21/07/2026
TIARAH TA LANSA UN KANTIKA DI HASIMENT'I AÑA
KU LO BIRA FAVORITO PA KADA SELEBRASHON
Willemstad – Un vibe nobo i alegre a yega! Tiarah, un hóben talentoso di 14 aña, a lansa un kantika di hasiment'i aña yen di energia, amor i puru alegria.
E no ta un simpel “Happy Birthday Song”. Esaki ta un selebrashon di bida mes.
Ku un estilo ranchera dushi i pegahoso, e kantika ta invitá tur hende — grandi i chiki — pa kanta huntu, hari, baila i disfrutá kada momento di nan aña. E melodia ta fásil pa sigui, e energia ta kontagioso, i si bo tend’é un biaha, e chèns ta grandi ku lo bo kant’é tur aña atrobe!
E vidioklep tin mes vibe. E ta alegre, kolorido, un tiki chistoso tambe i yen di personalidat.
Den fondo por tende bosnan di Prince-Gerald, Tiarah i Cathleen Giterson, loke ta duna e kantika un t**e kaluroso i familiar — manera un fiesta di bèrdat.
Ku e lansamemntu akí, Tiarah ta mustra atrobe ku e no ta solamente talentoso, pero tambe ta kresiendo rápido komo un artista ku por yega leu. Mas importante ainda, e kantika tin un mensahe simpel pero poderoso: Disfrutá di bida, selebrá bo momentonan i laga kada aña konta.
Un kantika alegre, un vibe positivo i un momento pa uni tur hende.
Diferente radioemisora ya tin e piesa akí den nan kolekshon. Kemen pueblo sinti bo liber di yama ki ora ku un ser kerí hasi aña i pidi pa bo skucha, i asina disfrutá di un hoya di un kansion ku dushi letra, melodia i ambiente.
Pa por skucha e bunita piesa akí, por subi Tiarah su propio kanal di youtube Tiarah (Voice of Emotion), . Lenk: https://youtu.be/rElolBGnGnk. Tambe kòrda SUBSCRIBE, LIKE i SHARE, tur loke Tiarah a i lo bai publiká ku regularidat aki riba. Kompositor di e kansion Bria, awe ta bo dia! ta Cathleen Giterson. Areglo i grabashon tabata na enkargo di The Music Zone.
Pa mas informashon relashoná ku e produkshon nobo akí por manda un app na 59996688078 òf manda un mail na [email protected].
