04/06/2026
BUUHOODLE: Wasiirka Amniga Dowladda Waqooyi Bari Mudane Cabdirisaaq Faarax warsame, ayaa maanta gaadiid ku wareejiyey Taliyaha Ciidanka Booliska Waqooyi Bari, Gaashaanle Sare Siciid Xasan Faarax. Gaadiidkan ayaa qayb ka ah dadaallada ay dowladdu ku xoojinayso hawlaha sugidda amniga, ka hortagga dambiyada iyo kor u qaadista adeegyada booliska ee bulshada Gobolka Togdheer.
Munaasabadda wareejinta gaadiidkan waxaa ka qayb galay xildhibaannada Baarlamaanka ee gobolka Togdheer ku matala golaha, masuuliyiinta maamulka gobolka iyo degmada Buuhoodle, cuqaasha, waxgaradka, haweenka iyo qaybaha kala duwan ee bulshada.