18/01/2026
ЗАВІРУХА МЯЛА, ЗАВІРУХА...
Людзі пытаюцца — няўжо за два дні ў Кнігаўцы раскупілі ўвесь тыраж? Дык і раскупілі...
Проста мы рыхтавалі вялікую партыю для перасылкі тыдзень таму — а Прагу раптам замяло, і перавозьнік сказаў, што не рызыкне прыехаць па груз. І таму ты паслалі пару сьціплых пакункаў, якія сапраўды разьмялі за два дні.
Затое цяпер у Празе сонейка, сьнег некуды зьнік, і заўтра мы ўсё прыгожа запакуем, і за пару дзён кнігі будуць у Варшаве. (Дарэчы, і ня толькі ў Варшаве.)
Карацей, усё будзе добра :)
Уся тэтралогія «Silva Rerum» на нашых паліцах!
Адно з самых частых пытанняў, якое мы атрымлівалі ад вас у новым годзе: «Калі з'явіцца працяг Silva Rerum?»
Адказваем: «Ужо!»
Усе чатыры кнігі вялікай віленскай сагі ў продажы на knihauka.com і ў варшаўскай Кнігаўцы.
«Silva rerum III» працягвае сагу пра род Нарвойшаў — чытач пераносіцца ў сярэдзіну XVIII стагоддзя, дэкадэнцкую эпоху ракако, якую часта называюць «сутоннем перад эпохай Асветніцтва». Пётр Антоні Нарвойш, аконам і давераная асоба магутных Радзівілаў, становіцца сведкам іх сямейнай драмы.
«Silva rerum IV» завяршае вялікую віленскую сагу роду Нарвoйшаў. Падзеі адбываюцца ў канцы XVIII ст. — гэта час палітычных, эканамічных і культурных узрушэнняў, пераломны момант эпох, калі Вялікае Княства Літоўскае перажывае палітычны заняпад і адначасова прарыў прагрэсіўных ідэй.
Цыкл гістарычных раманаў «Silva rerum» доктара мастацтвазнаўства Крысціны Сабаляўскайце — адна з самых значных падзеяў у літоўскай літаратуры апошніх дзесяцігоддзяў, якая атрымала ўвагу і прызнанне ў Літве і за мяжой.
Пераклад — Сяргей Шупа.
Спасылка на пакупку ў каментарыях.
