Vesna Books / Выдавецтва Вясна

11/09/2025

А ўжо і ў шортлісьце!
Посьпехаў, дарагія нашы аўтары!

28/08/2025

Кніга ўжо актыўна чытаецца, ура!
Калі хто ўжо таксама прачытаў - падзяліцеся ўражаньнямі, нам гэта страшна важна!

25/08/2025

Ура! Дзьве нашы кнігі - у лонглісьце Гедройця.
Пажадаем ім посьпеху!

22/08/2025

Гэты ананімны камэнтатар у НН, прачытаўшы (калі ён наагул умее чытаць па-беларуску), быў бы вельмі расчараваны :)

Прачытайце кнігі самі, і зразумееце чаму!

*****

Valadzimir 21.08.2025
Чарговыя фантастычныя ліетувскія байкі пра іхную міфічную "балцкую" "Літву".

У выдавецтве Vesna Books выйшлі дзве (з чатырох) першыя кнігі гістарычнага рамана Silva Rerum Крысціны Сабаляўскайце (Kristina Sabaliauskaitė) у перакладзе Сяргея Шупы

21/08/2025

Нашу навінку самыя ўважлівыя сьмі ўжо заўважылі!

У праскім выдавецтве Vesna выйшлі першыя дзьве кнігі раману Крысьціны Сабаляўскайце.

20/08/2025

ВЯЛІКАЯ ВІЛЕНСКАЯ САГА ПА-БЕЛАРУСКУ ЎЖО ТУТ!

Нашы самыя ўважлівыя чытачы, мабыць, адчулі, што на двары ўжо жнівень, а ад выдавецтва «Вясна» ні слыху ні ўздыху. Сёньня раскрыецца сакрэт такога доўгага маўчаньня.

Ад пачатку года мы пусьціліся ў вялізны праект, які заняў усе нашыя творчыя і арганізацыйныя сілы — і цяпер мы маем першы яго плён, якім з вамі і дзелімся.

Мы выдалі першыя дзьве кнігі самай значнай падзеі літоўскай літаратуры ХХІ стагодзьдзя — гістарычнага чатырохкніжжа Крысьціны Сабаляўскайце «Silva rerum». Варта згадаць, што кнігі сэрыі налічваюць у Літве ўжо больш за 20 (!) перавыданьняў.

Гэта захапляльная сага шляхецкага роду Нарвойшаў гербу Касьцеша ад сярэдзіны XVII стагодзьдзя праз усё XVIII-е аж да канца існаваньня нашага Вялікага Княства. Дагэтуль яна была перакладзеная на латыскую і польскую мову, але нікому гэтая яскравая і драматычная гісторыя ня будзе так блізкая, як двум народам — літоўцам і беларусам. Падзеі сэрыі адбываюцца як у Вільні, гэтак і ў розных кутках Княства — ад жамойскай вёскі да Нясьвіжу і Слуцку.

Як напісала сяброўка аўтаркі, нобэлеўская ляўрэатка Вольга Такарчук, «Крысціна Сабаляўскайце — адзін з самых моцных і выразных галасоў гістарычнага раману ў Эўропе». І ёй можна верыць.

Так што вашай увазе — захапляльны, поўны інтрыг і прыгодаў, панарамны раман пра нашу гісторыю.

Мы плянуем сэрыю прэзэнтацый у розных краінах і гарадах, але цяпер кнігу ўжо можна купіць і вось дзе:

Silva rerum

https://knihauka.com/silvarerum
https://allegro.pl/oferta/silva-rerum-kristina-sabaliauskaite-17812478478

Silva rerum II

https://knihauka.com/silvarerumII
https://allegro.pl/oferta/silva-rerum-ii-kristina-sabaliauskaite-17812478760

І, вядома, непасрэдна ў нас, пішыце: [email protected]

27/07/2025

Тры нашы кнігі ідуць на Гедройця. Пажадаем посьпеху!

30/12/2024

Разам зь сёстрамі і братамі па зброі трымаем кніжны фронт!

Беларускія выдаўцы за мяжой крыху ачунялі, адаптаваліся — і ўзяліся за справу. Сёлета сваіх чытачоў знайшлі і арыгінальныя беларускія выданні, і перакладныя кнігі...

13/09/2024

Хто ў Вільні — не прайдзіце міма!

Сёння!
У межах Тыдню беларускай культуры Сяргей Дубавец прадставіць свае новыя кнігі: „Стагодзьдзе НН“ і „Занзібар. Сталеньне маладой душы“.

Як кажа аўтар:
„Усё жыцьцё дыскутую з самім сабою, сам сябе абвяргаю, раблю высновы і зноў абвяргаю… На гэтай сізіфавай сьцяжыне застаюцца, аднак, і нязьменныя здабыткі думкі, якія ўрэшце становяцца кнігамі“.

Шчыра запрашаем на цікавую гутарку!

📆 13 верасня
⏰ 18:00
📍 Цэнтр беларускай культуры і супольнасці (Vilniaus, 20)

05/09/2024

Нашы дзьве новыя кніжкі на наступным тыдні іх аўтар прэзэнтуе ў Вільні. Не прайдзіце міма!

У межах Тыдню беларускай культуры Сяргей Дубавец прадставіць свае новыя кнігі: „Стагодзьдзе НН“ і „Занзібар. Сталеньне маладой душы“.

Як кажа аўтар:
„Усё жыцьцё дыскутую з самім сабою, сам сябе абвяргаю, раблю высновы і зноў абвяргаю… На гэтай сізіфавай сьцяжыне застаюцца, аднак, і нязьменныя здабыткі думкі, якія ўрэшце становяцца кнігамі“.

Шчыра запрашаем на цікавую гутарку!

13 верасня
Цэнтр беларускай культуры і супольнасці ў Вільні

21/08/2024

Нашы Зэлмэняне ўжо на амэрыканскай Літарцы! Налятайце!

📢 Навінка на Літарцы.

Пераклад зь ідышу Сяргея Шупы
«Зэльмэняне» Мойшэ Кульбака.
Перавыданьне кнігі на беларускай мове без цэнзуры.

"Зэлмэняне" клясыка літаратуры на ідышы, адзін з найзначнейшых раманаў, напісаных у Беларусі ў 1930-х гадах. Кніга апісвае штодзённыя клопаты вялікай яўрэйскай сям’і ў Менску.

Па словах Сяргея Будкіна: "Кніга, якую мусіць прачытаць кожны беларус"

Заказ па спасылцы ⬇️
https://litarka.com/Zelmenyane-p689581198

20/08/2024

ГІСТОРЫЯ ЖЫЦЬЦЯ ЯК ЯНО БЫЛО (І ЁСЬЦЬ)

Павіншуем аўтараў, сябе і будучых чытачоў з нашай дваццаць пятай кнігай (дзеля яе складанасьці і працаёмкасьці яна прапусьціла наперад пару кніг, пачатых і скончаных пазьней).

Другі том калектыўнай манаграфіі ахапляе самы шалёны і галавакружны пэрыяд беларускай гісторыі — узьлёт і падзеньне імпэрыі, вялікая вайна, адна, другая, трэцяя акупацыі, крывавы падзел краю напалам... Як жылося людзям? Што куплялі, елі, пілі, у што апраналіся, чым забаўляліся — у гэтай вялікай навуковай працы расказваецца пра гэта вось усё.

Зноў, як і ў першым томе — вялікі дзякуй дарагім і любімым мэцэнатам — Фундацыі Крачэўскага і Фонду Орса-Рамана!

Кніга даступная пакуль што толькі напрасткі праз кантакт з выдавецтвам ([email protected]), але неўзабаве — на нашых звычайных жывых і інтэрнэтных пляцоўках. Уся інфармацыя, як заўсёды, будзе на vesnabooks.eu.