SAWDA PRSS

01/09/2025

10/08/2025

پاراستن و مانەوە و بەهێزبوونی قەوارەی هەرێمی کوردستان ئەرکی نەک هێزەسیاسەکانە بەڵکو ئەرکی تاک بەتاکی هەر کوردێکە لەهەرکوێی جیهاندا هەبێ .
ئێمە وەک پ.د.د هاوراو و هاو هەڵوێستین لەگەل هەرهێزێک هەست بە ئەرکی پارێزگاری لە یەکپارچەیی و سەقامگیری سیاسی و ئابوری و بەهێزی هەرێمی کوردستان بکاتەوە.

ڕێکخەری ئەکتی پەیوەندیەکانی دەرەوەی پ.د.د
Kajal Ahmad pdd
پاریس

07/08/2025

گەر دەسەڵات لە رای جیاواز و شۆڕشی
مەدەنی و دیموکراسی تێنەگەیشت.؟

نابێت ڕێگەبدرێت جوێن و سوکایەتی و تیرۆری فکری تاک و قسەی بێبنەما و نامەنتق جێگەی ڕەخنە بگرێتەوە ئەمە کارەسات دەخوڵقێنێت بۆیە پێویستە کایە ڕۆشنبیری و فیکریەکان بە ڕەخنەگرتن ڕووە ناشرین و کەمووکورتیەکانی دەسەڵات و ئۆپۆزیسوێن و سیاسیەکان بەرەخنەگرتن پیشانی کۆمەڵگا بدەن ئەمە شۆرشی سپی ھاوچەرخ و مەدەنیەتە تا ئەوکاتەی پێویست و زەروریەتی واقعەکەیە .!

ھەربۆیە تا ئەو کاتەى قبووڵ کردنی رەخنە نەبیتە بەشیک لەژیانى سیاسی و روناکبیری و کۆمەلایەتى و کلتورى کۆمەڵگا بۆ پیشاندانی کەموو کورتیەکانی دەسەڵات و ساسیەکان زەحمەتە قسە لەسەر دروستکردنى کۆمەلگایەکى مەدەنى بکەین .

چونکوم ئامانج له‌سیستەمی سیاسی و دیموكراسی ڕێگری‌ گرتنه‌ له‌ جێبه‌جێكردنی سه‌ره‌رۆیی ده‌سه‌ڵات و رێگه‌گرتنیشه‌ له‌ پیرۆزبوونی ده‌سه‌ڵاتێك كه‌ هه‌وڵده‌دات به‌بێ ره‌خنه‌ لەنادادپەروەری و کەموو کورتیەکانی حكومه‌تداری بكات.

کەواتە مرۆڤ لە کایەی سیاسی و روناکبیرت و چینی رۆشنبیران بۆ ئەوەى بتوانى رەخنە بگرى , سەرەتا پیویستى بەزانیاری دروستە وە رەخنە گرتن بەبى زانیارى وەک شەرکردنە لەگەل هیچدا وە هیچ ئامانجێکیش ناپێکێ قسەو کردارەکانیشت بە پوچی و پۆکانەوە لەنێودەچێت.
هەربۆیە تەنها شتى بتوانى مرۆڤ لە گەمژەیى رزگار بکات , رەخنەیە بەس بەشێوەیەکی مەدەنی و هاوچەرخ کە نەبێتە مامەی نوزڕاندن و تیرۆری فکری کەسی .

ڕێکخەری گشتی پ.د.د
یاسین شێخ ساڵح برزنجی

31/07/2025

ڕێساكانی ڕەخنە لەنێوان تیرۆری کەسی و
ناوزڕاندن و ڕاستكردنەوەدا.!

وتاری حەفتانە/بەشی دووەم
لەبەرئەوەی سروشتی مرۆڤانەمان بەدوورمان ناگرێت لە هەڵەكردن و كەموكوڕی بەشێكی سروشتیی مرۆڤە، بۆیە ڕەخنەگرتن پێویستە بۆ پێداچوونەوە و ڕاستكردنەوە و گۆڕین. بۆ ئەوەی ڕەخنەش سوودە چاوەڕوانكراوەكانی بهێنێتەدی، دەبێت بەپێی چەند ڕێسایەکی بابەتی و چەند بنەمایەکی ڕاست بێت.

بۆ ئەوەی پڕۆسەی ڕەخنەگرتن بەرهەمداربێ، دەبێت میتۆدێكی ڕاست و پێوانەگەلی وەها هەبن ئەو چوارچێوەیە دیاریبكەن، كە پڕۆسەی ڕەخنەگرتن لە ناوزڕاندن و زەمكردن و بوختانكردن جیادەكاتەوە. چونكە پێویستە پڕۆسەی ڕەخنەگرتن لەسەر بناغەیەكی مەعریفیانەی قبوڵكراو دامەزرێت. واقیعەكەمان گەلێك كێشە و مەسەلەی خستۆتەڕوو، كە بە ڕەخنە و بژاركردن قسەیان دەربارە دەكرێت. ئەمەش بۆ خۆی چاكە و دیاردەیەكی پۆزەتیڤانەیە، بەڵام لایەنی خراپ ئەوەیە، زۆربەی ئەوانەی كەوتوونەتە ناو گۆڕەپانی ڕەخنەگرتنەوە، تەواو شارەزای ئەو بابەتە نین كە گفتوگۆ دەربارەی دەكرێت و ئاشنای ئەو مەسەلەیە نین كە وادەكات پڕۆسەی ڕەخنەگرتن لە ڕێڕەوی ڕاستەقینەی خۆی دووربكەوێتەوە و بگۆڕێت بۆ دەمەقاڵێ و دوژمنایەتی.

لەكاتێكدا دەبێت لە ساتی چوونە ناو پڕۆسەی ڕەخنە گرتنەوە، زانیاریی تەواومان دەربارەی ئەو بابەتە هەبێت كە دەمانەوێ بیخەینە ژێر میكرۆسكۆبەوە و زانیاریی تەواومان سەبارەت بەو بیرۆكەیە هەبێت كە دەمانەوێ بیخەینە ژێر نەشتەری ڕەخنەگرتنەوە. ئەمەش پێویستی بە كۆششێكی زۆر و شارەزایی هەمەجۆرە، لەوانە توانای تێگەیشتن لەویدیكە، توانای تاوتوێكردنی بیروڕاكان و خوڵقاندنی ئەگەرەكان كە دەشێت ئەم یان ئەو ڕاو هەڵوێست بیگرێتەبەر، ئەمە وێڕای توانای ئاڕاستەكردنی چاكی بیروڕاكانی ئەویدیكە.

یەكێك لەو هەڵانەی لە پڕۆسەی ڕەخنەدا ڕوودەدات ئەوەیە، هەندێك لەبەر خودی ڕەخنە و بە مەبەستی جیاوازبوون لەگەڵ ئەویدیكە و دژایەتیكردنی ڕەخنەدەگرن. ئامانجی ئەمجۆرە ڕەخنەیە زۆربەی جار بەدەستهێنانی ڕاستی نییە و ڕەچاوی شكۆمەندی ناكات، هەق ناداتە نەیارێك، زیاتر مشتومڕی خراپ و زۆربێژیی زاڵە بەسەریدا، بەلای ناوزڕاندن و سوكایەتیپێكردندا دەچێت و تەنیا ڕوودەكاتە ئاشكراكردنی لایەنە نێگەتیڤەكان و خستنەڕووی كەموكوڕییەكان. لەكاتێكدا ڕەخنەگرتنی ڕاست دەبێ ئامانجی دەرخستنی حەقیقەت بێت و ڕووبكاتە پێداچوونەوەو ڕاستكردنەوە.

پۆزەتیڤبوون یەكێكە لە بنەماكانی ڕەخنەگرتنی دروست و مەبەست لێی: سەیركردنی مەسەلەكانە بە چاوی هیوا و خواستەوە. بەو جۆرە ڕەخنە دەبێتە هاندەرێك بۆ سڕینەوەی هەڵەكان و خۆبەدوورگرتن لێیان و ڕاستكردنەوەی ڕێڕەو، چونكە پڕۆسەی ڕەخنەگرتن تێبینیكردنی مرۆڤە(بەتاك و كۆمەڵ) لە بازنە جۆربەجۆرەكاندا و بژاركردن دەستكەوت و قازانجەكانە. بۆ ئەوەی ڕەخنەش پۆزەتیڤانە بێت، ئەوا دەبێ ڕووبكاتە چەسپاندنی باش و پۆزەتیڤ و جوان و وەلاوەنانی خراپ و نێگەتیڤ و ناشرین.

ئەگەر پۆزەتیڤبوون خەسڵەتێكی ڕەخنەگرتنی ڕاست و دروست بێت، ئەوا پڕۆسەی ڕەخنەگرتن پێویستە بابەتیانەش بێت. واتا زیادەڕۆیانە و فەرامۆشكارانە نەبێ، بەڵكو پابەندی لایەنی دادپەروەری و ویژدان بێت و زیادەڕۆیانە نەبێت لە خواستەكاندا، چونكە ئەوە كۆسپ دەخاتە بەردەم ڕێڕەوەكەی و هێزی لێ دەبڕێت. كەواتە بابەتیبوون مەرجی سوودوەرگرتنە لە پراكتیزەكردنی ڕەخنەگرتن و شادبوونە بە بەرهەمەكانی. لێرەشدا ئەو بابەتیبوونە لە ڕەخنەگرتن لە بیروڕا و مەسەلە و هەڵوێست و ڕووداوەكاندا پێویستی بە كەسایەتیەكی ڕەخنەگر هەیە كە چەند خەسڵەتێكی تێدابێت، وەك ڕزگاربوون لە بەڵگەنەویست و هەڵوێستە پێشوەختەكان كە كاریگەریان هەیە لەسەر ئەوەی ڕەخنەگر ڕۆڵی خۆی ببینێ و لەكاتی پێویستدا هەق بداتە ئەویدیكە و بەرپرسیارێتی سەرەنجامەكان بگرێتەئەستۆ.

یەكێك لە بنەما میتۆدەییەكانی ڕەخنەگرتنی بنیاتنەرانە، پێویستیی لێك جیاكردنەوەی ڕەخنەگرتن لە بیرۆكە و ڕەخنەگرتن لە كارپێكردنە. چونكە لێك جیاكردنەوەی میتۆدەكانی ڕەخنەگرتن لە بیروڕاكان و میتۆدەكانی ڕەخنەگرتن لە ئەزموون و پراكتیكەكان دەستپێكێكی ڕاستە بۆ بەدەستهێنانی وەڵامە ڕاستگۆ و بابەتییەكان و دۆزینەوەی ئەو هۆیانەی لەپشت تێكشكان یان سەركەوتنەوەن. هەروەها دەبێت ڕەخنەكە ئاڕاستەی كردارەكان بێت نەك كەسەكان، لەبەرئەوەی پڕۆسەی ڕەخنەگرتن دەبێت ئاڕاستەی كردار بكرێت، نەك ببێتە هێرشكردنە سەر كەسەكان و سوكایەتیپێكردنیان و كۆكردنەوەی كەموكوڕییەكانیان بە مەبەستی ناوزڕاندن.
ئەگەرچی ڕەخنە گرنگە و ڕۆڵی مەزنی هەیە لـە چاكسـازیی چاوەڕوانكراودا، بەڵام كۆمەڵێك ئاستەنگ و ڕێگر لەبەردەمی ڕەخنەی ئامانجداری بنیاتنەرانەدایە، گرنگترینیان:

یاسین شێخ ساڵح بەرزنجی
ڕێکخەری گشتی پ.د.د

08/05/2025

31/03/2025

سڵاوی خوای گەورەتان لێبێت هاوڕێ و و دۆست و ئازیزانم 🌹

15/03/2025

ئیسلامی سیاسی ( ئاین ) و دیموکراسی یان
(ئاین و دەوڵەت.) لەفۆرمی حوکومرانیدا .!!

وتاری حەفتانە

ئایا لە ڕۆژهەڵاتی ناوڕاست دەشێت دیموکراسی بەفۆرمێکی نوێ و گونجێنراو بەسیستەمی سیاسی و کەلتو و ئادابە بۆماوەکان بکرێتە رێگەچارەی سەقامگیری ناوچەکە وە دەبێت لەم گۆرانکاریەدا کە ئەگەری سەردەمێکی نوێیە چارەنوسی هێزە ئیسلامییەکان، هاوشێوەی داعش و القاعیدە و تاڵیبانە ئیسلامی سیاسی لە جیهان بەگشتی و لە ڕؤژهەڵاتی ناوراست و هەرێمی کوردستان بەرەو کوێ دەچێت و ئەوان دەتوانن لەگەڵ سیستەمی عیلمانیەت و دیموکراسی هاوچەرخدا خۆیان بگونجێنن ؟

سەرەتا دەبێت بزانین لەم ناوچەیەدا کەپێی دەوترێت ڕۆژهەڵاتی ناوین بونیادێکی سیاسی بۆماوەیی نەرێتی بوونی هەیە کە پێدەچێت لەگەڵ ئەم تەوژمەی گۆڕانکاری کە سەرەتاکەی لە کێشانەوەی هێزی هاوپەیمانان و ئەمریکا لە ئەڤغانستانەوە دەست پێبکات .
گۆڕانکاریەکان و قۆناغەکانی پێدەچێت بە پێچەوانەی تەوژمی گۆڕانکاریەکانی بەهاری عەرەبی بێت ئەمجارە لە باکور و ڕۆژهەڵاتی ئاسیاوە هەڵبکات و سەردەمێکیتر و جۆڕێک لە ژیان و گۆڕانی جیێۆپۆلۆتیکی نوێ بکات بە بەرگی نەتەوە و حوکومڕانەکاندا لە ڕۆژهەڵاتی ناوڕاست کە نەگونجێت لەگەڵ هەمان کەرەستەو عەقڵی سیاسی دینی و کۆمەڵایەتی دەیەکانی پێشتر هەربۆیە چۆن زریان و تەوژمی نوێی گۆڕانکاری بەڕێوەیە دەشبێت ئەوو کەرەستە و بونیاتانە و کەسایەتی و کاریزما سیاسیانەی کەدەشێت لەگەڵ ئەم تەوژمە بکەونە گەمەی سیاسی کەسایەتی و هێز و مەعریفەی سیاسی نوێ وە بەکەرەستەیەک و میتۆدێکیتری سیاسی لەگەڵ تەوژمەکە دەرکەون خۆگونجێن و جیهانبینی نوێیان هەبێت بۆ گۆڕانکاریەکان دەنا هەموو ئەگەرێک و ئاڕاستەیەکیتری پێچەوانە واریدە .

باشە لەم ناوچەیە و بەتایبەت لە ڕۆژهەڵاتی ناوراست حەقیقەتی ئەو دەوڵەتە ئاینییە چیە كە ئیسلامیە تازەگەرەكان و ئوسوڵیە هاوچەرخەكان لە رێگای چەمكی حاكمیەتی ئیلاهی و ویلایەتی فەقیهەوە پێشنیاری دەكەن؟.
ئەم تێزە هێندەی ئەوەی راستی رەوڕەوەی مێژووی ئیسلامی و واقیعیەتی گردبونەوەی سیاسی ئەو سەردەمە بخاتە روو، لەسەر وەهم یاخود جەهل بنیاتنراوە، ، چونكە دەوڵەت بەتایبەتی لەدوای كۆتایهاتنی سەردەمی راشیدینیەكان كە دەسەڵاتیان لە رەمزییەت و سیاسەتدا گردكردبووەوە، هەرگیز دەوڵەتێكی ئاینی نەبووە.

هەرگزیش ناتوانرێت دەوڵەتێكی ئاینی دروستبكرێت، چونكە دەوڵەت بە سروشتی خۆی دونیایی، زەمانی و سیاسییە، ئامانجی مومارەسەكردنی دەسەڵات و ئیدارەدانی بەرژەوەندییەكانە یاخود دیاریكردنی چارەنوسەكانە لەسەر ئەم زەوییە، چونكە ژیان لێرەدا ئامانجە، بەڵام لە ئایندا ژیان تەنها وەسیلەیەكە یاخود ئەزمون یا ناڕەحەتییەكە، بەئامانجی رزگاربونە بۆ گەشتن بە ئەو دونیا.
لەوانەیە هەندێ دەوڵەت پشت بە شەریعەتێكی ئاینی یاخود بەهایەكی ئەخلاقی یاخود بنەمایەكی فەلسەفی ببەستێت و سیاسیەكانیش بۆ ئیدارەدانی كاروبارەكان و بەرژەوەندییەكان ئیلهامی لێوەربگرن. ئەمە حاڵی دەوڵەتەكان بووە، بەكۆن وتازەكانیشەوە، لەو دروشمانەی كە بەكاریانهێناوە وەك یەكسانی، یا دادگەری، یا پێشكەوتن، یا ئازادی یاخود ئیشتراكی ..بەڵام هەرگیز لەسروشتە دونیاییەكەی نەگۆڕیوە، واتە لەوەی كە دەوڵَەت مومارەسەركردنێكی مرۆڤانەیە، كەوەك هەموو كارەكانی مرۆڤ توشی هەڵە و كەموكورتی دەبێت.

ئەوانەی كە دەسەڵاتیان گرتۆتە دەست لە ئەمیرو سوڵتانەكان، هەرگیز ئیدعای پاكێتی و پیرۆزییان نەكردووە، وەهاش خۆیان پێش كەشنەكردووە كە لەهەموو خەڵك زاناترو باشترن، تەنانەت خودی خەلیفەكانی راشیدینیش وەك دەزانرێت ئەم ئیدعایانەیان نەكردووە.
هەربۆیە دەبینین كە خەلیفەی یەكەم (ئەبوبەكری سدیق) دەسەڵات دەگرێتە دەست بەخەڵكەكە دەڵێت من لەئێوە باشترنیم، هەرچی كەسێك هەڵەیەكی لەمن بینی با راستم بكاتەوە ئەگەر بە شمشیرێش بێت.

بانگەوازكارانی حاكمیەتی ئیلاهی ئەوەیان لەبیردەچێتەوە كە لەسەر ئەم زەوییەدا تەنها حوكمی مرۆڤەكان هەیە، با بەناوی شەریعەتی ئاینیشەوە بێت، چونكە هەرچەندە بابەتەكە تایبەت بێت بە تێگەشتن لەدەقەكان یاخود جێبەجێكردنی ئەحكامەكان، دواجار ئەو كەسەی فەرمانەكە دەردەكات با پیاوی ئاینی یاخود سیاسیش بێت لەكۆتایدا دەكەوێتە ژێر ئیجتیهادو تەقدیری ئەوەوەو هەرگیز ناگاتە پلەی یەقینی رەها. بەم مانایە جۆرێك لە جیاكردنەوە لەنێوان دەسەڵاتی سیاسی و ئاینی بەدرێژایی مێژووی ئیسلامی هەبووە جا چ لەلای سونەكان بێت یاخود شیعەكان.

بەجۆرێك دەسەڵاتداران دەسەڵات مومارەسەدەكەن،و زانایانیش كاریان یاسادانان و چاودێری و ئامۆژگارییە.ئەم جیاكردنەوەی دەسەڵاتەش لەنێوان دەسەڵاتداران و زانایاندا لەبوارەكاندا جۆرێك لە سەقامگیری لەنێوان دەسەڵاتە مادی و رەمزییەكاندا دروستكردووە، كەئەمە ئەو شتەیە بانگەوازخوازانی دەوڵەتی ئاینی رەتی دەكەنەوە.
خودی دەسەڵات جۆرێكە لەسەركوتكردن، هەرچەندە شە رعیش بێت، چونكە ئەگەر هەردوو دەسەڵاتی سیاسی و ئاینی لەیەك دەسەڵاتدا كۆكرایەوە هیچ دەروازەیەك نامێنێت بۆ لێپرسینەوە یاخود رەخنەكردنی ئەو دەسەڵاتە، سەركوتكردنیش رەها دەبێت، وەك ئەوەی لەدەوڵەتە ئۆتۆكراسییەكاندا هەیە كە دەسەڵاتدار خۆی بەنوێنەر یا جێگر یا سێبەری خودا دەزانێت لەسەر زەویدا.

لەدەوڵەتە شمولیەكانیشدا تەنها تاكە سەركردەیەك دەسەڵاتی رەهای هەیە، لەهەردوو حاڵەتەكەشدا دەسەڵاتدار بەئارەزووی خۆی لە مەملەكەتەكەیدا رەفتار دەكات.
هەربۆیە بانگەوازخوازانی حاكمیەتی ئیلاهی هەوڵیاندەدا ئەو سنورانەی ئازادی نەهێڵن كە دەوڵەت لەكۆمەڵگا ئیسلامیەكاندا دەستەبەریكردبوو، بۆ ئەوەی بەجۆرێك مومارەسەی دەسەڵات بكەن وەك
سەردەمی دادگاكانی تەفتیش لەسەردەمەكانی ناوەڕاستدا.
باشترین بەڵگەش لەم سەردەمەدا ئەوەیە كە ئیسلامیەكانی سۆماڵ دەوڵەتەكەی خۆیان ناو ناوە (دادگاكان) و دادگاش دەزگایەكی دەوڵەتە، بەڵام تۆ دەوڵەتەكە ناوبنێیت دادگا، ئەمە مانای ئەوەیە كە ئامانجی دامەزرێنەرەكانی مومارەسەكردنی تۆڵەو تیرۆركردنە.
سەرباری هەموو ئەوانەش گرفتێكی دیكە سەرهەڵدەدات لەو دەوڵەتانەی كە بەمەنتیقی شەریعەت و فەتوا یاخود سیفەتی پیرۆزی و پێویستی رەها دەدەن بەكردارەكانیان و حكومدەكەن، ئەویش ئەوەیە بەچ مەزهەبێك حوكمی ئەو دەوڵەتانە دەكەن كە هەمەجۆرە تائیفە یاخود مەزهەبی تیادایە؟.

وەك ئاشكرایە لەدوای ئەو جیابونەوە مێژووییەی كە لەنێوان موسڵماندا رویدا هیچ جۆرە هەمئاهەنگی و پەیوەندییەك لەنێوانیاندا نەماو هەر تائیفەیەك وەك هەرێمێكی داخراو لەدونیای خۆیدا دەژیا، ئەگەر ئێستا هەر كرانەوەیەكیش بەدیبكەین بەسەر یەكتریدا بەهۆی فەزای تازەگەری و دەزگاكانی وەك خوێندنگاو كۆمپانیاو بازاڕو حزبەیەوە، ئەمە جگە لەدەزگا پەروەردەیی و ئابوری و كۆمەڵایەتی و سیاسی و ئەمنیەكان.

هەرچ كاتێك هەر تائیفەیەك گەڕایەوە بۆ فیقه و یاساكانی خۆی بۆ ئیدارەدانی بەرژەوەندییە گشتیەكان و ژیانی هاوبەش ئەوا كۆمەڵگا مین رێژدەكەن و بنەماكانی دەوڵەت و نیشتیمان لاوازدەكەن، هەروەك چۆن پەیوەندیی نێوان موسڵمانان و ئەوانی دیكەش مین رێژدەكەن.
تەنانەت ئەم نەخۆشیەش گەشتۆتە ناو ئەندامانی یەك تائیفەش، بەجۆرێك هەر حزبی و كۆمەڵەیەك خۆی بەخاوەنی راستی رەها دەزانێـت كە هیچ جۆرە جەدەلێك هەڵناگرێت، هەرئەمەشە وەها دەكات كە دەوڵەتی ئاینی مەحاڵ بێت لە كۆمەڵگایەكی تائیفی دا.
لەجیهانی ئیسلامیدا پیاوانی ئاینی لەگەڵ شەپۆلەكانی تازەگەری فیكریدا هاتونەتە دواوەوە، بەڵام وازیان نەهێناوە لە بوچونەكانیان نەهێناوە، كاتێكیش كە پرۆژە نەتەوەییەكان، و بەرنامە ئیشتراكییەكان ئەوانەی كە هەربەمردوویی لەدایكبون شكستیان هێنا، ئیسلامگەراكان لەسەر گۆڕەپانەكە دەركەوتنەوە، من ناڵێم ئەوان بە عەقڵیەتێكی كۆن یاخود سەلفی یاخود چاكسازی هاتنەوە، بەڵكو بە عەقڵیەتێكی بەبەردبوو بۆ چەسپاندنی چەند نمونەیەكی خراپ دەركەوتنەوە، ئەویش لەرێگای چەند شێوازو ماركەیەكی ئیسلامییەوە، بەتایبەتیش ماركەی تیرۆری خۆكوژییەوە.

لەكۆتاییدا هیچ مەجالێك بۆ دروستبونی دەوڵەتێكی مەدەنی نیە ئەگەر بێتو عەقڵیەتە تاكڕەو شمولییەكان نەگۆڕدرێت، بەجۆرێك كاروبارەكان بەمەنتیقی ئیمانی موقەدەس یاخود عەقائیدی ئایدۆلۆژی بەڕێوەنەچێت، ئەگەر دروشمەكە هەرچییەكیش بێت.بەڵكو پێویستە لەڕێگای دەستاودەستكردنی دەسەڵات و ئیدارەدانێكی عەقڵانی و قانونی دەستكردو هاوبەشێتی بنیاتنانەوە بەڕێوەبچێت.

چونكە پێشینەكان بەوەی داهێنانیانكردوەو دروستیانكردوە گۆڕانكاری و ئاڵۆگۆڕیان كردووە، هەرئەمەش چاوەڕوان دەكرێت لە شوێنكەوتە هاوچەرخەكانیان كە داهێنان بكەن و گۆڕانكاری ئەنجامبدەن، نەك لەڕووە خراپەكەوە بەڵكو لەڕوی ئیجابی و بنیاتنانەوە، دەنا مەگەر بێهودانە بەدوای چارەسەری گرفەتەكاندا بگەڕێین

یاسین شێخ ساڵح بەرزنجی
ڕێکخەری گشتی پ.د.د

17/01/2025

پەیامی ئەمڕۆی سەرۆکی پ.د.د

ئةوەی دوێنێ لە کەرکوک رویدا هەر هەمان روداوە کە بە درێژایی مێژوو رویداوە وە ئەوەی لەم ڕۆژانە لە ژیانی سیاسیماندا دەگوزەرێت .!
هەر ئەوەیە کە بە درێژایی مێژوومان ڕوویداوە بەڵام رەداو و لێکەوتەکان و بەریەککەوتەکانی ئێستا بۆ ئەم سەردەمە فۆرمەکیتری سیاسی وەرگرتوە، هەربۆیە ئێستا ئەوەی ڕێڕەوی مێژوو دەگۆڕێت و رەوشی سیاسی ناچە داگیکراوەکان دەگۆرێت و راستدەکاتەوە تێگەیشتنە لەوو نەتەوەیەی کە سەدان ساڵە ژورد وەک براو و هاودین هاونیشتیمانی خۆی بینیوێتی لە راستیا عەرەب نە برای کوردە و نە هاو شاریمانە و نە هاودینیش ئەوان داگیرکەری کورد و کوردستانن و بەس .
ئێمەی کورد دەبێت لەوە تێبگەین ئەوکات هوشیاریی گشتی و تێگەیشتنە لە راستی روداوەکان و تەنها رێگەش بۆ ئارامکردنەوە و بنیاتنانی شوناسی کوردی یەکریزی و تێگەیشتنێکی نیشتیمانیە لەهەربارودۆخێکابێ و لەهەر جۆرە قەیرانێکدابین نەوەک دابرانی سیاسی و توندوتیژیی دروشمی هەڵەشە و بەرژەوەندخوازی وە ئەوانەی کە دروستکەری ڕاستەقینەی ئەمبارودۆخەن رون و دیارە بۆ ئێمە گەر ورد هەڵوێستی توند و جێگیری نەبێت هیچ کات و زەمەنێک ئەم روداوانە کۆتای پێناهێنێت.

تیمی
مەکتەبی ڕۆژنامەوانی ڕێکخەری گشتی پ.د.د
۱۸ شوبات ی ۲٠۲٥

14/01/2025

سـەرباری هەموو کێشەو و قەیران و کەوتن و هەستانەوەکانتان هەمیشە هەوڵبدەن و بەقوڵی بیر بـکەنەوە بـەرامبـەر بەهەر ماف و ئەرک و نادادپەروەریەک، لە هـەر شوێنێک و کەسێک و نەتەوەیەکی دنیا کراوە و دەکرێت
ئـــەوە جوانترین جۆری مڕۆڤ بوون و شـۆڕشگێڕیـیـە.؟

یاسین شێخ ساڵح
ڕێکخەری گشتی پ.د.د .

03/01/2025

کێشەی کورد کێشەی نەتەوەو و نیشتیمان و کیانی سەربەخۆی ملۆێنان مڕۆڤی کوردە .
گەر هەندێ لەسەرکردایەتی ئێستای کورد هەرچی مەلەفی کوردستانی و مافی نەتەوەی و خاک و سەربەخۆیی و مەلەفی پێشمەرگەو و ناوچەداگیرکراوەکان و دیاری کردنی سنور کێشەی نەوت و غاز و هتد.. هەیە بچوکی کەنەوە لە فۆڕمی مووچەو بوجە ئەوا خیانەتێکی گەورە لە ئێستا و داهاتوی نەوەکانمان و نەتەوە و هەموو قۆناغەکانی شۆڕشی کورد دەکەن .؟

وەئەگەر بەم شێوازە سیاسەت بکەن ئەوا نەک ئێمە بەڵکوو نەوەکانی داهاتوشمان دەبێت 25 ساڵی تر شۆڕش بکەن بۆ بەدەست هێنانی مافەسەرەتاییەکانیان.

ڕێکخەری گشتی پ.د.د
یاسین شێخ ساڵح بەرزنجی

15/12/2024

مووچە سەرەتایترین مافی هاوڵاتی بوونە

لەهیچ شوێنێکی دنیا ئەمەی لە هەرێمی کوردستان رودەدات بونی نیەوە دەمێکە ئەمجۆرە ئیدارە و بەناو حوکمەتانە بوونەتە مێژوو لە دیرۆکەی گەلەکەیاندا

هەردەسەڵاتێک بێباک بێت لەبەرامبەر ژیان و بژێوی گەلەکەی دەبێت دڵنیابێت لە بەسەرچونی عەقڵی بەرێوەبردنی وڵات چونکوم حوکمەت دامەزراوەیەکی ئیداری و سیاسی بۆ بەرێوە بردنی وڵات ڕێکخستنی ژیانی هاوڵاتی نەوەک گرفت دروست کردن لەبەردەم ژیان و بژێوی خەلکدا

کورد گەر دەزانێ مافە دەستوری یاسایەکانی بەدەست ناخات لە بغداد ئەوا باشترین بڕیار دروستکردنی کارتی فشار و کشانەوەیانە لە سیستەمی سیاسی عێڕاقی فیدراڵ.
بۆ ئەوەی کاریگەری کورد پیشانی بدات وەک نارازیبونێک لەم دۆخە ناسەقامگیریە سەبارەت بە بژێوی و مووچەی فەرمانبەران لە عێراق بەرامبەر بەمافە دەستوری و یاسایەکانی هاوڵاتی هەرێمی کوردستان دەکرێت.،"

ڕێکخەری گشتی پ.د.د
یاسین شێخ ساڵح بەرزنجی