30/07/2026
Përfundoi nata e parë e Turneut Jubilar në nder të 50-vjetorit të KF Tërnocit! 💙🤍
Me shumë emocione dhe kujtime të bukura u zhvillua nata e parë e turneut “Mahallë me Mahallë”, ku 6 mahallat e Tërnocit zhvilluan nga dy ndeshje, duke rikthyer atmosferën që për dekada ka shoqëruar futbollin.
Një nga momentet më të veçanta të mbrëmjes ishte kur fushën e mbushën më të vegjlit e Tërnocit. Pikërisht në këtë fushë, ku dikur djersitnin baballarët dhe gjyshërit e tyre me fanellën e KF Tërnocit, sot vrapuan fëmijët e tyre, duke dëshmuar se tradita dhe dashuria për klubin vazhdojnë të jetojnë brez pas brezi.
Nesër na pret nata finale:
⚽ Dy gjysmëfinalet
🏆Finalja e madhe
🎉 Manifestimi qendror me rastin e 50-vjetorit të KF Tërnocit.
Ftohen të gjithë ish-futbollistët, trajnerët, drejtuesit, sponsorët, donatorët dhe të gjithë ata që ndër vite kanë dhënë kontribut për KF Tërnocin, si dhe të gjithë banorët e Tërnocit, të marrin pjesë në manifestimin jubilar, për të kujtuar historinë e klubit dhe për të nderuar ata që e ndërtuan atë.
💙🤍 50 vjet histori. 50 vjet krenari. Një klub, një fshat, një familje – KF Tërnoci.
