Dost News Europe

Dost News Europe Political and Social activities of immigrants based around the world

کرائے کی موٹر سائیکلوں کو سیڑھیوں سے نیچے پھینکنا: بادالونا میں اوباش نوجوانوں کا نیا شوقبادالونا/17 جولائی 2025/تحریر: ...
17/07/2025

کرائے کی موٹر سائیکلوں کو سیڑھیوں سے نیچے پھینکنا: بادالونا میں اوباش نوجوانوں کا نیا شوق
بادالونا/17 جولائی 2025/تحریر: ریڈاکسیون (ترجمہ دوست نیوز)بادالونا میں کرائے کی موٹر سائیکلیں ایک بار پھر تنازعے کا مرکز بن گئی ہیں۔ حالیہ ہفتوں کے دوران، شہر کے مختلف محلوں کے رہائشیوں نے ایک نئی قسم کی غنڈہ گردی کی شکایت کی ہے: ان موٹر سائیکلوں کو جان بوجھ کر سیڑھیوں سے نیچے پھینکا جا رہا ہے۔ سب سے زیادہ متاثرہ علاقہ “پومار” ہے، جہاں اس غیر مہذب رویے کی ویڈیوز اور تصاویر ریکارڈ کی گئی ہیں۔ یہ حرکت نہ صرف عوامی تحفظ کو خطرے میں ڈالتی ہے بلکہ سرکاری املاک اور خود موٹر سائیکلوں کو بھی نقصان پہنچاتی ہے۔
اسی جمعرات کی صبح، ان موٹر سائیکلوں میں سے ایک “کائیے دل مار” (Carrer del Mar) کی پیدل چلنے والوں کی گزرگاہ کے بیچ میں ملی، جس سے راستہ بند ہوگیا اور دکانداروں اور شہریوں نے شکایات کیں۔ بلدیہ کی کرین کو آ کر اسے ہٹانا پڑا، کیونکہ وہ مکمل طور پر غلط جگہ پر چھوڑ دی گئی تھی۔
ان تخریبی حرکات کے علاوہ، ایسے غیر ذمہ دار صارفین کی تعداد میں بھی اضافہ ہو رہا ہے جو موٹر سائیکلوں کو کہیں بھی چھوڑ دیتے ہیں: چوراہوں کے بیچ، بچوں کے پارکوں میں، یا فٹ پاتھوں کو بلاک کرتے ہوئے۔ نگرانی اور جرمانے نہ ہونے کی وجہ سے ایک بے خوفی اور لاپرواہی کا ماحول بن رہا ہے، جو بادالونا کے شہریوں کو دن بہ دن زیادہ ناراض کر رہا ہے۔

16/07/2025

امریکا کی ریاست الاسکا میں 7 اعشاریہ 2 شدت کا زلزلہ، سونامی وار ننگ جاری

میڈرڈ/16جولائی2025(دوست نیوز)مسلمانوں کو بالآخر میڈرڈ میں قبرستان کی سہولت حاصل ہو گئی: کارابانچیل میں 15,000 مربع میٹر ...
16/07/2025

میڈرڈ/16جولائی2025(دوست نیوز)مسلمانوں کو بالآخر میڈرڈ میں قبرستان کی سہولت حاصل ہو گئی: کارابانچیل میں 15,000 مربع میٹر پر محیط زمین میں وہ اپنے مرحومین کو دفن کر سکیں گے۔ پہلے مرحلے میں 150 قبریں تعمیر کی جائیں گی اور ضرورت کے مطابق ان کی تعداد 1,150 تک بڑھائی جائے گی، جو دوسرے مرحلے میں بڑھا کر 2,350 تک کی جا سکے گی۔

اقوام متحدہ کی ہائی کمشنر برائے پناہ گزینی یورپین ڈیٹا کے ایک اہلکار نے پاکستانی صحافی اشراق نذیر کو فراہم کردہ معلومات ...
16/07/2025

اقوام متحدہ کی ہائی کمشنر برائے پناہ گزینی یورپین ڈیٹا کے ایک اہلکار نے پاکستانی صحافی اشراق نذیر کو فراہم کردہ معلومات کے مطابق، پاکستانی تارکین وطن کی آمد کے راستوں میں نمایاں تبدیلی دیکھی گئی ہے۔اٹلی میں پاکستانی تارکین وطن کی آمد میں تیزی، لیبیا سے آنے والوں کی تعداد میں نمایاں اضافہ 2024 کے پہلے چھ ماہ میں اٹلی میں تقریباً 1,000 پاکستانی تارکین وطن ڈنکی لگا کے پہنچے تھے، جن میں سے 27 تیونس، 174 ترکیہ، اور باقی بیشتر لیبیا سے آئے تھے۔ تاہم، 2025 کے پہلے چھ ماہ میں یہ تعداد دوگنی سے تجاوز کرتے ہوئے 2,600 سے زائد ہو گئی، جس میں تیونس سے صرف 1، ترکیہ سے 7، اور باقی تمام لیبیا سے آئے ہیں۔

یہ اعداد و شمار یورپی مہاجرین کے راستوں میں تبدیلیوں کی نشاندہی کرتے ہیں جہاں لیبیا سے آنے والے پاکستانی تارکین وطن کی تعداد تین گنا سے بھی زیادہ بڑھ گئی ہے، جبکہ تیونس اور ترکیہ سے آنے والے افراد کی تعداد کم ہوئی ہے۔
یونان اردو

ہمیں 2023 میں ہی معلوم ہوگیاتھا کہ ہم ورلڈکپ میں کوالیفائی کر سکتے ہیں: اطالوی کرکٹررپورٹ: ارفع فیروز ذکی۔۔۔ اٹلی کرکٹ ٹ...
16/07/2025

ہمیں 2023 میں ہی معلوم ہوگیاتھا کہ ہم ورلڈکپ میں کوالیفائی کر سکتے ہیں: اطالوی کرکٹر

رپورٹ: ارفع فیروز ذکی۔۔۔ اٹلی کرکٹ ٹیم کے اوپننگ بیٹر زین نقوی کا کہنا ہے کہ 2023 میں ورلڈکپ میں آئرلینڈ سے شکست کھا لی تھی ورنہ اٹلی ورلڈکپ میں کوالیفائی کرلیتے مگر پھر ہمیں معلوم ہوگیاتھا کہ ہم ورلڈکپ میں کوالیفائی کر سکتے ہیں۔

جیونیوز کو خصوصی انٹرویو دیتے ہوئے اٹلی کرکٹ ٹیم کے اوپننگ بیٹر زین نقوی نے کہا کہ 2026 ٹی ٹوئنٹی ورلڈکپ کوالیفائرز میں مکمل تیاری کے ساتھ آئے تھے، ٹی ٹوئنٹی ورلڈکپ2026 بھارت میں ہے،ممبئی میں کھیلنے کی خواہش ہے اور مستقبل میں پی ایس ایل اور انڈین پریمیئر لیگ کھیلنا چاہتاہوں۔

اپنی بات کو جاری رکھتے ہوئے انہوں نے کہا کہ ذاتی خواہش ہےکہ بھارت اور پاکستان کے ساتھ ٹی ٹوئنٹی ورلڈکپ میں کھیلنے کا موقع ملے، بارہ تیرہ سال کا تھا جب فیملی کے ساتھ اٹلی شفٹ ہوا مگر جب یہاں آیا تو تعلیم پر فوکس تھا لیکن کرکٹ ہمیشہ سے پسندیدہ کھیل تھا۔

زین نقوی نے کہا کہ ٹیپ بال اچھی کھیلتاتھا، بعد میں ہارڈبال کرکٹ کھیلنا شروع کی پھر دو سال اٹلی کی ڈومیسٹک کرکٹ میں اچھی پرفارمینس دکھائی اس کے بعد اٹلی کی قومی کرکٹ ٹیم میں 2021 میں منتخب ہوا۔

انہوں نے کہا کہ کبھی نہیں سوچا تھا کہ ایک دن اٹلی کی قومی کرکٹ ٹیم کی نمائندگی کروں گا، گزشتہ دو سال سے اٹلی میں لوگ کرکٹرزکوپہچاننا شروع ہوگئے ہیں۔

اٹلی کرکٹ ٹیم کے اوپننگ بیٹر نے کہا کہ اٹلی میں کرکٹ گراؤنڈز کی کمی ہے، صرف چند کلبز کے پاس گراؤنڈز ہیں مگر یہاں کرکٹ میں کافی فروغ پاناشروع ہوگئی ہے۔

ان کا کہنا تھا کہ ٹی ٹوئنٹی ورلڈکپ میں کوالیفائی کرنے کے بعد اُمید ہے آئی سی سی اٹلی میں گراؤنڈز بنانے میں مدد کرےگا،آئی سی سی کی طرف سے کم میچز ملتےہیں، ٹی ٹوئنٹی ورلڈکپ میں کوالیفائی کرنے کے بعد امید ہے زیادہ میچز ملیں گے۔

انہوں نے کہا کہ میں جارحانہ انداز میں بیٹنگ کرتاہوں، انگلینڈ کے سابق کپتان جاس بٹلر پسند ہیں، اٹلی کے کپتان جوبرنز آسٹریلیا کی نمائندگی کرچکےہیں اوربڑانام ہیں، کپتان جو برنز نےہائی لیول کرکٹ کھیلی ہے،وہ ایک سچےانسان اور بہترین کھلاڑی ہیں

اٹلی میں دوسرے کی گاڑی چلانے پر 3,600 یورو جرمانہ تحریری اجازت (Delega Scritta) لازمی قرارمیاں آفتاب احمد۔ جولائی 2025 –...
16/07/2025

اٹلی میں دوسرے کی گاڑی چلانے پر 3,600 یورو جرمانہ تحریری اجازت (Delega Scritta) لازمی قرار

میاں آفتاب احمد۔ جولائی 2025 – اگر آپ اٹلی میں کسی دوسرے شخص کی گاڑی چلا رہے ہیں، تو ہوشیار ہو جائیں! وزارت ٹرانسپورٹ کی جانب سے نئی ہدایات جاری کی گئی ہیں جن کے مطابق اگر آپ کے پاس گاڑی کے مالک کی تحریری اجازت (Delega scritta) موجود نہیں ہے، تو آپ پر 700 سے 3,600 یورو تک جرمانہ عائد کیا جا سکتا ہے۔
یہ قانون قریبی رشتہ داروں، دوستوں، شوہر یا بیوی پر بھی لاگو ہوتا ہے، اگر وہ ایک ہی پتے پر رجسٹرڈ نہیں ہیں

یونان سے پاکستانیوں کی ملک بدری کا سلسلہ مسلسل جاری ہے، یونان سے مزید پاکستانیوں اور جارجیائی شہریوں کو ملک بدر کر دیا گ...
16/07/2025

یونان سے پاکستانیوں کی ملک بدری کا سلسلہ مسلسل جاری ہے، یونان سے مزید پاکستانیوں اور جارجیائی شہریوں کو ملک بدر کر دیا گیا ہے۔
ایتھنز (خالد مغل) یونان سے ہیلینک پولیس نے 15 جولائی 2025، منگل کو یورپی سرحدوں کی محافظ پولیس فرونٹیکس کے تعاون سے ایک خصوصی پرواز کے ذریعے 40 پاکستانی شہریوں اور 10 جارجیائی شہریوں کو ملک بدر کر دیا۔
ملک بدر کئے جانے والوں کی بین الاقوامی تحفظ کی درخواستیں مسترد کر دی گئیں تھیں۔

یونانی وزارتِ مہاجرین اور پناہ کے وزیر تھانوس پلیوریس نے کہا ہے کہ “ہمارا ملک ایک سخت لیکن منصفانہ ہجرت کی پالیسی پر عمل درآمد جاری رکھے ہوئے ہے، صرف ان لوگوں کو پناہ فراہم کرتا ہے جو حقیقی طور پر اس کے حقدار ہیں۔ باقی کے لیے، واحد راستہ وطن واپسی یا نظربندی کا انتخاب ہے۔”
یاد رہے کہ پاکستان کو یونان کی محفوظ ممالک کی فہرست میں شمار کیا جاتا ہے۔
یہ پاکستانی شہری یونان میں غیر قانونی طریقے سے داخل ہوئے تھے جس کے بعد انہوں نے یونان میں بین الاقوامی پناہ کی درخواستیں دائر کیں تھی جس پر قانونی طور پر کام کرنے کے بعد انہیں مسترد کر دیا گیا۔
ایک محتاط سروے کے مطابق پاکستان سے یونان آنے والے تارکینِ وطن کی یونان آنے کی وجہ معاشی بحران ہے اور وہ روزگار کی غرض سے یونان آتے ہیں جن میں سے زیادہ تر کا تعلق پاکستان کے صوبہ پنجاب کے مخصوص علاقوں سے ہے۔

یورپ میں شدید گرمی 2,300 ہلاکتیں۔جولائی کے آخر تک 12 یورپی شہروں میں شدید گرمی کے باعث تقریباً 2,300 افراد ہلاک، جن میں ...
16/07/2025

یورپ میں شدید گرمی 2,300 ہلاکتیں۔جولائی کے آخر تک 12 یورپی شہروں میں شدید گرمی کے باعث تقریباً 2,300 افراد ہلاک، جن میں سے 1,500 اموات کا تعلق موسمیاتی تبدیلی سے ہے۔ یورپ شدید گرمی کی لہر کی لپیٹ میں ہے، جس کے نتیجے میں اب تک کم از کم 2,300 افراد ہلاک ہو چکے ہیں، جن میں زیادہ تر اموات اسپین، فرانس، اٹلی، جرمنی اور پرتگال جیسے ممالک میں ہوئیں۔ ماہرین کے مطابق یہ ہیٹ ویو موسمیاتی تبدیلی کا براہِ راست نتیجہ ہے، جس نے درجہ حرارت کو خطرناک حد تک بڑھا دیا ہے۔ اسپین کی وزارت صحت کے مطابق پچھلے دو ماہ میں 1,180 اموات صرف اسی ملک میں ہوئیں، جبکہ فرانس میں شدید گرمی کے باعث 1,900 سے زائد اسکول بند کیے گئے۔ اٹلی نے دوپہر کے وقت کھلے آسمان تلے کام کرنے پر پابندی لگا دی ہے، اور متعدد سیاحتی علاقوں میں ہنگامی وارننگز جاری کی گئی ہیں۔ یہ صورتِ حال نہ صرف انسانی جانوں کے لیے خطرہ ہے بلکہ یورپی معیشت، سیاحت، اور بنیادی سہولیات پر بھی گہرے اثرات ڈال رہی ہے۔

برطانیہ نے پاکستانی ائیر لائنز پر طویل عرصے سے عائد پابندیاں ختم کر دیں۔برطانوی ہائی کمیشن کا کہنا ہے کہ پاکستانی ائیر ل...
16/07/2025

برطانیہ نے پاکستانی ائیر لائنز پر طویل عرصے سے عائد پابندیاں ختم کر دیں۔

برطانوی ہائی کمیشن کا کہنا ہے کہ پاکستانی ائیر لائنز اب برطانیہ کے لیے پروازوں کے لیے درخواست دے سکتی ہے۔برطانوی ہائی کمیشن کے مطابق ائیرلائنز کو پروازوں کے لیے یوکے سی اے اے سے اجازت لینا ہوگی۔برطانوی ہائی کمیشن کا بتانا ہے کہ سیفٹی لسٹ سے اخراج آزاد اور تکنیکی عمل کے تحت ہوا۔
پاکستان میں تعینات برطانوی ہائی کمشنر جین میریٹ کا کہنا ہے کہ میں پاکستانی ائیر لائن سے سفر کی منتظر ہوں، پاکستان کے ساتھ فضائی رابطوں میں بہتری خاندانوں کے ملاپ میں مددے دے گی۔
یاد رہے کہ مئی 2020 میں کراچی میں پی آئی اے کے طیارے کو پیش ہونے والے حادثے کے بعد اس وقت کے وزیر ہوا بازی نے پارلیمنٹ کو بتایا تھا کہ ہمارے ملک کے ایک تہائی کمرشل پائلٹس کے پاس بوگس ڈگریاں ہیں جس کے بعد جون 2020 میں برطانیہ اور یورپ کے لیے پاکستانی پروازوں پر پابندی عائد کر دی گئی تھی۔
حکومت کی مسلسل کوششوں کے بعد گزشتہ برس نومبر میں یورپی یونین نے پاکستانی ائیر لائن کی یورپ کے لیے پروازوں پر سے پابندی اٹھا لی تھی تاہم اب برطانیہ نے بھی پاکستانی ائیر لائنز پر عائد پابندی ہٹا لی ہے۔

40 ہزار پاکستانی زائرین غائب! عراق، شام، ایران جاکر کہاں چلے گئے معلوم نہیں، وزیر مذہبی امور کا انکشاف
16/07/2025

40 ہزار پاکستانی زائرین غائب! عراق، شام، ایران جاکر کہاں چلے گئے معلوم نہیں، وزیر مذہبی امور کا انکشاف

میڈرڈ، 15 جولائی 2025(دوست نیوز)پاپولر پارٹی (PP) کے سربراہ البیرتو نونیز فیخو نے اسپین میں مقیم تارکین وطن سے مخاطب ہوت...
15/07/2025

میڈرڈ، 15 جولائی 2025(دوست نیوز)پاپولر پارٹی (PP) کے سربراہ البیرتو نونیز فیخو نے اسپین میں مقیم تارکین وطن سے مخاطب ہوتے ہوئے ان سے “احترام اور معاشرے میں انضمام” کا مطالبہ کیا ہے، اور تنبیہ کی ہے کہ “جو ایسا نہیں کرتے، وہ خوش آمدید کے مستحق نہیں”۔ یہ بیان اس وقت سامنے آیا ہے جب مرسیا کے علاقے تورے پاچےکو میں حالیہ دنوں میں نسلی فسادات نے شدت اختیار کر لی ہے، جن میں انتہاپسند گروہوں نے تارکین وطن پر حملے کیے ہیں۔
فیخو نے ایک ویڈیو پیغام میں، جو ان کی پارٹی نے میڈیا کو جاری کیا، تشدد کی مذمت کی اور ان غیر ملکیوں کو تنقید کا نشانہ بنایا جو قوانین کی خلاف ورزی کرتے ہیں، لیکن ساتھ ہی ان لوکل افراد کی بھی مخالفت کی جو قانون کو ہاتھ میں لیتے ہوئے غیر ملکیوں کے خلاف حملے کر رہے ہیں۔ تاہم ان کے خطاب کا مرکزی ہدف تارکین وطن ہی رہے۔
فیخو نے کہا:“میں ہر قسم کے تشدد کی مذمت کرتا ہوں، چاہے وہ کسی کی جانب سے ہو۔ جو لوگ ہمارے ملک میں داخل ہو کر قانون شکنی کرتے ہیں، وہ ہمارے نمائندہ نہیں۔ اور جو یہاں پیدا ہو کر بھی قانون توڑتے ہیں، وہ بھی نہیں۔”
فیخو نے اپنے خطاب کا آغاز اس ریٹائرڈ شخص، دومینگو سے ہمدردی کے اظہار سے کیا جسے مبینہ طور پر شمالی افریقہ کے تارکین وطن نے مارا پیٹا۔ انہوں نے دومینگو اور اس کے اہل خانہ کی اپیل دہرائی کہ تورے پاچیکو کے باسی پرامن رہیں اور مزید فسادات سے باز رہیں۔
انہوں نے کہا:“پی پی کی جانب سے کسی کو بھی سڑکوں پر اشتعال انگیزی کی توقع نہ ہو۔”
لیکن ایک سخت لہجے میں، فیخو نے تارکین وطن کو مخاطب کرتے ہوئے کہا:“اکثر لوگ قانون کا احترام کرتے ہیں، لیکن جو ایسا نہیں کرتے، وہ یہ جان لیں کہ ان کو اسپین میں خوش آمدید نہیں کہا جائے گا”
بعد ازاں، انہوں نے سوشل میڈیا پر منظم ہونے والے ان انتہاپسندوں کو مخاطب کیا جو غیر ملکیوں پر حملے کر رہے ہیں (جن میں سے 13 افراد گرفتار ہو چکے ہیں) اور ان سے کہا:“قانون شکنی کو روکیں۔ قانون اپنے ہاتھ میں لینا بھی جرم ہے۔ جرم کا جواب جرم سے نہیں دیا جا سکتا۔”
فیخو نے موجودہ حکومت پر بھی تنقید کی اور کہا:“مرسیا میں حکومت نے ریاستی اختیارات چھوڑ دیے ہیں اور اپنے بنیادی فریضے یعنی عوام کو تحفظ دینے میں ناکام رہی ہے۔”
انہوں نے حل کے طور پر پولیس کو زیادہ وسائل دینے، بار بار جرم کرنے والوں کے خلاف سخت قوانین، اور قانون شکن افراد کی فوری سزا کی تجویز دی۔
“اگر مجرم غیر قانونی تارک وطن ہو تو اسے فوراً ملک بدر کر دیا جائے، اور اگر وہ ہسپانوی ہو تو عدالت کے سامنے پیش کیا جائے۔”

کاتالونیاکے قومی دن پر آزادی کے حق میں ریلیاں: بارسلونا، جیرونا اور تورتوسا میں مظاہرے ہوں گےبارسلونا، 15 جولائی 2025 (د...
15/07/2025

کاتالونیاکے قومی دن پر آزادی کے حق میں ریلیاں: بارسلونا، جیرونا اور تورتوسا میں مظاہرے ہوں گے
بارسلونا، 15 جولائی 2025 (دوست نیوز)کاتالونیاکے قومی دن (La Diada) کے موقع پر اس سال 11 ستمبر کو آزادی کے حق میں ہونے والے مظاہرے غیرمرکزی (decentralized) ہوں گے، یعنی ریلیاں بارسلونا، جیرونا اور تورتوسا میں منعقد کی جائیں گی۔ یہ ترتیب گزشتہ سال 2024 جیسی ہو گی، جب پانچ مختلف شہروں میں آزادی کے حامی مظاہروں میں 73,500 افراد نے شرکت کی تھی۔
اس سال کا سرکاری نعرہ — جو ANC کی جانب سے تقسیم کی جانے والی ٹی شرٹس پر درج ہو گا — یہ ہو گا:
“آزادی: پہلے سے زیادہ وجوہات”
منتظمین کے مطابق، یہ نعرہ آزادی کی تحریک کی سماجی اہمیت کو اجاگر کرتا ہے اور اس بات پر زور دیتا ہے کہ ہدف کو نظر میں رکھنا اور آزادی کو درمیانی و طویل مدتی مقصد کے طور پر برقرار رکھنا ضروری ہے۔
منتظمین چاہتے ہیں کہ اس سال کے 11 ستمبر کے مظاہروں میں “جذبۂ مزاحمت” برقرار رہے، لیکن یہ مظاہرے ہر طبقے کو ساتھ لے کر چلنے والے (transversal) بھی ہوں — یعنی یہ دن کسی خاص آزادی کے حامی سیاسی گروہ کے خلاف نہیں بلکہ اتحاد و قومی تحریک کا دن ہو۔
ریلیوں کو شمال (جیرونا)، جنوب (تورتوسا) اور دارالحکومت (بارسلونا) میں منظم کرنے کا مقصد بھی یہی “ہمہ گیر” پیغام دینا ہے۔
یہ دوسرا موقع ہو گا جب کاتالونیاکے قومی دن کی تقریبات میں پارلیمنٹ میں موجود ایک دائیں بازو کی آزادی پسند جماعت — الیانسا کاتالانا (Aliança Catalana) — کی موجودگی ہو گی۔ تاہم منتظمین نے واضح کیا ہے کہ اس جماعت کی ممکنہ شرکت مظاہروں کے “مہذب اور پُرامن” انداز پر اثرانداز نہیں ہو گی۔

Dirección

Cataluña

Teléfono

+34632213699

Página web

Notificaciones

Sé el primero en enterarse y déjanos enviarle un correo electrónico cuando Dost News Europe publique noticias y promociones. Su dirección de correo electrónico no se utilizará para ningún otro fin, y puede darse de baja en cualquier momento.

Contacto La Empresa

Enviar un mensaje a Dost News Europe:

Atajos

Compartir

Categoría