Blic Lajme

14/07/2026

https://www.facebook.com/share/p/1Ci8gNB4Li/

14/07/2026

https://www.facebook.com/share/p/1bp4nXTSVw/

Deklaratat fashiste të ministrave të qeverisë tregojnë më së miri se Serbia e Millosheviqit vazhdon të mbetet e njejtë!

Deklarata e Ministres për Pushtetin Lokal, Snežana Paunović, se po të ishte në vend të Slobodan Miloševićit do ta spastronte etnikisht Kosovën, është skandaloze, e papranueshme dhe kërkon reagim të menjëhershëm institucional.

Për këtë arsye, sot, nëpërmjet një shkrese zyrtare, kam kërkuar reagim nga të gjitha ambasadat relevante ndërkombëtare në Beograd.

Një deklaratë e tillë nuk mund të konsiderohet e izoluar. Ajo është rezultat i mohimit sistematik të krimeve të luftës, glorifikimit të kriminelëve të dënuar të luftës, relativizimit të vendimeve të gjykatave ndërkombëtare dhe revizionizmit të historisë.

Për shqiptarët e Luginës së Preshevës, deklarata të tilla nga përfaqësues të institucioneve shtetërore përbëjnë një burim shtesë pasigurie. Kur një anëtar i Qeverisë flet për spastrim etnik, pjesëtarët e komuniteteve pakicë me të drejtë shtrojnë pyetjen se çfarë sigurie mund të presin nga këto institucione.

Si vend kandidat për anëtarësim në Bashkimin Evropian, Serbia ka obligim të respektojë dhe të mbrojë të drejtat e komuniteteve pakicë. Deklarata të tilla janë në kundërshtim të drejtpërdrejtë me këto obligime dhe tejkalojnë çdo standard demokratik mbi të cilin bazohet Bashkimi Evropian.

Në cilësinë e deputetit në Parlamentin e Republikës së Serbisë, do të inicioj kërkesën për shkarkimin e ministres.

Në të kundërtën, heshtja dhe mungesa e veprimit do të kuptohen si miratim i deklaratës së saj dhe si qëndrim zyrtar i të gjithë Qeverisë.

14/07/2026

Kryetari i Unionit Demokratik Shqiptar (UDSH), Naser Aziri, ka reaguar pas grabitjes së fundit në Preshevë, duke kërkuar rritjen e masave të sigurisë, vendosjen e kamerave të mbikëqyrjes dhe mbajtjen e një seance të jashtëzakonshme të Kuvendit Komunal për gjendjen e sigurisë.

Në reagimin e tij ai ka thënë:

“Pas grabitjes së fundit në Preshevë pasiguria e qytetarëve për jetën dhe pasurinë e tyre është rritur si kurrë më parë dhe shtrohet pyetja PSE? kaq reagim pasiv i institucioneve qendrore dhe lokale dhe shërbimeve të autorizuara për sigurinë e qytetarëve.

Është momenti i fundit që pushteti lokal në koordinim me atë qendror të rrisin nivelin e gatishmërisë për reagim efikas dhe të shpejtë sepse modelet e vjetruara si për shembull ai i Policisë multietnike duhet braktisur dhe të kalohet në sistemin mobil në çdo moment gjithkund e jo në kontejner të mbyllur dhe gjithsesi është mëse e domosdoshme që Presheva dhe vendbanimet e saj të mbikëqyren nga kamerat 24 orë ashtu që të zvogëlohet mundësia e keqbërësve si në komunikacion ashtu edhe në ngritjen e efikasitetit të mbrojtjes së pasurisë së qytetarëve.

Gjithsesi apeloj tek pushteti lokal që me urgjencë të thirret një seancë e jashtëzakonshme ku pikë e vetme e rendit të ditës të jetë shqyrtimi i sigurisë së qytetarëve dhe pasurisë së tyre ku do të ishte e dëshirueshme në këtë seancë të marrin pjesë edhe përfaqësuesit e pushtetit qendror e sidomos ata të Ministrisë së Punëve të Brendshme, në të kundërtën do të iniciojmë thirrjen e seancës me nënshkrime të këshilltarëve në mbështetje të qytetarëve me peticion.”

14/07/2026

Mërgimtarët drejt Kosovës përmes Serbisë – vjen përgjigjja e ministrit Berisha pas alarmit të MPJD-së

Ministri për të Drejtat e Njeriut dhe Pakicave dhe Dialogun Social, Demo Berisha, ka reaguar ndaj apelit të Ministrisë së Punëve të Jashtme dhe Diasporës së Kosovës, e cila u ka kërkuar përgjigje nga Ministria për të Drejtat e Njeriut dhe Pakicave dhe Dialogun Social, përkatësisht nga ministri Demo Berisha, nëse qytetarët e Kosovës duhet të ndihen të pasigurt gjatë kalimit transit nëpër Serbi.
thirrje qytetarëve të Kosovës, veçanërisht mërgimtarëve, që të shmangin udhëtimin transit nëpër Serbi, me arsyetimin se po ndalohen dhe keqtrajtohen pa bazë ligjore.

Lidhur me apelin e MPJD-së, sipas ministrit Berisha, këto pretendime janë të pabazuara dhe krijojnë një perceptim të rremë të pasigurisë.

"Republika e Serbisë u garanton të gjithë qytetarëve që kalojnë nëpër territorin e saj, qoftë në transit apo si vizitorë, lirinë e lëvizjes dhe qëndrimin në përputhje me ligjin. Askush nuk keqtrajtohet apo nuk ndalohet pa bazë ligjore. Masat ndërmerren vetëm ndaj personave për të cilët ekzistojnë arsye dhe procedura të përcaktuara me ligj," ka deklaruar Berisha.

Ai theksoi se nuk duhet të krijohet panik tek qytetarët që udhëtojnë nëpër Serbi.

"Nuk do të lejojmë që deklarata të tilla të krijojnë frikë dhe pasiguri te udhëtarët, pasi ato kanë vetëm një prapavijë politike dhe nuk pasqyrojnë gjendjen reale në terren."

Në fund, ministri u bëri thirrje të gjithë qytetarëve që, nëse konsiderojnë se janë trajtuar në mënyrë të padrejtë ose në kundërshtim me ligjin gjatë qëndrimit apo kalimit nëpër Serbi, të kontaktojnë Ministrinë për të Drejtat e Njeriut dhe Pakicave dhe Dialogun Social dhe do të ndërmirren masa të menjëhershme ndaj kujdoqoftë ai.

"Çdo qytetar që mendon se është trajtuar pa arsye dhe jashtë kornizës ligjore, le t'i drejtohet ministrisë sonë. Ne do të reagojmë menjëherë dhe do të ofrojmë të gjithë mbështetjen institucionale të nevojshme." është shprehur Berisha.

14/07/2026

Daçiç për deklaratën e Paunoviqit: Në Kosovë u krye spastrim etnik i serbëve, por duket se kjo nuk i pengon askujt

Zëvendëskryeministri Ivica Daçiç vlerësoi se sulmet ndaj Ministres së Administratës Shtetërore dhe Vetëqeverisjes Lokale Snezhana Paunoviq janë të turpshme dhe hipokrite, duke theksuar se ata që e akuzojnë atë se gjoja ka bërë thirrje për spastrim etnik kanë heshtur me vite për spastrimin etnik të serbëve nga Kosova dhe Metohija, njoftoi zyra e tij.

"Dua të them se është turp që deri më tani nuk kam dëgjuar kurrë fjalë nga politikanë vendas që dënojnë spastrimin etnik të serbëve nga Kosova dhe Metohija. Në kushtet kur edhe sot kemi emigrimin e detyruar të serbëve nga Kosova dhe Metohija, ndryshimin e strukturës etnike, për të mos përmendur shekujt e presionit, emigrimit dhe dëbimit të serbëve nga Kosova dhe Metohija, ende sot në Serbi po flitet për ne dhe akuzohet për gjoja spastrim etnik në Kosovë dhe Metohi", tha Daçiç, duke theksuar se po reagon si zëvendëskryeministër.

Ai theksoi se 240,000 serbë u dëbuan nga Kosova dhe Metohija në vitin 1999, dhe se më pak se 10,000 u kthyen, sipas njoftimit.

"Askush nuk e përmend më këtë, kjo është normale. Pra, është normale që njerëzit nga territori që dikur ishte territori kryesor i Serbisë, sepse pse beteja e Kosovës midis Serbisë dhe turqve, beteja kryesore, do të zhvillohej në Kosovë, nëse Kosova nuk do të ishte Serbia? Nëse keni një situatë ku katër monumentet më të rëndësishme, Patriarkana e Pejës, Deçani, Graçanica dhe Bogorodica Ljevishka, përfaqësojnë Trashëgiminë Botërore të UNESCO-s nga shekujt 12, 13 dhe 14, dhe nuk keni asnjë monument shqiptar nga ajo periudhë", tha Daçiç.