RTV PRESHEVA

19/07/2025

🔴 🗣️ APEL PËR QYTETARËT E KOMUNËS SË PRESHEVËS

Mos ndizni zjarre gjatë temperaturave të larta!

Të nderuar qytetarë,

Për shkak të temperaturave jashtëzakonisht të larta dhe kushteve të favorshme për përhapjen e shpejtë të zjarreve në terren të hapur, bëjmë thirrje që të shmangni ndezjen e zjarreve në fusha, pyje, livadhe apo hapësira të tjera të jashtme.

Zjarret në kushte të tilla jo vetëm që rrezikojnë jetën dhe pronën tuaj, por edhe dëmtojnë rëndë mjedisin dhe burimet natyrore.

Kujdes!
Çdo zjarr i pakontrolluar mund të dalë jashtë kontrollit brenda pak minutave.

Ju lutemi:

Mos digjni mbeturina në oborre apo afër pyjeve.

Mos ndizni zjarre për qëllime bujqësore.

Njoftoni menjëherë🚒 Shërbimin e Zjarrfikësve në rast se vëreni zjarr apo tym të dyshimtë.

Mbrojtja e natyrës dhe siguria juaj janë përgjegjësi e përbashkët!

Ju faleminderit për bashkëpunimin.

Komuna e Preshevës
Shërbimi për situata të jashtëzakonshme
19.07.2025

19/07/2025

18/07/2025

🦅🇦🇱 Urime sipërmarrësit shqiptar dhe mikut tim të shkëlqyer Muharrem Salihu për zgjedhjen President i Confimprese Venezia. Me diplomë në Ekonomi dhe Financa nga Universiteti i Zugut në Zvicër, Dr. Salihu ka ndërtuar një holding që përfshin gjashtë kompani të cilat mbulojnë sektorët e prodhimit, shërbimeve dhe bashkëpunimit ndërkombëtar. Qasja e tij sipërmarrëse vë theksin te rritja e qëndrueshme, inovacioni dhe krijimi i vendeve të reja të punës, duke gjeneruar ndikime pozitive si për ekonominë italiane, ashtu edhe për marrëdhëniet ekonomike euro-ballkanike. Urime vlla🌟👏 Shumë krenar për diasporën tonë👐🏼🖤❤️

18/07/2025

Fillojnë punimet në projektin Ndërtimi i transformatorit 10/0,4 kV me fuqi instaluese 250 kVA në hyrje të fshatit Zhunicë.👇

Investitor i këtij projekti me vlerë rreth 3 000 000 dinarë është Komuna Preshevë. Brenda javës tjetër pritet të vendoset Transformatori sepse sot është vendosur shtylla adekuate që mban transformatorin.

Zëvendëskryetari i komunës Dr.Ragmi Mustafa ka deklaruar se „me këtë projekt përfitojnë banorët e pjesës së fshatit Zhunicë në hyrje të tij kur vie nga qyteti Preshevë, bizneset në këtë lagje, por edhe pjesa tjetër e mbetur e fshatit gjer te lokacioni i mlinit sepse transformatori ekzistues shkarkohet dukshëm me instalimin e këtij të riut“

Mustafa ka shfrytëzuar rastin që të uroj përfituesit e këtij projekti duke u dëshiru shfrytëzim sa më të akomoduar të paisjeve elektrike shtëpiake e biznesore.

„Pushteti Lokal në Preshevë do të vazhdoj me projekte të tjera mbase kështu të vogla por kryesisht në drejtim të përmirësimit të jetës së qytetarëve edhe në vendbanime tjera“ ka përfunduar zëvendëskryetari Ragmi Mustafa

18/07/2025

SHTABI KOMUNAL PËR SITUATA TË JASHTËZAKONSHME – KOMUNA E PRESHEVËS
Njoftim zyrtar – Paralajmërim për temperaturat ekstreme dhe rrezikun nga zjarret
E premte, 18 korrik 2025.

Shtabi Komunal për Situata të Jashtëzakonshme i Komunës së Preshevës njofton qytetarët se, sipas paralajmërimit të Institutit Hidrometeorologjik të Serbisë, vendi do të përfshihet nga një valë e re e të nxehtit në periudhën 20–25 korrik 2025, me intensitet më të lartë në jugin dhe lindjen e Serbisë, përfshirë edhe territorin e komunës sonë.

📌 Temperaturat maksimale do të lëvizin ndërmjet 35°C dhe 40°C, në veçanti gjatë ditëve e hënë (21.07.) deri të premten (25.07.).

Në të dielën (20.07.), si dhe në të martën dhe të mërkurën (22–23.07.), në pjesët veriore dhe perëndimore pritet një lehtësim i përkohshëm, me temperatura nga 32°C deri në 36°C.

🔴 RREZIK I SHTUAR NGA ZJARRET – KUJDES I VEÇANTË:

Në kushte të temperaturave të larta dhe thatësisë, ekziston rrezik i lartë për shpërthim të zjarreve, andaj:

🚫 MOS ndizni mbetje nga të korrurat dhe asnjë lloj zjarri në hapësira të hapura!
🔥 Kujdes me përdorimin e zjarrit në ambient të hapur – zjarret e shkaktuara pa qëllim mund të përhapen me shpejtësi të madhe!
📞 Në rast të zjarrit, lajmëroni menjëherë shërbimin e Zjarrfikësve ose Policinë.

✅ REKOMANDIME TË PËRGJITHSHME:
• Shmangni ekspozimin në diell gjatë orëve të mesditës (11:00 – 17:00).
• Pini mjaftueshëm lëngje dhe ushqime të lehta.
• Kujdesuni për fëmijët, të moshuarit dhe personat me sëmundje kronike.
• Mos i lini fëmijët apo kafshët në automjete të mbyllura.

📞 Për informacione shtesë:
Tel.: 064/8385-268, 011/3050-968
🌐 Web: www.meteoalarm.rs

SHTABI KOMUNAL PËR SITUATA TË JASHTËZAKONSHME – KOMUNA E PRESHEVËS
Të gjithë së bashku për sigurinë dhe mirëqenien e komunitetit tonë!

18/07/2025

16/07/2025

Pushteti multietnik në Bujanoc largon bilbordin e PVD-së me ndihmën e policisë, reagon Partia për Veprim Demokratik

KOMUNIKATË NGA DEGA E PVD NË BUJANOC
Pushteti multietnik i Bujanocit me ndihmën e Policisë po tenton të ngrit tensionet mes shqiptarëve.
Të dielën, me 13 korrik, në ora 06:00 e mëngjesit, përfaqësuesit e Zyrës për të rinjë, nga muri ku ndodhet zyra e Partisë për Veprim Demokratik, në Sheshin e qytetit të Bujanocit, në mënyrë të paligjshme, fshehtas, pa konsultim me përfaqësuesit e PVD dhe me të gjithë banorët e ndërtesës, kanë hequr materialin (bilbordin) promovues i cili për qëllim të kampanjës zgjedhore, ishte i vendosur nga ana subjektit tonë.Bilbordi, së bashku me kornizën metalike, ishte pronë e Partisë për Veprim Demokratik.
Sot, në orën 5 të mëngjesit, persona të pautorizuar, në mënyrë krejtësisht banditeske e me asistimin e policisë së stacionit policor në Bujanoc, kanë vendosur një bilbord tjetër të sponsorizuar nga Komuna e Bujanocit e të vendosur nga Zyra për të rinjë!
Për këtë qëllim, krejtësisht paligjshëm, pa dokumentacionin dhe lejet e nevojshme, me automjetin e komunës së Bujanocit (kamionetën në video), po drejtonte personi i cili as nuk është i punësuar në administratë komunale, as në Ndërmarrjen Publike “Komunalia”.
Pra, Komuna e Bujanocit, i kishte dhënë në dispozicion automjetin personit jokompetent me të vetmin qëllim - që për pushtetin të kryej punë të paligjshme!
Në anën tjetër, për vendosjen e bilbordit, ishin përkujdesur koordinatori i zyrës për të rinjë dhe punëtori i një kompanie private nga Bujanoci, duke mos rrespektuar asnjë procedurë të masave të sigurisë të punëtorëve!
Pushtetit multietnik të Bujanocit më shumë i ka penguar bilbordi i vendosur i PVD në ndërtesën ku nga viti 2003 ndodhet selia e sajë, se sa mbishkrimi cirilik i “hebës” së dikurshme i cili ndodhet në ndërtesën përballë.
Për të gjithë këto veprime të paligjshme, për dëmtimin e pronës, për keqpërdorim të detyrave zyrtare dhe për mosrrespektim të masave të sigurisë të punëtorve, Partia pë Veprim Demokratik do të procedojë në prokurori dhe në inspekcionet përkatëse!
Shërbimi për informim i PVD

16/07/2025

15/07/2025

Rexhepi nuk pranon ta heq flamurin kombëtar - Martinoviqi lëshon objektin e KKSH pa filluar takimi

Takimi i paraparë të mbahej në ambientet e Këshillit Kombëtar Shqiptar ndërmjet Kryetarit të Këshillit, z. Enkel Rexhepi, dhe Kryetarit të Trupit Koordinues për Preshevë, Bujanoc dhe Medvegjë, z. Aleksandar Martinoviq, është anuluar.

Shkak i anulimit ka qenë mospranimi i z. Martinoviq për të zhvilluar takim në zyrat e Këshillit, për shkak të pranisë së flamurit kombëtar shqiptar, në mungesë të flamurit serb. Nga ana tjetër, Kryetari i Këshillit, z. Rexhepi, ka qenë i qartë dhe i palëkundur në qëndrimin e tij, duke refuzuar heqjen e flamurit kombëtar shqiptar nga ambientet zyrtare të institucionit përfaqësues të shqiptarëve në Serbi.

Ky veprim përfaqëson një tjetër shfaqje të qasjes përjashtuese e të papranueshme ndaj simboleve kombëtare të shqiptarëve të Luginës së Preshevës, dhe si i tillë, krijon klimë të padëshiruar për dialog institucional dhe bashkëpunim.