.cgtn.com/2025/09/19/ARTI1758263053432940

Sa pagbisita, Setyembre 15, 2025 ni Kalihim ng Estado Marco Rubio ng Amerika sa Israel, inihayag niya ang suporta sa pla...
18/09/2025

Sa pagbisita, Setyembre 15, 2025 ni Kalihim ng Estado Marco Rubio ng Amerika sa Israel, inihayag niya ang suporta sa plano ng Israel na lansagin ang Hamas.

Kaugnay nito, inilunsad Setyembre 16 ng hukbong Israeli ang opensiba sa lupa at malawakang airstrike sa Gaza City.

Bilang reaksyon, ipinahayag Setyembre 17 ni Tagapagsalita Lin Jian ng Ministring Panlabas ng Tsina (MOFA), ang matinding pagtutol ng panig Tsino, at kinondena ang lahat ng aksyong nakakapinsala sa mga sibilyan at lumalabag sa pandaigdigang batas.

Hinihimok aniya ng panig Tsino ang Israel na dinggin ang panawagan ng komunidad ng daigdig, agarang itigil ang aksyong militar sa Gaza, ipatupad ang komprehensibo at pangmatagalang tigil-putukan upang mapigilan ang mas malawak na makataong krisis.

https://filipino.cgtn.com/2025/09/18/ARTI1758188258808329

Masaganang bunga sa inobasyon at pag-unlad sa siyensiya at teknolohiya, natamo ng Tsina Sa news briefing, ngayong araw, ...
18/09/2025

Masaganang bunga sa inobasyon at pag-unlad sa siyensiya at teknolohiya, natamo ng Tsina

Sa news briefing, ngayong araw, Setyembre 18, 2025, sa Beijing, isinalaysay ng mga opisyal ng Ministri ng Siyensiya at Teknolohiya ng Tsina (MOST) ang mga natamong bunga ng bansa sa aspekto ng inobasyon at pag-unlad sa siyensiya at teknolohiya sa panahon ng ika-14 na panlimahang taong plano, 2021 hanggang 2025.

Ayon sa mga opisyal ng MOST, lumampas sa 3.6 trilyong yuan Renminbi ang laang-gugulin sa pananaliksik at pagdedebelop ng Tsina noong 2024, na lumaki ng 48% kumpara sa halaga noong taong 2020.

Samantala, 2.68% naman ang R&D Intensity o proporsyon ng laang-gugulin sa pananaliksik at pagdedebelop sa kabuuang halaga ng GDP ng bansa, at ang bilang na ito ay mas mataas kaysa pangkalahatang lebel sa Unyong Europeo.

Saad pa ng mga opisyal, ibayo pang tumaas ang antas ng saligang pananaliksik ng Tsina.

Nitong nakalipas na limang taon, nanatili sa unang puwesto sa daigdig ang kapuwa bilang ng mga publikasyong pang-agham sa mga prestihiyosong internasyonal na dyornal at bilang ng mga aplikasyon ng patenteng internasyonal ng Tsina, anila pa.

Ayon pa rin sa kanila, nasa ika-10 puwesto ang Tsina sa listahan ng Global Innovation Index ng World Intellectual Property Organization noong 2024 ang Tsina – 4 na puwestong mas mataas kumpara sa noong 2020.

Ipinakikita nito ang paglakas ng komprehensibong kakayahan sa inobasyon ng Tsina, dagdag nila.

Samantala, itinatag ng Tsina at mahigit 160 bansa't rehiyon ang relasyong pangkooperasyon sa siyensiya at teknolohiya, at lumahok din ang bansa sa mahigit sa 60 malalaking pandaigdigang programa at proyekto ng siyensiya, nitong nakalipas na limang taon.

Pelikulang "731," sinimulang itanghal Sinimulang itanghal ngayong umaga, Setyembre 18, 2025, sa iba't-ibang lugar ng Tsi...
18/09/2025

Pelikulang "731," sinimulang itanghal

Sinimulang itanghal ngayong umaga, Setyembre 18, 2025, sa iba't-ibang lugar ng Tsina, ang pelikulang "731" na kilala rin sa ibayong dagat, sa pamagat na "Evil Unbound."

Ayon sa pinakahuling estadistika, lampas na sa 200 milyong yuan Renminbi ang box office nito.

Mula sa pananaw ng mga karaniwang tao, inilalahad ng pelikula ang mga nakakabagbag-damdaming krimen ng digmaan na ginawa ng kilalang Unit 731 ng Hapon sa Harbin, lunsod sa hilagang-silangan ng Tsina, noong Ikalawang Digmaang Pandaigdig.

Sa ilalim ng di-umano'y "pagsuply ng tubig at pag-iwas sa epidemiya," isinagawa ng nasabing yunit ang lihim na pananaliksik sa mga sandatang biyolohikal at malulupit na eksperimento sa mga dinakip na sibilyan at sundalong Tsino.

Layon ng pelikulang "731" na isiwalat ang madilim na kabanatang ito ng kasaysayan sa pamamagitan ng punto de bista ng mga biktima, upang matiyak na hindi malilimot ang kanilang mga kuwento.

Address

Shijingshan Road, A16, Filipino Service, China Radio International, BJ
Beijing
100040

Website

Alerts

Be the first to know and let us send you an email when CRI Filipino Service posts news and promotions. Your email address will not be used for any other purpose, and you can unsubscribe at any time.

Shortcuts

Share

Category