Medvegja Redaksia

24/07/2026

APEL NGA FAMILJA SELMANI

"U DREJTOHEMI ORGANIZATAVE NDËRKOMBËTARE QË MONITORUAN REFUGJATËT NË MAQEDONI GJATË VITIT 1999

Osman Selmani, i lindur më 12.01.1953 në fshatin Tupallë, Komuna e Medvegjës (Kosova Lindore), është shtetas i Republikës së Kosovës dhe ka jetuar në Prishtinë që nga viti 1970.

Më 01.07.2026, ai është arrestuar nga policia serbe në pikën kufitare Mutivodë (Serbi–Kosovë), gjatë kthimit nga vendlindja e tij, nën akuzën për krime lufte.

Gjatë luftës në Kosovë, familja jonë u detyrua të largohej nga shtëpia dhe si refugjatë kaluam në këto vende:

📍 24.05.1999 – 02.06.1999
Kampi i refugjatëve në Çegran, Gostivar, Maqedoni.

📍 02.06.1999 – 20.06.1999
Gerçar, Komuna e Resnjës – qëndrimi te familja e Nexhip Bekirit.

Sot u drejtohemi të gjithë personave, organizatave dhe institucioneve që kanë qenë të përfshira në menaxhimin dhe monitorimin e refugjatëve gjatë vitit 1999.

Çdo dëshmi, dokument, regjistrim apo informacion që mund të na ofroni do të jetë një ndihmë e madhe për zbardhjen e së vërtetës dhe dokumentimin e historisë së familjes sonë, veçanërisht lidhur me babain tonë, Osman Selmani.

Organizatat të cilave u drejtohemi:

UNHCR – Agjencia e OKB-së për Refugjatë (regjistrimi, mbrojtja dhe koordinimi i ndihmës për refugjatët)
ICRC – Komiteti Ndërkombëtar i Kryqit të Kuq (ndihmë humanitare dhe lidhje familjare)
IFRC dhe Kryqi i Kuq i Maqedonisë
CARE (përfshirë në operacione humanitare gjatë krizës së refugjatëve)
IOM – Organizata Ndërkombëtare për Migrim (transporti dhe kthimi i refugjatëve)
UNICEF, WHO, OCHA dhe organizata të tjera të Kombeve të Bashkuara
CRS, Norwegian Refugee Council, Oxfam, Mercy Corps, International Medical Corps dhe organizata të tjera humanitare

Ju lutemi ta shpërndani këtë apel me këdo që mund të ketë informacione, dokumente apo dëshmi nga kampi i refugjatëve në Çegran gjatë vitit 1999.

Çdo informacion mund të jetë një pjesë e rëndësishme për të vërtetën.

Faleminderit për mbështetjen!

, , , , , , , , , , , .

(Fotoja e bashkëngjitur është nga kampi i refugjatëve në Çegran, Gostivar, gjatë vitit 1999.)"

Florie Selmani

17/07/2026

12/04/2026

22/03/2026

Standardet e dyfishta të BE-së për diplomat e të rinjve nga Lugina e Preshevës

Një padrejtësi e thellë po vazhdon të rëndojë mbi të rinjtë shqiptarë të Luginës së Preshevës. Studentët nga Presheva, Bujanoci dhe Medvegja që studiojnë me përkushtim në Universitetin e Prishtinës, përballen me një realitet të rëndë. Diplomat e tyre nuk njihen në Serbi, duke u mohuar kështu një të drejtë elementare dhe duke ua vështirësuar seriozisht mundësinë për të jetuar e punuar në vendlindjen e tyre.

Në të njëjtën kohë, një realitet tjetër paraqitet në veri të Kosovës. Studentët serbë që studiojnë në Universitetin e Mitrovicës së Veriut, një institucion që funksionon jashtë sistemit kushtetues të Republikës së Kosovës, pajisen me dokumente të lëshuara nga struktura paralele. Për më tepër, për këto dokumente kërkohet njohje edhe nga institucionet e Kosovës, ndërsa në shumë raste kjo kërkesë mbështetet edhe nga institucionet e Bashkimit Evropian.

Ky kontrast i thellë krijon përshtypjen e një standardi të dyfishtë që cenon parimet e barazisë dhe drejtësisë. Të rinjtë nuk duhet të shndërrohen në viktima të politikave diskriminuese apo kalkulimeve politike. Ata meritojnë trajtim të barabartë, respekt për mundin e tyre dhe të drejtën për të ndërtuar të ardhmen në vendin ku kanë lindur.

Shkruan: Luigj Imeri

07/03/2026

NJOFTIM PËR NDJEKËSIT E MEDVEGJASOT.com

Për të gjithë ju që e përcillni faqen tonë MEDVEGJASOT.com, nga 20 Shkurt 2026 deri më 6 Mars 2026, çdo ditë do të publikojmë nga një fotografi me veshje kombëtare të grave shqiptare nga rajoni i Medvegjës.

Fotografia që do të marrë më së shumti pëlqime do të shpallet: FOTOGRAFIA MË E MIRË

Ju ftojmë të bëheni pjesë e kësaj iniciative për të promovuar traditën, kulturën dhe bukurinë e veshjes sonë kombëtare.

Mbështesni, shpërndani dhe votoni fotografinë tuaj të preferuar!

FOTOGRAFIA NR. 60

07/03/2026

Pse nuk ka shtetësi të Kosovës për Shqiptarët e Medvegjes,Bujanocit e Presheves dhe viseve të tjera.
Dikush duhet të marr përgjegjësi për këtë turp që po ndodh tan këto vite.
Shteti i Kosovës duhet të ndihmoj e afroj shqiptarët e jo ti ndaj si ka bërë deri tani ! ! !

02/03/2026

Bota, Diaspora, K. Lindore, Kosova, KULTURË, LAJME, Shqiperia E Referendumi i Kosovës Lindore 1992 02/03/2020 tupalla Urime Kosvë Lindore Referendumi gjithëpopullorë 1992 Kosova dhe vet ish- kryeministri Thaçi, kanë ndikuar në demilitarizimin e UÇPMB-së, dhe u pajtuan që problemet dhe sta...