20/01/2021
⚠️⚠️⚠️20 Yanvar 1990, Tagesschau hadisələrlə bağlı "christliche armenien", "muslimische Aserbaidschan", "70 Millionen exstrimistische Muslimen" kimi ifadələr işlədir. Bizdə Vətən müharibəsi zamanı Alman mediasının bu mövqeyinə təəccüblənmişdik, səndemə köhnə peşələri imiş.
O günlərdə baş verənləri Kölndə yaşayan Azərbaycanlı yazar Orhan Araz, Alman Azərbaycan Mədəniyyət evi üçün yazır❗❗❗
QANLI 20 YANVAR QIRĞINI XALQIMIZIN XATİRƏSİNDƏN SİLİNMƏYƏCƏK!
20 Yanvar xalqımızın tarixində həm qara gün, həm də müstəqillik yolundakı şərəf zirvəsi kimi xatırlanacaqdır. Məşhur Amerika jurnalı Newsweek, 1989-cu ildən bəri Qarabağdakı erməni işğalına etiraz edən xalqımızı 1989-cu ilin dekabr sayında ilin xalqı kimi salamladı.
Bütün dünyanın qorxduğu Sovet imperiyasına qarşı ilk azadlıq mübarizəsini verən Azərbaycan xalqı hər kəsin rəğbətini qazandı. Bu qəhrəmanlıq və azadlıq sevgisi yalnız tanklar və amansız silahlarla susdurula bilərdi. 19 yanvar gecəsi Azərbaycanın ürəyi sayılan Bakı şəhərinə daxil olan qara ürəkli adamlar yüzlərlə mülki şəxsləri qırdılar bütün dünyaya əsl üzlərini göstərdilər.
Təəssüf ki, 1990-cı il yanvarın 21-də və 22-də Avropa mətbuatı ermənilər tərəfindən verilən məlumatlarla doluydu. 21 yanvar 1990-cı il, səhər saat 08-də Avropa televiziyaları qısa filmlər göstərməyə və Bakıdan xəbərlər verməyə başladılar:
"Sovet ordusu təhlükədə olan Emeniləri qorumaq üçün Bakıdadır ..."
"Bakıda70-dən çox radikal millətçi öldürüldü."
“Moskva Bakıdakı radikal qrupları susdurmaq üçün Bakıya qoşun göndərdi. Azərbaycanlılar partizan müharibəsi elan etdilər. Azərbaycanda müstəqillik istəyən qruplar dini qardaşları İranla birləşmək istəyirlər."
Der Spiegel jurnalı da aşağıdakı başlıqlarla şap olunmuşdu:
"Moskvadan Bakıya şillə."
Bu birtərəfli xəbərdən sonra Avropaya Türkiyədən köç edən Azərbaycan türkləri Avropa mətbuatına reaksiya göstərməyə başladılar. Televiziya və qəzetlərə məktublar yazıldı. Buna baxmayaraq, birtərəfli nəşrlər davam etdi.
Ürəkləri Azərbaycana məhəbbətlə dolu olan insanlar Bakıdakı qırğına biganə qala bilmədilər və Köln, Berlin, Brüssel və Parisdəki küçələrə axışdılar, mitinqlər keçirdilər və qardaşlarının səsini dünyaya eşitdirdilər.
20 Yanvarda təslim olmayan xalqımız qısa müddətdə ayağa qalxdı və müstəqil dövlət olaraq dünya dövlətləri arasında yerini şərəflə aldı.
Qanlı 20 Yanvar yeni nəsillər tərəfindən heç vaxt unudulmayacaqdır.
Dr. Orhan Aras
Köln /Almanya
20. Januar 1990