Active Curacao

Startpagina
Curaçao
Willemstad
Active Curacao

Contactgegevens, kaart en routebeschrijving, contactformulier, openingstijden, diensten, beoordelingen, foto's, video's en aankondigingen van Active Curacao, Radiostation, Kaya Simon Pieters Kwiers, Willemstad.

15/09/2026

KOMUNIKADO KPC:

14 sèptèmber 2026

Topiko: Detenshon pa violashon di lei di arma di kandela i opio

Den oranan di mainta di djaluna 14 di sèptèmber 2026, e Divishon di Krímen
Organisá den estrecho koperashon ku Defensa, R.S.T. i Koninklijke Marechausse, a tene tres entrada hudisial.

Nan a bish*tá adrèsnan na Guanaweg, Yukonweg i Wishi. E entradanan hudisial tabata den kuadro di investigashon relashoná ku
posibel violashon di e lei di arma di kandela i opio.

Na Guanaweg, a tuma lugá detenshon di e hòmber J.T. di 33 aña di edat.

Den Yukonweg a detené e hòmber S.T. di 64 aña di edat.

Ambos ta nasé na Kòrsou i a keda detené pa violashon di e lei di arma di kandela.

Durante di e entradanan hudisial, polis a konfiská diferente artíkulo ku ta di importansia pa e investigashon. A presentá e sospechosonan dilanti di un fiskal ouksiliar ku a ordená nan
enkarselamentu pendiente di mas investigashon.

15/09/2026

KOMUNIKADO:

Lusnan di tráfiko krusada Schottegatweg Noord i Aztekenweg for di servisio

Willemstad – Ban paga èkstra tinu e dianan aki na e krusada di Schottegatweg Noord i Aztekenweg. Esaki ta e krusada ora pasa Mangusa na Rio Canario pa bai direkshon di Biesheuvel.

Den un aksidente di tráfiko, un vehíkulo a dal e kashi di kòmpüter, ku ta regulá e lusnan, i a destruí esaki kompletamente.

Pa e motibu aki, e dos lusnan na e krusada ku Schottegatweg Noord i Aztekenweg no ta traha. Kore ku koutela. Sigui regla di tráfiko pa krusada, i paga tinu riba bòrchinan di trafiko. Esaki ta un mensahe di Servisio pa Obra Públiko (OW).

14/09/2026

𝐑𝐔𝐓𝐀 𝟕𝐀 𝐓𝐀 𝐎𝐅𝐈𝐒𝐈𝐀𝐋!

Djaweps último, ABC a lansa ofisialmente Ruta 7A Noord Zapateer–Koraal Partier, huntu ku Minister Charles Cooper, Direktor di ABC Sr. Ray Seferina, Miembro di Komishon di Bario Sra. Angelique Presentacion, invitadonan speshal i habitantenan di bario.

E ruta nobo ta realisá un anhelo ku komunidat di Noord Zapateer tin pa mas ku 25 aña. Direktor Seferina a indiká ku ABC lo sigui analisá e desaroyo i nesesidatnan di otro barionan.
Minister Cooper a agregá ku Gobiernu ta traha pa invertí den mas konvoi moderno, pa transporte públiko por drenta mas den bario i konektá bario ku bario, hende ku hende i hende ku negoshi.

Ruta 7A ta un promé paso den e direkshon aki. Komunidat por sigui spera mas konektividat i un servisio di transporte públiko ku ta sigui krese huntu ku e nesesidatnan di nos barionan.

14/09/2026

NOTISIA:

Tin un situashon mainta trempan aworaki na Kaya Elegansia (Koraal Partier) despues ku 2 palu di lus lo mester a bini abou. Polisnan tin e kaya sera aworaki pa atende ku e situashon aki.

13/09/2026

KOMUNIKADO KPC:

13 sèptèmber 2026

Tópiko: Kaso di tiramentu ku herido

Djadumingu 13 di sèptèmber 2026 alrededor di 00.04’or, Sentral di Polis a risibí diferente yamada ku tin un problema ku algun habitante den Kaya Kitrin. Mesora a dirigí algun unidat na e sitio.

Na nan yegada, nan a komprondé di habitantenan ku den oranan mas trempan di dia tabatin problema entre algun habitante i ku awor e situashon a eskalá.

Durante di e problema aki, e personanan ku tabatin problema ku otro a lòs tirunan ku a alkansá un hòmber na su pia drechi parti ariba.

Muraya di tres kas den e kaya ei tambe a risibí impakto di bala, mientras portanan di glas a keda destruí.
Den un vehíkulo partikular e víktima ku a sufri herida di bala, a keda transportá pa Sala di Emergensia di C.M.C. pa risibi tratamentu médiko. Na e sitio a konfiská diferente kashi di bala.

Personal di reshèrshi ta enkargá ku e investigashon.

13/09/2026

KOMUNIKADO KPC:

Tópiko: Detenshon pa violashon di lei di arma di kandela

Durante di kontròl preventivo realisá dor di un unidat di “Satis Est” djasabra 12 di sèptèmber 2026 alrededor di 23.42’or den Kaya Neblina, e unidat a bin t**a den tas di un hòmber ku nan a kontrolá, un mangashina kargá ku un kantidat di bala skèrpi.

Na e sitio polis a detené e hòmber M.F.M.W. di 29 aña di edat nasé na
Kòrsou. Alabes a konfiská e munishon.

A presentá e sospechoso dilanti di un fiskal ouksiliar ku a ordená su enkarselamentu pendiente di mas investigashon.

12/09/2026

KOMUNIKADO KPC:

Topiko: Aksidente di tráfiko ku morto

Djasabra 12 di sèptèmber 2026 alrededor di 02.35’or, Sentral di Polis a
dirigí un unidat polisial pa F.D. Rooseveltweg pa un aksidente di tráfiko ku persona heridá.

For di investigashon ku polis a realisá na e sitio a sali na kla, ku dos vehíkulo a aksidentá riba e kaya enkuestion i despues un di e vehíkulonan a bai dal kontra di un muraya di kas. E shofùr di e vehíkulo ku a dal kontra di e muraya di kas, a sufri leshon i a keda transportá ku urgensia pa Sala di Emergensia di C.M.C.

Alrededor di 04.18’or a drenta informashon na Sentral di Polis ku e
persona ku tabata envolví den e aksidente a fayesé debí na leshonnan ku
el a sufri durante di e aksidente.

Riba òrdu di fiskal di Ministerio Públiko a konfiská e kurpa pa mas investigashon.

E víktima a keda identifiká komo Jennymar Alfonso Vicente Leito, nasé na Kòrsou dia 27 di sèptèmber 1988.
Personal di Departamentu di Tráfiko ta enkargá ku e investigashon.

12/09/2026

KOMUNIKADO KPC:

Topiko: Detenshon pa ladronisia den negoshi

Relashoná ku un kaso di ladronisia den negoshi, polis a hasi un detenshon.

Den oranan di anochi di djaweps 10 di sèptèmber 2026, un unidat di “Satis est” ku tabata patruyando den Kurá di Shon Fiel, a para un vehíkulo pa
kontrol’é. Durante di e kontròl, polis a enkontrá algun merkansia prosedente di un ladronisia ku resientemente tabatin den un pakus den sentro di siudat.

Mesora polis a hasi detenshon di e sospechoso, e hòmber L.A.R di 36 aña
di edat nasé na Kòrsou. A konfiská e merkansianan pa mas investigashon.

Despues di e detenshon, polis a tene entrada hudisial na kas di e sospechoso. A presentá e hòmber detené dilanti di un fiskal ouksiliar ku a ordená su enkarselamentu pendiente di mas investigashon.

11/09/2026

Den oranan di mèrdia, unidat di Brantwer Rio Canario i tambe Steenrijk a bai ku urgensia na Nort Sapaté pa kas i outo na kandela. Na yegada di ámbos unidat a enkontrá ku un kas no habita i tambe un vehíkulo den serkania na kandela. Mesora unidat nan a paga e kandela aki.

11/09/2026

📌 KOMUNIKADO KPC:

Fecha: 11 sèptèmber 2026

Tópiko: Oumento di ladronisia di skuter

E tim ku ta enkargá ku investigashon tokante di ladronisia di vehíkulo a tuma nota ku resientemente tin un oumento di ladronisia di skuter. Esaki ta un di e vehíkulonan mas preferí bou di prinsipalmente hóbennan i personanan estranhero. Polis ke hasi un apelashon riba tur siudadano ku ta disponé di un skuter, pa mas tantu ku ta posibel, pa tuma medidanan di prekoushon, pa evitá ku bo skuter ta wòrdu hòrtá.

E mesun yamada ta bai tambe pa kompanianan ku ta hür skuter.
No pone e skuter unda ku ta, den skuridat, na sitionan alehá i si por pone un bon lòk riba dje i un sistema di “GPS”. Kuerpo Polisial ta sigui komabtí krímen riba nos isla ku tur forsa, pero e mester di abo pa yuda hasi trabou di e malechor mas difísil òf imposibel.

Adres

Kaya Simon Pieters Kwiers
Willemstad

Telefoon

+59996661045

Website

http://www.active.fm/

Meldingen

Wees de eerste die het weet en laat ons u een e-mail sturen wanneer Active Curacao nieuws en promoties plaatst. Uw e-mailadres wordt niet voor andere doeleinden gebruikt en u kunt zich op elk gewenst moment afmelden.